Өнгөрсөн долоо хоногт Нийслэлийн өмчийн харилцааны газрын дарга Б.Амаржаргалыг АТГ-аас баривчлан саатуулсан. Үүний өмнө буюу долдугаар сард Баянзүрх, Сүхбаатар, Баянгол дүүргийн Өмч, газрын харилцааны албаны дарга нарыг мөн АТГ-аас баривчилсан гэх мэдээлэл цацагдсан билээ. Дээрх хүмүүсийн дунд Сүхбаатар дүүргийн Өмч, газрын харилцааны албаны дарга Т.Мөнхбаатарын нэр дуулдаж байсан бөгөөд түүнийг хорьсон ч батлан даалтад гаргасан гэх мэдээлэл байгаа. Бид энэ Т.Мөнхбаатараас өөрөөс нь тодрууллаа

Нээлттэй засгийн түншлэлийн үйл ажиллагааны үндэсний төлөвлөгөөг танилцууллаа

Өнгөрсөн долоо хоногт хонины ястай нэг килограмм мах дунджаар 4935 төгрөг, үхрийн ястай мах нэг килограмм нь дунджаар 6295 төгрөгийн үнэтэй байлаа.

НӨАТ-ын ээлжит сугалаа өчигдөр буюу энэ сарын 08-нд болж, 6 мянга 893 азтан тодорчээ. Энэ удаагийн сугалаагаар Супер азтан буюу 200 сая төгрөгийн азтан тодроогүй бөгөөд 5 иргэн тус бүр 4 сая төгрөг хожлоо. Мөн 63 азтан тус 500 мянган төгрөг, 644 азтан 100 мянган төгрөг хожсон бол 6 мянга 181 азтан 20 мянган төгрөгийн эзэн болов.

Энэ удаагийн тохиролд өнгөрсөн сарын 01-31-нд олгосон 18 сая 538 мянга 300 баримт хамрагдсан юм.

12 долоо хоног буюу 3 сарын хугацаатай, жилийн 15.70%-ийн хүүтэй, 28 долоо хоног буюу 6 сарын хугацаатай, жилийн 16.40%-ийн хүүтэй Засгийн газрын богино хугацаат үнэт цаасыг анхдагч зах зээлийн арилжааны захиалгыг Монголын хөрөнгийн биржийн гишүүн үнэт цаасны компаниудаар дамжуулан авч байгаа билээ. Маргааш буюу есдүгээр сарын 20-ны өдөр дээрх арилжаа явагдах ажээ.

Монгол Улсын Ерөнхийлөгч Цахиагийн Элбэгдорж Кубын “Генетикийн инженер, биотехнологийн төв”-д зочиллоо. Ерөнхийлөгчийг тус төвийн захирал Еүлохио Пиментел, “БиоКубаФарма” нэгдлийн Ерөнхийлөгч Др. Карлос Гутиеррес нар угтан авч төвийхөө үйл ажиллагааны талаар танилцуулав

Өвөрхангай аймгийн Хархорин сумын нутаг дэвсгэрт үйл ажиллагаагаа явуулдаг Эрдэнэзуу хийдийн гурван лам өнгөрсөн оны есдүгээр сарын 15-нд хүчингийн хэрэг үйлдсэн билээ.

Тодруулбал, тус хийдийн тахилч лам Н, Г, голч лам Э,Д, их гэсгүй лам Б,Ж нар хамт архи уусан 19 настай эмэгтэйг хүчиндсэн гэх мэдээлэл хархорин сумын цагдаагийн тасагт ирсэн. Үүний дагуу Өвөрхангай аймгийн цагдаагийн хэлтэс шуурхай арга хэмжээ авч, хэргийг шалгаж, шүүхэд шилжүүлсэн билээ.

Өнгөрсөн зургаадугаар сард Өвөрхангай аймгийн шүүхэд лам нарт холбогдох шүүх хурал болсон. Лам нарт эрүүгийн хуулийн 126.2.6 буюу бүлэглэж буюу урьдчилан үгсэж тохиролцсон гэх зүйл ангиар 5-10 жилийн ял төлөвлөсөн байсан. Анхан шатны шүүхээр тэдэнд 3.8 жилийн ял оноогоод байсан ч давж заалдах шатны шүүхээс энэ хэргийг дахин анхан шатны шүүхэд буцаасан байдаг. Тэгвэл хэргийг Өвөрхангай аймгийн Хархорин сум дахь сум дундын шүүхээр өнгөрсөн долоо хоногт хэлэлцэж, анхан шатны шүүхийн шийдвэрийг хэвээр үлдээжээ.

Ерөнхий сайд Ж.Эрдэнэбат Сэлэнгийн Мандал, Баянгол суманд ажиллалаа

Төрийн банкийг Д.Баярсайхан удирдана

Ажилчны гудамжны автозамыг 2016 оны 09-р сарын 18-ны 23:00 цагаас 09 дүгээр сарын 20-ны 07:00 цаг хүртэл хааж засюарын ажил хийнэ. Энэ хугацаанд тус замаар үйлчилгэнэд явдаг Ч:18б “3,4-р хороолол-Ард кино театр-ТЭЦ3, Ч:44 “Нарангийн гол-ТЭЦ3-Дүнжингарав худалдааны төв”, Ч:45 “Ган хийц-ХМК-Зайсан”, Ч:45 “Ган хийц-ХМК-Зайсан”, Ч:54 “Яармаг-10-р хороолол-3,4-р хороолол-Зурагт” чиглэлүүдэд өөрчлөлт орж хойноосоо урагш чиглэлдээ баруун 4 замаар, урдаасаа хойд чиглэлдээ гурвалжингийн гүүрээр явж үйлчилэхээр болжээ гэж Нийслэлийн Тээврийн газраас мэдээллээ.

Хоёрхон жилийн өмнө монголчууд элэгний вирусийг эмчилж чаддаггүй байв. Тиймээс өнөөдөр Монгол Улсад элэгний С вирусын халдвартай 400 мянган хүн байна. D вирустэй хүн 100 мянгаас давжээ. Сүүлийн жилүүдэд элэгний өвчлөлөөр нас барагсдын нас нь залуужиж 25-30 насны залуус энэ өвчнөөр хорвоог орхиж байна. Ганцхан өдөрт долоон монгол хүн элэгний өвчнөөс нас бардаг гэж “Оном” сангийн ТУЗ-ийн дарга Д.Наранбаатар мэдээлэв. Энэ мэт хар мэдээ ар араасаа хөвөрсөөр. Гэвч хар мэдээний жагсаалтыг нэмэгдүүлэхгүй байх сайхан мэдээ бас байна аа. Учир нь Монгол Улсын Засгийн газраас “Элэг бүтэн монгол” хөтөлбөр баталж өвчлөлийг бууруулахад зарцуулах 23.4 тэрбум төгрөгийг улсын төсөвт суулгаж өгчээ. Энэхүү хөтөлбөрийн хүрээнд “2020 он гэхэд С вирусын голомтыг устгаж, тархалтыг таслан зогсоох, элэгний хорт хавдар, хатуурлын нас баралтыг эрс бууруулах” зорилго тавьжээ. Түүнчлэн элэгний С вирусын эсрэг эмийг хөнгөлөлттэй олгох эмийн жагсаалтад оруулах зэргээр ажиллаж байна. Энэ талаар иргэдэд мэдээлэл өгөх “Оном” сангаас талархлын хүлээн авалт зохион байгуулсан юм. Тус хүлээн авалтад Өвчтөн, нийгмийн төлөөллийн зөвлөлийн төлөөлөл, Монголын элэгний эмч нарын нийгэмлэгийн эмч анагаах ухааны доктор, профессор Я.Дагвадорж, Стэнфордын их сургуулийн Анагаах ухааны сургуулийн профессор, Стэнфордын хепатит элэгний эдийн инженерчлэлийн төвийн захирал Жэфри Глэн нарын хүмүүс хүрэлцэн иржээ. Энэ үеэр “Оном” сангийн ТУЗ-ын дарга Д.Наранбаатар ирэх сараас элэгний С вирусын эм 155 ам.доллараар Монгол Улсад орж ирэх болсныг дуулгалаа. “Вирпас” гэх энэ эмийг “Монос” групп Энэтхэгээс оруулж ирэхээр болсон юм байна. Эмийг ийнхүү хямдралтай үнээр оруулж ирэхэд олон хүний хичээл зүтгэл орсон гэдгийг ч онцолсон юм. Одоогоор “Харвони” зэрэг элэгний эмийг 520 ам.доллараар авч хэрэглэж байгаа. Үйлчилгээ нь маш сайн байгаа хэдий ч үнийн хувьд өндөр учраас иргэд авч хэрэглэх боломж муу байгаа. Харин “Вирпас” эмийг хөнгөлөлттэй эмийн жагсаалтад оруулж 80 хувийг нь хөнгөлөх боломжийг судалж байгаа гэсэн. Хэрвээ хөнгөлөлттэй эмийн жагсаалтад оруулж чадвал 30 орчим ам.доллараар авч хэрэг­лэх боломжтой болох нь.


Энэ та­лаар Д.Наранбаатараас дараахь тод­руулгыг авлаа.

-“Элэг бүтэн Монгол” хөтөлбөрийн хүрээнд ямар ажил хийх вэ?
-Монгол Улсын Засгийн газрын 2016-2020 оны үйл ажиллагаанд “Элэг бүтэн Монгол” хөтөлбөр багтсанд маш их баяртай байгаа. Хөтөлбөрийн хүрээнд элэгний хорт хавдар, хатуурлыг эрс бууруулах, элэгний С вирусийн халдварын тархалтыг 2020 он гэхэд таслан зогсоох зорилго тавьсан. Эрс бууруулахад мэдээж хэрэг цаг хугацаа шаардлагатай. Бидний тооцооллоор 2030 он гэхэд элэгний хорт хавдар, хатуурлаар нас барж буй тохиолдлыг 50 хувь бууруулах боломжтой. Мөн элэгний С вирусийг устгасан улс болох боломж бий. “Элэг бүтэн Монгол” хөтөлбөр урьдчилан сэргийлэлт, эрт илрүүлэлт, эмчилгээний болон энэ бүхний үндэс суурь болсон судалгаа шинжилгээний гэсэн дөрвөн дэд хөтөлбөртэй. Жишээ нь урьдчилан сэргийлэлтийн дэд хөтөлбөрийн хүрээнд насанд хүрсэн бүх хүнийг элэгний С вирусын шинжилгээнд хамруулна.
-Бүх хүнийг вакцинд хамруулна гэсэн үү?
-15-35 насны 1.1 сая хүнийг В вирусын вакцинд хамруулна. Түүнчлэн хэрхэн урьдчилан сэргийлэх, хамгаалах талаар сургалт, сурталчилгаа хийнэ. Эрт илрүүлэлтийн хүрээнд 15-аас дээш насны 2.2 сая хүнийг оношилж, үндэсний хэмжээний мэдээллийн системд бүртгэж авна. Эмчилгээний явцад 150 мянган халдвартай иргэдийг бүрэн эмчилж эдгээнэ. Мөн В вирусийн халдвартай 65 мянган иргэнийг байнгын эмчилгээнд хамруулж, В, D вирусын халдвартай тэмцэхээр хамгийн сүүлийн үеийн эмчилгээний аргуудыг нэвтрүүлэх зэрэг ажлууд хийнэ.
-Одоо нэн тэргүүнд хийх ямар ажил байгаа вэ?
-“Монос” групптэй хамтран ажилласны үр дүнд 155 ам.доллараар эм оруулж ирэхээр болсон гэдэг баяртай мэдээг дуулгасан. Одоо бид энэ эмийг 80 хувийн хөнгөлөлттэй үнээр иргэддээ хүргэх хүсэлтийг Сангийн яам, Хөдөлмөр, нийгмийн хамгааллын яам, Нийгмийн даатгалын үндэсний зөвлөлд хандан тавина. Хэрэв энэхүү асуудал эергээр шийдэгдвэл монголчууд 300 мянга гаруй төгрөгөөр эмчилгээ хийлгэх боломжтой болж байгаа юм гэлээ.
Харин “Өвчтөн, нийгмийн төлөөллийн зөвлөл”-ийн гүйцэтгэх захирал Д.Энхтүвшин ийнхүү ярилаа.

Би гуравхансарын дотор эрүүл болсон
-Элэгний вирусын эсрэг эм хэрэглээд ямар үр дүн гарч байгаа вэ?
-Би эмийг хэрэглээд эдгэрсэн хүний нэг. Ердөө гуравхан сарын дотор эрүүл болсон. Ер нь элэгний өвчнөөр шаналаагүй, энэ өвчинд ойр дотнын хэн нэгэн нь өртөөгүй хүн гэж ховор. Энэ өвчнийг таслан зогсоохын тулд ажиллаж байгаа олон хүний хичээл зүтгэлийн үр дүнд 2015 оноос хойш 4000 хүн бүрэн эдгэрсэн.
-Вирусын халдвартайгаа мэд­дэггүй хүн олон байдаг гэж сонссон. Ийм хүмүүс эрт оношлуулаад эмээ хэрэглэж эхэл­бэл эдгэх бүрэн боломжтой юм байна, тийм үү?
-Судалгаагаар 400 мянга га­руй хүн вирусын халдвартай байна гэсэн. Эдгээр хүний 70 орчим хувь вирусийн халдвартай гэдгээ мэддэггүй байсан байгаа юм. Тиймээс эрт илрүүлж эрт эмчилгээнд орох хэрэгтэй.

Нийслэлийн Тээврийн газраас зуны улирал болж зуслан чиглэлийн зорчих урсгал нэмэгдсэнтэй холбогдуулан ЗҮ:1 Гүнт-Жигжид-Тэнгис кино театр, ЗҮ:2 Гоодой-Тэнгис кинотеатр, ЗҮ:3 Баянбулаг-Тэнгис кинотеатр чиглэлийн үйлчилгээг 6 дугаар сараас эхлүүлсэн. Хүйтний улирлал эхэлж зуслан чиглэлийн зорчигч урсгал буурсантай холбоотойгоор дээрх чиглэлүүдийг 2016 оны 09 дүгээр сарын 19-ны өдрөөс зогсоохоор болжээ. Харин хойд чиглэлд байнгын үйлчилгээ үзүүлдэг ХО:2 “Шаргаторьт-Дүнжингарав худалдааны төв”, ХО:1 “Бага баян-Санзай-7 буудал-Тэнгис кино театр” чиглэлийн үйлчилгээ хэвийн үргэлжилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Эдийн засаг хямарсан энэ үед талхны үнэ хүртэл хатуухан сонсогдож байгаа хэдий ч оюуны талх эрэлт хэрэгцээ ихтэй хэвээр байна. Сүхбаатарын талбайд уламжлал болгон явагддаг номын баярт зохиолч Акием, До.Цэнджав, Б.Шүүдэрцэцэг, Сүглэгмаа нарын нэрт зохиолч, яруу найрагчид уран бүтээлээ дэлгэн харуулж, уншигч олонтойгоо учиран золгосон юм. Энэхүү баярын үеэр оюун санааны удирдагч болсон зохиолч, яруу найрагч нартай уулзаж, номын баярын сэтгэгдлийг нь сонсохын зэрэгцээ улс эх оронд өрнөж буй улс төрийн нөхцөл байдлыг хэрхэн дүгнэж байгааг сонирхолоо.

Тодруулбал, 400 иргэн орон, гэргүй үлдэж 104 тэрбум төгрөг үр ашиггүй салхинд хийссэн гэж тэрбээр хэлэв. Гэр хорооллыг дахин төлөвлөх ажлыг 2010 онд эхлүүлэхдээ Улаанбаатар хотын ерөнхий төлөвлөгөөний дагуу эхлээд долдугаар хорооллоос төлөвлөлтийг эхлүүлж, багц багцаар нь барилгажуулахаар шийдвэрлэж, газраа чөлөөлсөн иргэдийг түр суурьшуулах зориулалтай 300 айлын орон сууцыг барьж ашиглалтад оруулсан байдаг. Дээрх шиг байрыг дүүрэг бүрт барихаар төлөвлөж байсан боловч 2012 онд энэ төлөвлөлтийг өөрчилсөн байна. 2012-2016 онд гэр хорооллын дахин төлөвлөлтөөр 7000 барилга барина гэж байсан ч таван мянга нь шугам, сүлжээ болон иргэдтэй зөвшилцөх асуудал саатсанаас үүдэн зогсонги байдалд орсон байна. Ингээд 2012 оноос хойш хашаа байшингаа байраар солихоор газраа чөлөөлсөн иргэдийн 615 нь өдгөө түрээсийн сууцанд амьдарч байгаа бол 400 нь гэр оронгүй болж, ах дүү, танилындаа хоног төөрүүлж байгаагаа мэдэгдээд байгаа аж.

Улаанбаатар хотын нийтийн эзэмшлийн гудамж талбайд байрлаж буй гадна зар сурталчилгааны байгууламжийн өнгө үзэмж, аюулгүй байдалд Хотын Ерөнхий менежерийн тушаалаар байгуулагдсан ажлын хэсэг шалгалт хийж байна. Шалгалтын хүрээнд нийслэлийн 6 дүүргийн хэмжээнд байгаа гадна зар сурталчилгааны байгууламжийн тоог нарийвчлан гаргаж өнгө үзэмжгүй самбаруудыг сэргээн засварлуулах юм. Зөвшөөрөлгүй сурталчилгааны самбар байрлуулсан аж ахуйн нэгжид дүүргийнхээ Засаг даргын тамгын газартай ашиглалтын гэрээ байгуулах шаардлага тавина. Шаардлагыг биелүүлээгүй бол сурталчилгааны самбарыг албадан буулгаж, нийтийн эзэмшлийн гудамж, талбайг чөлөөлөх хүртэл арга хэмжээ авна. Тиймээс аж ахуйн нэгж, байгууллага, иргэд өөрийн сурталчилгаагаа гэрээгүй самбарт байрлуулахгүй байхыг зөвлөж байна гэж Улаанбаатар хотын Захирагчийн ажлын албанаас мэдээллээ.

Ю.Цэдэнбалын “Алдар гавьяаны замнал” үзэсгэлэнд саатаарай

Хонь - (3/21-4/19)
Хонины орд галыг билэгддэг бөгөөд огцом, түргэн зангаараа алдартай. Иймээс сэтгэлийн хөөрлөө жолоодож сурах хэрэгтэй. Эс бөгөөс нэг л өдөр дэлбэртлээ уурлахад хүрнэ. Ууртай хүмүүстэй тулгарвал зүгээр л хажуугаар нь өнгөр. Ямар нэгэн хэрэг төвөг үүсгэх шаардлага танд байхгүй. Нэгэн зэрэг олон зүйл хийх нь сайн боловч бүгдийг хам хум хийх нь сөрөг талтай.

Үхэр - (4/20-5/20)
Нөхцөл байдал гэнэт өөрчлөгдөнө. Энэ нь сайн тохиолдол биш юм шиг санагдах боловч цаг хугацаа өнгөрсний дараа өөрийгөө өсгөх сайхан сонголт байх болно. Хүмүүс таны апдааг маш хурдан олно. Харилцаа холбоо маш чөлөөтэй байна.

Ихэр - (5/21-6/21)
Өнөөдөр багаар ажиллахад тийм ч таатай өдөр биш. Тус тусын ажлаа хийхийг хичээ. Хэрвээ ажил төрөл журмын дагуу явагдахгүй бол дээд албан тушаалтандаа хэл. Маргалдаж мэтгэлцэхийн оронд хоорондоо сайтар ярилцахыг хичээ. Та биеийн тамирын зааланд хичээллэдэггүй бол яг одоо бүртгүүлэхэд хамгийн тохиромжтой. Хэрвээ хамтарч ажиллахад асуудалтай байвал үдийн хоолны үеэр тэдэнтэй ярилцаж, үзэл бодлыг нь асуу.

Мэлхий - (6/22-7/22)
Өнөөдөр бага зэрэг хэцүү өдөр байх болно. Бизнесийн хамтрагчтай Мэлхийнүүдийн хувьд дарамт, сэтгэлийн хямрал нэмэгдэх болно. Хэрэв ажил дээр чинь төвөгтэй асуудал үүссэн бол байдал эхлээд нэлээд муудаж байж дараа нь дээшлэх шинжтэй. Ямар нэг өөрчлөлт хийхийн өмнө эхпээд ул суурьтай бодож байж шийдэхгүй бол цочмог алхам хийх эрсдэл нэлээд өндөр байна.

Арслан - (7/23-8/22)
Хайрттайгаа цагийг хөгжилтэй өнгөрөөх боломжийг хэрхэвч бүү алдаарай. Хэрэв та хүүхэдтэй бол гэрийн даалгаврыг нь хийлгэх ажил мундахгүй. Амьдралын хэв маягаа дээшлүүлэх гэж хичээвэл үр дүнд хүрэх болно. Зарим нэг нь ажлаа гэрээсээ хийвч садаа болох зүйлсээс зайлсхийхийг хичээнэ. Хамт байгаа хүмүүсээсээ тусламж хүс. Харин таны түншлэгч бизнесийн санал ирүүлвэл бодож байж шийдвэр гаргаарай.

Охин - (8/23-9/22)
Өнөөдөр хүндхэн өдөр болох бололтой. Таны мөнгө санхүү, гэр бүлийн харилцаанд гараг эрхэс нөлөө үзүүлэх болно. Мөн хайр дурлал болон хүүхдүүдтэйгээ харилцах харилцаанд ч нөлөөлнө. Урьдчилан тооцоолоогүй олон саад тотгор тохиолдох бололтой. Бүх зүйлийг хяналтандаа байлгах гэж оролдолгүй зүгээр л хийж чадах зүйлээ хий. Тэтгэвэр тэтгэмжийн мөнгө зохих ёсоор ирж байгаа эсэхэд анхаарал тавь.

Жинлүүр - (9/23-10/22)
Хэт сэтгэл хөдлөлд автсанаар бодлогогүй алхам хийж магад. Бизнес, ажил төрөл бүтэмжтэй байх нь. Банкны менежерт үзүүлэх тайландаа итгэлтэй бус байгаа бол дахин нэг нягталсан нь дээр. Өөрт ахадсан санхүүгээс хол бай, хэт ярианд дурласнаар та хов живэнд орооцолдохоос болгоомжил. Жижиг асуудалд ч анхаарал хандуул.

Хилэнц - (10/23-11/21)
Сонор сэрэмжтэй, болгоомжтой байх өдөр. Олон Хилэнц хувийн зүйлээ хийх цаг завгүй байна. Тиймээс хүмүүст нэг их амлалт өгөх хэрэггүй. Биеийн хүч тамир, тэнхээ аажмаар сэргэнэ. Өнөөдөр юу хүсэх, бодитоор юунд хүрэх вэ гэсэн хоёр асуултын дунд гацах байх. Сансар огторгуйн нөлөө удаан үргэлжилж, сонин бэлэг барина. Тиймдээ ч Далайн ван, Тэнгэрийн ван хоёрыг мөргөлдүүлжээ.

Нум - (11/22-12/21)
Од эрхсийн таагүй байдлын нөлөөгөөр ажил дээр алдаа эндэгдэл гаргах, болчимгүй үйлдэл хийх магадлалтай. Гэнэт сэтгэлээр унах хандлага ажиглагдана. Төлөвлөгөө, санаагаа хэрэгжүүлэхэд саад бэрхшээл учрах, түнштэйгээ хэл амаа ололцохгүй байх зэрэг асуудал үүсч мэднэ. Хууран мэхлэлт, араар тавьсантай холбоотойгоор хувийн амьдралд хүндрэл гарч, хардалт, хэрүүл маргаан үүснэ.

Нум - (11/22-12/21)
Загасныхан хашир, догь байх нь үргэлж болдог зүйл гэдгийг сайн ойлгодог. Гэсэн ч зарим өдөр юманд бодитой хандаж, сэтгэлийн хөдөлгөөнгүй байх шаардлага гардаг. Үүрэг хариуцлагын талаарх асуудлууд гарч ирнэ. Нэг хэвийн тогтсон үүрэг хариуцлага тань ажлын өдөр дуусахаас өмнө таниас тууштай хичээл зүтгэл гаргаж, дуусгахыг шаардах болно. Аливаа зүйлсийг сөргөөр үзэх үзэл тань таны амжилтанд саад болж болзошгүй.

Матар - (12/22-1/19)
Өнөөдөр бодит байдал хэцүү байх ба гараг эрхсийн нөлөөгөөр энергүүд зөрчилдөнө. Таны ойр дотны хүмүүсийн хэрэгцээ болон таны нэр хүндийн хооронд зөрчил үүснэ. Энэ үед өөрчлөлт гарна. Дотно харилцаандаа тэгш бус ханддаг матрынхны хувьд одоо л нөхцөл байдлыг өөрчлөхөд тохиромжтой цаг. Гэр бүлийн гишүүдтэйгээ ам зөрж маргалдахад амархан байгаа тул анхаар. Орон сууц эзэмшигчид гэрээ хийгчидтэй болгоомжтой харьц. Хөршөөсөө сайхан санал хүлээн авна.

Бумба - (1/20-2/18)
Өөрт чухал зүйлд анхаарвал зорилгодоо хүрнэ. Бусадтай баг болж ажиллахыг зөвшөөрөх хэрэгтэй. Ажлыг хамтдаа хийвэл илүү хялбар, бас хөгжилтэй. Гэхдээ та анхаарал болгоомжтой байхгүй сэтгэлээр унаж магадгүй. Орой үдэшлэгт яв, гэвч сайн мэддэггүй хүмүүстэйгээ хамт байх аюултайг сана. Харилцаа холбоо таны хувьд чухал байх болно. Хоромхон зуурын баяр хөөрийн төлөө ирээдүйн их ажлаасаа бүү ухар.

“Төрийн мэдээлэл” эмхэтгэлийн 2016 оны 34 дэх дугаарт Уур амьсгалын өөрчлөлтийн тухай Нэгдсэн Үндэстний Байгууллагын суурь конвенцийн Парисын хэлэлцээрийг соёрхон батлах тухай, Онцгой албан татвараас чөлөөлөх тухай хуулиудыг нийтэллээ.

Онцгой албан татвараас чөлөөлөх тухай хуулиар Монгол-Оросын хувь нийлүүлсэн “Улаанбаатар төмөр зам” нийгэмлэгийн өөрийн хэрэгцээнд импортоор оруулах дизелийн түлшийг 2017 оны 01 дүгээр сарын 01-ний өдрөөс онцгой албан татвараас чөлөөлөхөөр болсон юм.

Түүнчлэн Монголбанкны Дэд ерөнхийлөгчий, чөлөөлөх, томилох тухай УИХ-ын тогтоолуудыг нийтэлсэн байна.

Засгийн газрын агентлагийн талаар авах зарим арга хэмжээний тухай Засгийн газрын тогтоолыг нийтлэв. Уг тогтоолоор Засгийн газрын тохируулагч болон хэрэгжүүлэгч агентлагуудыг байгуулан, Засгийн газрын тохируулагч болон хэрэгжүүлэгч зарим агентлагийн орон тооны хязгаарыг баталсан байна. Түүнчлэн төрийн захиргааны байгууллагуудын чиг үүргийн давхардал, хүнд суртлыг багасгах, иргэдэд үзүүлэх үйлчилгээг шуурхай, чанартай болгох зорилгоор шинээр болон өөрчлөн зохион байгуулагдаж байгаа Засгийн газрын агентлагуудын үйл ажиллагааны стратеги, бүтцийн өөрчлөлтийн хөтөлбөрийг баталж, үйл ажиллагааг нь шуурхай эхлүүлэх, хуульд өөрөөр заагаагүй бол Засгийн газрын агентлаг нь 100-гаас дээш ажилтантай бол дэд дарга (орлогч дарга) 1-тэй, 100-гаас цөөн ажилтантай бол дэд буюу орлогч даргагүй байх чиглэл баримтлахыг Засгийн газрын гишүүдэд үүрэг Засгийн газраас дээрх тогтоолоор үүрэг болгосон байна. Мөн Засгийн газрын агентлагийн үйл ажиллагааг илүү шат дамжлагагүй зохион байгуулж ажиллуулах шаардлагыг харгалзан агентлагийн зохион байгуулалтын бүтцийн нэгжийг орлогч даргагүй, газар нь дотроо хэлтэсгүй, хэлтэс нь дотроо тасаг, албагүй, орон тоог нь 7-гоос доошгүй байх чиглэл баримтлахаар тогтоолд тусгажээ.

“Төрийн мэдээлэл” эмхэтгэлийн шинэ дугаарт “Хуваарь шинэчлэн батлах тухай”, “Нийслэлийн Засаг даргын Тамгын газар, Захирагчийн ажлын албаны бүтцийг батлах тухай”, “Аймгийн Засаг даргын Тамгын газрын бүтцийг шинэчлэн тогтоох тухай” Засгийн газрын тогтоолуудыг нийтэлжээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

08:00 цагт: Онцгой байдлын ерөнхий газар, ХСИС-ийн Онцгой байдлын сургуулиас АНУ-ын Элчин сайдын яам, Аляскийн үндэсний гвардтай хамтран ”Гамшгийн удирдлага” сургалт, дадлага сургуулийг энэ сарын 19-23-ны өдрүүдэд Улаанбаатар хотноо зохион байгуулж байна. Сургалтын нээлтийн ажиллагаа Хууль сахиулах их сургууль дээр 08:00 цагаас эхэллээ.

11:00 цагт: Зууны мэдээ сонины Үндэсний мэдээллийн төвд НЭМХ-ээс “Оюутны эрүүл мэндийг дэмжих сар”-ын үйл ажиллагааны талаар мэдээлэл
хийнэ.

11:00 цагт: Монголын Хуульчдын холбооноос Хууль зүйн үндэсний хүрээлэнгийн 304 тоотод хэвлэлийн бага хурал зарлалаа. Хурлаар Хуульчдын холбооны удирдах зөвлөлийн бүрэн эрхийн хугацаа дууссантай холбогдуулж, Хуульчдын холбооны Их хурлыг хуралдуулах болсон талаарх мэдээллийг өгнө.

11:11 цагт: “МОНГОЛ: БИЧИГ НОМЫН ӨВ” бүтээлийг танилцуулах ёслолд урьж байна. Очсон хүн бүрт номын дээжис өргөн барина.
Их монгол оффис 4 давхар номын өргөө (дүнжингарав худалдааны төвийн баруун талд)

...Бөмбөг одоо АН-ын талбайд байна. Тэд нэгэн рүүгээ пааслаж байна. Удвал тэндээ дэлбэрнэ. Ингэвэл АН бүрмөсөн устаж жижгэрээд эргэж нийлэхийн аргагүй юм болно. МАН дахь хүчирхэг фракц Ерөнхийлөгч асан Н.Багабанди, ЕТГ-ын дарга байсан С.Баяр болоод түүнийг ил далд дагагсдыг чиглэх болно...