“Мэдээллийн технологийн үндэсний парк”-ийг “Шинжлэх ухааны парк” болгон өөрчилж их сургуулиудад шилжүүллээ

2016 оны 3-р сарын 1-р долоо хоногт хонины ястай нэг килограмм мах дунджаар 5585 төгрөг, үхрийн ястай мах нэг килограмм нь дунджаар 7030 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 0.9 хувиар буюу 65 төгрөгөөр, үхрийн цул мах 0.9 хувиар буюу 80 төгрөгөөр буурчээ. Энэ 7 хоногийн ажиглалтаар үхрийн мах “Макс” супермаркетад хамгийн хямд буюу 6100 төгрөг, харин “Номин”, “Бөмбөгөр”, “Меркури” хүнсний захуудад хамгийн өндөр үнэтэй буюу 7500 төгрөг байна.

Монголын урлагийн амьд домог “Хурд” хамтлаг эмэгтэйчүүддээ зориулаад “Ханьдаа дуулъя”, ”Инээмсэглэ бүсгүйчүүд” гэсэн хоёр тоглолтоороо бэлэг барих болсноо дуулгасан.

Тус тоглолтын хэвлэлийн хурлыг 3 -р сарын 4-ны өдөр буюу энэ тав дахь өдөр ”Castle клуб”-д 12:00 цагаас зарлаад байна. Тус хурлаар 3-р сарын 8-ны өдөр болох хоёр тоглолтынхоо талаар дэлгэрэнгүй мэдээллийг өгөх бөгөөд ”Нарлаг диваажин” шинэ цомгийн танилцуулгаа мөн хүргэх юм.

Хүрэлцэн ирсэн сэтгүүлчдэд шинэ цомгоо бэлэглэхээс гадна тоглолтын урилга мандатыг олгох юм байна. Сэтгүүлчид та бүхнийг хүрэлцэн ирэхийг урьж байна.

Дэлгэрэнгүй мэдээллийг: 99117476, 99139933 утаснаас авах боломжтой

ХҮН-ын албан ёсны Төв хорооны /ТХ-ны/ хурал өнөөдөр 09.00 цаг боллоо. Тус намын ТХ-ны хурал нь АН-ын ҮЗХ, МАН-ын Бага хуралтай ижил гэж хэлж болно. ХҮН-ын ТХ-ны гишүүдэд 21 аймаг, нийслэлийн 9 дүүргийн төлөөлөгч мөн намын дэргэдэх Бодлого судалгааны хүрээлэнгийн хүмүүс багтдаг байна. Тус хурлаар Удирдах зөвлөлийн гишүүнд багтаж байсан Т.Доржханд, Б.Найдалаа, З.Лхагвадорж нарыг нам дотроо хашиж байсан албан тушаал болон Удирдах зөвлөлийн /УЗ/ гишүүнээс чөлөөлөх шийдвэр гаргалаа.

УЗ-өөс чөлөөлөгдсөн гишүүдийн оронд Б.Баярмагнай, В.Буянмөнх, Д.Миеэгомбо нарыг томилсон байна. Мөн Л.Баярсайхан, Ц.Ганзориг, Э.Бат-Ирээдүй, Т.Лхагва, Ч.Наранбаатар, Т.Лхагвадорж нарын зургаан гишүүнийг ТХ-ны гишүүнээр сонгох саналыг 100 хувь дэмжлээ.

Дээрх албан тушаалын томилгооноос гадна намын тамгыг хүчингүй болгож шинэ загвараар хэвлүүлэх зэрэг ажлыг ХҮН-ын Ерөнхий нарийн бичгийн дарга Б.Одонгуад даалгалаа. Мөн ХҮН ИЗНН-тай эвсэж сонгуульд оролцох асуудлыг хөндөж, намын их хурлаа хуралдуулах шийдвэрийг дэмжлээ.

Төв хорооны хурлыг өндөрлүүлж ХҮН-ын дарга С.Ганбаатар үг хэлсэн юм. Тэрбээр “Мэргэжлийн түвшинд бэлтгэгдсэн бохир хүчнүүдийн эсрэг явж байгаа гэдгээ мартаж болохгүй. Шинэ хүч, шинэ нам гэдэг маш том мөрөөдөлтэй байсан гэж надаас ам асуух хүн гарах л байх. Би дахиад хэлье. Шинэ хүмүүст итгэж байна. Шинэ үзэл бодол, шинэ санааг монголын улс төрд оруулж ирэхгүйгээр бидний монгол сайхан болохгүй. Үүний төлөө хэн нэгэн улс төрд хүчээ үзэж, олон жил зүтгэж, тодорхой эрх мэдэл, нэр хүндтэй болсон хүмүүс нь итгэл зүтгэлээ өгөхгүй л юм бол монголын улс төр байдгаараа л байна. Мэдээж монголын улс төрийг шинэчилж засахын төлөө та бие биедээ өгч байгаа итгэл найдвар чухлаас чухал. Бидэнд алдах ухрах эрх байхгүй. Ард эх орон, бидний үр хүүхдийн ирээдүй байна. Эх орноо энэ 25 жилийн төөрөгдөл хямралаас гаргахын төлөө эрүүл шударга нийгэмд золгуулахын төлөө өндөр хариуцлагыг бид өөртөө авч тууштай тэмцэх болно. ХҮН монголын түүхийн сэргэн мандалын хөдөлгөгч хүчин байж чадна гэдэгт итгэж байна” хэмээлээ.

Хойд Солонгос ойрын тусгалт пуужин харважээ

<iframe width=”560” height=”315” src=”https://www.youtube.com/embed/5f80HaTSGYg” frameborder=”0” allowfullscreen></iframe>

Увс аймгийн ихэнх нутгаар өчигдөр шөнөөс эхлэн хүчтэй цасан шуурга шуурч, байгалийн гамшигт үзэгдэл болжээ.

”Буянт Ухаа 2” хорооллыг дулааны эрчим хүчээр хангана

БОНХАЖ-ын сайд Н.Батцэрэг “Сайдын цаг” уулзалтад оролцлоо
3 цаг 23 минутын өмнө
Print Zasag and PDF
ShareThis Facebook Tweet LinkedIn Email

“Сайдын цаг” уулзалтад Байгаль орчин, ногоон хөгжил, аялал жуулчлалын сайд Н.Батцэрэг оролцож, хийж хэрэгжүүлсэн болон хийхээр төлөвлөж буй ажлуудынхаа талаар мэдээлэл хийлээ.

Ногоон хөгжлийн бодлогыг хэрэгжүүлэх үйл ажиллагааны болон “Хог хаягдлын менежментийг сайжруулах үндэсний хөтөлбөр”-ийг хэрэгжүүлэх үйл ажиллагааны төлөвлөгөөг батлан хэрэгжүүлж байна. Усны сав газруудын хэмжээнд 2015 онд хийсэн гадаргын усны тоо бүртгэлийн тайлан мэдээг нэгтгэн боловсруулж, Улсын усны мэдээллийн санд хүлээлгэн өгсөн. Нийслэлийн агаарын бохирдлыг бууруулах хүрээнд “Clean coal” түүхий нүүрс цэвэршүүлэгч уусмалыг амжилттай туршин, Хан-Уул дүүргийн 300 айлд тарааж, хэсгийн ахлагч нарт сургалт зохион байгуулсан гэж БОНХАЖ-ын сайд Н.Батцэрэг хэллээ. Мөн Сэлэнгэ аймгийн Мандал сумын нутагт орших Ноён уул орчмын газар нутгийг УИХ-ын тогтоолоор Улсын тусгай хамгаалалтад авч, тусгай хамгаалалттай газар нутгийн хэмжээг 0.04 хувиар нэмэгдүүлснийг онцолсон юм.

2016 онд салбарын эрх зүйн орчныг боловсронгуй болгох чиглэлээр холбогдох хуулийн төслүүдийг боловсруулж байна. Тосон Бумбын нуруу, Дэлгэрхаан уул, Цагаан дэглийн агуй зэрэг нийт 1,84 сая га талбайг хамарсан газар нутгийг улсын тусгай хамгаалалтад авах саналыг Улсын Их Хуралд өргөн мэдүүлнэ, ”Ойн цэвэрлэгээ хөтөлбөр”-ийн хүрээнд ойг эдийн засгийн эргэлтэд оруулж, 32 мянган га ойг цэвэрлэн,1590 га талбайг улсын болон орон нутгийн төсвөөр ойжуулах ажлыг хийнэ. Мөн АСЕМ-ийн дээд түвшний уулзалттай холбогдуулан хурлын зохион байгуулагч, менежер, зочид буудлын менежер, сургагч багш бэлтгэх сургалтыг зохион байгуулж, чадавхжуулах, зочид буудлуудад зэрэглэл тогтоох ажлыг хийж байна гэлээ.
- See more at: http://zasag.mn/news/view/12356#sthash.LFmm5Bop.dpuf

Монгол, Колумбийн ГХЯ хоорондын зөвлөлдөх уулзалтыг анх удаа видео хэлбэрээр зохион байгууллаа

Олон улсын эмэгтэйчүүдийн баярын өдөр бүх нийтээрээ амарна. УИХ-аас баталсан “Нийтээр тэмдэглэх баярын болон тэмдэглэлт өдрүүдийн тухай хууль”-д заасны дагуу эл өдөр бүх нийтээрээ амрах юм байна.

Шинэ Зеландын иргэд төрийн далбаагаа солих уу?

ХҮН-ын албан ёсны Төв хорооны хурал өнөөдөр хуралдав.

МН370 онгоцны сэг байж болзошгүй төмрийн хэлтэрхийг Австрали руу явууллаа

Сүүлийн үед Засгийн газар гаднаас бонд босгох, зээл авах тухай асуудал яриад байгаа. Энэ нь өрийн таазтайгаа хэр уялдсан бэ?

-Засгийн газар гадны зах зээл дээрээс хуулийн хүрээнд хямд эх үүсвэр татах бололцоотой. Хамгийн гол нь үр ашигтай эх үүсвэр татах хэрэгтэй. Дотоодын зах зээлээс өндөр үнэтэй эх үүсвэр татах нь эргээд улс орны эдийн засагт хүндрэл авчирна. Иймд хэрэгжилтийн байдалд Төсвийн байнгын хороо хяналт тавьж ажиллах болно. Засгийн газар хэд хэдэн эх үүсвэр гаднаас хөөцөлдөж байгаа юм билээ. Үүний хэрэгжилт нийтэд зарлах хэмжээнд хараахан хүрээгүй байна. Ер нь эхний улиралд төсвийн цаг зуурын дутагдлыг арилгахын тулд гадаад дотоодын зах зээлээс мөнгө босгох явц бол байдаг үзэгдэл.

-Өнгөрсөн хоёр жил “бүсээ чангалах” тухай ярьж ирлээ. Байнга ийм чиглэл рүү явах нь хэр оновчтой вэ. Оюутолгойн мөнгө манай улсын эдийн засагт орж ирснээр сэргэх хандлага ажиглагдах уу?

-Хямралын нөхцөлд дээд зэргээр хэмнэлттэй, хяналттай, үр ашигтай зарцуулалт хийх ёстой. Гэхдээ хэмнэлттэй байна гэдэг нь хийх ёстой ажлаа хийхгүй, төрийн үйлчилгээг гүйцэтгэхгүй байна гэсэн үг биш. Харин үр ашигтай бага зардлаар их ажил хий гэсэн үг. Энэ шаардлага ойрын 2-3 жил үргэлжилнэ. Эдийн засгийн нөхцөл байдал “өргөс” авсан шиг арилна гэж байхгүй. Тиймээс ойрын жилүүдэд хүсэл эрмэлзлээ хязгаарлах шаардлага өндрөөр тавигдах болно. Оюутолгойн ажил эрчимжвэл шууд бус замаар төсөвт эерэг нөлөө үзүүлнэ. Өөрөөр хэлбэл, тус төсөлд ажил үйлчилгээ нийлүүлдэг аж ахуй нэгжүүдийн үйл ажиллагаа эрчимжиж, тэр хэрээр төсөвт нийлүүлэх мөнгө нэмэгдэх юм.

-Төсвийн байнгын хороо намрын чуулганы хугацаанд татварын орлогын бүрдүүлэлтийн механизмыг оновчтой болгоход анхаарч ажилласан гэж та тайлангийн үеэр хэлсэн. Тодруулбал, ямар зохион байгуулалтын ажил хийсэн гэж ойлгох вэ?

-Төсвийн орлогыг бүрдүүлэх асуудал бол онцгой асуудал. Улс орны санхүүгийн тогтвортой байдал, эдийн засгийн баталгаа төсвөөр дамжиж хэрэгждэг. Тиймээс төсвөө бүрдүүлэхэд онцгой анхаарах хэрэгтэй. Өмнө нь оногдуулсан татвараа бүрэн дүүрэн төвлөрүүлэхэд анхаардаг байсан. Энэ оноос нэлээд хэдэн өөрчлөлтүүд орсон. Ялангуяа үйлдвэрлэгчид, татвар төлөгчид шударгаар ажиллаж, татварынхаа баазыг өргөтгөх бололцоог чөлөөтэй нээсэн. Нөгөөтэйгүүр ард иргэдийн хяналт оролцоог нэмэгдүүлсэн. НӨАТ-ын хууль хэрэгжиж эхэлснээр татвар төлөгчид татварын бүрдүүлэлтэд хяналт тавих, оролцох оролцоо нэмэгдэж байгаа зэрэг шинэ механизм хэрэгжиж байна.

-Төсөвт тодотгол хийх нөхцөл бүрдсэн үү?

-Төсвийн тогтвортой байдлын тухай хуулиар улсын төсөвт тодотгол хийх нөхцөл байдлыг тодорхой зааж өгсөн байдаг. Тодорхой нөхцөл бүрдсэн үед тодотгол хийдэг. 2016 он гараад 2 сар өнгөрч байна. Одоогоор төсөвт тодотгол хийх шаардлага үүсээгүй. Ер нь бол зайлшгүй тодотгол хийх шаардлага ойрын үед үүснэ.

-Хүүхдийн мөнгө дутуу олгогдсон. Хэзээ гүйцээж олгох юм бол?

-Төсвийн санхүүжилтын байдал туйлын хүнд байна. Төрийн дансны үлдэгдэл ихээхэн хурдацтайгаар хомсдож байгаа. Нэг, хоёрдугаар сар ер нь их хүнд сар байдаг. Яагаад гэвэл, оны эхэнд орлого төвлөрүүлэлт амаргүй байдаг. Орлогын төвлөрүүлэлтийн нэгдүгээр сарын байдлыг харвал орлого төлөвлөсөн хэмжээнд бүрдсэн. Хоёрдугаар сард орлого төвлөрүүлэлт төлөвлөсөн хэмжээнд хүрээгүй. Үүнээс шалтгаалж зарим санхүүжилтыг хугацаанд нь олгоход хүндрэл үүссэн. Хүүхдийн мөнгөний санхүүжилтийг энэ 7 хоногт багтаж олгохоор Сангийн яам ажиллаж байна. Хүүхдийн мөнгөнд 30 орчим тэрбум төгрөгийн санхүүжилт шаардлагатай. Засгийн газар энэ хэмжээний эх үүсвэрийг хугацаанд нь олох ажлыг зохион байгуулах бололцоотой.

МУГЖ С.Жавхлан, МУГЖ Т.Баясгалан нар “Илгээлтийн эзэд” аяныг эхлүүлэхээр болжээ. Тэд малчдад туслах зорилгоор Боловсрол соёл шинжлэх ухааны яамтай хамтран энэ аяныг өрнүүлж буй талаараа өнөөдөр мэдээллээ.

Ж.Батзандан: НӨАТ-ын баримт олгох хэвлэгч төхөөрөмжийг 80,000 төгрөгөөр худалдан авах боломжтой

МАН, МАХН 95 жилийн ойн баяраа хамтран тэмдэглэсэн нь ирэх сонгуульд чимээ өгсөн үйл явдал болов. Үүгээрээ тус хоёр нам 2016 оны УИХ-ын сонгуульд эвсч орохоо албан бусаар зарлалаа. Таван жилийн турш хагаралдаж байсан намын удирдлагууд гар барьж, эвлэрсэн нь эрх баригч АН-ыг хүртэл сандаргаад авав. АН-ын дарга З.Энхболд сонгуульд МАН, МАХН-ын эсрэг ганцаараа орвол ялагдал хүлээнэ гэдгээ мэдэж буй учир ИЗНН, МҮАН-тай нэгдэх ажлыг яаравчилж буй сураг байна. Энэ бүхнээс харахад МАН+МАХН, АН+ИЗНН, МҮАН гэсэн хувилбарууд ирэх сонгуулийн өнгө төрхийг тодорхойлохоор байгаа юм.

Монголын оюутны холбооноос Сүхбаатарын талбайд оюутнууд хөдөлмөрлөх эрх, үндэсний тэтгэлэг 70200 төгрөгийн төлөө тайван жагсаал хийх тухайгаа хэвлэлийн бага хурал зарлаж мэдэгдээд байсан.

Согтуу жолооч осол гаргаж гурван хүн гэмтжээ. Хан-Уул дүүргийн 10 дугаар хорооны нутаг Морингийн замд “Toyota Corolla” автомашины жолооч Х гэгч нь А жолоочтой “Nissan Sunny” автомашинтай мөргөлджээ.