Улаанбаатар дахь вагон депогийн дарга Н.Баттулга өөрийн хүсэлтээр ажлаас чөлөөлөх өргөдлөө УБТЗ-ын даргад өгчээ. Түүнийг тус салбарын дэд сайдын хамаатан гэж ажлынхан нь ярьдаг байсан гэх сураг байна.

”Монголбанк”, “Тэнхлэг зууч” компанитай хамтран өнгөрсөн сарын “Орон сууцны үнийн индекс”-ийг гаргажээ.

Улаанбаатар хотын цагдаагийн газраас Чингэлтэй дүүргийн Цагдаагийн нэгдүгээр хэлтэстэй хамтран өчигдөр ТҮЦ-үүдэд гэнэтийн шалгалт хийлээ. Уг шалгалтаар ТҮЦ ажиллуулах зөвшөөрөлгүй, зөвшөөрөгдсөн цэгээс бусад газарт зөвшөөрөлгүйгээр тамхи худалдан борлуулдаг зөрчил дийлэнх хувийг эзэлж байлаа.

Улаанбаатар хотын Цагдаагийн газрын ахлах мэргэжилтэн, Цагдаагийн хошууч Л.Ганбаатар “Улаанбаатар хотын цагдаагийн газраас харьяа дүүргүүд дэх цагдаагийн хэлтсүүдтэй хамтран түргэн үйлчилгээний цэгүүдэд хяналт шалгалт хийж байна. Өнөөдрийн хувьд Чингэлтэй дүүргийн цагдаагийн нэгдүгээр хэлтсийнхэнтэй хамтран тус дүүргийн нутаг дэвсгэрт байрлах ТҮЦ-үүдэд хяналт шалгалт хийлээ. Зөвшөөрөлгүйгээр үйл ажиллагаа явуулах, Тамхины хяналтын тухай хуулийг зөрчсөн нийтлэг зөрчил гарч байна” хэмээн ярилаа.

Нийслэлийн төвийн зургаан дүүргийн хэмжээнд нийт 1100 гаруй түргэн үйлчилгээний цэг /ТҮЦ/ үйл ажиллагаа явуулж байна. Улаанбаатар хотын Ерөнхий менежер бөгөөд Захирагчийн ажлын албаны даргын А/103 тоот тушаалын хэрэгжилтэд гүйцэтгэлийн хяналт шалгалтыг өнгөрсөн сард хийсэн. Шалгалтаар ТҮЦ эрхлэгчдийн 1.7 хувь нь ариун цэврийн өрөөтэй боловч зориулалтын дагуу ашигладаггүй, 98.3 хувь нь ариун цэврийн өрөө байх хэсгийг агуулах, амралтын өрөө болон үйлчилгээний талбай болгон засч ашигласан, шаардлага хангасан хогийн савгүй, хаана бие засч, гараа угааж, хувийн ариун цэвэр сахидаг нь тодорхойгүй, орчны 5м хүртэлх талбайг тохижуулаагүй, орчноо бохирдуулж, бохир ус, хогоо ногоон байгууламж руу асгадаг гэх мэт нийтлэг зөрчил гаргадаг нь илэрсэн юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Монгол бөхийн өргөөнд арванхоёрдугаар сард болох барилдаануудын хуваарийг танилцуулж байна.

Нийслэлийн Засаг дарга С.Батболд Пусан хотын олон улсын харилцааны сангийн дэд захирал Пак Юн Суктэй уулзлаа.

С.Зориг агсны хэргийн шүүх хурал өнөөдөр өглөө 11 цаг 30 минутын орчим ШШГЕГ-ын харьяа цагдан хорих 461 дүгээр ангид эхэлсэн. Тэгвэл шүүх хурал энэ сарын 21-ний өдөр хүртэл хойшилсон гэдгийг албанхан хэллээ.

С.Зориг агсны хэргийн шүүх хурал өнөөдөр өглөө 11 цаг 30 минутын орчим ШШГЕГ-ын харьяа цагдан хорих 461 дүгээр ангид эхэлсэн.

ОХУ-ын Ерөнхийлөгч Владимар Путины Япон улсад хийх албан айлчлал манай оронд ямар ач холбогдолтой талаар МУНН-ын дарга Б.Батболд өөрийн байр сууриа ийн илэрхийлжээ. Тэрээр “Доналд Трамп Тайваны Ерөнхийлөгчтэй утсаар ярьсныг нь Хятад эсэргүүцсэн. Хариуд нь Далай ламтай уулзана гэсэн байна.

Путины Японд хийх айлчлалын үр дүнгээс Монголын геополитикийн орон зай ихээхэн тэлэх идэвхжих шинж ажиглагдаж байна.

Түүнчлэн Путины айлчлалыг цуцлахыг АНУ Японд санал болгосон ч цаадуул нь сонсоогүй мэт өнгөрөөсөн нь бас нэг шинэ хачирхам үйл явдал боллоо. Путины Японд хийх айлчлалын үр дүнгээс Монголын геополитикийн орон зай ихээхэн тэлэх идэвхжих шинж ажиглагдаж байна. Харин манай төр засаг үүнд бэлэн эсэх нь тун эргэлзээтэй байгаа нь мэргэжлийн экспертүүдээ цалинжуулж ажиллуулах амин чухал шаардлага байгааг илтгэн харуулж байна. Бид үргэлж хүндээ хөнгөнөөс өгч байсан хойшид ингэх боломж байхгүй гэдгийг Монгол Улсын ҮАБЗ, ТЕГ, Гадаад харилцааны яам зэрэг чиг үүргийн байгууллагууд идэвх санаачилгатай ажиллах хэрэгтэй байх шиг. Бид зөв ажиллаж чадвал асар их боломж байна мөн гэзэг зантай зээл шүтдэг сэтгэлгээгээ өөрчлөх цаг болжээ” гэжээ.

Хоёр долоо хоногийн өмнө онгоцны осолд багаараа өртсөн Бразилийн Chapecoense клубын нэг тоглогч өдийг хүртэл ухаангүй байсан бөгөөд өчигдөр буюу Даваа гарагт ухаан орсон байна.



Нийт 71 зорчигч амиа алдсан ослоос ердөө гурван тоглогч амьд үлдсэний хоёр нь Бразил руу саяхан буцаж, Нето ухаан ороогүй байсан тул Колумбид үлдээд байжээ. Сонирхолтой нь Нето ухаан ормогцоо эмчээс шигшээ тоглолтын үр дүнг асуусан байна. Харин осол болсон талаар огт санахгүй байгаа гэнэ.



Chapecoense баг Колумбийн Atletico Nacional багтай Copa Sudamericana тэмцээний аваргын төлөө тоглохоор Колумбийг зорин нисэж яваад осолдсон юм.



Харин эмч нар болон сэтгэлзүйчид 31 настай Нетогийн биеийг сайжиртал осол болсон талаар хэлэхгүй байхаар шийджээ.

Б.Жавзмаа:

Өнгөрсөн гуравдугаар сарын 18-нд Дархан-Уул аймгийн Шарын гол суманд хүн амины ноцтой хэрэг гарсан байдаг.

Тодруулбал, иргэн Ч нь А-тайгаа хамт согтууруулах ундааны зүйл хэрэглэх үедээ түүнийг заазуураар 5 удаа заазуурдан, мөн тоосгоор толгойн тус газар нь цохиж олон удаагийн шарх үүсгэн онц, харгис, хэрцгий аргаар санаатай алж цогцсыг байшингийнхаа зооринд хийж нуусан хэргийг үйлдсэн. Эл хэргийн шүүх хурлыг тус аймгийн сум дундын шүүх нээлттэй шийдвэрлэлээ.

Дархан-Уул аймгийн Цагдаагийн газрын хэрэг бүртгэх, мөрдөн байцаах тасгаас Эрүүгийн хуулийн тусгай ангийн 91 дүгээр зүйлийн 91.2.12 дахь хэсэгт зааснаар эрүүгийн хэрэг үүсгэн мөрдөн байцаалтын ажиллагаа явуулсан хэрэгт Дархан-Уул аймгийн прокурорын газраас яллах дүгнэлт үйлдэн шүүхэд шилжүүлжээ.

Дархан-Уул аймаг дахь сум дундын эрүүгийн хэргийн анхан шатны шүүх 12 дугаар сарын 08-ны өдөр Дархан-Уул аймгийн Шарын гол сумын Соёлын төв өргөөнд шүүгдэгч Ч-д холбогдох эрүүгийн хэргийн шүүх хуралдааныг нээлттэй явуулж шүүгдэгч Ч-г Эрүүгийн хуулийн тусгай ангийн 91 дүгээр зүйлийн 91.2.12 дахь хэсэгт заасан онц харгис хэрцгий аргаар бусдыг санаатай алсан гэмт хэрэг үйлдсэн гэм буруутайд тооцон 21 жилийн хорих ял оногдуулж оногдуулж 21 жилийн хорих ялаас 3 жилийг гянданд үлдсэн 18 жилийн хорих ялыг чанга дэглэмтэй хорих ангид эдлүүлэхээр шийдвэрлэсэн байна.

С.Зориг агсны хэргийн шүүх хурал өнөөдөр ШШГЕГ-ын харьяа цагдан хорих 461 дүгээр ангид 10.00 цагаас эхэлнэ. Тэгвэл яг одоо тус газарт хамгаалалт аваад байгаа бөгөөд шүүгдэгч, хохирогч нарын ар гэрийнхэн болон сэтгүүлч нарыг дотогш нэвтрүүлээгүй байна.

С.Зориг агсныг хэргийн шүүх хурал хэрэг гарснаас хойш 18 жилийн дараа ийнхүү өнөөдөр болж байна.

БНСУ-ын Хууль зүйн яамны Цагаачлалын алба тус улсад визний хугацаагаа хэтрүүлэн хууль бусаар оршин суугаа гадаадын иргэдийг сайн дураараа эх орондоо буцсан нөхцөлд тус улсад буцаж ирэхэд нь визний болон хилийн хоригоос чөлөөлөх өршөөлийн аян өрнүүлж эхэлсэн.

Аяны хугацаагаа тус улс энэ сарын 31-нийг хүртэл сунгасан байна. Уг аянд хуурамч бичиг баримтаар Солонгост ирсэн иргэд мөн хамрагдах бөгөөд энэ тохиолдолд эх орондоо буцахаас гурав хоногийн өмнө нисэх буудал болон цагаачлалын албатай урьдчилан холбоо барих шаардлагатай аж.

С.Зориг агсны хэргийн шүүх хурал яг одоо ШШГЕГ-ын харьяа цагдан хорих 461 дүгээр ангид эхлэх гэж байна.

Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан Японы “Шарп” корпорацийн Эрчим хүчний шийдэл салбарын ерөнхий менежер Тацуяа Сатотой хамтран ажиллах санамж бичигт гарын үсэг зурлаа. Уг санамж бичгийн хүрээнд Багануур дүүрэгт 20 мВ бүхий хүчин чадалтай нарны цахилгаан станц байгуулж, тухайн бүс дэх айл өрхүүдийг эрчим хүчээр хангах аж.

Хамтран ажиллах санамж бичигт гарын үсэг зурсны дараа нийслэлийн Засаг даргын орлогч Ж.Батбаясгалан “Багануур дүүрэгт буюу нүүрсний олборлолтын бүсэд эрчим хүчний тогтвортой эх үүсвэрийг сэргээгдэх эрчим хүчээр бий болгох үүднээс уг төслийг хэрэгжүүлэх гэж байна. Монгол Улсад сүүлийн 14 жилийн хугацаанд сэргээгдэх эрчим хүчний чиглэлээр тогтвортой үйл ажиллагаагаа явуулж ирсэн учраас “Шарп” корпорацитай хамтарч ажиллахаар сонгосон” гэлээ.

Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөрийн гуравдугаар бүлгийг бүхэлд нь байгаль орчин, ногоон хөгжилд зориулсан. Түүнчлэн Улаанбаатар хотын агаар, ус, хөрсний бохирдлыг бууруулах, ногоон хөгжилд тулгуурласан үйлдвэрлэлийг дэмжих, эдийн засгийн өсөлт бий болгож иргэдийн амьдрах таатай нөхцөлийг бүрдүүлэх зорилт тавьсан байдаг гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын Хууль зүй, УИХ-ын Эдийн засгийн байнгын хорооны хамтарсан хуралдаан өчигдөр товлогдож, Хөгжлийн банкны асуудлыг хэлэлцэх байсан. Гэвч гишүүдийн ирц бүрдээгүй учир хуралдаан хойшилсон билээ. Харин энэ нь УИХ дахь Ардчилсан намын бүлгийг Хөгжлийн банкны асуудлаар хийсэн мэдэгдэлтэй холбоотой гэдгийг зарим эх сурвалж мэдээлж байна. Тус намын бүлгээс Засгийн газраас гарсан Ажлын хэсгийн Хөгжлийн банкинд хийсэн шалгалтын дүнг мэргэжлийн бус хэмээн үзэж, хүлээн авах боломжгүй гэдгээ илэрхийлсэн билээ. Түүнчлэн Хөгжлийн банканд хийсэн шалгалтын дүгнэлтэд дурдагдсан олон асуудал баримтаар нотлогдохгүй байгааг онцолсон юм. Тэгвэл Ардчилсан намын бүлэг Хөгжлийн банканд хийсэн дүгнэлтийг хэрхэн “дүгнэсэн”-ийг 24 баримтаар хүргэж байна.

Энэ сарын 6-ны өдөр Шадар сайд “Сүлдэндээ залсан Монгол адуугаа хүний нутагт нүдийг нь сохлуулж, шөрмөсийг нь таслуулахыг тэвчихгүй. Тиймээс адууг амьдаар нь хил гаргаж буй асуудлыг бүрмөсөн таслан зогсоохыг Хүнс, Хөдөө аж ахуйн сайд П.Сэргэлэн, МХЕГ-ын дарга Н.Цагаанхүү нарт дахин үүрэг болгож байна” гэсэн юм. Гэвч монголчууд молор эрдэнэ гэж дээдэлдэг морио харийнхнаас дутахааргүй үзэж “хог” шиг хандах болсоныг өнөөдөр Бичигтийн боомт дээр гацсан олон адуу гэрчиллээ. Тодруулбал, Хүнс, хөдөө аж ахуй, хөнгөн үйлдвэрийн яамнаас адууг амьдаар нь экспортлохыг хориглосон захирамжийг 2016 оны арваннэгдүгээр сарын 15-нд гаргасан билээ.

Эл захирамжийг БНХАУ-руу адуу экспортолдог аж ахуй нэгжүүд зөрчин, Сүхбаатар аймгийн Бичигтийн боомтод амьд адуу тээвэрлэн очжээ. Улмаар хилээр нэвтрүүлэхгүй хориглосноос үүдэн олон адуу үхэж, хоргодох болсон байна. Бичигтийн боомтод 1000 гаруй адуу гацсан гэх мэдээлэл бий. Тус аймгийн МХЕГ-аас машин тутамд хоёроос гурван адуу үхэж байна гэж байсан юм.

Монгол адууг амьдаар нь БНХАУ, Казахстан гэсэн хоёр л улсад экспортолдог аж .
Сүлдэн хиймортой энэ амьтныг экспортод гаргах санамж бичигт ХХААХҮ-ийн яам, БНХАУ-ын чанар хяналт хорио цээрийн байгууллагын төлөөлөгчид 2008 онд гарын үсэг зуржээ. Үүнээс хойш жилд дунджаар 3-6 мянган адуу, хамгийн ихдээ 7 мянган адуу экспортолсоор ирснийг албаны хүн хэлж байна.
Өнгөрсөн найман жилийн хугацаанд 56 мянган адууг амьдаар нь экспортолсон байх юм Тэд ийм зарчмаар хил давсан ихэнхи адууг БНХАУ-руу экспортолжээ. Ингэхдээ нэг машины тэвшинд 30-40 адуу ачдаг байна. Хол замд олноор нь шахаж ачсан адуу дарагддаг, олон хоног өвс тэжээлгүй явснаас өлддөг, замын энхэл донхолд бэртэж үрэгддэг аж.

Ер нь ч Монголчууд 1960-1970-аад оны үеэс адуугаа амьдаар нь гадаадад гаргаж эхэлсэн түүх бий. Тухайн онуудад ОХУ-руу вагонд ачин цанатын баазаар жилд 10 мянга орчим адууг амьдаар нь гаргадаг байсан тоо баримттай.

Бичигтийн боомтод 20-иод хоног өвс тэжээл, усгүй хорионы байдалтай байсан адуун сүрэг өлдсөндөө нэгнийхээ дэл сүүлийг мэрж, машины тэвшин дээрх модыг хүртэл хазаж мэрсэн байдалтай байжээ.

Эдгээр адуун сүрэг тус боомтод буй хүйтэн сэтгэлд монголчуудын гарт өлдөж, амьдаараа тарчилан үхэж буй талаар өр өвтгөм дүр зураглалыг “өдрийн сонин”-ыхон нийтэлсэн байв.

Тодруулбал, боомтод байрлаж буй иргэдийн хэлж буйгаар “ Энэ хэдэн үдгээрийг Хятад руу гаргачих юм бол ажлын хөлс мөнгөө аваад явчихмаар байдаг. Гэтэл хилээр гаргахгүй гээд шийдвэр гаргачихлаа. 20 хоног энд хийх ажилгүй зогслоо. Энэ хэдэн адууг ачсанаас болоод баларч байна. Хамаг ажлаа алдаад 20 гаруй хоночихоор хэний ч гэсэн уур хүрнэ биз дээ. Бид ардаа амьдралтай хүмүүс шүү” гэснийг энд ишлэе. Түүнчлэн олон үхсэн адууг хог ачиж буй мэт машин дээр ачин хаяхаар явж буйг ч дээрх нийтлэлд дурджээ.

Хэдийгээр дээрх амьдаараа тарчилж, хил дээр гацсан олон адууг энэ сарын 10-ны өдөр “Мах маркет” руу нядалгаанд явуулах шийдвэр гаргаж, асуудлыг түр намжаасан боловч малчид эсэргүүцлээ илэрхийлээд байна.

Өчигдөр буюу энэ сарын 13-ны өдөр Ховд аймгийн баруун гурван сумын малчид зудын эрсдэлээс гарахын тулд адуугаа зарж байгаа тул дээрх шийдвэрийг эсэргүүцсэн юм. Тухайн сумдын малчид 700 орчим адуу аж ахуйн нэгжид гэрээгээр өгөөд, мөнгөө авч чадахгүй хүлээлтийн байдалтай байгаа аж.



Хэрэв холбогдох байгууллагуудаас гаргаж байгаа шийдвэрийг хүлээвэл малчид хохирох магадлал өндөр гэнэ. Тиймээс ядаж улсын хэмжээнд тусгай зөвшөөрөл бүхий амьд адуу гаргадаг аж ахуйн нэгжийг бүгдийг нь биш юм гэхэд өвөлжилт хүндэрсэн цас зудтай сумдын малчдын адууг нэг удаа гадагшаа гаргах зөвшөөрөл олгож өгөх боломжийг нутгийн иргэд төр засгаасаа хүслээ.

Тэгвэл мал худалдаж авдаг ченжүүд малчнаас нэг адууг 450-500 мянган төгрөгөөр худалдаж авдаг аж.

Харин авсан адуугаа урд хөршид нэг сая орчим төгрөгөөр борлуулдаг тухай албан бус мэдээ бий. Манайд адууг амьдаар нь экспортонд гаргадаг зөвшөөрөл бүхий 8-9 аж ахуй нэгж байдаг. Энэ зөвшөөрлийг зөвхөн Монгол талаас олгодоггүй. БНХАУ-ын адууг нядлан бэлтгэх үйл ажиллагаа явуулдаг аж ахуй нэгж, компанитай гэрээ хийдэг.

Улмаар БНХАУ-ын ӨМӨЗО-ны хорио цээрийн байгууллага тухайн компанид адуу экспортлох зөвшөөрөл бүхий гэрчилгээг олгодог байна. Зөвшөөрөлтэй аж ахуй нэгж нэг удаад дунджаар 500-1000 адуу амьдаар нь экспортолдог гэнэ. Ингэхлээр адууны наймаа эрхэлдэг ченжүүд нэг удаад 500 саяын ашиг олдог гэхэд хилсдэхгүй. Зарим тохиолдолд малын ченжүүд нэг удаад 2 мянган адууг амьдаар нь хил нэвтрүүлэх хүсэлтийг ч МХЕГ-т тавьдаг аж.

Хэдийгээр Шадар сайд У.Хүрэлсүхийн дээрх шийдвэр эх оронч боловч нөгөө талаар малчдынхаа эрх ашгийг бодолцож, урд хөрш рүү гаргаж байгаа энэ адуугаа дотооддоо худалдан авдаг байсан бол өнөөдөр байдал ингэж хурцдахгүй байж болох талтай.

С.Зориг агсны хэргийн шүүх хурал өнөөдөр ШШГЕГ-ын харьяа цагдан хорих 461 дүгээр ангид 10.00 цагаас эхэлнэ. Тэгвэл яг одоо тус газарт хамгаалалт аваад байгаа бөгөөд шүүгдэгч, хохирогч нарын ар гэрийнхэн болон сэтгүүлч нарыг дотогш нэвтрүүлээгүй байна. Мөн шүүх хурал болох орчинд гар утасны сүлжээ унагагч байршуулах юм байна.



С.Зориг агсны амь насыг бүрэлгэсэн хэрэгт шүүгдэгч Ц.Амгаланбаатар нарын гурван хүнийг Эрүүгийн хуулийн тусгай ангийн 91.2.1, 91.2.4, 91.2.6, 91.2.10, 91.2.11, 91.2.12, 91.2.13, 91.2.16 гэсэн зүйл заалтаар шүүнэ.



Харин Ерөнхий шүүгчээр М.Алдар, шүүгч Б.Мөнх-Эрдэнэ, С.Оюунчимэг нар оролцох юм. Мөн өмгөөлөгчөөр Л.Мөнхтөр, С.Оюунцэцэг, Д.Дашдорж, Л.Энхсайхан, улсын яллагчаар Б.Батжаргал, Ж.Сандагсүрэн, хохирогчоор С.Оюун оролцоно.



Бид шүүх хурлын талаарх мэдээллийг цаг алдахгүй хүргэх болно.

Шинэ жилийн баяр, тэмдэглэлт ой зэрэг олныг хамарсан арга хэмжээнүүд болох хугацаа ойртож буйтай холбогдуулан зарим бүтээгдэхүүний үнэ ханш өссөнөөс хямд үнэтэй, хуурамч бүтээгдэхүүн худалдаанд гарч болзошгүй тул дараах сэрэмжлүүлгийг хүргэж байна. Үүнд:

1. Баяр ёслол, тэмдэглэлт ойн арга хэмжээг зохион байгуулахаар зоогийн газрыг сонгохдоо дараах зүйлийг харгалзан үзэх шаардлагатай. Үүнд:


Зоогийн газрын хоол үйлдвэрлэлийн ажлын байр нь хоол хүнсний зориулалтаар зохион байгуулагдсан, ариун цэвэр, эрүүл ахуйн шаардлага хангасан байгаа эсэхийг анхаарах.
Их хэмжээний хоол хүнснийг нэг дор бэлтгэн халуунаар хадгалахад шаардагдах хоол үйлдвэрлэлийн тоног төхөөрөмж, багаж хэрэгсэл хүрэлцээтэй эсэх, ажиллагсад эрүүл мэндийн шинжилгээнд хамрагдсан эсэх, мэргэжлийн тогооч, ажиллагсдаар бүрэн хангагдсан эсэхийг харгалзан үзэх.
Хоол хүнсэнд хэрэглэж буй түүхий эд, материал нь чанар аюулгүй байдлыг хангасан тухай шинжилгээний бичигтэй баталгаажилттай байх, ариун цэврийн шаардлага хангасан, зориулалтын байртай худалдааны байгууллагаас нийлүүлсэн эсэхийг холбогдох бичиг баримтанд үндэслэн сайтар хянаж үзэх.
Мах, махан бүтээгдэхүүн нь мал эмнэлэг, ариун цэвэр-гарал үүслийн гэрчилгээтэй эсэх, эрх бүхий лабораторит аюулгүй байдлын шинжилгээнд хамрагдсан байдлыг нягтлан үзэх.

2. Ариун цэврийн шаардлага хангаагүй, бохир орчинд явуулж буй хоол үйлдвэрлэл, үйлчилгээний газраар үйлчлүүлэхгүй байх.



Архи согтууруулах ундааг худалдан авах, үйлчлүүлэхдээ хаана үйлдвэрлэсэн, чанар аюулгүй байдлын баталгаажилттай эсэхийг магадлан үзэхийн зэрэгцээ тунадас булингартай, механик хольцтой, хямд үнэтэй, гар дээрээс худалдаалж буй архи, согтууруулах ундааг худалдан авч хэрэглэхгүй байх.
Хоол хүнсийг бүрэн гүйцэд болгосон эсэхийг шалгаж хэрэглэх,
Гэрийн нөхцөлд хүнсний бүтээгдэхүүнээ зөв хадгалж, бүрэн боловсруулан хэрэглэх, хоносон хоол, удаан хадгалсан бүтээгдэхүүнийг хүнсэндээ хэрэглэхгүй байх.
Хүнсний бүтээгдэхүүний хэвийн өнгө, үнэр,төлөв байдал өөрчлөгдөж, муудсан шинж тэмдэг илэрсэн бол тухайн хүнсний бүтээгдэхүүний чанар алдагдаж, өвчин эмгэг, үүсгэгч, бичил биетэн өсөж үржсэн байж болзошгүй тул хоол хүнсэнд хэрэглэхгүй байх, хүнсний бүтээгдэхүүнийг худалдаж авахдаа сонголтоо зөв хийх.
“Хэрэглэгчийн эрхийг хамгаалах тухай” Монгол улсын хуулийн 5 дугаар зүйлийн 5.6-д “худалдан авагч нь худалдагчаас тухайн бүтээгдэхүүний чанар аюулгүйн баталгааг шаардан үзэх эрхтэй” гэж хуульчилсан байдаг тул ТА эрхээ зөв эдлэн болзошгүй эрсдэлээс өөрийгөө болон хэрэглэгч үйлчлүүлэгчдийг урьдчилан сэргийлэхийг Нийслэлийн Мэргэжлийн хяналтын газраас анхааруулж байна.