“Гал үндэстэн” холбооны Ц.Мөнхбаяр нарын давж заалдах шатны шүүх хурал Улсын дээд шүүх болж өндөрлөлөө. Тэдний шүүх хуралд УИХ-ын гишүүд болох Г.Уянга, Ж.Батзандан, Х.Болорчулуун, С.Ганбаатар, Ц.Даваасүрэн, Л.Цог нар ажиглагчаар оролцсон юм. Тэгвэл шүүх хуралдаанаар давж заалдах шүүх хуралдааны шийдвэрийг хэвээр үлдээлээ.Тодруулбал, Урт нэртэй хуулийг хэрэгжүүлэхийг шаардан Төрийн хамгаалалтын бүсэд галт зэвсэг хэрэглэсэн хэмээн буруутгагдаад буй “Гал үндэстэн” холбооны гишүүдийн хэргийг хяналтын шатны шүүхээс Ц.Мөнхбаярт 7 жил, Г.Болдбаатарт 6,1 жил, Д.Төмөрбаатарт 10,6 жил, Ж.Ганболдод нэг жилийн хорих ял, М.Мөнхболдод нэг жилийн хорих ял тус тус оноосон байдаг. Тэд анхан шатны шүүхээс 21.6 жилийн ял сонсоод давж заалдах дээрээ ийн буураад байсан юм. Тэгвэл өнөөдөр Дээд шүүхээс хэргийн дахин хянан үзээд давж заалдах шатны шүүхийн шийдвэрийг хэвээр үлдээлээ.
Д.Ундрах /24tsag.mn/
Сэтгэгдэл (7)