Үзэгчдийн дунд хамгийн өндөр хүлээлттэй байгаа 2026 онд нээлтээ хийх кинонуудыг онцлон хүргэж байна.

1. Send Help 

Нээлтээ хийх огноо: Нэгдүгээр сарын 30

“The Evil Dead”, “Darkman”, “Army of Darkness” зэрэг аймшгийн, адал явдалт бүтээлүүдээрээ алдартай найруулагч Сэм Раймигийн уг бүтээл ч мөн адил хүлээлт өндөртэй байна. Мөн хайр дурлалын сэдэвт бүтээлүүдээрээ үзэгчдийн сэтгэлд хоногшсон жүжигчин Рэйчел МакАдамс энэхүү бүтээлд өөрийг нь доош нь хийж, гадуурхдаг нэгнийг хөнөөхөөс ч буцахгүй байгаа шийдэмгий эмэгтэйн дүрийг бүтээх юм.

2.Wuthering Heights

Нээлтээ хийх огноо: Хоёрдугаар сарын 13

Английн нэрт зохиолч Эмили Бронтегийн 1847 онд туурвисан сонгодог романаас сэдэвлэн бүтээгдсэн энэхүү бүтээл 179 жилийн дараа кино дэлгэцнээ гарах гэж буй. Киноны үйл явдал Английн Йоркширийн манан бүрхсэн тал нутагт өрнөх бөгөөд бага наснаасаа хамт өссөн хоёр найз том болохын хэрээр нэгэндээ татагдаж буйг харуулах романтик кино юм.

3.Scream 7

Нээлтээ хийх огноо: Хоёрдугаар сарын 27

“Scream” цуврал долоо дахь ангиа үзэгчдийн хүртээл болгоход бэлэн болжээ. Анхны анги нь 1996 олны хүртээл болж байсан бөгөөд тухайн үедээ аймшгийн киноны шинэ өнгө төрхийг тодорхойлж байв. Уг цувралын анхны ангийн зохиолч Кевин Уильямсон энэ удаад албан ёсоор “Scream 7”-ийн найруулагчаар ажиллаж буйгаараа онцлогтой.

4.Hoppers

Нээлтээ хийх огноо: Гуравдугаар сарын 06

Анхны анимэйшнаа нийтэд танилцуулснаас хойш гурван арваныг элээгээд буй Pixar кино компанийн цоо шинэ анимэйшн гуравдугаар сарын эхээр нээлтээ хийхээр товлогджээ. 

5.Project Hail Mary

Нээлтээ хийх огноо: Гуравдугаар сарын 20

Уг кинонд багш мэргэжилтэй ч, шинжлэх ухааны мэдлэгээр арвин Райланд Грэйс нарны гэрлийг мөхөөж буй нянгийн эсрэг шийдэл олохоор сансар луу илгээгдэж буй үйл явдал өрнөх юм.

6.Michael 

Нээлтээ хийх огноо: Дөрөвдүгээр сарын 24

Энэхүү кинонд “Попын хаан” Майкл Жексон гэхээс илүүтэй Майкл Жексон гэж хэн байсан, хүүхэд насандаа ямар хүн байж, хэрхэн нэр алдарт хүрсэн талаар өгүүлэх юм.

7.Star Wars: The Mandalorian and Grogu

Нээлтээ хийх огноо: Тавдугаар сарын 22

Шагналын төлөө анчин байсан Мандалориан Дин Джарин болон түүний шавь Грогу нар Оддын дайны шинэ сэтгэл хөдөлгөм адал явдалд гарна.

8.Toy Story 5 

Нээлтээ хийх огноо: Зургаадугаар сарын 19

Уг бүтээлийн трейлэр нь цацагдсанаас хойш бүхий л насны үзэгчдийн дунд 2026 оны заавал үзэх киноны нэгд тооцогдох болсон гэхэд хилсдэхгүй. Toy Story-гийн анхны анги цацагдсаны 30 жилийн ой нь энэ онд тохиож байгаа бөгөөд цувралын шинэ ангид “Lily Pad” нэртэй ухаалаг таблет эсрэг талын дүрээр нэмэгдэх юм. Тоглоомууд түүнтэй хэрхэн тэмцэх бол?

9.Moana

Нээлтээ хийх огноо: Долоодугаар сарын 10

Disney-ийн бас нэгэн live-action энэ онд нээлтээ хийхээр товлогджээ. Моана охины дүрд Австралийн жүжигчин Кэтрин Лага’ая тоглож байгаа бөгөөд энэ түүний гол дүр бүтээж буй анхны кино аж. Харин Мауигийн дүрд анимэйшн дээр нь дуу оруулсан, холливудын нэрт жүжигчин Дуэйн Жонсон тоглож байгаа юм. Moana-ийн хувьд өмнөх live-action бүтээлүүдээс ялгарч, үзэгчдийн хүлээлтээс давж чадах болов уу?

10.Spider-Man: Brand New Day

Нээлтээ хийх огноо: Долоодугаар сарын 31

XXI зуунд нээлтээ хийсэн шилдэг киноны нэгд зүй ёсоор багтдаг “Spider-Man” цувралын дөрөв дөх анги нээлтээ хийхэд бэлэн болжээ. Өмнөх ангиудад киногоо зөвхөн студид, тайзан дээр CGI технологи ашиглан бүтээж байсан бол энэ удаа бодит орчин, байршлуудад зураг авалтаа хийж буй гэдгээрээ онцлогтой. Цувралын шинэ ангид авга эгчээ алдаж, хайртай бүсгүй, найз гээд дэлхий дээрх бүх хүн түүнийг мартсанаас хойших Хүн аалзын түүхийг өгүүлнэ.

11.Avengers: Doomsday 

Нээлтээ хийх огноо: Арванхоёрдугаар сарын 18

Супер баатруудын түүхийг шимтэн үзэх дуртай хэн бүхэн үүнийг хүлээж буй. Учир нь “Avengers: Doomsday”-ийн энэ ангид Wakanda-гийн дайчид, Fantastic Four, New Avengers болон “анхны” X-Men баг хамтран Доктор Думын эсрэг тулалдаж буйг өгүүлэх юм. Онцолж сонирхуулахад, Роберт Дауни Жуниор жүжигчин энэ удаа эргэн ирнэ. Гэхдээ төмөр хүний дүрээр бус Доктор Дум гэх эсрэг талын дүрээр үнэнч үзэгчидтэйгээ уулзахаар болжээ.

12.Dune: Messiah

Нээлтээ хийх огноо: Арванхоёрдугаар сарын 18

Оны сүүлийн сард нээлтээ хийхээр төлөвлөж буй энэхүү бүтээлийг 1969 оны Фрэнк Херберт зохиолчийн “Dune Messiah” романаас сэдэвлэн бүтээжээ. Цувралын үндсэн жүжигчдээс гадна Роберт Паттинсон, Айда Брук, Накоа-Чоно Момоа гэх шинэ дүрүүд нэмэгдэж байгаа аж. Үйл явдалд Паул Атрейдесийн хаан ширээнд гарсны дараах түүхийг өгүүлнэ.