-
2018 оны 1 сарын 24
Засгийн газрын ээлжит хуралдаан өнөөдөр 13.00 цагт болно. Нийт 10 шахам асуудал хэлэлцэхээр төлөвлөсөн байна.
-
2018 оны 1 сарын 23
БНЧУ-ын Элчин сайдыг хүлээн авч уулзлаа
-
2018 оны 1 сарын 23
” Ипотекийн зээлийн урьдчилгаа 25 хувь, жилийн хүү нь 7.5 хувьтай байх боломжтой” гэсэн судалгааг энэ долоо хоногт багтаан Засгийн газарт танилцуулахаар болсон байна.
-
2018 оны 1 сарын 23
Томуу, томуу төст өвчнөөр өвчилсөн 0-5 хүртэлх насны хүүхэд энэхүү тогтоолоор баталсан эмийг өрх, сум, багийн эмчийн бичсэн жороор Эрүүл мэндийн даатгалын сангаас үнийн хөнгөлөлт үзүүлэх эмээр үйлчилдэг 800 гаруй эмийн сангаас авах боломжтой.
-
2018 оны 1 сарын 23
Ерөнхий сайд У.Хүрэлсүх “Рио Тинто”-гийн Гүйцэтгэх захиралтай уулзав
Монгол Улсын Ерөнхий сайд У.Хүрэлсүх “Рио Тинто” группын Гүйцэтгэх захирал Жан Себастъяан Жакийг хүлээн авч уулзав. Ерөнхий сайд У.Хүрэлсүх уулзалтын эхэнд хэлэхдээ хөрөнгө оруулагч талуудын хувьд бид Оюу толгой төслийг Монголын ард түмэнд өгөөжтөй байлгах, Оюу толгойн гүний уурхайн бүтээн байгуулалтыг үр ашигтай хэрэгжүүлэх шаардлагатай. Хамтарсан ажлын хэсэг байгуулах нь зүйтэй. Хувь нийлүүлэгчийн хувьд Монголын төр, Монголын ард түмэн Оюу толгой төслийн үр ашгийг нэмэгдүүлж өгөөжийг нь хүртэх нь эцсийн зорилго.
Иймд төслийн санхүүжилтийн зардал болон зээлийн хүүгийн хувийг бууруулах шаардлагатай байна. Мөн Таван толгойн ордод түшиглэн станц байгуулж говийн бүсийн эрчим хүчний хангамжийг нэмэгдүүлэх бүтээн байгуулалтыг хийх хэрэгтэй. Нүүрсний экспорт, ачаа тээвэрлэлтийг эрчимжүүлэх төмөр замыг барих ажлыг эхлүүлэх цаг нь болсон гэв.
Харин “Рио Тинто” группын Гүйцэтгэх захирал Жан Себастъяан Жак хэлэхдээ “Монгол Улсын Ерөнхий сайдын саналыг хүлээн авч, бүрэн дэмжиж байна. Цаашид хөрөнгө оруулагчид тууштай, тогтвортой бодлого хэрэгжүүлж, өгөөжөө өгөх урт хугацааны шийдэлд хүрэхийн төлөө Монгол Улсын Засгийн газартай хамтарч ажиллах хүсэлтэй байна. “Рио Тинто” групп нь Монгол Улс дахь үйл ажиллагаагаа өргөтгөж, хөрөнгө оруулалтаа нэмэгдүүлэх, хайгуулын хөтөлбөр болон Олон улсын технологийн үйлчилгээний чадавхиа бэхжүүлэх зорилгоор төлөөлөгчийн газраа нээгээд байна. Оюу толгой уурхай нь “Рио тинто” группын хамгийн аюул осолгүй, өндөр бүтээмжтэй, олон талт дэлхийн хэмжээний төслүүдийн нэг болсон. Өдгөө 14,000 орчим ажилтан ажиллаж байгаагийн 90 гаруй хувь нь монгол ажилчид. Тэдний ур чадвар өдрөөс өдөрт өссөөр байгаа” гэв.
Эцэст нь Ерөнхий сайд У.Хүрэлсүхийн Оюу толгой төслийн хувь нийлүүлэгчдийн хамтарсан ажлын хэсэг байгуулах хүсэлтийг биелүүлж ажиллах болно гэдгээ “Рио Тинто” группын Гүйцэтгэх захирал Жан Себастъяан Жак илэрхийлжээ.
Ямартай ч Ерөнхий сайд У.Хүрэлсүхийн Оюу толгойг эзэмшигч “РиоТинто”-гийн Гүйцэтгэх захирал Жан Себастьян Жактай хийсэн эхний уулзалт ажил хэрэгч байдалд өрнөжээ. Харин Жан Себастьян Жак захирал хэлсэн амандаа аль хэр хүрдэг болох нь удахгүй мэдрэгдэх бизээ.
-
2018 оны 1 сарын 23
НҮБ-ын гамшгийн эрсдлийг бууруулах газрын бүсийн төвийн даргатай уулзав
-
2018 оны 1 сарын 23
Х.Баттулга: Авлигач нартайгаа тэмцэхэд АНУ-ын тусламж хэрэгтэй байна
Хоёр хоногийн өмнө Ерөнхийлөгч Х.Баттулга АНУ-ын Төрийн департментын туслах Төрийн нарийн бичгийн даргын үүрэг гүйцэтгэгч Свзан Торнтонтой уулзаж “Оффшор данстай Монгол иргэдийн мэдээлэлийг олж авах, тэрхүү хууль бус хөрөнгийг буцаан оруулж ирэхэд АНУ-ын дэмжлэг хэрэгтэй байгаа”-г онцлон хүссэн билээ. Мөн авлигын эсрэг Румын улсын АТГ-ын дарга эмэгтэй Лаура Кодрута Ковеси ямар мундаг ажиллаж байгааг дурдаад “АНУ Румынд тийм арга хэмжээ болон мэдээлэл олж авахад тусламж дэмжлэг үзүүлж байгаа гэж бодож байна. Манай АТГ-т мөн энэ тусламж хэрэгтэй байна” хэмээн маш чухал хоёр асуудлыг онцлон ярьсан талаар Ерөнхийлөгчийн Тамгын газаас мэдээлэв.
Одоогоор Монголын 49 иргэн оффшор бүсийн 61 компанид хувь эзэмшиж байгааг АТГ-аас зарлаад байгаа. Энэ ч утгаар нь Ерөнхийлөгч Х.Баттулга 2017 оны долдугаар сарын 24-нд “Оффшор бүсэд хөрөнгө мөнгөө байршуулсан улстөрчид болон төрийн албан хаагчид 49 хоногийн дотор мөнгөө Монголдоо оруулан ирэхийг уриалж байна” хэмээн тэдэнд 49 хоногийн хугацаа өгсөн билээ. Тэр хугацаанд оффшор бүсээс “Петровис”-ын захирал Д.Энхчимэгийн аав Ч.Давааням л оффшор бүсээс 4.3 сая ам доллараа Монголд оруулан ирсэн бөгөөд Ч.Даваанямын хувьд АНУ-д амьдраад удаж байгаа нэгэн гэдэг.
Харин өнөөдөр хэл амтайхан Их Британи, Умард Ирландын Вант Улсад Элчин сайдаар сууж байгаа С.Баяр эхлээд Монголоос анх оффшорт холбогдож, сүүлдээ бүр БНХАУ-ын иргэншилтэй болж таарсан С.Баярцогт, УИХ-ын гишүүн Г.Тэмүүлэнгийн авга ах Ч.Батзориг, С.Баярын дунд охин, “Голден Уеллен Инк” компанийн захирал Б.Бадамханд, С.Баярын том охин Б.Нандин, бага охин Б.Хонгор, НИТХ-ын дарга асан Ц.Сандуйгийн төрсөн дүү Ц.Сэргэлэн гээд оффшорт данс эзэмшигч олон эрхмүүд “Усанд хаясан чулуу шиг” таг чиг алга болчихоод байгаа тул Монгол Улсын Ерөнхийлөгч Х.Баттулга ийнхүү ард түмэндээ амлаж гарч ирснээ ажил хэрэг болгохоор АНУ-аас дэмжлэг хүсэв.
Харин АНУ-ын засаг захиргаа, Төрийн департмент нь ямар хариу өгөх нь одоогоор тодорхойгүй байгаа. Уг нь АНУ-ын Төрийн департментын зүгээс Монгол Улсын НҮБ-ын Энхийг сахиулах үйл ажиллагаанд оролцож байгаа байдлыг ихэд өндрөөр үнэлдэг гэдгээ байн байн илэрхийлсээр ирсэн билээ. Тэгэхээр “Аяганы хариу өдөртөө, агтны хариу жилдээ” гэгчээр Монгол төрийн тэргүүний аргаа барсан гуйлтын хариуг АНУ дөмгөхөн шиг барих болов уу гэсэн горьдлого, итгэл Монголчуудад төрж байгааг хэлэх нь зүйтэй. АТГ-ын гар мухардаж, дарга даамлуудынх нь амыг хамхиж, эрх мэдлээр нь боомилочихоод байгаа энэ цаг үед Ерөнхийлөгч Х.Баттулга АНУ-ын Төрийн департменттэй харилцаагаа идэвхижүүлэх замаар хулгай, луйврын замаар Монголоос гарч далай давуулан нуусан 17-19 тэрбум ам долларын ядаж талыг нь олоод авбал Монгол Улс их өрийнхөө талыг нь ч болтугай төлж, бид маргаашдаа арай жаахан итгэлтэй болохсон.
-
2018 оны 1 сарын 23
Засгийн газар
-
2018 оны 1 сарын 23
Нэр бүхий иргэн Үндсэн хуулийн цэцэд хандаж Монгол Улсын Батлан хамгаалах тухай хуулийн зарим заалт Үндсэн хууль зөрчсөн эсэх асуудлаар мэдээлэл ирүүлжээ.
-
2018 оны 1 сарын 23
Ийм ч баатар байх гэж...
Ерөнхийлөгч асан Ц.Элбэгдорж “Цагаан морин жилийн ардчилсан хувьсгалд заавал ч үгүй нэг баатар байх ёстой юм” гэсээр 2009 оны 12 дугаар сарын 10 буюу Ардчилсан хувьсгалын 20 жилийн ойгоор 181 дүгээр зарлигаа гаргаж Э.Бат-Үүлд Монгол Улсын баатар цол олгосон билээ. Ц.Элбэгдорж тэрхүү 181 дүгээр зарлигтаа “Монгол оронд ардчилсан хөдөлгөөнийг үүсгэн байгуулах, ардчилал, эрх чөлөөний үнэт зүйлсийг түгээн бэхжүүлэхэд оруулсан жинтэй хувь нэмрийг нь үнэлж” хэмээн магтсан байдаг. Ийнхүү тухайн үеийн ардчилагч залуусын эсрэг “Хүч хэрэглэж хэрхэвч болохгүй” хэмээн эцэг хүний зангаргаар 1990 оны Цагаан морин жилийн хувьсгалыг авран хамгаалсан МАХН-ын Төв хорооны Ерөнхий нарийн бичгийн дарга Ж.Батмөнхийн авч чадаагүй Монгол Улсын баатар цолыг найзынхаа гараас энгэртээ зүүсэн Э.Бат-Үүл баатар сүүлийн үед Ерөнхийлөгч Х.Баттулгатай ихээхэн тэрсэлдэх болоод байгаа. Учир нь Улаанбаатар хотын захирагч байх үеэсээ л цэрэг армийг томоохон бүтээн байгуулалтад оролцуулах асуудлыг эрс эсэргүүцэж “Фашизм толгойгоо өндийлгөх гэж байна” хэмээн эгдүүцэж байсан түүхтэй. Гэтэл сүүлийн үед Ерөнхийлөгч Х.Баттулга дүүрэг дүүргийн ард иргэдтэй уулзалт хийх бүртээ “Монгол Улс төмөр зам, уул уурхай, нефтийн үйлдвэр зэрэг томоохон бүтээн байгуулалтын ажилдаа цэрэг армиа татан оролцуулах ёстой. Залуучууд бүгд цэргийн албыг 1-3 жил хаадаг болох, өөрийн хүсэлтээр цэрэгт явах сонирхолтой эмэгтэйчүүдийг ч цэргийн алба хаалгаж цалинтай, орлоготой, ажлын байраар хангах асуудлыг Монголын төр шийдэх ёстой” гэснийг 1990 оны ардчилсан хувьсгалын ганц баатар Э.Бат-Үүл эрс эсэргүүцэж “Яагаад ч бүтэхгүй хоосон мөрөөдөл ярьж байна” хэмээн жадлан эсэргүүцсээр байгаа юм. Уг нь нэг нь ардчилсан хувьсгалыг эхлүүлж, яах аргагүй хамгийн эхний эгнээнд явсан гавьяагаа үнэлүүлсэн баатар, нөгөөх нь ардчилсан хувьсгалын арын фронтод байж хөрөнгө санхүүгээр ивээн тэтгэж явсан партизан хоёр өнөөдөр ийнхүү хоёр тийшээ харж, бие биенийхээ үг үйлдлийг жадлан эсэргүүцэж, Монголчуудыг хуваан талцуулж байх нь ямар ч утгагүй санагдана.
Мэдээж цэрэг армийг томоохон бүтээн байгуулалтад ашиглаж, ажилтай орлоготой болгож чадвал армийн хөрөнгө санхүү бэхжиж, эр эм нь мэдэгдэхгүй шахам болоод байгаа Монголын залуучууд ядаж л чийрэгжин хатуужих сайн талтайг Э.Бат-Үүл баатар мэдэхийн сайнаан мэдэж байгаа мөртлөө урд өмнөх өгөө аваа, өөрийнх болгож чадаагүй эрх мэдлийн өш хонзон санаж төрийн тэргүүнтэйгээ хорон үгээр шүршилцэж байгаа нь яавч баатар хүнээс гарах үг, үйлдэл биш санагдана. Ийм ч баатар байх гэж. 1990 оны ардчилсан хувьсгалын ганц баатар гэсэн эрхэм нэр, цолондоо эзэн бол л доо. Энэ улсын төлөө хэрэгтэй юу л байна түүний төлөө уухайлан зүтгэсэн баатар шиг баатар бай л даа. Баатар хүн чинь эх орондоо, ирээдүйн залуусдаа хайртай байдаг биз дээ. Битгий энд тэнд очоод, хэрүүлч эхнэр шиг тулга тойрсон юм ярьж, эрчүүдийн нас намба, цаашлаад Монгол төрийн нэр хүндийг сэвтээгээд яв л даа. Ерөнхийлөгч Х.Баттулгатай тэрсэлдэж, түүний хэлсэн ярьсныг гутаалаа гээд таны энгэр дээрх баатрын алтан соёмбын өнгө л гудайна уу гэхээс, хоёр дахь баатрын алтан соёмбо энгэр дээр чинь гялтайхгүй нь үнэн билээ л.
-
2018 оны 1 сарын 23
байгаль орчны иргэний зөвлөл
-
2018 оны 1 сарын 23
ЗТХ-ийн сайд Ж.Бат-эрдэнэ “Азийн хөгжлийн банк”-ны Зүүн азийн газрын дарга ноён Инду Бушан тэргүүтэй төлөөлөгчдийг хүлээн авч уулзлаа.
-
2018 оны 1 сарын 22
Өнөөдөр АНУ-ын Төрийн департментын туслах Төрийн нарийн бичгийн даргын үүрэг гүйцэтгэгч Свзан Торнтонтод оффшор данстай иргэдийн мэдээлэлийг олж авах,хөрөнгийг буцаан оруулж ирэхэд танай улсын дэмжлэг хэрэгтэй байгааг онцлон хүссэн байна.
-
2018 оны 1 сарын 22
Монголд үгүйлэгдсэн Румын бүсгүйчүүд
Румыны Авлигатай тэмцэх үндэсний газрын тэргүүн 44 настай Лаура Кодрута Ковеси гэдэг энэ эмэгтэй төв Европын хамгийн дорой хөгжилтэй, авлига хээл хахууль хамгийн их цэцэглэсэн энэ орныг эмх цэгцэнд нь оруулахаар эмэгтэй хүнээс гарамгүй зориг зүрхтэй ажиллаж байгаа нэгэн. Саяхан Румын улс анх удаа эмэгтэй Ерөнхий сайдтай болсон. Тухайлбал дөрөвхөн хоногийн өмнө Румын Улсын Ерөнхийлөгч Клаус Йоханнис “Социал демократ” намын нэр дэвшигч Виорика Данчилаг тус улсын Ерөнхий сайдаар томилсон билээ.
Эмэгтэйчүүд нэг зориглосон зүйлдээ тууштай, зоригтой дайчин улс гэдгийг эрчүүд мэднэ. Ийм л хоёр эмэгтэй удирдагч Румын улсаа аврахаар бахархмаар зоригтой тэмцэж байна. Харин манай эрэгтэй улстөрчид хөшигний араар нийлж хуйвалдан хулгайлсаар л явна. Ядаж л Рио Тинтогийн шар толгойтой даргатай зоригтойхон ярьчих, асуудлыг Монголдоо ашигтайгаар эргүүлэх Ерөнхий сайд болон салбар хариуцсан сайд одоогоор алга. Үнэн байдал ийм л байгаа.
Харин манай АТГ-ын даргаар 2016 оны долдугаар сарын 8-нд АТГ-ын даргаар томилогдож байсан Х.Энхжаргал гэгчид Румын бүсгүй Лаура Кодрута Ковесийн хэмжээний эр зориг, үнэнч шударгаар ажиллах зарчимч байр суурь үнэндээ алга гэдгийг Монголчууд өнгөрсөн жил долоон сарын хугацаанд хангалттай харлаа, хамаг л чадлаараа дургүйцлээ илэрхийлцгээлээ. Гэтэл өнөөдөр тэр нөхөр шударга шүүмжлэл тавьж, “Чи ажлаа хийж чадахгүй байна” гэсэн АТГ-ын Олон нийтийн зөвлөлийн дарга Г.Баасантай тэмцэлдээд үндсэн ажлаа мартчихсан л харайлгаж явна. Үнэндээ Румыний зоригт бүсгүйчүүд Монголд яасан их үгүйлэгдэнэ вэ. Сарын 3200 еврогийн цалинтай Лаура Кодрута Ковеси дарга ипотекийн зээлээр авсан хоёр өрөө байранд даруухан амьдардаг гэдэг. Өдөртөө нэг авлигачийг шорон руу илгээдэг Румын дарга бүсгүйтэй харьцуулвал манай дарга нар болж л өгвөл Зайсанд өөрсдөө дотор нь төөрчих шахдаг том том хаусанд тарвалзан амьдардаг. Монголд үгүйлэгдсэн Румын дарга бүсгүй, Монголын авлигачин дарга нарын хооронд ийнхүү өдөр шөнө шиг л ялгаа байдаг юмсанж.
-
2018 оны 1 сарын 22
Д.Бямбасүрэн: С.Баяр, Сү.Батболд, Д.Зоригт, С.Баярцогт, Н.Алтанхуяг нарт хатуу хариуцлага хүлээлгэх ёстой
Монгол Улс зах зээлийн эдийн засагт шилжсэний дараа 1990 оны есдүгээр сарын 11-нээс 1992 оны долдугаар сарын 21 хүртэл Монгол Улсын 18 дахь Ерөнхий сайдаар ажиллаж байсан Дашийн Бямбасүрэн гуай дээрх үгийг хэлж, “Би нас дээр гарсан хүн. Айх эмээх юм алга. Үнэнийг хэлж, ярьж байгаад л хадан гэртээ очно.
Оюутолгойн гэрээ бол манай дээдсүүдийн шуналын бүх төрлийн нян цугласан бохирын сав. Толгойгоороо хариуцна гэж Монгол Улсад ямар ч ашиггүй, энэхүү дээрмийн гэрээг толгойлж хийсэн С.Баяр, Сү.Батболд, Д.Зоригт, АН-аас засагт нь ажиллаж байсан С.Баярцогт, Н.Алтанхуяг нарт хатуу хариуцлага хүлээлгэх ёстой юм. Толгойгоо өгнө гээд л амлаад байсан нөхдүүд одоо хэлсэндээ хүрч толгойгоо өгөх хэрэгтэй. Мөн хоёр компанийн захирал очоод Монголын газар нутгийг барьцаанд тавьчихсан. Тэр нь, Б.Бямбасайхан, Да.Ганболд хоёр. Энэ чинь хуулийг завхруулж, Монголын ард түмний эрх ашгаас урвасан үйлдэл шүү дээ.
Өнөөдөр Монголчууд газар нутгаа барьцаалсны төлбөрт долоон тэрбум ам.долларын өртэй болчихоод сууж байна. Үүнийг ярихгүй, хэлэхгүй байж болохгүй. Тиймээс нэн даруй хатуу гараар асуудлыг шийдэх ёстой. Хувь миний эрүүл мэндээс илүү Монгол Улсын ирээдүй, үр ач нарын маань хувь заяа л тун их сэтгэл зовоож байна” хэмээн сэтгэлийнхээ үгийг хэлсэн юм.
-
2018 оны 1 сарын 22
Д.Хаянхярваа: У.Хүрэлсүхийн Засгийн газар огцорно гэж айлтгүй
Энэ үгийг УИХ дахь МАН-ын 65 бүлгийн ахлагч Д.Хаянхярваа итгэлтэй хэлж байна. Тэрээр намынхаа бүлгийн хурлын дараа сэтгүүлчдэд мэдээлэл хийхдээ “Бид АН-ын гудамжны ярианд итгэж Засгийн газраа унагана гэж байхгүй. Ард иргэд тэдний ярианд итгэж Засгийн газар огцорно гэж айлтгүй. Бид Засгийн газраа аль болох тогтвортой ажиллах боломжийг нь бий болгоно. Ардчилсан намынхан худлаа ярьж, Монгол Ардынхан Засгаа унагана гэж ярьж байгаад итгэх хэрэггүй. Бид энэ сарын 25-нд Монголд ирэх ОУВС-тай ярилцаж татварын нэмэгдлийн талаар ярилцана. Яг өнөөдрийн байдлаар Монгол Улс бензин шатахууны 45 хоногийн нөөцтэй байгаа. Шатахуун түгээх станцууд албаар бензин өгөхгүй байгааг Засгийн газар анхааралдаа аваарай гэдгийг албан ёсоор сануулсан. Сая Ерөнхий сайдын айлчлалын хүрээнд БНСУ-аас авахаар болсон 700 сая ам долларын 500 сая долларыг нь гэр хорооллын айл өрхүүдийг орон сууцжуулахад зарцуулна. Хэмжээ, үнэ өртөг нь ямар байхыг одоогоор сайн мэдэхгүй байна. Нарийн тооцоо гаргана гэж Ерөнхий сайд бүлгийн хуралд танилцуулсан” хэмээсэн юм.
-
2018 оны 1 сарын 22
Энэ оныг бүтээн байгуулалтын жил болгон зарласан. Энэ хүрээнд гурван ээлжээр хичээллэж байгаа сургуулиудыг хоёр ээлжтэй болгохоор ажиллаж байна. Цэцэрлэгийн 90 гаруй, сургуулийн 60 гаруй барилга босгох зардал 2018 оны улсын төсөвт тусгагдсан. Үүнээс гадна орон нутгийн саналаар оруулсан олон барилга бий.
-
2018 оны 1 сарын 22
Д.Эрдэнэбат: У.Хүрэлсүхийн Засгийн газрыг огцруулна шүү
Дөнгөж сая УИХ дахь АН-ын бүлгийн дарга Д.Эрдэнэбат болон гишүүн З.Нарантуяа нар мэдээлэл хийв. Бүлгийн хурлаар хоёр асуудлыг нарийвчлан хэлэлцсэн талаар Д.Эрдэннбат дарга мэдээлэв. Нэгдүгээрт энэ долоо хоногт УИХ-ын Байнгын хороо болон чуулганы нэгдсэн хуралдаанаар хэлэлцэхээр болоод байгаа Улсын Иргэний бүртгэлийн тухай хуулийн шинэчилсэн найруулгын талаар УИХ дахь сөрөг хүчний бүлгийн гишүүд байр сууриа нэгтгэсэн талаар мэдээлэв. Хоёрдугаарт сөрөг хүчний гишүүдийн зүгээс иргэдийн бухимдлыг ихээхэн төрүүлээд байгаа татварын нэмэгдэл, шатахууны хомсдолтой холбоотойгоор үнийн зохиомол хөөрөгдөл үүсч байгааг нухацтай авч хэлэлцээд Засгийн газарт тодорхой шаардлага хүргүүлээд байгааг Д.Эрдэнэбат дарга онцолсон юм. Шатахууны үнэ нэмэгдсэн нь эрх баригчдын Онцгой албан татвар нэмсэнтэй шууд холбоотой бөгөөд энэ нь ОУВС-ын шахалт шаардлагаар эрх баригчдын хийсэн бодлогогүй алхам гэдэгтэй УИХ дахь сөрөг хүчний бүлгийн гишүүд санал нэгджээ. Сөрөг хүчний зүгээс долоон төрлийн татварыг нэмсэнийг эсэргүүцэж Ерөнхий сайд У.Хүрэлсүхэд хүргүүлсэн шаардлагынхаа хариуг ирэх сарын 1-нд авна гэдгээ мэдэгдэв. Д.Эрдэнэбат дарга цааш нь “Өнөөдрийн Засгийн газар хамгийн муу ажиллаж байна. Тэд татвар нэмэх, иргэдийнхээ цалингаар оролдохоос өөр ажил хийхгүй байна. Тэдний яриад байсан эдийн засгийн өсөлт байхгүй байна. Энэ талаар дорвитой, шийдвэртэй ажиллаж чадахгүй бол энэ Засгийн газрыг огцруулах асуудлыг тавих болно. Мөн УИХ-ын чадамжийн асуудлыг ч хөндөн тавихыг үгүйсгэх аргагүй” гэсэн юм.
-
2018 оны 1 сарын 22
Ерөнхийлөгч Х.Баттулга АНУ-ын Төрийн департментын туслах Сюзан Торнтоныг хүлээн авч уулзлаа
-
2018 оны 1 сарын 22
Монгол, Америкийн зөвлөлдөх уулзалт боллоо
