Яруу найрагч, сэтгүүлч Б.ТӨГСЖАРГАЛ зургаа дахь бие даасан бүтээл болох “КОФЕТОЙ ШҮЛГҮҮД” номын нээлтээ энэ өдөр /2026.05.30/ “Интер ном” дэлгүүрт зохион байгууллаа.

Тэрээр ээж Ж.Наранчимэгийнхээ төрсөн өдрийг угтан номын хуримаа хийсэн болохоор энэ өдөр ээж, охин хоёрын баярын өдөр байлаа. Уригдсан зочид бүгд ягаан номтой, ягаахан, дэгжин найрагчийн өнгөлөг, цоглог, олон ажил амжуулдаг дайчин чанарыг бахархаж буйгаа хэлж байв.

Сүхбаатар аймгийн Дарьганга сумын уугуул, яруу найрагч И.Батсүхийн охин Б.Төгсжаргал нь аавынхаа авъяас билэг, мэргэжлийг өвлөн авсан бөгөөд сүүлийн 10 гаруй ЦЕГ болон ДХИС-ийн хэвлэлийн албанд зүтгэж буй мөрдөстэй сэтгүүлч билээ.