Голландын шигшээ баг Испанийг 5:1-ээр бут ниргэсэн дуулиант тоглолтын баатраар шилдэг хөлбөмбөгчдийн нэг Робин ван Перси нэрлэгдэж байна. Тэрээр Испанийн хаалганд сунаж мөргөн гоол оруулсан нь дуулиан тарив. Нисдэг хөлбөмбөгч гэж нэрлэгддэг Персигийн тухай 24 баримтыг хүргэж байна.
1. 31 настай Робин ван Перси нь Манчестер Юнайтэд клубт довтлогчоор тоглодог Голландын хөлбөмбөгчин юм.
2. Тэрээр дэлхийн аваргын тэмцээнд Голландын багийн ахлагчаар оролцож байна.
3.  Дэлхийн хамгийн шилдэг довтлогчдын тоонд зүй ёсоор тооцогддог Персигийн тоглолтын хэв маяг, ур чадвар нь Голландын домогт Марко ван Бастеныхтэй адил гэнэ.
4. Урлагийн гэр бүлд төрж өссөн Перси багаасаа хөлбөмбөгийн спорттой холбогджээ.
5.  Перси Аваргуудын лигийн сарын шилдэг тоглогчоор таван удаа нэрлэгдсэн байна. 2013 онд түүнийг Гардиан сонин дэлхийн 100 шилдэг хөлбөмбөгчдийн жагсаалтад 11-р байранд оруулжээ.
6.  Тэрээр олон улсын чанартай тэмцээнд Голландын багт 46 гоол авчирсан амжилтаараа нэгдүгээрт ордог.
7.   Перси 2006, 2010, 2014 онд дэлхийн аваргад, 2006, 2008 онд Европын аваргад улсаа төлөөлөн оролцож, ур чадвараа гайхуулж байна.
8.   2006 оны дэлхийн аваргын финалд C хэсгийн тоглолтод Францыг 4-1-ээр хожиход Перси 55 дахь минутанд гоол оруулсан юм.
9.    Перси Паучра хэмээх үзэсгэлэнт эхнэртэй бөгөөд хосууд хоёр хүүхэдтэй.

10.   2006 онд тэрээр хүчингийн хэрэгт сэжиглэгдэн баривчлагдаж байв. Нигерь гаралтай Голландын мисс Сандра Крижсмен Персиг зочид буудалд байхдаа өөр рүү нь дайрсан гэж мэдэгджээ. Түүнийг 14 хоног хорьсны дараа прокуророос хэргийг хэрэгсэхгүй болгон сулласан байна.
11.    Дараа нь мисс бүсгүй дээрх түүхийг санаатайгаар зохиосон гэдгээ хүлээн зөвшөөрсөн ажээ. Гэхдээ Перси эхнэрээ хуурч, мисс бүсгүйтэй сексийн харилцаа тогтоож байсан нь тодорхой болсон. Харин эхнэр нь түүнийг уучилжээ.
12.    Хөлбөмбөгчин маань шоронд хэт халуун орчинд байсан учир ухаан алдаж байсан гэнэ.
13.    Түүний бөмбөгийг залж, гоол оруулах техник нь өндөр үнэлгээ авдаг.
14.    Тэр өндөрт үсэрч, гоол оруулдаг учир нисдэг тоглогч гэж алдаршжээ.
15.    Перси сургуульд байхдаа бараг өдөр бүр хичээлээ тасалдаг дэггүй хүүхэд байжээ.
16.   Тэр Арсенал багт 4,4 сая доллараар тоглож байсан гэдэг.
17.   2009 онд Италийн эсрэг нөхөрсөг тоглолтогнд ноцтой гэмтэл авч, таван сарын турш эмчилгээ хийлгэж байжээ.
18.  2013 онд Манчестертэй 38 сая долларын гэрээ байгуулсан нь 1987 оны Вив Андерсоноос хойшхи хамгийн дээд үзүүлэлт юм.
19.    Тэр бөмбөгийг чадварлагаар эзэмшиж, хамгаалалтыг сулруулах онцгой мэдрэмжтэй.
20.    2011 онд Манчестер 8:2 харьцаатайгаар ялагдсан нь түүний хувьд хамгийн муу тоглолт болжээ.
21.   Тэрээр 2014 оны дэлхийн аваргад Австралийн багтай хийсэн тоглолтын дараа шар хуудас авч нэг тоглолт өнжихөөр болов.
22.  Excelsior /Персигийн анхны клуб/-н фенүүд түүнийг тамирчных нь хувьд шүтээд зогсохгүй хүнийх нь хувьд ч хүндэлдэг. Учир нь Робин энэ клубын академид санхүүгийн дэмжлэг үзүүлсээр ирсэн юм. Мөн Персигийн пүүзний ивээн тэтгэгч Адидас компани Excelsior-н 5-9 насны бяцхан хөлбөмбөгчдийг хувцсаар хангадаг юм байна.
23.   “Хөлбөмбөг надад хайрыг өгсөн. Би ч гэсэн энэ хайрыг эргээд хөлбөмбөгт өгөхийг хүсдэг" хэмээн Перси хэлж байжээ.
24.   Фэнүүд нь түүнийг бурхан мэт хүндэлдэг.