Соёл, спорт аялал жуулчлалын сайдын тушаалаар Палеонтологийн музейн захирал Н.Жавзмааг албан тушаалаас нь чөлөөлсөн байна.  Түүний  хувьд яамнаас зарласан сонгон шалгаруулалтанд өрсөлдөж томилогдож байсан.  Улмаар ажлаа аваад хоёр жил болж байгаа юм.  Гэтэл саяхан түүнийг эмчилгээ хийлгэж байх хойгуур нь дахин хууль бусаар сонгон шалгаруулалт зарлажээ.  Улмаар нэг шөнө Соёл, спорт, аялал жуулчлалын яамны Төрийн захиргаа удирдлагын газрын дарга Н.Энхтүвшин түүнрүү залгаж “Сонгон шалгаруулалтын  материалаа ав” гэсэн байна.  Тухайн үед Н.Жавзмаа өвчтэй байсан учир  дүүгээ тэр даргаруугаа явуулжээ. Гэвч төд удалгүй дарга нь “чи 500 мянган төгрөг өгчих” гэсэн байна. Гэвч тэрбээр тэр мөнгийг өгөөгүй бөгөөд эхний шалгаруулалтанд л унагааж орхижээ. Ингээд аравдугаар сарын 23-наас ажлаас чөлөөлөгдсөн байна. Өдгөө тэрбээр яамнаас түүнийг хууль бусаар халсан хэмээн үзэж хуулийн байгууллагад хандахаар болсоноо хэвлэлийнхэнд мэдэгдэв.