“Нүүрс” хөтөлбөрөөс их хэмжээний мөнгө идсэн хэрэгт холбогдон Төв аймгийн урьдчилсан саатуулах төвд хоригдож байгаа Л.Гансүхийн өмгөөлөгч Ц.Баасандорж өнөөдөр сэтгүүлчдэд хандлаа.

Тэрээр энэ үеэр  “Үйлчлүүлэгчтэй уулзах эрхийг АТГ-аас зөрчиж байгаа талаар Нийслэлийн проркуролын газар, ШШБЕГ болон Хүний эрхийн үндэсний комисст (ХЭҮК) хандан албан бичгээр гомдол гаргасан. Гэвч ХЭҮК-оос бусад газраас ямар нэгэн тайлбар өгөөгүй байна. АТГ нь удаа дараа үйлчлүүлэгчтэй уулзах өмгөөлөгчийн эрхэд халдсаар байна. Мөн өнгөрсөн долоо хоногт АТГ-ын мөрдөн байцаагч н.Золжаргалтай өрөөнд нь уулзаж, шинжээчдийн дүгнэлттэй танилцах үеэр хуудсыг хүчээр булаан авч өрөөнөөсөө хөөн гаргасанд гомдолтой байна. Өмгөөлөгч хүн өнөөдөр өөрөө хохирч явна. Өнөөдөр өмгөөлөгчдийн үйлчлүүлэгчтэйгээ уулзах эрхийг хаадаг, өмгөөлөгчдийг өрөөнөөсөө хөөн гаргадаг гээд АТГ-тай холбоотой олон зөрчлүүд гарч байна. Мөн АТГ хэргийн мөрдөн байцаалтад явагдаж байгаа үед хэргийг олон нийтэд мэдэгдэхдээ ноцтой зүйл ангиар шалгагдаж байна гэж ташаа мэдээлэл өгч байгаад гомдолтой байна" гэсэн юм.

Ингээд Хүний эрхийн үндэсний комиссоос тэдний гомдлын мөрөөр хийсэн тайлбарыг хүргэж байна.