Увс аймаг, Ховд сум Ачит багийн “Усан хоол” гэдэг газар /аймгийн төвөөс баруун хойд зүгт 211 км, сумын төвөөс хойд зүгт 31 км-т, Бөхмөрөн сумын төвөөс Зүүн зүгт 36 км, Баян-Өлгий аймгийн Ногооннуур сумын төвөөс Зүүн зүгт 37 км/-т өчигдөр 23:51 цагт 3.6 магнитуд хүчтэй газар хөдлөлт болжээ.

Энэ тухай мэдээллийг мөн өдрийн 23:58 цагт Одон орон геофизикийн хүрээлэнгээс онцгой байдлын албанд цахим шуудангаар ирүүлсэн байна. Улмаар Увс аймгийн Онцгой байдлын газраар дамжуулан Ховд сумын иргэдээс асуумжаар тодруулахад газар хөдлөлтийн чичирхийлэл мэдрэгдээгүй гэжээ.

Эх сурвалж: ОБЕГ