Телевизийн салбарын хамгийн нэр хүндтэй шагналуудын нэг болох 78 дахь удаагийн Emmy Awards Лос-Анжелес хотын "Peacock Theater"-т болж, 2025–2026 оны телевизийн шилдэг бүтээл, уран бүтээлчдийг тодрууллаа. Энэ жилийн гол анхаарлын төвд HBO Max-ийн “The Pitt”, “Hacks”, Apple TV+-ийн “Widow’s Bay”, “Pluribus” зэрэг цуврал байв. Шагнал гардуулах ёслолыг “Law & Order: Special Victims Unit” цувралаар алдартай жүжигчин Мариска Харгитэй хөтөлсөн байна.
“The Pitt” драм энэ жилийн Emmy-д хамгийн олон буюу 25 номинацид нэр дэвшсэн бөгөөд гол дүрийн жүжигчин Ноа Уайли драмын цувралын шилдэг эрэгтэй жүжигчний шагналыг хүртлээ. Ингэснээр Уайли уг дүрээрээ хоёр дахь жилдээ дараалан Emmy хүртэж байна. “The Pitt” цувралын жүжигчид, уран бүтээлчид мөн бусад төрөлд хэд хэдэн шагнал хүртсэн юм.
Харин драмын цувралын шилдэг эмэгтэй жүжигчнээр “Pluribus” киноны Риа Сихорн тодорч, карьерынхаа анхны Emmy-г хүртжээ. Тэрбээр энэ төрөлд нэр дэвшсэн Зендаяа зэрэг хүчтэй өрсөлдөгчдийг ардаа орхисон байна. Драмын туслах дүрийн эрэгтэй жүжигчний шагналыг “Task” цувралын Том Пелфри, эмэгтэй жүжигчний шагналыг “The Diplomat” цувралын Аллисон Жэнни хүртэв.
Комедийн төрөлд “Hacks” цувралын гол дүрийн жүжигчин Жан Смарт дахин шилдэг эмэгтэй жүжигчнээр шалгарсан нь энэ үдшийн хамгийн онцлох мөчүүдийн нэг байв. Смарт “Hacks” цувралынхаа улирал бүрт уг төрөлд Emmy хүртсэн анхны жүжигчин эмэгтэй болж, нийт найман Emmy-тэй боллоо. Мөн тэрээр жүжигчний төрлийн Emmy-ийн нийт ялалтаараа түүхэн дээд амжилтын эздийн эгнээнд багтжээ.
Комедийн шилдэг эрэгтэй жүжигчнээр “Widow’s Bay” цувралын Мэттью Рис тодорсон бол туслах дүрийн эрэгтэй жүжигчний шагналыг Стивен Рут, эмэгтэй жүжигчний шагналыг Кейт О’Флинн хүртлээ. “Widow’s Bay” ийнхүү энэ жилийн комедийн төрөлд томоохон ялагчдын нэг болсон байна. Энэ жилийн хамгийн том шагналуудын нэг болох драмын шилдэг цуврал төрөлд “Paradise” ялалт байгуулсан бол комедийн шилдэг цуврал шагналыг “Widow’s Bay” хүртжээ.
Outstanding limited цувралын төрөлд “The Beast in Me” голлох амжилт үзүүлж, Мэттью Рис шилдэг эрэгтэй жүжигчин, Салли Филд “Remarkably Bright Creatures” бүтээлээрээ шилдэг эмэгтэй жүжигчин болсон байна. Реалити тэмцээний шилдэг хөтөлбөрөөр “The Traitors” шалгарсан бол “The Daily Show” олон төрөлт шоуны ангилалд шагнал хүртсэн байна. Мөн “South Park” шилдэг хүүхэлдэйн хөтөлбөрөөр нэрлэгдсэн юм.
Энэ жилийн Emmy Awards-ын онцлох мөчүүдийн нэг нь талийгч жүжигчин, найруулагч Роб Райнер “The Bear” цувралд тоглосон дүрээрээ нас барсныхаа дараа Emmy хүртсэн явдал байлаа.
Ийнхүү 2026 оны Emmy Awards нь олон жил үзэгчдийг байлдан дагуулсан жүжигчдийн шинэ амжилт, шинээр гарч ирсэн цувралуудын өсөлт, мөн телевизийн салбарын шинэ үеийн шилдгүүдийг нэг дор тодруулсан ёслол болж өндөрлөлөө.
2026 оны Emmy Awards-ын гол ялагчид
ДРАМЫН ТӨРӨЛ
- Шилдэг драмын цуврал: Paradise
- Шилдэг эрэгтэй жүжигчин: Ноа Уайли — The Pitt
- Шилдэг эмэгтэй жүжигчин: Риа Сихорн — Pluribus
- Шилдэг туслах эрэгтэй жүжигчин: Том Пелфри — Task
- Шилдэг туслах эмэгтэй жүжигчин: Аллисон Жэнни — The Diplomat
- Шилдэг зочин эрэгтэй жүжигчин: Роб Райнэр — The Bear
- Шилдэг зочин эмэгтэй жүжигчин: Шэйлин Вүүдли — Paradise
Ноа Уайли The Pitt цувралын доктор Робби Робинавичийн дүрээр хоёр дахь жилдээ дараалан шилдэг эрэгтэй жүжигчний Emmy хүртсэн. Харин Риа Сихорн Pluribus цувралын дүрээрээ карьерынхаа анхны Emmy-г авчээ.
ИНЭЭДМИЙН ТӨРӨЛ
- Шилдэг инээдмийн цуврал: Widow’s Bay
- Шилдэг эрэгтэй жүжигчин: Мэттью Рис — Widow’s Bay
- Шилдэг эмэгтэй жүжигчин: Жан Смарт — Hacks
- Шилдэг туслах эрэгтэй жүжигчин: Стивен Рут — Widow’s Bay
- Шилдэг туслах эмэгтэй жүжигчин: Кейт О’Флинн — Widow’s Bay
Жан Смартын ялалт энэ жилийн хамгийн анхаарал татсан амжилтуудын нэг байлаа. Тэр Hacks цувралын бүх улиралд инээдмийн төрлийн шилдэг эмэгтэй жүжигчний шагналыг хүртсэн анхны жүжигчин болж, Emmy-ийн түүхэнд шинэ амжилт тогтоосон байна.
Outstanding limited ЦУВРАЛ / АНТОЛОГИ
- Шилдэг хязгаарлагдмал цуврал: The Beast in Me
- Шилдэг эрэгтэй жүжигчин: Мэттью Рис — The Beast in Me
- Шилдэг эмэгтэй жүжигчин: Салли Филд — Remarkably Bright Creatures
- Шилдэг туслах эрэгтэй жүжигчин: Дэвид Харбор — DTF St. Louis
- Шилдэг туслах эмэгтэй жүжигчин: Линда Карделлини — DTF St. Louis
- Шилдэг найруулагч: DTF St. Louis
- Шилдэг зохиол: DTF St. Louis
DTF St. Louis энэ ангилалд хэд хэдэн гол шагналыг авч, томоохон ялагчдын нэг болсон байна.
БУСАД ОНЦЛОХ ШАГНАЛУУД
- Шилдэг реалити өрсөлдөөний хөтөлбөр: The Traitors
- Шилдэг олон төрөлт шоу: The Daily Show
- Шилдэг хүүхэлдэйн хөтөлбөр: South Park
- Шилдэг телевизийн кино: Remarkably Bright Creatures
- Шилдэг урьдчилан бичсэн олон төрөлт тусгай нэвтрүүлэг: The Muppet Show
- Шилдэг шууд дамжуулалтын тусгай нэвтрүүлэг: Apple Music Super Bowl Halftime Show Starring Bad Bunny
Л.Баяр
Сэтгэгдэл (1)