Сүүлийн гурван жилд The MongolZ баг үнэхээр гайхамшигтай өөрчлөлт хийж, дэлхийн CS2 тайзанд эрс хүчтэйгээр гарч ирлээ. 3.5 сая хүн амтай улс дэлхийн хамгийн өндөр түвшинд хөгжсөн и-спортын төрөлд бүс нутгийнхаа аварга багуудыг богино хугацаанд давж гарна гэж хэн санах билээ? Энэ амжилтын эхлэл 2013 оноос үүдэлтэй. Тэр жил “oroitsonboroo” гэх нэрээр тоглодог Л.Түвшинбилэг Монголын шилдэг тоглогчдыг нэгтгэсэн и-спортын баг байгуулах зорилготойгоор The MongolZ-ийг үндэслэжээ. Тухайн үед Монголд хамгийн түгээмэл байсан тоглоом нь Dota 2 байсан тул багийн анхны бүрэлдэхүүн уг тоглоомыг тойрон бүрдсэн. Харин хоёр жилийн дараа Улаанбаатар хотын интернет кафенүүдийн өсвөрийн хүүхдүүдийн дунд Counter-Strike асар их алдартай болсонтой зэрэгцэн The MongolZ CS багийг байгуулж, анхны бүрэлдэхүүнд "Machinegun" буюу Л.Энхтайван, "Zilkenberg" буюу Б.Тэмүүлэн, тухайн үеийн тоглогч, өнөөгийн дасгалжуулагч "maaRaa" буюу Б.Эрдэнэдалай нар багтжээ. 2016 онд IEM Taipei болон ASUS ROG Masters зэрэг тэмцээнүүдэд түрүүлсэн ч дотоодын дэмжлэг, санхүүжилт, визний бэрхшээлээс болж дэлхийн топ багуудын дунд тогтмол байр суурь эзэлж чадалгүй, 2022 оны төгсгөлд бүрэлдэхүүн бүрэн тарж, баг бараг оршин тогтнохоо больсон юм.
Гэвч 2023 онд Монголын и-спорт шинэ үеийнхний ачаар дахин сэргэж, The MongolZ шинээр оршин тогтнох болов. Тухайн үеийн хамгийн хүчтэй бүрэлдэхүүнүүдийн нэг болох IHC Esports-ын таван тоглогч болох "bLitz" буюу Б.Гарьдмагнай, "Techno4K" буюу М.Содбаяр, "Bart4k" буюу Б.Баатархүү, "Annihilation" буюу Н.Түвшинтөгс болон "hasteka" гэх нэрээр тоглодог Б.Чингүүн нар BLAST Paris Major 2023-ын Азийн шигшээд шалгарсны дараа илүү их амжилтанд хүрэхийн тулд бүрэлдэхүүнээрээ багийн нэрээ сольж, 2023 оны 4-р сарын 3-нд The MongolZ нэрийг албан ёсоор авсан.
1xBet брэнд өмнөх багийг нь ивээн тэтгэж байсан тул шинэ төслөө дэмжиж, Европт шилдэг багуудтай хамт бэлтгэл хийх боломжийг олгосон нь дахин сэргэх гол түлхэц болов. Үүний дараагаар баг Парисын Major-д оролцож үнэтэй туршлага хуримтлуулсан ч 2023 оны дундаас бүрэлдэхүүн шинэчлэгдэж эхэлжээ. Bart4k болон Annihilation нарын оронд 15 настай авьяастан "mzinho" буюу Б,Аюуш, мөн залуу AWPer “910” буюу Б.Өсөхбаяр нар багт нэгдсэн бол улирлын сүүлд 17 настай “Senzu” буюу М.Азбаяр багт нэгдсэнээр бүрэлдэхүүн улам залуужсан. Сонирхолтой нь, эдгээр тоглогчдын олон нь багаасаа нэгнээ мэддэг, зарим нь бүр Монголын хүүхдийн шатрын тэмцээн дээр өрсөлдөж явсан хүмүүс байлаа. 2023 оны сүүлч гэхэд баг дэлхийн чансааны 20-р байр орчимд тогтвортой байр суурьтай болж, дэлхийн тайзанд жинхэнэ өсөлт эхэлсэн юм.
2024 он The MongolZ багт тэсрэлттэй жил болж, Valve өөрийн VRS (Valve Global Ranking)-ийг нэвтрүүлэхэд баг 25-р байрнаас эхэлсэн ч богино хугацаанд огцом ахив. eXTREMESLAND 2023, MESA Nomadic Masters Spring 2024, YaLLa Compass 2024, Thunderpick World Championship 2024 зэрэг олон улсын хэд хэдэн тэмцээнд түрүүлж, хоёр Major-т оролцсон нь Монголын и-спортын түүхэнд анх удаа тохиолдсон дээд амжилтуудын нэг байлаа.
Шанхайн Major-т 5-р байр эзэлсэн нь тэднийг дэлхийн тавцанд дахин нотолж, 2024 оны турш олсон нийт шагналын сан $1 сая даван улмаар жилээ HLTV-ийн 7-р, Valve-ын 4-р байраар өндөрлүүлжээ.
Улаанбаатарт The MongolZ-д зориулсан том хэмжээний ханын зураг 1xBet-ийн санаачилгаар бий болсон нь багийн нэр хүнд, үнэ цэнийг Монголд бүр ч өсгөв. 2025 онд баг улам өндийж, улсын хэмжээнд албан ёсоор хүлээн зөвшөөрөгдөж, тоглогчид Үндэсний шигшээ багийн бүрэлдэхүүнд багтлаа.
2025 оны эхний хагаст The MongolZ дэлхийн топ багуудын тоонд баттай багтаж, Austin Major 2025-ын финалд шалгарч, Vitality-тай түүхэн тулаан хийсэн нь Монголчуудыг шөнөжингөө дэлгэцийн өмнө суулгасан юм. Эхний Mirage дээр 13:5-ээр бут ниргэсэн ч дараагийн хоёр мап дээр туршлагатай Франц багт дийлдэн мөнгөн медаль хүртсэн ч энэ амжилт Ази тивийн CS2 түүхэнд урьд өмнө байгаагүй үр дүн байв. Үүний дараа баг дараалан амжилт үзүүлж, Esports World Cup 2025-д түрүүлснээр 2025 оны 9-р сард HLTV болон Valve аль альнийх нь чансааг тэргүүлж, дэлхийн №1 баг болсноор Монголын и-спортын хамгийн том амжилт биелсэн. Ингэснээр The MongolZ баг “Dark Horse”-оос жинхэнэ утгаараа дэлхийн ноёрхогч хүчирхэг багийн байр сууринд хүрч, зөвхөн Монголын төдийгүй Азийн Counter-Strike-ийн түүхийг дахин бичлээ. 1xBet-ийн албан ёсны түнш The MongolZ бүрэлдэхүүн залуу, ирээдүй гэрэлтэй тул тэдний цорын ганц үлдсэн том зорилго нь Major аварга болох олон сая фенүүд энэ мөрөөдөл биелэх мөчийг тэсэн ядан хүлээж байна.
