Бялууны төрлийн бүтээгдэхүүнийг хэрэглэгч худалдан авахдаа анхаарах зүйлс:

Сав баглаа боодлын бүрэн бүтэн байдал
Бүтээгдэхүүний хаяг шошгонд /орц, найрлага, үйлдвэрлэсэн он, сар, өдөр, хадгалах нөхцөл, хугацаа зэрэг/ үйлдвэрлэсэн мэдээлийг бүрэн тусгасан эсэх
Хэлбэр дүрсний бүрэн бүтэн байдал алдагдсан эсэх
Өнгө өөрчлөгдсөн эсэх /хөгцөрсөн, харласан, хатсаж өнгөн хэсэг хагарсан/
Ямар нэгэн гадны биетээр бохирлогдсон эсэх /хүн, амьтны үс, хялгас тоос г.м/
Үнэр өөрчлөгдсөн эсэхийг сайтар шалгах
Хадгалах болон хэрэглэж дуусах хугацааг шалгах
Худалдааны газарт зориулалтын тоног төхөөрөмжинд хадгалаагүй, гудамж, талбайд ил задгай худалдалдан борлуулж байвал тухайн бүтээгдэхүүнийг худалдан авахгүй байхыг зөвлөж байна.

Эрхэм хэрэглэгч та:

- Кремт бүтээгдэхүүнийг зөв сонгон аюулгүй хүнс хэрэглэснээр та хоол хүнсээр дамжин халдварлаж болзошгүй аливаа өвчний эрсдэлээс өөрийгөө болон гэр бүлээ хамгаалах болно.



-Хэрэглэгч та шаардлагатай тохиолдолд “Хэрэглэгчийн эрхийг хамгаалах туай” хуульд заасны дагуу худалдан борлуулагчаас чанар аюулгүй байдлын баталгаажилт, лабораторийн шинжилгээний баримт бичгийг шаардан үзэх эрхтэй.

2007 онд түүний охин Лили Рөүз бөөрний дутагдлаа эмчлүүлснээс хойш эмнэлэг гэдэг Жонни Деппийн хувьд онцгой нэгэн газар болсон юм.

Баасан гарагт жүжигчин Жонни Депп Лондонгийн “Great Ormond Street” эмнэлэгт зочлон өвчтэй хүүхдүүдэд Зул сарын гэнэтийн бэлэг барьжээ.

Тэрбээр “Кариббын тэнгисийн дээрэмчид” киноны ахмад Спароугийн дүрээр айлчлан очсон байна. Бага насныхан түүнийг хэн гэдгийг нь сайн мэдэхгүй байсан ба магадгүй Санта Клаус ч юм уу Зул сарын нэгэн гайхамшиг гэж бодсон бизээ.



Харин арай томхон хүүхдүүд нь жүжигчин эрийг шууд л таньсан бөгөөд хамтдаа зургаа авахуулж, ярилцсан гэнэ.

Жонни Депп жил бүр уг эмнэлгээр зочлон хүүхдүүд баярлуулдаг бөгөөд өдгөө 17 настай Лили Рөүз охин нь есөн жилийн өмнө Great Ormond Street эмнэлэгт хэвтэн эмчлүүлж байсан юм. Хайрт охин нь эмнэлэгт хэвтэж байх тэр үе Жоннигийн хувьд амьдралынх нь хар өдрүүд байсан хэмээн дурсан ярьдаг аж. Анхлан охинтойгоо ижил өвдөж шаналсан хүүхдүүдэд сэтгэлийн дэм өгөхөөр эмнэлгийг зорьдог байсан бол эргээд өөрийнх нь хувьд маш том бэлэг болдог болсон гэжээ.

Африкийн Нигери улсын зүүн хойд нутагт дэлбэрэлт болсноор амь үрэгдэгсдийн тоо 56 болжээ. Түрүүнд нь 30 хүн амь үрэгдэж, 57 хүн бэртэж гэмтсэн гэж мэдээлж байсан юм.

Мадагали суурингийн зах зээлийн газарт 12 дугаар сарын 09-ний өдөр хоёр дэлбэрэлт болсон байна. Эрх баригчдын хэлснээр, тус оронд ажилладаг исламын “Боко харам” бүлэглэлийн амиа золиослогч охид энэ дэлбэрэлтийг үйлджээ. Тэд сурагч байсныг хэвлэлд дурдаж байна.

”Боко харам” Нигерийн хойд болон баруун хойд нутагт ажилладаг террорын бүлэглэл юм. Тус бүлэглэлийнхэн Камерун, Нигери, Чад зэрэг хөрш орнуудын нутаг дэвсгэрт ч бас халдлага үйлддэг байна. “Боко харам” бүлэглэл шариатын дэг журам тогтоож, Нигерийн нутагт исламын халифатын улс байгуулахыг зорьдог юм.

2009 оноос хойш тус бүлэглэлийн гишүүд Чад нуурын сав газрын орнуудад наад зах нь 20 мянган хүний амь насыг бүрэлгэж, олон арван мянган хүнийг хулгайлжээ. 2015 оны гуравдугаар сард “Боко харам” бүлэглэл террорын “Исламын улс” байгууллагад үнэнч гэдгээ андгайлсан байна.

Дуулиантайгаараа алдартай жүжигчин Линдси Лоханоос байрыг нь хураав. Лоханы амьдарч байсан Лондоны байрны эзэн компани Лоханыг тэндээс албадан гаргажээ. Жүжигчин түрээсийн 77 мянган фунт стерлингийг төлөөгүй байв гэж Daily Mail сонин бичлээ.

Нэг см талбайтай уг код хүний хумсны хэлбэрт тохирохоос гадна хүний биед ямар нэг сөрөг нөлөө үзүүлэхгүй тухай Ирума компанийн төлөөлөгчид мэдээлжээ.

Япон улсын хүн амын ¼ -ийг 65 болон түүнээс дээш насныхан эзэлдэг нь дэлхийн хамгийн их хөгшин хүнтэй орныг тэргүүлж байна. Тус улсад сэтгэцийн өвчтэй болон өндөр настнууд алга болох үзэгдэл түгээмэл тохиолддогоос оймс, гутлан дээр нь бар код наах үйлчилгээ нэвтрүүлээд байсан. Гэвч хүн бүр нэг оймс, гутлаа өдөр бүр өмсдөггүй, зуны халуунд оймсгүй явах ч тохиолдол бий учраас уг үйлчилгээ тийм ч амжилттай хэрэгжээгүй юм. Харин энэ удаагийн төслийг хамгийн шилдэг, тохиромжтой арга хэмээн мэргэжилтнүүд үзэж байна.

Японы 65-аас дээш настнууд 2055 он гэхэд 40 хувиар өсч, хүн амынх нь тоо 127 саяас 90 сая болтлоо буурах тооцоо гарчээ.

Монгол Улсын шинэ Үндсэн хуулийн 25 жилийн ой 2017 оны нэгдүгээр сарын 13-нд тохионо. Ойн хүрээнд зохион байгуулах ажлын эхнийх болох Шатар сонирхогчдын улсын аварга шалгаруулах анхан шатны тэмцээн арваннэгдүгээр сарын 19-нөөс 20-ны хооронд явагдаж өндөрлөсөн бол өнөөдөр 21 аймаг, нийслэл Улаанбаатар хотын аварга шалгаруулах хагас шигшээ тэмцээн нэгэн зэрэг нээлтээ хийлээ.

Тэмцээний нээлтийн ажиллагаанд УИХ-ын Тамгын газрын Захиргаа, санхүү, аж ахуйн асуудал хариуцсан нарийн бичгийн дарга П.Цэрэн, УИХ-ын Тамгын газрын референт, Олон улсын шатрын холбооны мастер Г.Алтан-Оч, нийслэлийн ИТХ-ын нарийн бичгийн дарга М.Буяндэлгэр, Монголын шатрын холбооны гүйцэтгэх захирал Б.Наранбаатар нар оролцов.


Шатар сонирхогчдын аймаг, нийслэлийн аварга шалгаруулах тэмцээний дараа улсын аваргыг 2017 оны нэгдүгээр сард Төрийн ордонд болох тэмцээнээс тодруулна гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

БНХАУ-ын ӨМӨЗО-ны захиргаанаас Монгол, Хятадын дөрвөн боомт дээр ачаа болон том даацын машины хураамжийг нэмэх шийдвэр гаргаж, уг шийдвэрийг 12 дугаар 1-ний өдрөөс эхлэн мөрдөж эхэлсэн.

Гэхдээ энэ шийдвэр нь одоогоор зөвхөн Гашуун сухайт-Ганц модны боомт дээр хэрэгжиж байгаа, харин бусад боомтууд хураамжийн хуучин журмаа мөрдсөн хэвээр байгаа гэсэн мэдээллийг Гадаад харилцааны яамнаас өгч байна.

ӨМӨЗО-ны энэхүү шийдвэр нь энэ оны 11 дүгээр сарын эхээр гарсан бөгөөд уг шийдвэрт зөвхөн Монгол, Хятадын бус, мөн Хятад, Оросын Манжуур зэрэг гурван боомтоор орох ачаа болон машины хураамжийг нэмэхээр заасан ажээ.

Чөлөөт бөхийн эмэгтэйчүүдийн “Кубок Россий по женской борьбе” олон улсын тэмцээн болж байна. Тус тэмцээнд ОХУ, АНУ, Беларусь, Итали, Казакстан, Эстони, Монгол зэрэг орны тамирчид өрсөлдөж байгаа юм. Уг тэмцээнд манай улсаас гавьяат тамирчин Ц.Энхжаргал, О.Насанбурмаа, олон улсын хэмжээний мастер Г.Отгонжаргал, П.Орхон, Э,Цэвэгмид, Ш.Түмэнцэцэг, А.Батцэцэг нарын бусад тамирчид оролцож байгаа аж.

Төмс, хүнсний ногооны дундаж үнэ: Төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 0.1 хувь, луувангийн үнэ 15.3 хувь, байцааны үнэ 18.5 хувиар өсч, манжингийн үнэ 2.4 хувиар буурч, сонгины үнэ өөрчлөлтгүй байна. Өмнөх 7 хоногийнхтой харьцуулахад луувангийн үнэ 15.3 хувь, байцааны үнэ 18.8 хувиар өсч, төмсний үнэ 0.7 хувь, манжингийн үнэ 2.2 хувиар буурч, сонгины үнэ өөрчлөлтгүй байна.

Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сарынхтай харьцуулахад савласан /1 литрийн/ сүүний үнэ 2.0 хувь, “Элекстер” /0.5 литрийн/ сүүний үнэ 1.6 хувиар өсч, задгай сүүний үнэ өөрчлөлтгүй байна. Өмнөх 7 хоногийнхтой харьцуулахад савласан /1 литрийн/ сүүний үнэ 1.2 хувь, “Элекстер” /0.5 литрийн/ сүүний үнэ 1.1 хувиар өсч, бусад сүүний үнэ өөрчлөлтгүй байна. Өндөгний үнэ өмнөх сарынхтай болон өмнөх 7 хоногийнхтой харьцуулахад 1.9 хувиар өсчээ. Ургамлын тосны үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй байна. Цөцгийн тосны үнэ өмнөх сарынхаас болон өмнөх 7 хоногийнхоос өөрчлөлтгүй байна.

Дээрхийн гэгээнтэн XIV Далай лам Данзанжамц Монголд айлчлаад буцсаны дараа Хятадын талаас авахаар хөөцөлдөж байсан зээлийн хэлэлцээр зогсож, төрийн хэд хэдэн айлчлал цуцлагдсан билээ. Түүний айлчлалыг цэвэр шашны, ямар нэгэн улс төрийн зорилгогүй байсан гэдгийг Гантэгчэнлин хийдээс мэдэгдсэн. Гадаад харилцааны сайд ч Засгийн газартай ямар нэгэн холбоогүй гэсэн мэдээлэл өгсөн билээ.

Сүүлийн хэдэн өдөр Далай ламд виз олгосон Япон улсад суугаа Монголын Элчин сайдын яамны консулын ажилтан халагдсан гэх мэдээлэл гарах болов. Энэ талаар ГХЯ болон Консулын газраас ямар нэгэн тайлбар хийгээгүй байгаа юм. Халагдсан гэх ажилтан ажлаа аваад гурван сар болж байсан аж. Энэ тухай асуудал Засгийн газрын түвшинд яригджээ. “Өдрийн сонин”-д мэдээллэснээр “Элчин сайд нь виз өгч болохгүй гэсэн юм билээ. Гэтэл тэр хүн үгээс нь зөрөөд виз өгсөн гэсэн. Дипломат ажилтан гэхээсээ илүү хувь хүний шийдвэр байсан байх. Энэ талаархи дуулианыг намдаахын тулд виз олгосон хүнд нь арга хэмжээ аваад өнгөрч байна” гэжээ.

Одоогоор халагдсан ажилтан эх орондоо ирээд байгаа аж. Улс төрийн зорилго бүхий, их гүрнүүдийн бодлоготой зөрчилдөх айлчлал бүрт ГХЯ-ын Консулын газраас зөвшилцөх үүрэг даалгаврыг улс орнуудад суугаа Элчин сайдын яамдад өгдөг байна. Харин манайхаас энэ үүрэг даалгаврыг өгөөгүйгээс ийм асуудалд хүрсэн үү гэдэг шүүмжлэл гарч байгаа юм. Уг нь виз олгосон ажилтанд биш Консулын газрынханд хариуцлага тооцох ёстой гэдэг асуудал ч хөндөгдөж байгаа аж.

Энэ сарын 29-ны өдөр бүх нийтээрээ амарна. Тодруулбал нийтээр тэмдэглэх баярын болон тэмдэглэлт өдрүүдийн тухай хуульд эл өдрийг Үндэсний эрх чөлөө, тусгаар тогтнолоо сэргээсний баярын өдөр хэмээн нийтээр тэмдэглэх баярын өдөр болгосон билээ.


Энэ өдөр Монголчууд үндэсний эрх чөлөөний хөдөлгөөн өрнүүлж, Манжийн дарлалаас салж, Богд хаант Монгол Улсыг байгуулсны 105 жилийн ой тохиох юм.

Хүний эрх, эрх чөлөөг дээдлэн сахих нь бүх нийтийн аюулгүй байдал, энх тайвны үндэс болохыг тунхаглаж, Нэгдсэн Үндэстний Байгууллагын Ерөнхий Ассамблейгаас Хүний Эрхийн Түгээмэл Тунхаглал хэмээх баримт бичгийг 1948 оны 12 дугаар сарын 10-ны өдөр батлан гаргасан билээ. Үүнээс хойш жил бүрийн эл өдрийг Олон улсын хүний эрхийн өдөр болгон дэлхий нийтээр тэмдэглэж, өдгөө 63 дахь жилтэйгээ золгож байна.

Хүний эрхийн байгууллагууд олон улсын хүний эрхийн өдрийг Нэгдсэн Үндэстний Байгууллагын Хүний эрхийн Дээд комиссарын газраас гаргасан нэгдмэл уриан дор тэмдэглэж, сурталчилгааны өргөн хүрээтэй үйл ажиллагаа явуулдаг билээ.

Автотээврийн болон өөрөө явагч хэрэгслийн албан татварын хуулийн дагуу иргэн, аж ахуйн нэгжийг энэ сарын 25-ны дотор албан татвараа төлөхийг нийслэлийн Татварын газраас сануулж байна.

Автотээврийн болон өөрөө явагч хэрэгслийн албан татварын хуульд хувь хүн нь автотээврийн болон өөрөө явагч хэрэгслийн албан татварыг жилд нэг удаа буюу тухайн жилийн 6 дугаар сарын 1-ний өдрөөс өмнө харьяалах татварын албанд төлөх учиртай. Хэрвээ 6 дугаар сарын 1-нээс хойш авто тээврийн болон өөрөө явагч хэрэгслийг импортоор оруулж ирсэн бол харьяалах татварын албанд тухайн жилдээ багтаан ногдох татварыг төлнө гэж заажээ.

Сонгинохайрхан, Баянзүрх, Баянгол дүүргийн оношилгооны төв, Автотээврийн үндэсний төв, Тээврийн хэрэгслийн бүртгэлийн газар болон Төрийн үйлчилгээний нэгдсэн “Дүнжингарав”, “Драгон”, “Мишээл” төвөөр аж ахуйн нэгж, иргэд үйлчлүүлэх боломжтой гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


Татварын хэлтсүүдийн ажиллах цагийн хуваарь

Татварын хэлтсийн нэрс Гараг Цагийн хуваарь
БГД, БЗД, СБД, ЧД, ХУД, НД, БХД, БНД-ийн татварын хэлтэс Даваа - Баасан 08:30 - 17:30
СБД, Авто тээврийн үндэсний төв
БЗД, Авто тээврийн үндэсний төв
Төрийн үйлчилгээний нэгдсэн төв /Дүнжингарав төв, Драгон төв, Мишээл төв/
БГД оношилгооны төв Өдөр бүр 08:30 - 20:30
БЗД оношилгооны төв
СХД оношилгооны төв

Өнөөдрөөс эхлээд улс төрийн шинэ үйл явдлыг эхлүүлнэ.

ОНГОЛ УЛСЫН ИХ ХУРЛЫН 2016 ОНЫ НАМРЫН ЭЭЛЖИТ ЧУУЛГАНЫ 12 ДУГААР САРЫН 12-ААС 16-НЫ ӨДРҮҮДЭД НАМЫН БҮЛЭГ, АЖЛЫН ХЭСЭГ, БАЙНГЫН ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:

12 дугаар сарын 12-ны Даваа гарагт:

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

ХОЁР.АЖЛЫН ХЭСГИЙН ХУРАЛДААН:

12 дугаар сарын 12-ны Даваа гарагт:

Гэр бүлийн хүчирхийлэлтэй тэмцэх тухай хуулийн шинэчилсэн найруулын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 09.00 цагаас 334 тоот өрөөнд;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл, Төрийн албаны тухай хуульд нэмэлт оруулах тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 14.00 цагаас 334 тоот өрөөнд;
Ерөнхий боловсролын сургуулийн “Үдийн цай” хөтөлбөрийн хэрэгжилтийн асуудлаар ирүүлсэн өргөдлийн дагуу Өргөдлийн байнгын хорооны дарга, гишүүд 14.00 цагаас нийслэлийн зарим сургуульд очиж танилцах;
Монгол Улсын гадаад харилцааны тухай хуулийн төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын хэсгийн хуралдаан 14.00 цагаас “В” танхимд;

12 дугаар сарын 13-ны Мягмар гарагт:

“Монгол Улсын тогтвортой хөгжлийн үзэл баримтлал-2030”-ыг хэрэгжүүлэхэд бодлогын зохицуулалт хэрхэн хийх вэ?-институцийн оновчтой хувилбарууд сэдэвт Төрийн байгуулалтын байнгын хорооны хэлэлцүүлэг 09.00 цагаас “Жанжин Д.Сүхбаатар” танхимд;

12 дугаар сарын 14-ний Лхагва гарагт:

Арбитрын тухай хуулийн шинэчилсэн найруулгын төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 09.00 цагаас 334 тоот өрөөнд;
Монгол Улсын хилийн тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн болон Аюулгүй байдал, гадаад бодлогын байнгын хорооны хамтарсан ажлын хэсгийн хуралдаан 14.00 цагаас 334 тоот өрөөнд.

ГУРАВ.БАЙНГЫН ХОРООНЫ ХУРАЛДААН:

12 дугаар сарын 13-ны Мягмар гарагт:

1.Хууль зүйн байнгын хорооны хуралдаан 09.00 цагаас “В” танхимд:

Хэлэлцэх асуудал:

Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүд /Засгийн газар 2016.09.09-ний өдөр өргөн мэдүүлсэн, анхны хэлэлцүүлэг, үргэлжилнэ/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг, үргэлжилнэ/;
Шүүгчийн эрх зүйн байдлын тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2016 оны 12 дугаар дүгнэлтийг Улсын Их Хурал хүлээн авсантай холбоотой/.

2.Эдийн засгийн байнгын хорооны хуралдаан 09.00 цагаас “Их эзэн Чингис хаан” танхимд:

Хэлэлцэх асуудал:

“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/;
Хэрэглэгчийн эрхийг хамгаалах тухай хуулийн шинэчилсэн найруулгын төсөл болон холбогдох бусад хуулийн төслүүд /Улсын Их Хурлын гишүүн Т.Аюурсайхан 2016.10.27-ны өдөр өргөн мэдүүлсэн, хэлэлцэх эсэх/;
Ипотекийн зээлийн хөтөлбөрийн хэрэгжилт, барилгын салбарын өнөөгийн байдал, тулгамдсан асуудлуудын талаархи Барилга, хот байгуулалтын сайдын мэдээлэл;
Төрийн өмчит болон төрийн өмчийн оролцоотой компаниудын өр, зээлийг барагдуулж, ашигт ажиллагааны түвшинг дээшлүүлэх талаар авч хэрэгжүүлж буй арга хэмжээ, үр дүн болон 2017 онд хувьчлагдах обьектуудын хувьчлалын бэлтгэл ажлын явц, байдал, тулгамдсан асуудлуудын талаархи Төрийн өмчийн бодлого, зохицуулалтын газрын даргын мэдээлэл;
Бусад.

3.Хууль зүйн байнгын хороо болон Эдийн засгийн байнгын хорооны хамтарсан хуралдаан 14.00 цагаас “Их эзэн Чингис хаан” танхимд:

Хэлэлцэх асуудал:

Засгийн газраас Хөгжлийн банкны үйл ажиллагаанд хийсэн шалгалтын талаархи ажлын хэсгийн мэдээлэл.

4.Төрийн байгуулалтын байнгын хорооны хуралдаан 14.00 цагаас “В” танхимд:

Хэлэлцэх асуудал:

“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/.

12 дугаар сарын 14-ний Лхагва гарагт:

1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Жанжин Д.Сүхбаатар” танхимд:

Хэлэлцэх асуудал:

Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Ажлын хэсгүүд байгуулах тухай.

2.Аюулгүй байдал, гадаад бодлогын байнгын хорооны хуралдаан 14.00 цагаас “Их эзэн Чингис хаан” танхимд:

Хэлэлцэх асуудал:

“Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.11.17-ны өдөр өргөн мэдүүлсэн, анхны хэлэлцүүлэг, санал дүгнэлтээ Хууль зүйн байнгын хороонд хүргүүлнэ/.

3.Өргөдлийн байнгын хорооны хуралдаан 14.00 цагаас “Жанжин Д.Сүхбаатар” танхимд:

Хэлэлцэх асуудал:

Иргэдээс ирүүлсэн өргөдлийн дагуу сууц өмчлөгчдийн холбооны эрх зүйн орчныг боловсронгуй болгох асуудлыг хэлэлцэх тухай.

ДӨРӨВ.ЧУУЛГАНЫ НЭГДСЭН ХУРАЛДААН:

12 дугаар сарын 15, 16-ны Пүрэв, Баасан гарагт 10.00 цагаас:

Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүд /Засгийн газар 2016.09.09-ний өдөр өргөн мэдүүлсэн, анхны хэлэлцүүлэг/;
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төсөл /Засгийн газар 2016.10.07-ны өдөр өргөн мэдүүлсэн, анхны хэлэлцүүлэг/;
Шүүгчийн эрх зүйн байдлын тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2016 оны 12 дугаар дүгнэлтийг Улсын Их Хурал хүлээн авсантай холбоотой/;
Ахмад настны тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төсөл /Засгийн газар 2016.11.11-ний өдөр өргөн мэдүүлсэн, хэлэлцэх эсэх/;
Хэрэглэгчийн эрхийг хамгаалах тухай хуулийн шинэчилсэн найруулгын төсөл болон холбогдох бусад хуулийн төслүүд /Улсын Их Хурлын гишүүн Т.Аюурсайхан 2016.10.27-ны өдөр өргөн мэдүүлсэн, хэлэлцэх эсэх/;
Бусад;
Монгол Улсын Ерөнхий сайдын мэдээлэл: “Дээд боловсролын тогтолцоог хөгжүүлэх чиглэлээр авч хэрэгжүүлж буй арга хэмжээний талаар”.

ТБД АНДУУД

11.00 цагт: ”Монголын Ардчилсан Холбоо” /МоАХ/ байгуулагдсаний өдөрт зориулан Ардчиллын алтан хараацай, Хонх хамтлагийн дуучин С.Цогтсайхан агсны дурсгалд зориулсан гэрэлт хөшөөнд цэцэг өргөх ёслол Баянгол дүүргийн нутаг дэвсгэр, ТБД Андуудын урд болно. Утас: 91000017
“SOCIAL ART” ҮЗЭСГЭЛЭНГИЙН ТАНХИМ

11.00 цагт: Олон улсын Хүний эрхийн өдрийг тохиолдуулан Хөдөлмөр, нийгмийн хамгааллын яам, Нийслэлийн Засаг даргын тамгын газар, “Тэгш Нийгэм Холбоо” ТББ, “Нийгмийн зөвлөх үйлчилгээний хүрээлэн” ТББ, Италийн АИФО байгууллага хамтран “Social Art” үзэсгэлэн зохион байгуулна. Үзэсгэлэнгийн нээлт “Social Art” үзэсгэлэнгийн танхимд /Зайсан орох замд/ болно. Утас: 99027408
СҮХБААТАРЫН ТАЛБАЙ

12.00 цагт: Хүний эрх Хөгжил Төв ТББ-аас олон улсын хүний эрхийн өдрийг тохиолдуулан “Оролцооны эрхийг баталгаажуулъя” цуглааныг зохион байгуулна. Цуглаанд Их, дээд сургуулийн оюутнууд, ЕБС-ийн сурагчид, хүүхэд, ахмад, хөгжлийн бэрхшээлтэй иргэд, эмэгтэйчүүдийн байгууллага, Хүний эрхийн Үндэсний Комисс, түүний орон нутгийн төлөөлөгчид, хүүхдийн эрхийн байгууллагууд, орон нутгийн Мөнгөн хуримтлалын Бүлгийн Холбоод оролцох юм. Утас: 88168100
HI-FI CD SHOP

13.00 цагт: Дуучин Х.Мөнгөнцэцэгийн ”Уулзахын хүслэн” шинэ цомгийн нээлт ”Hi-Fi cd shop”-д болно.
ЗЭВСЭГТ ХҮЧНИЙ 013 ДУГААР АНГИ

13.00 цагт: Цэргийн тангараг өргөх ёслолын ажиллагаа болно. Зэвсэгт хүчний 013 дугаар ангид болох уг ёслолд ЗХЖШ-ын дарга, Улаанбаатар хотын цэргийн штабын дарга нар оролцоно. Утас: 325044, 99077535
УЛСЫН ДРАМЫН ЭРДМИЙН ТЕАТР

14.00 цагт: УДЭТ-ын 2005 оноос эхлэн хэрэгжүүлсэн ”Бид мартахгүй-Алтайн тайзны эзэд” үзэсгэлэнгийн нээлт болно.

17.30 цагт: ”Бид мартахгүй-Алтайн тайзны эзэд” хүндэтгэлийн ажиллагаа болно.

Өнгөрөгч долоо хоногт болж өнгөрсөн онцлох үйл явдлуудыг тоймлон хүргэж байна. Тухайлбал, Ерөнхийлөгч Ц.Элбэгдоржийг огцруулах асуудал хөндөгдсөн бол “Хар сарнай” хамтлагийн дуучин С.Амараатай холбоотой асуудал олны анхаарлын төвд байв. Мөн энэ сарын 6-нд болсон АН-ын Их хурал хүлээлт үүссэн.

Баруун аймгуудын нутгаар: 5-6,10-нд зарим газраар цас орж явган шуурга шуурна. салхи Алтайн уулсаар 14-16м/с хүрч ширүүснэ. Идэр, Тэсийн хөндийгөөр шөнөдөө 24-29 градус, өдөртөө 11-16 градус хүйтэн, Алтайн өвөр говиор шөнөдөө 8-13 градус хүйтэн өдөртөө 0-5 градус дулаан, бусад нутгаар шөнөдөө 15-20 градус өдөртөө 3-8 градус хүйтэн байна.

Төвийн аймгуудын нутгаар: 5-6,10-нд нутгийн баруун хэсгээр, 7,11-нд зарим газраар бага зэргийн цас орно. Салхи 5,7,10-11-нд зарим газраар 12-14м/с хүрч ширүүснэ. 5,10-нд ихэнх нутгаар хүйтэн суларна. Бусад хугацаанд Дархадын хотгороор шөнөдөө 26-31 градус өдөртөө 15-20 градус, Орхон-Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 22-27 градус өдөртөө 11-16 градус хүйтэн, бусад нутгаар шөнөдөө 17-22 градус өдөртөө 5-10 градус хүйтэн байна. 8-нд нутгийн зүүн хагаст бага зэрг хүйтэрнэ.

Зүүн аймгуудын нутгаар: 6-7-нд нутгийн хойд хэсгээр, 8-нд нутгийн зүүн хэсгээр бага зэргийн цас орно. 11-нд зарим газраар цас орж зөөлөн цасан шуурга шуурна. Салхи зарим газраар 5-8-нд 9-14м/с, 11-нд 15-17 хүрч ширүүснэ. Хэрлэн, Онон, Улз, Халх голын хөндийгөөр шөнөдөө 20-25 градус өдөртөө 9-14 градус хүйтэн, бусад нутгаар шөнөдөө 16-21 градус өдөртөө 4-9 градус хүйтэн байна. 8,11-нд ихэнх нутгаар бага зэрэг хүйтэрнэ.

Говийн аймгуудын нутгаар: 7-нд шөнөдөө нутгийн хойд хэсгээр бага зэргийн цас орж явган шуурга шуурна. Салхи 5-7,10-11нд зарим газраар 12-14м/с, Арц богдын өврөөр түр зуур 16-18м/с хүрч ширүүснэ. Нутгийн хойд хэсгээр шөнөдөө 16-21 градус өдөртөө 3-8 градус хүйтэн, бусад нутгаар шөнөдөө 12-17 градус хүйтэн өдөртөө 2 градус хүйтнээс 3 градус дулаан байна. 8-9нд нутгийн зүүн хагаст бага зэрэг хүйтэрнэ.

2016.12.10, БЯМБА ГАРАГ / БИЛГИЙН ТООЛЛЫН: 11

ӨВЛИЙН ДУНД ЦАГААН ХУЛГАНА САР
ТАВАН ШАР МЭНГЭТЭЙ УЛААН БАР ӨДӨР

Аргын тооллын: 2016.12.10, Бямба гараг
Наран ургах шингэх: 08.31-16.59
Үс засуулбал: Эрхтэн хурц болно
Барилдлага: Үл тохирох
Шүтэн барилдлага: Сансар
Тухайн өдөр үхэр, бар, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эд эдлэл барагдах, хулгай, дээрмийг дарах тэргүүтэнд махаши тэнгэрээс гаслан ирэх тул хэрэг тус үл бүтнэ. Бурханы ёс ба тарни бүтээх, амраг нөхдийг хураахуйд сайн. Баруун чих хангинавал асрагдах, зүүн нь бол буян арвижих, нохой уливал гэрийн тэнгэр зайлсан, хэрээ гуаглавал эд агуурс олдох, тагнай загатнавал зочин ирэх, бие татвал гаслан болох, хөл татвал хувцас олдох болой. Өдрийн сайн цаг нь хулгана, үхэр, луу, могой, хонь, нохой болой.

”Ард түмнээ хайрлая” намын дарга, УИХ-ын гишүүн асан Л.Гүндалай АН-д элсэх өргөдлөө өгчээ. Тэрбээр энэ талаараа өнөөдөр хэвлэлийн бага хурал хийсэн. Тэгвэл өргөдлийн хариуд АН-ын ерөнхий нарийн бичгийн даргын үүрэг гүйцэтгэгч Л.Эрхэмбаяр хариу өгчээ.



Энэ тухай Ерөнхий нарийн бичгийн даргын үүрэг гүйцэтгэгч Л.Эрхэмбаяр өөрийн твиттер хуудаснаа “Л.Гүндалайгийн өргөдлийг хүлээж авах боломжгүй” хэмээн жиргэжээ.