Өнөөдөр 07:40 цагийн үед Төв аймгийн Эрдэнэ сумын нутаг, Баяндавааны адаг замд Сүхбаатар аймгаас Улаанбаатар хотын чиглэлд явсан хот хоорондын зорчигч тээврийн үйлчилгээний “Дайчин сүх” ХХК-ний "Hyundai Bus" маркийн 0522 СҮА дугаарын автобус замын хажуу руу онхолдсон зам тээврийн ноцтой хэрэг гарсаныг бид мэдээлсэн. Ослын улмаас 6 хүн нас барж, 44 хүн гэмтсэн.
Орон нутгийн замд жолооч нар техникийн бүрэн байдлыг байнга шалгах, замын нөхцөлд хурдаа тохируулан өөрийн болон зорчигчдынхоо аюулгүй байдлыг хангаж явахыг Нийслэлийн замын цагдаагийн газраас анхааруулж байна.

Осолд өртсөн хүмүүсийн ихэнх нь яаралтай хагалгаанд орохоор хүнд гэмтсэн бөгөөд зорчигдын ар гэрийнхнийг бүртгэх ажил одоогоор явагдаж байгаа юм. Түүнчлэн ослын үеэр жирэмсэн эмэгтэй зулбасан гэх мэдээлэл байгаа юм.

Мөн зургаан сартай хүүхэд эцэг эхтэйгээ хамт явж байгаад ослын улмаас эцэг эх нь газар дээрээ нас барсан байна. Түүнчлэн жирэмсэн гурван ээж явж байсан байна.