-
2017 оны 11 сарын 03
“Нарны хороолол”-ын зүүн талд барьж буй барилгын краны сум унаснаас болж Энхтайваны гүүрэн доогуурх замыг өнөөдөр өглөөнөөс түр хаалаа.
Тодруулбал, “Нарны хороолол”-оос зүүн тийш буюу шууд Энхтайваны гүүрэн доогуур гардаг замын хөдөлгөөнийг Баянгол дүүргийн замын цагдаа нар түр хязгаарласан байна. Хэр хугацаанд хаах нь одоогоор тодорхойгүй байна. Зам хааснаас болж энэ хэсэгт түгжрэл үүсчээ.
-
2017 оны 11 сарын 03
1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хэсгээр үүлшинэ, бусад нутгаар багавтар үүлтэй. Хур тунадас орохгүй. Салхи баруун өмнөөс 5-10 м/с. Хангай, Хөвсгөл, Хэнтэйн уулархаг нутаг, Дорнод Монголын талаар 1 хэм хүйтнээс 4 хэм дулаан, Алтайн өвөр говиор 13-18 хэм, Их нууруудын хотгор болон говийн аймгуудын өмнөд хэсгээр 7-12 хэм, бусад нутгаар 3-8 хэм дулаан байна.
Улаанбаатар хотод: Багавтар үүлтэй. Хур тунадас орохгүй. Салхи баруун өмнөөс секундэд 5-10 метр. 2-4 хэм дулаан байна.
Төлөв байдал: 4-нд баруун аймгуудын нутгийн хойд хэсгээр бага зэргийн цас, 5-нд баруун болон төвийн аймгуудын ихэнх нутгаар, 6-нд төв болон зүүн аймгуудын ихэнх нутаг, говийн аймгуудын нутгийн зарим газраар, 7-нд баруун болон зүүн аймгуудын нутгийн зарим газраар цас орно. Салхи 4-нд Алтайн салбар уулсаар, 5-6-нд ихэнх нутгаар, 7-нд нутгийн зүүн хэсгээр 14-16 м/с хүртэл ширүүсч цасан болон шороон шуурга шуурна. 5-нд нутгийн баруун хэсгээр цаашдаа ихэнх нутгаар хүйтэрч Хангай, Хөвсгөл, Хэнтэйн уулархаг нутгаар шөнөдөө 18-23 хэм, өдөртөө 3-8 хэм, говийн бүс нутгийн өмнөд хэсгээр шөнөдөө 3-8 хэм хүйтэн, өдөртөө 1-6 хэм дулаан, бусад нутгаар шөнөдөө 8-13 хэм хүйтэн, өдөртөө 3 хэм хүйтнээс 2 хэм дулаан байна.
2.Объектын түймэр:
Хувийн өмчид гарсан: Нийслэлийн Сонгинохайрхан дүүргийн 10 дугаар хороонд иргэн Ц-гийн 21-93 УБЕ улсын дугаартай ’’Приус-20’’ загварын автомашин шатаж байна гэсэн дуудлагыг 11.02-ны өдрийн 21:56 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 6 алба хаагч, 1 автомашинтай 22:05 цагт хүрэлцэн очиж 00:10 цаг ажиллаж, унтраасан. Иргэн Ц-гийн нүүр, 2 гарын алганы хэсэг нь гал түймэрт түлэгдсэн байсныг нийслэлийн ЯТТТ-103-т хүлээлгэн өгсөн.
3.Эрэн хайх, аврах ажиллагаа:
Эрэн хайх ажиллагаа /сураггүй болсон/: Дорноговь аймгийн Замын-Үүд сумын 3 дугаар багт иргэн С /8 настай, эмэгтэй/ 11.02-ны өдрийн 13:00 цагт хичээлдээ явна гэж гэрээсээ гараад сураггүй болсон тухай дуудлагыг 11.02-ны өдрийн 21:41 цагт хүлээн авч тус сумын Онцгой байдлын хэлтсийн Гал түймэр унтраах, аврах 17 дугаар ангийн 8 алба хаагч, Цагдаагийн хэлтсийн 28 алба хаагч, ЕБСургуулийн 40 ажилтан, орон нутгийн 35 иргэн, ар гэрийн 5 хүн, нийт 116 хүн, 16 автамашинтай эрэн хайх ажиллагааг 11.02-ны өдрийн 17:50 цагаас зохион байгуулж, 09:20 цаг ажиллаж, 11.03-ны өдрийн 02:30 цагт эрлийн ажиллагааг түр зогсоосон.
ОНЦГОЙ БАЙДЛЫН ЕРӨНХИЙ ГАЗАР
-
2017 оны 11 сарын 03
Аливаа улс орнуудтай эдийн засгийн хамтын ажиллагаа өргөжиж, хөрөнгө оруулалт нэмэгдэхийн хэрээр бидэнд шинэ сонголт , шинэ боломжууд нэмэгддэг. Гэвч хуучны харилцаа, хамтын ажиллагаа чухал хэвээр байдгийг мартаж боломгүй. Ялангуяа газарзүйн хувьд хамгийн ойр, хамгийн тохиромжтой тэр харилцаагаа шинэ боломжуудаар баяжуулан ашиглаж чадвал үүнийг эдийн засгийн харилцан ашигтай , үр өгөөжтэй хамтын ажиллагаа гэх нь зүй.
-
2017 оны 11 сарын 03
Эх орны хөрсөнд тарьж ургауулсан чацарганыг ямар ч орц найрлага, нэмэлт хольцгүйгээр хэрэглэгчдийн гарт хүргэдэг ХУБА ХАЯА үйлдвэрийн хамт олон бүтээгдэхүүний хэрэглэгчийн гарт хүргэж эхлээд жилийн хугацаа өнгөрчээ.
-
2017 оны 11 сарын 03
Нийслэлийн 378 жилийн ойг тохиолдуулан Монгол улсын Засгийн газраас 2020 он хүртэл Улаанбаатар хотын эерэг имиджийг бий болгох Зүүн хойд Азийн бүс нутгийн хэмжээнд аялал жуулчлалын тэргүүлэх хот болгох зорилтын хүрээнд Нийслэлийн аялал жуулчлалын газраас зохион байгуулан хийж бүтээсэн “Улаанбаатар” үсгэн хэлбэрт бэлгэ тэмдгийн нээлт боллоо. Нээлтийн үйл ажиллагаанд Нийслэлийн Засаг дарга бөгөөд Улаанбаатар хотын Захирагч С.Батболд тэргүүтэй Нийслэлийн удирдлагууд болон бусад албаны хүмүүс оролцлоо.
“Улаанбаатар” үсгэн хэлбэрт бэлгэ тэмдэг нь тэмдэг нь 11 метр урт, 1.9 метрийн өндөртэй, шөнийн гэрэлтүүлэгтэй бөгөөд гадаад дотоодын жуулчдад эерэг сэтгэгдэл дурсамж үлдээн хотын гудамж талбайн өнгө төрх, шөнийн хотын өнгө үзэмжийг чимсэн бүтээлийн нэг болж байгаа юм.
Дэлхийн бүхий л хотууд тэр дундаа аялал жуулчлал хамгийн ихээр хөгжсөн тухайн хотууд өөрсдийн онцлогийг харуулсан брэнд, арга хэмжээнүүд ашиглаж байгаа энэ цаг үед брэнд логогоо ашиглаж сурталчилгаа хийх нь зорин ирэх жуулчдын урсгалд ихээр нөлөөлдөг байна.
Нидерланд улсын Амстердам хотыг илэрхийлэх “I Amsterdam” бэлгэ тэмдэг нь дэлхийн хамгийн олон хүнд хүрсэн таних тэмдэг болжээ. 2004 онд анх бүтээгдэж тус хотыг жилд 18 сая жуулчин зорин ирдэг Европ тивийн аялал жуулчлалын тэргүүлэгч болоход нөлөөлсөн хөгжлийн нэг хөшүүрэг болсон гэж үздэг байна. Мөн БНСУ-ын Сөүл хотын Хан голын эрэг дээр байрладаг I-SEOUL-U бэлгэ тэмдэг нь тус улсын төдийгүй гадаад дотоодын жуулчдын зорин очих брэнд аялал жуулчлалын нэг юм байна.
Түүний нэгэн адил Монгол улс аялал жуулчлалын салбарт өөрийн гэсэн өнгө төрхийг илэрхийлэх хотын нүүр царай болж, орчин үеийн хотын чиг хандлага, шинэлэг шийдэл загваруудыг илэрхийлсэн бүтээн байгуулалтын ажлуудыг цаашид хийх юм байна.
Нийслэл хотын хэмжээнд нийтдээ 230 хөшөө дурсгал түүхт газрууд байдгаас хувь хүний болон тэмдэглэлт үйл ажиллагаатай холбоотой 80, хот чимэглэлтийн зориулалтаар баригдсан 80, түүх соёлын ач холбогдол бүхий дургсгалт газар байрлуулсан 50 гаруй уран баримал, хөшөө байдаг гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 11 сарын 03
Отгонтэнгэр хайрханд осолдсон иргэдийн ар гэрээс Онцгой байдлын байгууллага, алба хаагчдад талархал илэрхийллээ. Талархлаа өөрийн биеэр илэрхийлэхээр ирсэн Булган аймгийн Могод сумын өндөр настан С.Болдыг ОБЕГ-ын ГШУГ-ын дарга, хурандаа Б.Мандахгэрэл хүлээн авч уулзсан юм. Уулзалтын үеэр С.Болд “Дүүгийнхээ биеийг уулнаас олохгүй нь л гэж айж байлаа. Гэтэл аврагчид маань олоод ирэхэд амьд уулзсан мэт л баярласан” гэсэн юм.
-
2017 оны 11 сарын 03
жирэмсэн эмэгтэйчүүд
2. нийслэлийн дүүргүүдийн зарим цэцэрлэгийн бага насны хүүхдүүд
3. эрүүл мэндийн ажилтан,нийслэлийн ерөнхий боловсролын сургууль, цэцэрлэгийн багш нар
4. архаг, суурь өвчтэй хүн
5. өндөр настан
Мөн 2017 оны 10 сарын 24-өөс эхлэн сайн дурын дархлаажуулалтыг ХӨСҮТ-ийн амбулаториор 1 хүн тунг 10000 төгрөгөөр хийж байна.
жирэмсэн эмэгтэйчүүд харьяа сум, дүүргийн өрхийн эрүүл мэндийн төвд хандаж томуугийн эсрэг дархлаажуулалтад үнэ төлбөргүй хамрагдаарай.
Дэлгэрэнгүй мэдээллийг 11-455-388 дугаар утсаар ХӨСҮТ-ийн Дархлаажуулалтын албанаас авах боломжтой.
Дархлаажуулалтанд хамрагдахад юуг анхаарах вэ
1. Товлолын дагуу тогтоогдсон хугацаанд эх хүүхдийн эрүүл мэндийн дэвтэртэй харьяа өрхийн эмнэлэгт очих.
2. Эмчид үзүүлж, вакцины хэд дэх тунг тариулах тухай заалтыг тэмдэглүүлэх
3. Эмчид үзүүлсэн өдрөө вакцинаа хийлгэх
4. Вакцин тариулахын өмнө халуун бууруулах өвчин намдаах лаа, эм хэрэглээгүй байх
5. Вакцин тариулж байгаа хүүхдийг хөдөлгөөнгүй сайн барихы
Вакцин тариулсны дараа хөнгөн хэлбэрийн халуурах, бие тавгүйрэх, тарьсан хэсэгт улайх, өвдөх, хавдах, шинж тэмдгүүд илэрч болох ба 2-3 хоногт арилдаг. Шинж тэмдэг нэмэгдэх, арилахгүй удвал өрхийн эмчидээ хандаарай.
НИЙГМИЙН ЭРҮҮЛ МЭНДИЙН ҮНДЭСНИЙ ТӨВ
-
2017 оны 11 сарын 03
Тариалангийн компаниудад нөхөн төлбөр олгоно
-
2017 оны 11 сарын 03
Завхан аймгийн Отгон сумын Отгонтэнгэр хайрхан ууланд авиралт хийгээд бууж явсан уулчдаас 17 нь золгүй ослоор амь насаа алдсан харамсалтай хэрэг өнгөрсөн сарын 21-ний өдөр гарсан.
-
2017 оны 11 сарын 03
Монгол Улсын Шадар сайд, Дорноговь аймгийн Засаг даргатай байгуулсан гэрээний дагуу Онцгой байдлын ерөнхий газраас тус аймагт Гамшгаас хамгаалах иж бүрэн сургуулийг 2017 оны 11 дугаар сарын 09-11-ний өдрүүдэд зохион байгуулна.
Тус сургуулийн удирдагчаар ОБЕГ-ын дэд дарга, хурандаа Б.Ууганбаяр ажиллах бөгөөд тэрээр Айраг сумын Онцгой комисс, алба, мэргэжлийн ангийн бие бүрэлдэхүүнтэй уулзан, гамшгаас хамгаалах иж бүрэн сургуулийн зорилго, чиглэл болоод нүүлгэн шилжүүлэх дадлага сургуулийн талаар мэдээлэл хийж, бэлтгэл ажлыг бүрэн хангах үүрэг чиглэл өглөө.
Айраг сум нь 3700 гаруй хүн ам, 123600 гаруй малтай, 50 орчим аж ахуй нэгж, байгууллага үйл ажиллагаа явуулдаг томоохон сум бөгөөд иж бүрэн сургуулийн бодлогын дагуу тус сумын иргэдийг нүүлгэн шилжүүлэх дадлага сургуулийг явуулах юм.
Мөн тус суманд байрлах Гал түймэр унтраах, аврах 23-р анги, Шатахууны улсын нөөцийн салбарын нийт бие бүрэлдэхүүнтэй уулзан, гамшгаас хамгаалах иж бүрэн сургуулийн хүрээнд хийгдэж буй ажилтай танилцаж, заавар зөвлөгөө өглөө гэж Онцгой байдлын ерөнхий газраас мэдээллээ.
-
2017 оны 11 сарын 03
2017 оны эхний 10 сарын байдлаар орон нутгийн замд Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг 799 бүртгэгдэж, ослын улмаас 334 хүний амь нас хохирсон нь улсын хэмжээнд амь насаа алдсан хүний 77,5 хувийг эзэлж байна.
Иймд орон нутгийн замд гарч буй зам тээврийн осол хэргээс урьдчилан сэргийлэх зорилгоор Булган аймгаас Хөвсгөл аймаг явах улсын чанартай авто замд дагуу зам тээврийн осол, хэрэг #ихээр гардаг, гарч #болзошгүй 2 #цэгт урьдчилан сэргийлэх #цацруулагч бүхий ”МЭДЭЭЛЛЭХ САМБАР” байршууллаа.
Жолооч та ганцхан жолооны хүрд бус өөрийн болон хайртай хүмүүсийнхээ амь нас, эрүүл мэндийг атгаж яваа гэдгээ бүү мартаарай.
ТАНЫ АЛТАН ШАР ЗАМ ТАНЬ ӨЛЗИЙТЭЙ БАЙГ
-
2017 оны 11 сарын 03
Улаанбаатар хотын Захирагчийн ажлын албанаас эмнэлгийн байгууллагуудын гадна талбайг тохижуулах ажлыг эхлүүлж, Гэмтэл согог судлалын үндэсний төв, Хавдар судлалын үндэсний төв, Сонгинохайрхан дүүргийн эрүүл мэндийн нэгдэл, Шастины нэрэмжит Улсын 3 дугаар эмнэлгийн гадна талбайг иж бүрэн тохижуулсан. Ирэх 2018 онд Эх нялхас, Баянзүрх дүүргийн нэгдсэн эмнэлэг, Амгалан амаржих газар, Өргөө амаржих газар, Хан-Уул дүүргийн 1 дүгээр амбулатори, Халдварт өвчин судлалын үндэсний төвийн гадна талбайг иж бүрэн тохижуулахаар төлөвлөж тохижилтын ажлын зургийг хийлгүүлж байгаа билээ. Өнөөдөр Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр зураг төслийн ажлын явцтай танилцаж, гүйцэтгэгч байгууллага болон эмнэлгүүдийн удирдлагуудтай уулзаж, тохижилтын ажлын явцад зайлшгүй шийдвэрлэх шаардлагатай асуудлуудыг хөндөн санал солилцлоо. Уулзалтад Нийлэлийн Хот төлөвлөлт ерөнхий төлөвлөгөөний газар, нийслэлийн Хөрөнгө оруулалтын газрын алба хэлтсийн дарга мэргэжилтэн нар оролцов гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 11 сарын 03
”Гадаадын иргэдийн шилжилт хөдөлгөөний өнөөгийн чиг хандлага, анхаарах асуудал” сэдэвт олон улсын эрдэм шинжилгээний бага хурал эхэллээ.
-
2017 оны 11 сарын 03
Авлигатай тэмцэх газрын ажлын хэсэг 2017 оны 11 дүгээр сарын 1-ний өдрөөс эхлэн Дорнод аймгийн Хөлөнбуйр, Булган сумдуудад ажиллаж,
-
2017 оны 11 сарын 03
Шадар сайдын баталсан удирдамжийн дагуу хүн ам олноор цуглардаг, худалдаа, олон нийтийн байгууллагуудын барилга байгууламжуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт шалгалтыг НОБГ-аас аравдугаар сарын 03-31-ний өдрүүдэд зохион байгуулжээ.
-
2017 оны 11 сарын 03
2017 оны 11-р сарын 02-ний Пүрэв гарагт Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ
-
2017 оны 11 сарын 03
09.00 цагт Нийслэлийн иргэний танхимд “Хүүхдийн хөгжил-Ээлтэй сургалтын орчин-Сүхбаатар дүүрэг” зөвлөгөөн болно.
-
2017 оны 11 сарын 03
Боловсрол, соёл, шинжлэх ухааны яамнаас 2017-2018 оны хичээлийн жилийн сурагчдын амралтын хуваарийг баталсан. Гаргасан хуваариар сурагчдын нэгдүгээр улирлын амралт арваннэгдүгээр сарын 3-наас буюу маргаашнаас эхэлнэ.
Тодруулбал, нэгдүгээр ангийн сурагчид хоёр долоо хоног амардаг байсан бол энэ жил бүх ангийн сурагчид нэг долоо хоног амарна.
Харин хоёрдугаар улирлын амралтаар бага ангийн сурагчид гурван долоо хоног, дунд, ахлах ангийнхан хоёр долоо хоногийн хугацаатай амрах юм байна.
-
2017 оны 11 сарын 03
Малчид, иргэдэд зориулсан мэдээ: Ойрын 2 хоногтоо ихэнх нутгаар цаг агаар тогтуун, өдөртөө дулаан байна.
2017 оны 11-р сарын 02-ны 16-22 цаг хүртэлх цаг агаарын мэдээ: Багавтар үүлтэй. Цас орохгүй. Салхи баруун хойноос секундэд 5-10 метр. 17 цагт 0 хэм орчим, 20 цагт 4 хэм хүйтэн байна.
-
2017 оны 11 сарын 02
Сүхбаатар дүүргийн Засаг дарга дүүргийн хэмжээнд гэр бүлийн болон бэлгийн хүчирхийлэлд өртсөн иргэдийн хамгаалах байртай болох асуудлыг нэн даруй шийдвэрлэхээр болжээ.
