-
2015 оны 9 сарын 16
ЕАБХАБ-ын Парламентын Ассамблейн 2015 оны намрын хурал
-
2015 оны 9 сарын 16
Байнгын хорооны хуралдааныг хойшлуулав
-
2015 оны 9 сарын 15
А.Энхболдыг Дарханы Засаг даргаар сонголоо
-
2015 оны 9 сарын 15
УИХ-ын чуулганы нэгдсэн хуралдаанаар Өршөөл үзүүлэх тухай хуульд Ерөнхийлөгчийн хэсэгчлэн тавьсан хоригийг хэлэлцэж, дэмжив.
Хэлэлцэж буй асуудалтай холбогдуулан УИХ-ын гишүүн Д.Лүндээжанцан, Энэ хуулиас болж нийгэмд хүлээлт, хардлага үүсч байна. Тиймээс Ерөнхийлөгчийн хоригийг нэн яаралтай хэлэлцэн шийдвэрлэх хэрэгтэй гэсэн санал хэлэв.
Мөн УИХ-ын гишүүн Д.Тэрбишдагва, “Монгол Улс нэг удаа алдсан иргэддээ өмнө өршөөл үзүүлж байсан. Тухайн үед хориг тавьж байгаагүй. Ерөнхийлөгчийн уучлал үзүүлсэн Жастин Капла гэдэг хүн 70 тэрбум төгрөгийн асуудал үүсгэсэн. Ерөнхийлөгчийн хориг тавьснаас бусад заалт нь хэрэгжиж байгаа юу хэмээн асуув. Уг асуултад Хуульзүйн байнгын хорооны дарга Д.Ганбат, “Хориг тавьснаас бусад зүйл заалт хэрэгжиж байгаа. 40 мянган хүн жолооны үнэмлэхээ авсан. Хорих ял эдэлж буй хүмүүсийг өршөөлд хамруулах ажлыг шат дараатай хэрэгжүүлж байна” хэмээн хариулав.
УИХ-ын гишүүн Л.Цог, “Ерөнхийлөгчийн хоригийг дэмжиж байгаа. Ерөнхийлөгчийн хоригийг хүлээж авахгүй бол АТГ-ын үйл ажиллагаанд сөргөөр нөлөөлж мэднэ. Өөрөөр хэлбэл, ихээхэн хүч хөдөлмөр гаргаж байж илрүүлсэн хэргийг өршөөвөл АТГ-ын ажилтнуудад “Авлигтай тэмцээд ч яахав дээ. Үр дүнгүй юм байна” гэсэн бодол төрөх вий” гэлээ.
Мөн УИХ-ын гишүүн Х.Тэмүүжин, Өршөөлийн хууль бол бид бүгдийн алдаа юм. Анх Засгийн газар хуулийн төслийг өргөн барихад хээл хахууль авах, зуучлах гэсэн 2 зүйл ангийг өршөөхөөр заасан байсан. Чуулган, Байнгын хорооны хуралдааны үеэр энэ заалтуудыг гүнзгийрүүлж, авлига, албан тушаалын гэмт хэргийг өршөөх заалт оруулсан юм. Намрын чуулганы үеэр Эрүүгийн хуулийн төслийг хэлэлцэнэ. Энэ үед тун анхааралтай ажиллахыг нийт гишүүдээс хүсч байна” гэв.
Түүнчлэн УИХ-ын гишүүн С.Бямбацогт, “Энэ хуулийг Эрүүгийн хуулийг баталсны дараа хэлэлцэх ёстой. Тиймээс ч МАН-ын бүлэг Өршөөлийн хуулийг эсэргүүцэж байсан. Гэвч УИХ-аар хүч түрэн баталсан. Өршөөл үзүүлэх тухай хуулийг батлах үеийн УИХ-ын хуралдааны тэмдэглэлийг ил болгож болох уу. Ингэвэл аль гишүүн авлига, албан тушаалын хэргийг өршөөхийг дэмжсэн бэ гэдгийг олон нийт харж болно хэмээн асуулаа. Уг асуултад УИХ-ын дарга З.Энхболд, Өршөөл үзүүлэх тухай хуулийг хаалттай дэгээр хэлэлцсэн. Би хурлын тэмдэглэлийг ил болгох боломжгүй. Гишүүд горимын санал гаргаж, олонх дэмжсэн тохиолдолд хуралдааны тэмдэглэлийг ил гаргаж болно” гэсэн хариулт өглөө.
УИХ-ын гишүүн З.Баянсэлэнгэ, “Өршөөлийн хуулийг УИХ өөрийн бүрэн эрхийн хүрээнд гаргаж байгаа болохоос хэн нэгэнд зориулж гаргагүй. Энэ хууль нэг удаа алдсан иргэдэд алдаагаа засах боломж олгох зорилготой юм. Тиймээс төр гаргасан шийдвэртээ бат зогсох хэрэгтэй. Улс төржилтөөс үүдэж өөрсдийн гаргасан шийдвэртээ муу “дүн” тавьдагаа болих ёстой” хэмээв.
Ийнхүү санал хураалт явуулахад хуралдаанд оролцсон 59 гишүүний 83.1 хувь дэмжиж, Ерөнхийлөгчийн хоригийг хүлээн авлаа.
УИХ Ерөнхийлөгчийн хэсэгчлэн тавьсан хоригийг хүлээж авснаар Өршөөл үзүүлэх тухай хуулиас авлига, албан тушаалын гэмт хэргийг өршөөх заалтыг хасах боллоо. УИХ-ын чуулганы хуралдааны дэгийн тухай хуулийн 31.8, 31.9-д заасны дагуу Хуульзүйн байнгын хороо, чуулган дахин хуралдаж Өршөөл үзүүлэх тухай хуульд өөрчлөлт оруулах болов.
Хуралдааны төгсгөлд УИХ-ын дарга З.Энхболд, “Өнөөдөртөө багтаж Өршөөл үзүүлэх тухай хуулийн бүх хэлэлцүүлгийг дуусгах хэрэгтэй. Маргааш олон улсын томоохон хурал болох тул өнөөдөр Хууль зүйн байнгын хороо чуулган дахин хуралдах болно” гэлээ.
Ийнхүү чуулганы хуралдаан түр завсарлав.
-
2015 оны 9 сарын 15
Орон сууцны шинэ хороолол баригдана
-
2015 оны 9 сарын 15
Байнгын хорооны саналаар Өршөөл үзүүлэх 4 зүйлийн 4.1 дээр үзаалтыг хүлээж авах нь зүйтэй гэж санал хураалтаар
59 гишүүн 48 гишүүн дэмжсэнээр хоригийг хүлээж авлаа.
7-р зүйл 59 гишүүнээс 49 гишүүн зөвшөөрч хүлээж авлаа. Ерөнхийлөгчийн хоригийг хүлээж авахыг дэмжсэн учраас тогтоол батллаа.
-
2015 оны 9 сарын 15
УИХ-ын ээлжит бус чуулганы өнөөдрийн хуралдаанаар Өршөөлийн хуульд тавьсан Ерөнхийлөгчийн хоригийг хүлээж авах эсэхийг хэлэлцэж байна. Хэлэлцэж буй асуудалтай холбогдуулан УИХ-ын гишүүд асуулт, асууж хариулт авч байна.
-
2015 оны 9 сарын 15
Гацууртын ордод төрийн эзэмшлийн хувь тогтоох асуудлыг судална
-
2015 оны 9 сарын 15
Тайлангаа ирүүлээгүй 6 байгууллагын удирдлагын цалинг 20 хувиар хасна
-
2015 оны 9 сарын 15
УИХ-ын Хууль зүйн байнгын хорооны хуралдаан өндөрлөсний дараа УИХ-ын ээлжит бус чуулган үргэлжлүүлэн хуралдаж эхлээд байна.
Тус хуралдаанаар Өршөөлийн хуульд тавьсан Ерөнхийлөгчийн хоригийг хүлээн авах эсэх асуудлыг хэлэлцэж байгаа юм. Уг хоригийг УИХ-ын Хууль зүйн байнгын хорооны хуралдаанаар хэлэлцэн санал хураахад гишүүдийн олонхи нь “Хоригийг хүлээн авах нь зүйтэй” хэмээн үзсэн юм.
-
2015 оны 9 сарын 15
УИХ-ын Хууль зүйн байнгын хорооны хуралдаан өнөөдөр 9:00 цагт товлогдсон байсан ч 11:00 цаг өнгөрөөж эхэллээ. Хуралдаанаар Өршөөл үзүүлэх тухай хуульд Монгол Улсын Ерөнхийлөгчийн тавьсан хэсэгчилсэн хоригийг хүлээж авах эсэх асуудлыг хэлэлцэж, хуралдаанд оролцсон гишүүдийн 68.8 хувийн саналаар дэмжсэн. Өмнөх хуралдаанаар Шударга ёс эвслийн бүлэг 350 гаруй тэрбум төгрөгийн авлига, албан тушаалын хэрэгт холбогдсон гэх 110 гаруй хүний нэрийг ил болгох шаардлага хүргүүлж завсарлага авсан. Энэ дагуу АТГ-аас хэргийн талаарх мэдээлэл, хэрэгт холбогдож, шалгагдаж буй хүмүүсийн нэрийг гишүүдэд нууцын журмаар хүргүүлсэн байна. Эвслийн бүлгийн зүгээс дээрх албан тушаалтнуудын нэрийг ил зарлаж, байнгын хороогоор нээлттэй хэлэлцэх санал гаргасан ч хуулийн дагуу энэ нь боломжгүй учраас саналыг хүлээж аваагүй юм.
Л.Дэлгэр
-
2015 оны 9 сарын 15
Ерөнхийлөгчийн хоригийг хэлэлцэнэ
-
2015 оны 9 сарын 15
Тэгвэл тус намын дарга З.Энхболд АН-ыг фракцгүй болоогүй гэдгийг илтгэх дахин нэг жишээг олон нийтэд харууллаа. Тэрбээр Ардчилсан хүчний холбооны чуулганыг 21 аймагт явуулж байна. Энэ чинь юу гэсэн үг вэ?. З.Энхболд бол АН-ын дарга. Хэзээ, хаана ч АН-ыг төлөөлж дуугарах ёстой албан тушаалтан. Гэтэл намынхаа нэрийн өмнөөс ч биш фракцийнхаа өмнөөс 21 аймагт чуулган зохион байгуулж явна. АН биш Ардчилсан хүчний холбооны нэрээр уулзалт зохион байгуулж кампанит ажил явуулж байгааг юу гэж ойлгох вэ?. Фракцийн эрх ашгаар хэт өвчилсний шинж үү эсвэл хэт их шунал уу.
-
2015 оны 9 сарын 14
Монгол Улсад байнгын ажиллагаатай парламент байгуулагдсаны 25 жилийн ойд зориулсан Улсын Их Хурлын Хүндэтгэлийн хуралдаанд Монгол Улсын Ерөнхийлөгч Цахиагийн Элбэгдоржийн хэлсэн үг.
-
2015 оны 9 сарын 14
УИХ-ын гишүүн С.Оюун хуулийн төслүүд өргөн барив
-
2015 оны 9 сарын 14
Сангийн сайд Б.Болор хуулийн төслүүд өргөн барилаа
-
2015 оны 9 сарын 14
Үндсэн хуулийн өөрчлөлтийг намрын чуулганаар батлахыг хүсэв
2015 / 09 / 14 | Нийтэлсэн: Ч.Ариунболд | 0
УИХ-ын гишүүн Ж.Батзандан Үндсэн хуулийн нэмэлт, өөрчлөлт болон Сонгуулийн тухай хууль Улс төрийн намын тухай хуулийн төслийг энэ намрын чуулганаар хэлэлцэж, батлахыг УИХ-ын даргаас хүслээ.
“УИХ-ын гишүүний үндсэн үүрэг бол иргэдийн санаа бодлыг сонсч, тухайн асуудлыг холбогдорх албан тушаалтанд уламжлах замаар иргэдийн эрх ашгийг хамгаалах юм” хэмээн Үндсэн хуульд заасан. Энэ хүрээнд өдөр бүр Баянзүрх, Налайх дүүргийн иргэд, сонгогчидтой уулзаж, санал хүсэлтийг нь сонсож байна. Иргэд Улаанбаатар хотод үүсээд буй хэд хэдэн хүндрэлтэй нөхцөл байдлын талаар мэдээлэл ирүүлснийг хэвлэл мэдээллийн хэрэгслээр дамжуулан Нийслэлийн Засаг дарга Э.Бат-Үүлд хүргүүлж байна. Мөн иргэд Үндсэн хууль, Сонгуулийн хууль болон Улс төрийн намын тухай хуулийг нэн яаралтай хэлэлцэж батлах санал ирүүлсэн. Тиймээс дээрх хуулийг намрын чуулганаар хэлэлццэхийг УИХ-ын дарга, гишүүдээс хүсч байна хэмээн Ж.Батзандан гишүүн онцлон тэмдэглэв.
Тэрбээр, “Гэр хорооллыг дахин төлөвлөх ажил эхлээд багагүй хугацаа өнгөрлөө. Энэхүү ажлыг иргэд дэмжиж байгаа. Гэхдээ дахин төлөвлөт явуулж буй аж ахуйн нэгжүүд өнөөдөр дампуурлын ирмэгт иржээ. Аж ахуйн нэгжүүд газар чөлөөлөх болон иргэдийг түрээсийн байранд оруулах, түр амьдрах орон сууцаар хангахад олон тэрбум төгрөг зарцуулсан. Тиймээс санхүүгийн хүндрэлд орж байна. Дахин төлөвлөлтийг НЗДТГ хариуцаад хийх ёстой. Гэтэл УИХ-д энэ ажилтай холбоотой олон гомдол ирж байна. УИХ-ын Өргөдлийн байнгын хорооноос Ажлын хэсэг байгуулж, Гэр хорооллын дахин төлөвлөлтийн ажилд шалгалт хийсэн. Шалгалтын дүнг Нийслэлийн Засаг дарга Э.Бат-Үүлд хүргүүлсэн. Гэр хорооллын дахин төлөвлөлтийн бодлогыг шинэчлэн, иргэд, аж ахуйн нэгжид хүндрэлгүйгээр зохион байгуулахыг Э.Бат-Үүл даргаас хүсч байна” гэлээ.
Түүнчлэн, “СӨХ-ны дээд зөвлөлийг татан буулгах чиглэлээр иргэдээс олон хүсэлт ирсэн. СӨХ сар бүр их хэмжээний мөнгө татдаг хэдий ч иргэдийн өмнө тулгамдсан аливаа асуудлыг шийдвэрлэдэггүй. Тиймээс энэ байгууллагыг татан буулгаж, шинэчлэх хэрэгтэй.
Нийтийн тээврийн үйлчилгээг шинэчлэн зохион байгуулсантай холбоотой гомдол олон ирлээ. Тухайлбал, Хотын захаас төвд ирж ажилладаг хүн 2-3 автобус дамжиж байна. Үүнээсээ болж ажлаасаа хоцрох, цалингаа хасуулах зэрэг хүндрэл үүсч байна.
Мөн Цахим газар олголтод ахмад настан, хөгжлийн бэрхшээлтэй иргэд хамарч чадахгүй байна. Тиймээс цахимаар газар олгох системээ шинэчлэн, хүн бүрт ойлгомжтой, хүртээмжтэй болгох хэрэгтэй. Эдгээр асуудлыг нэн яаралтай шийдвэрлэхийг хотын даргаас хүсч байна” гэв.
-
2015 оны 9 сарын 14
Томоохон зах, худалдааны төвүүдийн ажлын цагийн хуваарийг түр өөрчиллөө
-
2015 оны 9 сарын 14
Сар гаруйн хугацаанд эзэнгүй байсан зарим яамны сайд нарыг өнгөрсөн долоо хоногт томилсон билээ.
-
2015 оны 9 сарын 14
Засгийн газрын үйл ажиллагааны хөтөлбөрийн хэрэгжилтийг хэлэлцэнэ
2015 / 09 / 14 | Нийтэлсэн: Ч.Ариунболд | 0
Засгийн газрын ээлжит хуралдаан өнөөдөр 16.00 цагт эхэлж, 10 асуудал хэлэлцэхээр төлөвлөсөн байна. Хуралдаанаар хэлэлцэх асуудлыг жагсаалтаар хүргэж байна.
1.Орон сууцны хорооллын санхүүжилтийн тухай- Сангийн сайд Б.БОЛОР танилцуулна.
2. Монгол, Унгарын Засгийн газар хоорондын комиссын хуралдааны тухай- БОНХАЖ-ын сайд Н.БАТЦЭРЭГ танилцуулна.
3.Ази, Номхон далайн худалдааны хэлэлцээрт нэгдэн орох тухай- Аж үйлдвэрийн сайд Д.ЭРДЭНЭБАТ танилцуулна.
4.Монгол, Чехийн Засгийн газар хоорондын комиссын хуралдааны тухай- БХБ-ын сайд З.БАЯНСЭЛЭНГЭ танилцуулна.
5. Шинжлэх ухаан, технологийг хөгжүүлэх тэргүүлэх чиглэл, цөм технологийн жагсаалт батлах тухай- БСШУ-ны сайд Л.ГАНТӨМӨР танилцуулна.
6. Тогтоолд өөрчлөлт оруулах тухай- ЭМС-ын сайд Г.ШИЙЛЭГДАМБА танилцуулна.
7.Засгийн газрын 2012-2016 оны үйл ажиллагааны хөтөлбөрийн хэрэгжилтийн тухай- ЗГХЭГ-ын дарга С.БАЯРЦОГТ танилцуулна.
8. Монгол Улсын Ерөнхий сайдын орон нутагт ажилласан дүнгийн тухай- ЗГХЭГ-ын дарга С.БАЯРЦОГТ танилцуулна.
9. Шилэн дансны тухай хуулийн хэрэгжилтийн явц, дүнгийн тухай- Сангийн сайд Б.БОЛОР танилцуулна.
10. Бусад асуудал- Ерөнхий сайд Ч.САЙХАНБИЛЭГ танилцуулна.
Засгийн газрын ээлжит хуралдаанаар хэлэлцсэн асуудлын талаар маргааш буюу энэ сарын 15-нд Ерөнхий сайдын хэвлэлийн төлөөлөгч Ц.Мөнхтөр дэлгэрэнгүй мэдээлэл хийнэ.
