Найз охин нь БНХАУ-ын Эрээн хотод хүн амины хэрэг хийж, харин найз залуу нь Налайхад зургаан удаа хүн буудаж хөнөөсөн хэргийн талаар эх сурвалжтай, гэрчтэй мэдээллийг цацахаар бэлтгэлээ.

Налайхад болсон хүн амины хэрэг хав дарагдах шинжтэй байна гэв
Налайх дүүрэгт өнгөрсөн оны аравдугаар сарын 17-18-нд шилжих шөнө нэгнийгээ зургаан удаа буудаж хөнөөсөн хэрэг гарсан талаар бид мэдээлсэн.  Тэгвэл талийгаач М.Эрхэмбаярыг түүний танидаг хүн А.Мэндбаяр гэгч буудаж хөнөөсөн нь тогтоогдсон байдаг. Тухайн хэргийн мөрдөн байцаалт дуусч хэргийг Прокурорт шилжүүлсэн байгаа. Гэвч энэ хэргийг цаана хар тамхины хэрэг нуугдаж байна, А.Мэндбаяр гэгч чухам ямар учраас хүний амь насанд хүрэв гэх зүйлс тодорхойгүй өдий хүрсэн билээ.  Талийгаач М.Эрхэмбаярын аав Д.Мөнхжаргал хэлэхдээ “тухайн хэрэг хав дарагдах шинжтэй байна” гэсэн юм.

Хэвлэл мэдээллээр цацагдсан зүйл ташаа болохыг мэдэгдэв
Хэвлэл мэдээллийн хэрэгслээр талийгаачийг  хар тамхичин мэтээр, аавыг нь өмнө нь ял шийтгэл хүлээж байсан болгож бичсэн. Гэвч үүнийг талийгаачийн ар гэрийнхэн эрс эсэргүүцэж, харин хүүг буудсан А.Мэндбаяр гэгчийг хэргийг үйлдэх үедээ хар тамхи, сэтгэцид нөлөөлөх эм бэлдмэл хэрэглэсэн байж мэднэ. Мөн түүний аав Н.Алтансүхийг өмнө нь хэрэгт холбогдож, ял авч байсан гэв.

Талийгаач машин дотроо бус машинаасаа 3 км-ийн зайд буудуулсан
Талийгаачийг машинаас нь 3 метрийн зайд аваачиж араас нь зургаан удаа буудаж хөнөөсөн байдаг. Тэгэхээр амьд хүнийг араас нь зургаан удаа буудаж хөнөөж байгаа хүн яав ч эрүүл биш, тиймээс сэтгэцид нөлөөлөх ямар нэг зүйл хэрэглэсэн байх гэж талийгаачийн ар гэрийнхэн үзэж байгаа. Харин энэ талаараа хэлж хуулийн байгууллагаар шалгуулах гэсэн боловч ямар нэг тайлбар хэлж халгаахгүй байгаа гэнэ. Тодруулбал, сэжигтэн А.Мэндбаяраас 1.5 мл грамм цусны дээж авч шалгаад тэр нь хүрэлцэхгүй байна гэх шалтгааныг шүүх шинжилгээнийхэн хэлсэн. Мөн шинжилгээ хийх гэтэл аппарат нь эвдэрсэн гэх зүйлийг ярьсан байгаа юм.
Харин талийгаачаас цус, шээс авч шинжилгээ хийсэн байдаг. Гэвч мансууруулах бодис, архи согтууруулах ундаа юу ч илрээгүй.

Талийгаач хэрэгтэнтэй ямар холбоотой байв?
Хороололд ойролцоо амьдардаг байсан учир нэгнээ танидаг байсан. Учиргүй сайн найзууд байгаагүй. Гэхдээ А.Мэндбаярын гэгчийн аав Алтансүх талийгаачийг “чамайг заавал ална” гэж сүрдүүлж байсан гэдэг.  Харин сэжигтний аав талийгаачийг ингэж сүрдүүлсэний яг сарын дараа тухайн хэрэг гарсан. Энэ талаар гэрчлэх хүмүүс байгаа ч сэжигтний ар гэр, хуулийн байгууллагынхны хүнд суртлаас болоод гэрчийн мэдүүлэг өгдөггүй.  

Сэжигтэн А.Мэндбаярийн мэдүүлгээр бол талийгаач найз охиныг нь хүчиндсэн гэнэ
Энэ хэрэгт Эрүүгийн хуулийн 91.3 гэсэн зүйл анги буюу өш хонзонгийн сэдэлтэй хүн амины хэрэг гэдгээр хэрэг үүсгэсэн. Одоо прокурорын шатанд шалгагдаж байгаа. Хэвлэл мэдээллийн хэрэгслээр хэрэг гарсаны дараахан уг хэргийг хар тамхи болоод найз охиноо булаацалдсанаас  үүдэлтэй гэж бичиж байсан.  Харин А.Мэндбаяр гэгч мэдүүлэг өгөхдөө найз охиныг минь хүчиндсэн, намайг байнга зодож дарамталдаг байсан мэтээр мэдүүлэг өгч байгаа аж. Түүний мэдүүлэг байнга өөрчлөгддөг гэдгийг талийгаачийн аав цухас дурдав.

Сэжигтний найз бүсгүй У нь Эрээнд Монгол охидоороо бизнес хийдэг нэгэн
А.Мэндбаярын мэдүүлэгтээ дурдаад буй найз бүсгүйнх нь талаар ноцтой мэдээллийг талийгаачийна аав олонд цацав. Тодруулбал, сэжигтэний найз бүсгүй У гэгч нь БНХАУ-ын Эрээн хотод аж төрдөг. Харин түүний бизнес хийж мөнгө олдог арга зам нь Монголоос охидыг хуурч мэхлэн аваачиж хүчээр биеийг нь үнэлүүлэх гэнэ. Энэ ажлаа хийхдээ тэрбээр найз залуу болох А.Мэндбаяртайгаа үгсэн хуйвалдаж Монголоос аваачсан охидынхоо бичиг баримт, үнэмлэх зэргийг хурааж авдаг гэнэ. Уйлмар бичиг баримтгүй болсон эмэгтэйчүүд тэдний заавраар биеэ үнэлдэг гэдгийг хуулийн байгууллагад өгсөн гэрчийн мэдүүлгээр нотлогддог байна.

Мөн гэрчийн хэлж буйгаар А.Мэндбаярын найз бүсгүй хүн амины хэрэгтэн гэнэ
Гэрч бүсгүй Г-ийн хэлж буйгаар А.Мэндбаярын найз бүсгүй У гэгч нь А.Мэндбаяртайгаа муудалцаж, хэрэлдэн маргалдаж, улмаар буудлынхаа өрөөнд хүний аминд хүрсэн аж.  Тэгтэл удалгүй Эрээний  цагдаа нар ирж хохирогчийг эмнэлэгт хүргэж, харин А.Мэндбаяр болоод найз бүсгүй У нарыг баривчлан авч явсан байна. Ингээд тапийгаачийн шарилыг Монгол руу ар гэрийнхэн нь авч явахад нь даган Эрээний хил хүртэл гэрчийн мэдүүлэг өгсөн бүсгүй дагаж явсан аж. Харин хилээс эргэж иртэл Сараа гэх хүүхэд У-гын найз залуу нь болох хамтрагч А.Мэндбаяр хоёр тосос авч түүнтэй  уулзсан байна. Ингээд түүнд А.Мэндбаярын аав Алтансүх гэх хүнийг Монголоос ирж байгааг хэлжээ. Ингэхдээ А.Мэндбаяр “ Чи манай аавд талийгаачийг намайг хутгалсан, хутгалсаныг нь харсан” гэж хэл.  “Миний аав Монголд том хүн, баян, мөнгөтэй, атаман, цагдаа хууль хүчний байгууллагад танил тал, хүч нөлөө ихтэй, санаа зоволтгүй ээ, чи зүгээр л миний хэлсэнээр аавд намайг хутгалсан, харин У миний өмнөөс ял үүрээд би хутгалсан гэж хэлээд цагдаад баригдсан” гэж хэлээрэй” гэж гуйжээ.  Улмаар “Хэрвээ чи яг ингэж миний хэлсэнээр хэлэх юм бол аав миний өмнөөс орсон байна гэж У-г ойлгоод  хөөцөлдөж гаргаж авч чадах чадалтай. Эрээн болон Хятадад танил ихтэй” гэж надад хэлсэн гэж мэдүүлжээп

Сэжигтний аавыг “Монгол банк” захирал асан О.Чулуунбат санхүүжүүлдэг үү?
Ийн Н.Алтансүх гэгчийн мөнгөтэй, эрх мэдэлтэй гэдгийг тал талаас гэрчилсэн юм. Мөн  “Монгол банк”-ны захирал асан, Эдийн засгийн хөгжлийн яамны дэд сайн О.Чулуунбатын сайн найз гэж хэвлэлээр бичиж байгаа билээ. Харин энэ талаар талийгаачийн аав “О.Чулуунбат гэгчээр намайг айлгаж, сүрдүүлэх гээд байгаа юм уу гэж ойлгосон. Эсвэл О.Чулуунбат гэгч аллага санхүүжүүлдэг болчихсон юм уу” гэв.

Хүү нь хүн буудаж хөнөөсний дараахан аав нь хүн рүү буу тулгаж байжээ
Н.Алтансүх гэгч энэ хэрэг болсоны дараахан “Цагаан хэрэм” ресторанд дахин хүн рүү буу тулгаж заналхийлсэн гэж байгаа.  Талийгаачийн аав энэ дагуу шалгаад өгөхийг  хуулийн байгууллагаас хүссэн. Гэтэл шалгах шаардлагагүй  гэдэг хариултыг өмнөөс нь “чулууджээ”.