БАРИМТ 1
НҮБ-ын Ерөнхий ассамблейн чуулганы 2003 оны А/57/129 дүгээр тогтоолоор жил бүрийн тавдугаар сарын 29-нийг өдрийг Олон улсын Энхийг сахиулагчдын өдөр болгон зарласан түүхтэй.
БАРИМТ 2
Манай улсад 2012 оноос Засгийн газрын 140 дүгээр тогтоолын дагуу энэхүү өдрийг тэмдэглэн өнгөрүүлж байна.
БАРИМТ 3
Монгол Улс 2002 онд цэргийн ажиглагч анхны хоёр офицероо Бүгд Найрамдах Ардчилсан Конго Улсад Энхийг дэмжих ажиллагаанд илгээж байв.
БАРИМТ 4
Үүнээс төрийн цэргийн болон хууль сахиулах байгууллагуудын алба хаагчид хүн төрөлхтний энх тайван, аюулгүй байдлын төлөө үйлсэд оролцож байгаа юм.
БАРИМТ 5
Харин Онцгой байдлын байгууллагын алба хаагчид 2012 оноос хойш даян дэлхийн энх тайвны төлөө дэлхийн орнуудын дайчин эрстэй мөр зэрэгцэн энхийг сахиулах үүргийг гүйцэтгэж, өнөөдрийг хүртэл 290 орчим алба хаагч цэнхэр дуулгатнуудын эгнээнд элсэн орсон.
БАРИМТ 6
НҮБ-ын энхийг сахиулагчдыг дэлхий нийт “Цэнхэр дуулгатнууд” гэж нэрлэдэг.
БАРИМТ 7
1948 оноос хойш НҮБ-ын энхийг сахиулах ажиллагаанд 2 сая гаруй хүн оролцсон байна.
БАРИМТ 8
НҮБ жил бүр амиа алдсан энхийг сахиулагчдад “Dag Hammarskjöld Medal” хэмээх хүндэт медалийг нөхөн олгодог.
БАРИМТ 9
1948 оноос хойш 4000 гаруй энхийг сахиулагч үүргээ гүйцэтгэх явцдаа амь насаа алдсан байна.
БАРИМТ 10
2025 оны байдлаар НҮБ-ын энхийг сахиулах ажиллагаанд дэлхийн 120 гаруй орны 70,000 гаруй цэргийн алба хаагч, цагдаа, иргэний мэргэжилтэн ажиллаж байна.
БАРИМТ 11
Салхи, нарны эрчим хүч нь хамгийн хурдтай өсөж буй эх үүсвэрүүд юм. Нарны эрчим хүч сүүлийн 10 жилд хамгийн хурдтай өссөн эх үүсвэрүүдийн нэг болсон.
БАРИМТ 12
НҮБ одоогоор Африк, Ойрхи Дорнод, Европын бүсэд 11 идэвхтэй энхийг сахиулах ажиллагаа явуулж байна.
БАРИМТ 13
Эмэгтэй энхийг сахиулагчид орон нутгийн эмэгтэйчүүд, хүүхдүүдтэй илүү ойр ажиллах боломжтой тул хүчирхийллийн талаарх мэдээлэл илүү сайн цуглардаг гэж үздэг байна.
БАРИМТ 14
Канадын Гадаад хэргийн сайд асан Лестер B. Персон НҮБ-ын энхийг сахиулах системийг хөгжүүлэх санаачилгаараа Нобелийн энх тайвны шагнал хүртэж байсан.
БАРИМТ 15
НҮБ-ын энхийг сахиулагчид цэнхэр малгай, цэнхэр дуулгаараа дэлхийд танигдсан.
БАРИМТ 16
Энхийг сахиулагчдын цэнхэр өнгө нь “энх тайван, төвийг сахих байр суурь”-ыг илэрхийлдэг.
БАРИМТ 17
Онцгой байдлын байгууллагын анхны эмэгтэй энхийг сахиулагч ОБЕГ-ын харьяа Давтан сургалт, сэргээн заслын төв-113 дугаар ангийн их эмч, хошууч Э.Өлзийжаргал нь 2014-2015 онд НҮБ-ын БНӨСУ-д явагдсан UNIMISS ажиллагааны Мотобуудлагын IV батальоны Байлдааны хангалтын ротын Эмнэлгийн бүлэгт дотрын эмчээр үүрэг гүйцэтгэсэн байна.
БАРИМТ 18
1993 онд Сомали улсын ажиллагааны үеэр Пакистаны 26 энхийг сахиулагч нэг өдөр амь үрэгдсэн нь НҮБ-ын түүхэн дэх хамгийн хүнд халдлагуудын нэг гэж тооцогддог.
БАРИМТ 19
Энэ халдлага Могадишу хотын ойролцоо болсон бөгөөд зэвсэгт бүлэглэлүүд НҮБ-ын цэргүүд рүү дайрсан байдаг.
БАРИМТ 20
2017 онд Бүгд Найрамдах Ардчилсан Конго Улсын Семүлики бааз руу босогчид дайрч, Танзанийн 15 энхийг сахиулагч амь үрэгдсэн.
БАРИМТ 21
Энхийг сахиулагчид зөвхөн зэвсэгт мөргөлдөөнөөс гадна халдварт өвчин, өлсгөлөн, хэт халуун уур амьсгалтай нүүр тулдаг.
БАРИМТ 22
Мали улс дахь энхийг сахиулах ажиллагаа НҮБ-ын хамгийн аюултай ажиллагаануудын нэг гэж тооцогддог.
БАРИМТ 23
2014 онд Малид болсон отолтын үеэр Нигер улсын 9 энхийг сахиулагч амиа алдсан.
БАРИМТ 24
Зарим бүсэд энхийг сахиулагчид өдөр бүр хуягт машинаар хөдөлж, агаараас хамгаалалттай явдаг.
