Өнөөдөр "Улаанбаатар" их дэлгүүрийн өмнөх автобусны буудлын ойролцоо том оврын автобус осол гаргаж, хүний амь насанд хүрсэн хэрэг гарсан. Тэгвэл автобусанд дайруулж амь насаа алдсан охин 14-16 насны охин байжээ. Зарим гэрчүүдийн мэдээлж буйгаар  талийгаач гарцнаас тав орчим метрийн зайтай явсан ба гарцгүй газраас гэнэт гүйж гарч иржээ. Ослын газарт цагдаа нар ирж үзлэг хийгээд "Автобусны зөвхөн нэг дугуйны тоормоз ажиллаж байна. Нөгөө гурван дугуйных нь огт ажиллаагүй юм байна" гэж хэлжээ. Тэгэхээр нэгээс бусад  дугуй нь тоорзом барьдаггүй гэсэн урьдчилсан таамаг байна гэсэн үг.

Осол гаргасан "Шархад III, IV-р хороолол" чиглэлийн автобус нь "Автобус 1" компанийнх юм. Тус газрын ажилчдын ярьж буйгаар энэ компанийн ихэнх автобусных нь тоормоз нь барихгүй байдаг гэнэ. Энэ нь БНХАУ-ын наклад хэрэглэснээс болдог байх гэсэн хардлага ажилчдад байдаг аж.