Сэлэнгэ аймгийн Онцгой байдлын газрын Мандал суман дахь Улсын нөөцийн салбарын дарга, онцгой байдлын ахмад Ц.Гүнчинсүрэнг ажлын байранд архидан согтуурч, албан хаагчаа зодож гэмтээсэн тухай мэдээлэл хэвлэл мэдээллийн хэрэгслээр цацагдсан билээ. Тйимээс түүнийг ажлын байранд танхайран архидан согтуурч, албаны бэлтгэл бэлэн байдал алдагдуулсан, төрийн албан хаагчийн ёс зүйг баримтлаагүй, сахилга бат, хариуцлага алдсан хэмээн үзэж, ажлаас түтгэлзүүлэх шийдвэрийг ОБЕГ-ын дарга, онцгой байдлын хурандаа Т.Дуламдорж гаргажээ.