1. Дасгал хөдөлгөөн хий.Ном уншиж, зурагт компьютер ширтэж, ажил хичээл, замын түгжрээ, утаа, улс төр гэсээр өөртөө амрах цаг гаргахгүйгээр үл барам эрүүл мэндээ гээгээд байгаа юм биш биз? Дасгал хөдөлгөөн, тэр дундаа аэробек нь олон улсад хүлээн зөвшөөрөгдсөн хэд хэдэн судалгаагаар тархины үйл ажиллагааг идэвхижүүлж, сэтгэн бодох чадварыг дээшлүүлдэг болохыг тогтоожээ. Өдөрт ердөө 30 минутыг аэробект зарцуулахад та “тархи”-ндаа багагүй хөрөнгө оруулалт хийнэ гэсэн үг юм.
2. Дасгал хийж байхдаа хөгжим сонс.
Ингэх нь танин мэдэхүйг тань хөгжүүлнэ. Энэ талаар явуулсан олон ч судалгаа, баримт нотолгоонууд байдаг бөгөөд дуу хөгжим, тэр дундаа сонгодог хөгжим сонсох нь орчноо мэдрэх хийгээд хэл ярианы чадварыг хөгжүүлдэг байна.
3. Бодибилдингээр хичээллэ.
Хүчний буюу хүндийн өргөлтийн дасгалуудыг штангаас авахуулаад төрөл бүрийн зориулалтын төхөөрөмжүүд дээр хийж эхлэх нь булчингийн үйл ажиллагааг сайжруулж ясыг бэхжүүлж өгдөг ч мөн тархины үйл ажиллагаанд эерэг нөлөөтэй гэнэ.
4. Бүжиглэ.
Бүжиглэх нь бие организмаас гадна сэтгэл санааг өргөж өөдрөг эрч хүчтэй хормуудыг бэлэглэнэ. Мэдээж энэ нь таны сэтгэл санаа, оюун ухаанд тань сайн үр дүнг авчрах болно. Тэгэхээр өнөөдрөөс эхлээд бүжгийн ая цуглуулах болох нь ээ дээ…
5. Гольф тогло.
Гольфоор хичээллэх нь таны алжаалыг тайлж амраахаас гадна тархины бүтцийн үйл ажиллагаанд онцгой нөлөөтэй спортын төрлүүдийн нэг ажээ.
6. Йогоор хичээллэ.
Энэ нь таны сэтгэл санааг тогтворжуулж, анхаарлыг тань төвлөрүүлж, хамгийн гол нь тархийг сэтгэж бодохоо болих буюу уймраа мартамхай болохоос сэргийлэх давуу талтай гэнэ.
7. Сайн унтаж амарч бай.
Бөх нойрсдог хүмүүсийн сурч мэдэх, анхаарлаа төвлөрүүлэх болон санах ойн чадвар өндөр байдаг. Амралтын өдрүүдээрээ сайн унтаж амарсан хүмүүс ирэх өдрүүддээ эрч хүчээр дүүрэн байдаг тухай судалгааны дүн гарсан гэнэ.
8. Дуг хий.
Шөнө нь сайн унтаж амарч чадаагүй хүмүүст зөвлөхөд хэсэг дуг хийгээд авах хэрэгтэйг дуулгая. Нэгэн судалгаагаар 90 минут дуг хийгээд авсан хүмүүсийн санах ойн чадвар сайжирдаг гэдгийг тогтоожээ. Харин өөр нэг судалгаанд хэдхэн минут дуг хийгээд авах нь сонор сэрэмжийг дээшлүүлдэг гэнэ. Нөгөөтэйгүүр зарим эрдэмтэд дуг хийх зууртаа зүүдэнд автсан хүмүүсийн санах ой л сайжирдаг гэж үзсэн байх юм.
9. Амьдралын хэмнэл, дадлаа өөрчил.
Аливаа зүйлд тодорхой хэмжээгээр өөрчлөлт, шинэчлэлт хэрэгтэй байдаг шүү дээ. Байнга хийдэг үйлдлүүд, дадал зуршлаа үе үехэн өөрчлөөд авах нь уураг тархийг тань “унтаа” байдлаас ангижрахад тусална.
10. Эмх цэгцтэй бай.
Энд тэнд хөглөрсөн элдэв бичиг цаас, сав суулга, хувцас хунараа гээд бүгдийг эмх цэгцэнд оруулж апдэйт хий. Үүнийхээ хажуугаар оюун бодлоо ч цэгцлэх хэрэгтэй. Энэ нь оюун тархины үйл ажиллагаанд сайн.
11. Юу ч хамаагүй зур, сараач.
Ингэх нь тархийг сэргээж ой тогтоолтыг сайжруулна.
12. Бодлоо чөлөөл.
Юу ч хамаагүй бод, төлөвлө. Энэ нь нэгэн хэвийн штамбанд автсан зогсонги байдлыг чинь арилгаж аливаа асуудалд хандах хандлага, тэдгээрийг шийдвэрлэж сурах, бүтээлч байдлыш нэмэгдүүлнэ.
13. Зүлэг ногоо, цэцгээ арчил.
Судалгаагаар ногоон ургамал нь стрессийг арилгаж, настай хүмүүсийн ой санамжийг сайжруулдгийг тогтоожээ. Харамсалтай нь гаргах үнэр нь эрүүл мэндэд ямар нэг нөлөө байдаггүй тухайн агшинд л мэдрэмж төрүүлдэг байна. Магадгүй сэтгэл зүйд нөлөөлж эерэг үр дүнг авчирахыг үгүйсгэхгүй юм.
14. Гараар бич.
Аливаа юмыг гараар бичиж тэмдэглэх нь тархиы үйл аижллагаанд тустай. Гадаад хэл сурах гэж байгаа хүмүүсийн ихэнхи нь гараар бичиж тэмдэглэх явцдаа тогтоож, сайн суралцдаг гэнэ.
15. Сэрэл мэдрэхүйгээ хөгжүүл.
Хүйтэн ус залгилахад хоолойгоор гулган орох агшинд юу мэдрэгдэж байгаагаас эхлээд аливааг мэдрэх мэдрэмжээ хурцал. Идэх юмныхаа амтыг нүдээ аньж мэдрэх, аливаа юмны үнэрийг нүдээ аньж үнэрлэх зэргээр мэдрэмжээ хөгжүүлэх нь тустай.
16. Секс
Байнгын сексийн харилцаа нь бүтээмжийг нэмэгдүүлж, логикийн асуудлуудад хариу өгөх чадварыг сайжруулж, сексийн үеэр ялгарах окситоцин нь асуудал шийдвэрлэх чадварт эерэгээр нөлөөлдөг байна.
17. Эерэг харилцаа үүсгэ.
Хэн нэгэнтэй үнэн сэтгэлээсээ эерэг сайн сайхан харилцаатай байх нь сэтгэл зүйд ч, ой санамжаа алдах эрсдлээс ч сэргийлэхэд чухал нөлөөтэйг эрдэмтэд судалжээ.
18. Хөгжилтэй яриа өрнүүл.
Заавал хөгжилтэй ч гэлтгүй энгийн халуун дотно яриа өрнүүлж суух ч бас тархиа хөгжүүлэхэд, амраахад тустай.
19. Инээмсэглэ.
Тэгэхдээ чин сэтгэлээсээ. Энэ нь таныг бүтээлчээр сэтгэн бодоход сайнаар нөлөөлнө.
20. Үе удмынхаа тухай бод.
Та ургийнхныхаа тухай хэр сайн мэдэх вэ? Уураг тархиа хөгжүүлэх, амраах гэдэг бол товчоор хэлбэл гэр бүлийн хамтын үйл ажиллагаа юм. Өөрт хамааралгүй хэний ч юм юуны ч юм тухай бодож сууснаас өвөг дээдсийнхээ тухай эргэцүүлэх нь мэдрэмжээ хянаж сурахад тустайг судалгаагаар тогтоожээ.
