АНУ-ын Нью-Йорк хотод аялж явсан Монголын жуулчин сураггүй болсон тухай тус хотын цагдаагийн газраас мэдээллээ. 62 настай Долгоржав Болд нь энэ сарын 27-ны өдрөөс хойш сураггүй алга болжээ.

Хамгийн сүүлд түүнийг Манхаттен дүүргийн 8-р өргөн чөлөөний 31-р гудамжинд харсан байна. Сураггүй бологч тухайн үед саарал өнгийн хантааз, улаан ноосон цамц, хар өмдтэй байжээ. Тэрээр эрүүл мэндийн хувьд асуудалгүй ч англиар ярьж чаддаггүй аж.

Эрэгтэй Лонг Айланд хотын Fairfield зочид буудалд байршиж байсан байна.

Нью-Йорк хотын цагдаагийн газар түүний тухай ямар нэгэн мэдээлэл олдвол www.nypdcrimestoppers.com хаягаар мэдээлэл өгөхийг хүссэн байна. Түүнийг төөрсөн эсвэл ямар нэгэн золгүй явдал тохиолдсон гэх таамаг байхгүй байгаа гэлээ.