Монголын театрын урлагийн хөгжлийг тодорхойлогч “Гэгээн муза” наадам өчигдөр болж өндөрлөлөө. Бид тус наадмыг дэлхийн театрын баярын өдөртэй хамтатган тэмдэглэсээр 10 жилийг үджээ. Энэ жилийн “Гэгээн муза” наадамд Драмын, Нэг хүний, Хүүхдийн, Инээдмийн жүжиг гэсэн дөрвөн төрөлд нийт 16 жүжгийн 60 гаруй уран бүтээлч өрсөлдсөн юм.  Мөн Серби, АНУ, Косово улсын театраас уран бүтээлчид ирж ”Гэгээн Муза”-д оролцон ширүүхэн өрсөлдлөө. “Гэгээн Муза 2012” наадам өчигдөр 19:00 цагт улаан хивсний ёслолоор эхэлсэн.