Өнөөдрийн хэвлэл мэдээллийн хэрэгслээр хятадад зарагдсан монгол охидын талаарх мэдээллүүд гарчээ. Тодруулбал Хятадаас 2012 оны наймдугаар сард Замын-Үүд-Эрээний боомтоор гадаад паспортын хугацаа дууссан манай нэг иргэнийг хүлээлгэн өгсөн байна. Тэгвэл хүлээлгэн өгсөн охиноос зарим нэг мэдүүлгийг авахад төрсөн эгч нь хятадуудад өөрийг нь зарсан гэдгийг хэлжээ. Учир нь эгч нь тухайн хятадад өртэй байсан аж. Ийнхүү өрнийхөө төлөөсөнд дүүгийнхээ биеийг жил гаруйн хугацаанд үнэлүүлсэний эцэст хятад эзэн нь дахин охин шаардах болсон байна. Улмаар монголоос 18 настай хоёр охиныг БНХАУ-руу аваачсан байна.  Гэтэл өнөөх хятад эзэн нь дахин монгол охид авчрахыг шаардахад нь охин дүү нь эсэргүүцэл үзүүлсэн аж. Тиймээс хятад эзэн нь охин дүүг нь тосгонд аваачиж заржээ.  Тэнд охиныг байнга зодож, дарамталдаг төдийгүй бүтэн долоо хоног харанхуй өрөөнд хорьж баян хятадуудад хүчээр биеийг нь үнэлүүлдэг байж. Хэрэв эсэргүүцвэл шар айрагны шил хагалж байгаад нүцгэн биеэр нь мөлхүүлдэг байжээ.  Өдгөө энэ хэргийг ЭЦГ-ын хар тамхи, хүний наймааны гэмт хэрэгтэй тэмцэх хэлтсээс шалгаж байгаа аж.