Баримт 1
Дэлхийн дээд амжилтын эзэн. Тэрбээр 194 см өндөр, 190 кг жинтэй бөгөөд “World’s Strongest Man-2025” тэмцээнд “Hercu-les Hold” төрөлд 159 кг жинтэй хоёр аварга баганыг 1 минут 22 секундын турш тогтоон барьж, дэлхийн рекордыг шинэчлэн тогтоожээ.
Баримт 2
Түүний хань Ханна. Аварга биет хүчтэний ар талыг авч явдаг насан туршийн хань, халамжит гэргийг нь Ханна Уильямс гэдэг. Түүний гэргий мөн хүндийн өргөлтийн тамирчин юм байна.
Баримт 3
Австралийн хоёр удаагийн “Хамгийн хүчтэй эр”. Эдди нь 2017 болон 2018 онуудад дараалан Австралийн хамгийн хүчтэй хүнээр тодорч байсан мэргэжлийн “Strong- man” тамирчин юм.
Баримт 4
Гурван хүүхдийн бахархалт аав. Эдди бол гурван хүүхдийн аав юм. Тэрбээр Никсон, Ноа гэх хоёр хүү, Исла хэмээх нэг охинтой. Хүүхдүүд нь түүнийг дэлхийн “хамгийн зөөлөн сэтгэлтэй аав” хэмээн дууддаг байна.
Баримт 5
Тэнгэр элч шиг хоолойтой “Хуримын дуучин”. Эдди хүчний спортоор хичээллэхээсээ өмнө 10 жилийн турш хуримын дуучин, жүжигчин хийж байсан уянгалаг хоолойтой, мэргэжлийн дуучин юм.
Баримт 6
АРА ФЕСТИВАЛЬ 2026-ИЙН АЛБАН ЁСНЫ ЭЛЧ. Тэрбээр энэ зуны хамгийн том, хамгийн урт үргэлжлэх “АРА Фестиваль 2026”-ийн албан ёсны элчээр сонгогдсон бөгөөд 7-р сард гэр бүлийнхээ хамт Монголд зусах юм.
Баримт 7
Тусгай хэрэгцээт хүүхдүүдийн туслах. Тэрбээр Австрали улсдаа тусгай хэрэгцээт хүүхдүүдэд туслах, дэмжлэг үзүүлэх зорилготой олон ажлыг санаачлан хийдэг.
Баримт 8
Том биетэй загвар өмсөгч. Түүний ер бусын том, булчинлаг бие галбир загварын ертөнцийнхний хараанд өртөж, хувцасны алдартай брэндүүдийн загвар өмсөгчөөр ажилладаг.
Баримт 9
Түүний Монгол нэр: Томбаяр. Улсын арслан Б.Орхонбаяр Эддиг “Томбаяр” нэрээр дуудах болжээ. “Том” буюу Эддигийн бие бялдрыг, “Баяр” буюу түүний үргэлж инээмсэглэж, эерэг энерги түгээж явдаг зан чанарыг бэлгэдсэн байна.
Баримт 10
Монгол даагатай Эдди. АРА Фестивалийн хамт олны зүгээс Эддид хурдан удмын Монгол даага бэлэглэсэн байна. Эдди туйлын их баярлаж, “Би одоо Монголд өөрийн гэсэн морьтой боллоо” гэжээ.
