"Г.Сарангэрэл гэгч охин хоригдож гарч ирээд л өөрийгөө ч өрөөлийг ч самарч  өгч байна" гэх зүйлийг амтай болгон ярьж байна. Г.Сарангэрэлийн хувьд тийм зүйл ярьсанаар өөрийгөө бусдад зөвөөр ойлгуулж, хар тамхи хэрэглээгүй, харин хэн нэгэн этгээдийн золиос болсон гэдгээ олон нийтэд ойлгуулна гэж бодсон байх. Гэвч бүх зүйл эсрэгээрээ болж байх шиг байна. Тэр өөрийгөө ч, Х.Тэмүүжин сайдыг ч баллаад орхичив.

Магадгүй энэ байдлаас болж Х.Тэмүүжин сайд биеэ үнэлэх үйл явцыг зохион байгуулсан нэгэн болж ч хувирч мэдэх юм. Учир нь Г.Сарангэрэл Х.Тэмүүжинтэй уулзаж учирдаг болсон үе нь "17 нас". Хэдий хуулиндаа 16 нас хүрээгүй хүнтэй хурьцал үйлдэж болохгүй гэж заадаг ч "юу ч мэдэхгүй" гэх Г.Сарангэрэлтэй учир ургуулж, мөнгө төгрөг өгдөг байсан нь олон арван асуудлыг үүсгэж мэдэх юм.

Харин 17-хан насандаа Х.Тэмүүжин сайдтай учир ургуулж түүнээс мөнгө санхүүгийн дэмжлэг авдаг байсан гэдгээ мэдэгдсэн Г.Сарангэрэлийн хувьд өөрийгөө "биеэ үнэлэгч" гэх нэрийдлээс тийм ч амархан мулталж чадахгүй бололтой.

Ийн аль аль талдаа учир дутагдалтай болсон уг үйл явцын хамгийн чухал процесс нь угтаа хар тамхи.

Гэвч Г.Сарангэрэл "Хар тамхи хэрэглэж ч байгаагүй.  Ямар зүйл байдгийг нь ч мэдэхгүй гэж ярьсан хэрнээ хар тамхи гэдгийг мэдээгүй, худалдаж авсан зүйл маань хар тамхи байсан эсэхийг мэдэхгүй" гэх зүйл яриад сууж байх юм.  Энэ нь өөрийгөө санамсаргүй хэрэглэсэн гээд байгаа юм уу. Ер нь л хэрэглэсэн эсэхээ ч мэдэхгүй байна гэж байгаа юм уу. Бас учир дутагдалтай.

Ийн 24 цагийн дотор нэг сэдвээр гурван өөр зүйл яриад байгаа уг бүсгүйн өмгөөлөгч үйлчлүүлэгчээ эрс өмөөрч суух юм. Түүнийхээр бол элдэв янзын асуулт асуусан сэтгүүлч буруутай гэнэ. Харин түүний үйлчлүүлэгч Г.Сарангэрэл угийн цоглог учир хүмүүсийн өмнө гуниж гутарч суух шаардлагагүй гэнэ шүү. Тэд ийм  зүйл ярьж сууна.