Газрын тухай хуулийг эсэргүүцсэн нэгэн этгээд УИХ-ын Эдийн засгийн байнгын хорооны дарга Б.Гарамгайбаатарыг буудаж, амь насанд халдана гэж сүрдүүлэх болсон билээ. Энэ талаар Б.Гарамгайбаатар "Амь насанд чинь халдана, 2008 оны долдугаар сарын 1 шиг үйл явдал зохион байгуулна гэсэн утгатай мессеж байнга явуулж байна. Энэ мессеж явуулж байгаа хүмүүсийг турхирч байгаа хүмүүс бий. Тиймээс энэ асуудлыг цагдаагийн байгууллагаар шийдвэрлүүлэх хүсэлтээ өгөхөөр болсон" гэсэн.
Харин үүний дараа н.Ганзориг гэгч нь түүний амь насанд халдана гэж сүрдүүлсэн нь тодорхой болсон юм. Тэгвэл Б.Гарамгайбаатар гишүүний тавьсан гомдлын дагуу хууль хяналтын байгууллагынхан н.Ганзоригийг баривчилсан байна. Түүнд эрүүгийн хэрэг үүсгэн шалгаж байгаа аж.
Т.Энхэлээ
Сэтгэгдэл (12)