Өнөөдөр болох үйл явдлын тоймыг хүргэж байна
08:00 цагт: Үндэсний их баяр наадмын өсвөр үе, балчир насны хүүхдийн үндэсний сурын харваа сурын талбайд эхэлнэ.
08:00 цагт: Үндэсний их баяр наадмын шагайн харвааны өсвөрийн багийн тэмцээн шагайн асарт эхэлнэ.
09:00 цагт: Монгол Улсын Ерөнхийлөгч У.Хүрэлсүх Үндэсний их баяр наадмыг тохиолдуулан салбар бүрдээ амжилт гаргасан хүмүүст төрийн дээд одон медаль гардуулна.
10:00 цагт: Үндэсний их баяр наадмын комиссын Бөхийн салбар хорооноос Төв цэнгэлдэх хүрээлэнд мэдээлэл хийнэ.
10:00 цагт: “Монголын нүүдэлчин ба адуу” олон улсын эрдэм шинжилгээний хурал “Чингис хаан” үндэсний музейд болно.
Үзэсгэлэн:
-Зураач Б.Батжингийн “Цаг хугацааны өнгө” бие даасан үзэсгэлэн “HUE” арт галерейд гарч байна.
-Г.Занабазарын нэрэмжит Дүрслэх урлагийн музейд “Гайхамшигт хүлэг морьд давхих газар” үзэсгэлэн гарч байна.
Орон нутагт:
Дорноговь: Тулгар төрийн 2235, Их Монгол Улс байгуулагдсаны 820, Ардын хувьсгалын 105, Ардчилсан хувьсгалын 36, Дорноговь аймаг байгуулагдсаны 95 жилийн баяр наадмын нээлт өнөөдөр болно.
Өвөрхангай: Хархорум музейд “Хубилай хааны усан флот” сэдэвт гэрэл зургийн тусгай үзэсгэлэнг 8-р сарын 30-ныг хүртэл зохион байгуулна.
Хилийн чанадад:
ОХУ: Москва хотын Кремлийн музейд “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.
Итали: Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.
