-
2016 оны 9 сарын 13
Онцгой байдлын ерөнхий газрын 16 дугаар шуурхай зөвлөгөөн өнөөдөр боллоо. Шуурхай зөвлөгөөнд ОБЕГ-ын бүтцийн нэгжийн газар, хэлтсүүд болон Аврах тусгай анги, Уул уурхайн аврах анги, Давтан сургалт, сэргээн заслын төв, Хангалт, үйлчилгээний анги, Нийслэлийн Онцгой байдлын газрын удирдлагууд оролцон өнгөрсөн 14 хоногт хийсэн ажлын тайлан, цаашид хийх ажлын төлөвлөгөөг танилцуулав.
Шуурхай зөвлөгөөнийг удирдан явуулсан ОБЕГ-ын тэргүүн дэд дарга, онцгой байдлын хурандаа П.Баттогтох, албан хаагчдын цэрэгжилт, жагсаалч байдлыг хангуулах, бэлтгэл сургуулилтыг тогтмол хийлгэх, ОБЕГ-ын 2016 оны төлөвлөгөөнд тусгагдсан ажлуудын биелэлтэд онцгой анхаарах, ирэх оны төлөвлөгөөнд тодотгол хийж сайтар нягтлах, ажлын бүтээмжийг дээшлүүлэхийг үүрэг болголоо.
Мөн өвөлжилтийн бэлтгэл ажлыг хангуулах, өвс тэжээлийн бүрдүүлэлт, аж ахуйн нэгжийн өр, авлагыг барагдуулахад анхаарч ажиллахыг даалгав.
Албаны хэмжээнд дотоод, гадаадын сургалт, семинарит хамрагдсан удирдах бүрэлдэхүүн, албан хаагчид сургалтын үр өгөөжийг дээшлүүлэх, ач холбогдол, үр дүнгийн талаар мэдээлэл, илтгэх хуудас бичих, нийт бие бүрэлдэхүүнд танилцуулж байхыг анхаарууллаа.
2016 оны төсвийн тодотголоор Онцгой байдлын албаны хэмжээнд 2.1 тэрбум төгрөг хасагдсан тул зохион байгуулах арга хэмжээг аль болох хэмнэлтийн горимоор шийдвэрлэх, зохион байгуулах, зардал хэмнэж болох инновацийн арга туршлагыг үйл ажиллагаандаа нэвтрүүлж ажиллахыг үүрэг болгосон юм.
-
2016 оны 9 сарын 13
Өнөөгийн Монгол Улсын хамгийн эмзэг асуудлын нэг бол хүний эрүүл мэнд. Тэр тусмаа бидний ирээдүй болсон хүүхдүүдийн эрүүл мэндэд зориулагдсан үр дүнтэй, бодит ажлууд хийгдэх шаардлагатай байгаа билээ.
Үндэсний статистикийн газраас гаргасан судалгаанаас үзэхэд Улсын хэмжээнд өнгөрсөн сард нялхсын эндэгдэл 977 болж, өмнөх оны мөн үеийнхээс 158 буюу 19.3 хувиар, 5 хүртэлх насны хүүхдийн эндэгдэл 1,183 болж, өмнөх оны мөн үеийнхээс 208 буюу 21.3 хувиар өссөн байна. Нялхсын эндэгдэл ийнхүү өсөхөд улаанбурханы өвчлөл голлон нөлөөлжээ.
Одоогоос хоёр жилийн өмнө улаанбурхан өвчнийг бүрэн устгасан хэмээн ДЭМБ-аас батламж гардаж авсан Монгол Улсад дахин дэгдэж, он гарснаас хойш маш олон хүүхэд нас барсан юм. Тус өвчний тархалт сүүлийн хэдэн сар буурсан үзүүлэлттэй гарч байсан ч дахиад дэгдэх магадлалтай байгаа гэж албаны эх сурвалжууд мэдээлсэн нь олон эцэг эхчүүдийн дахин айдаст автууллаа. Энэ талаар ЭМЯ-н дахь албаны хүнээс тодруулахад “ДЭМБ-аас батламж авснаас хойш 2015 оны гуравдугаар сарын 18-нд улаанбурхан өвчний анхны тохиолдол бүртгэгдсэн. Энэ өвчин бол маш түргэн хугацаанд халдварлуулдаг, тархалт ихтэй. Хичээлийн шинэ жил эхэлж, хүн амын нягтрал нэмэгдэж, амьсгалын замын халдварт өвчлөлийн улирал эхлэхтэй холбоотойгоор улаанбурханы дэгдэлт үргэлжлэх магадлалтай байгаа” гэв.
Хэрэв энэ аймшигт өвчний дэгдэлт үргэлжлэвэл дахиад хэдэн бяцхан зүрх зогсохыг хэлж зүрхлэхгүй юм. Өнгөрсөн засгийн үед эзэнгүйдэж эрдэнэт хүнийхээ амийг үй олноор нь алдсан эрүүл мэндийн салбар өнөөдөр эзэнтэй болсон. Тэгэхээр одоо шинэ сайд маань энэ тал дээр онцгойлон анхаарч дахиж дэгдээхгүйгээр, таслан зогсооно гэдэгт итгэж хүлээх л үлдлээ.
-
2016 оны 9 сарын 13
201 хүний гарын үсэг цуглуулсан маягтандаа он, сар, өдрийг тавиагүй гэжээ. Өөрөөр хэлбэл, сонгуулийн тухай хуулийн 158.1.1 буюу хугацаандаа нэр дэвшүүлэх ажиллагаа явуулаагүй гэж үзжээ. Харин Баянзүрх дүүргийн ИТХ-д нэр дэвших боломжгүй болсон бие даагчид үүнийг эрс эсэргүүцэж байгаагаа илэрхийлсэн.
-
2016 оны 9 сарын 13
2016 он гарсаар 19 аймгийн, 96 сум, Улаанбаатар хотын 8 дүүргээс хачигт халдварын сэжигтэй 674 тохиолдол бүртгэгджээ.
Эпидемиологийн 35 дахь долоо хоногт өмнөх оны мөн үе болон олон жилийн дундажтай харьцуулахад өссөн үзүүлэлттэй байна.
Үүнээс ХР-ын 420 сэжигтэй тохиолдлын 180 буюу 43.2 хувь, ХЭ-ын 166 сэжигтэй тохиолдлын 49 буюу 29.5 хувь, ХБ-ын 88 сэжигтэй тохиолдлын 65 буюу 76.5 хувь нь тархвар судлал, эмнэлзүй, лабораторийн шинжилгээгээр онош батлагдсан байна гэж ЗӨСҮТ-өөс мэдээллээ.
-
2016 оны 9 сарын 13
Жил бүр төв талбайд зохион байгуулдаг ”Номын баяр” энэ сарын 16, 17-нд болно.
-
2016 оны 9 сарын 13
ариаланчдын төмс, хүнсний ногоо, жимс, жимсгэний борлуулалтыг дэмжиж хамтран ажиллахаар нийслэл Хүнс, хөдөө аж ахуй, хөнгөн үйлдвэрийн яамтай хамтын ажиллагааны санамж бичиг байгуулсан.
Санамж бичгийн хүрээнд “Алтан намар” өргөтгөсөн худалдааг 8-р сарын 20-ны өдрөөс 10-р сарын 20-ны өдрүүдэд зохион байгуулж байна. Нийслэлд төмс, хүнсний ногоо, жимс, жимсгэний борлуулалтыг дэмжих зорилгоор дундын зуучлалгүйгээр шууд худалдан борлуулах талбайг дүүргүүдийн ЗДТГ-тай хамтран хүн ам олноор суурьшсан хорооллуудын 43 байршилд 434 цэгт гарган ажиллахаар төлөвлөснөөс 38 байршлын 370 цэгийн үйл ажиллагаа жигдрэн ажиллаж байгаа талаар нийслэлийн Хүнс хөдөө аж ахуйн газраас мэдээллээ. “Алтан намар” үзэсгэлэн худалдаанд 14 аймгийн 13 сум, нийслэлийн 5 дүүргийн нийт 240 ногоочин, 6 аж ахуй нэгж, 12 хоршоо, 4 төсөл хөтөлбөр оролцож 950 гаруй тонн төмс, хүнсний ногоо, тариамал болон байгалийн жимс, жимсгэнэ, гоёл чимэглэлийн мод, бутны суулгац, эмийн ургамал борлуулахаар оролцоно гэдгээ мэдэгджээ. Мөн Хүнс, хөдөө аж ахуй, хөнгөн үйлдвэрийн яамнаас хүн амын хүнсний хангамжийг сайжруулах, үндэсний үйлдвэрлэгчид, тариаланчдын шилдэг бараа бүтээгдэхүүн, шинэ ургацын дээжийг хэрэглэгч түмэнд хүргэх зорилгоор “Намрын ногоон өдрүүд” нэгдсэн арга хэмжээг 2016 оны 9-р сарын 14-20-ны өдрүүдэд “Мишээл экспо” төвд зохион байгуулахаар болсон байна. Тус арга хэмжээний үеэр “Эх орны эрүүл сүү” өдөрлөг, “Ногоон хүнс-эрүүл амьдрал” өдөрлөг, “Дэлхийд танигдсан Монгол амт”, “Эрүүл хүнс-таны сонголт”, “Органик хөдөө аж ахуйг дэмжих” нь зэрэг өдөрлөгүүд болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 13
Инфографик: Монгол улсын нийгэм, эдийн засгийн байдал
-
2016 оны 9 сарын 13
Батлан хамгаалах, хууль сахиулах алба хаагчдын нэгдсэн эмнэлгийн үйл ажиллагаатай танилцлаа
-
2016 оны 9 сарын 13
Улаанбаатар хотын ерөнхий төлөвлөгөөг хэрэгжүүлэх үйл ажиллагааны төлөвлөгөөг танилцуулж байна
-
2016 оны 9 сарын 13
Өчигдөр Замын цагдаагийн газрын ЖШУХ дээр нийт 368 дуудлага, мэдээ мэдээлэл хүлээн авснаас, зам тээврийн ослын 289 дуудлага бүртгэгдсэн байна.
-
2016 оны 9 сарын 13
Бэртлийн улмаас намрын башёг өнжиж буй их аварга Хакүхо М.Даваажаргал өчигдөр мэс засалд орлоо. Тэрбээр өнгөрсөн долдугаар сарын тэмцээний үеэр баруун хөлийн эрхий хуруугаа гэмтээсэн бөгөөд уг гэмтэл нь сэдэрч, аки башёг өнжихөд хүргэсэн юм. Их аварга хөлийн хурааныхаа бяцарсан ясны хэлтэрхийг авахуулсан бөгөөд эмч нар түүнийг өнгөрсөн хугацаанд бэлтгэл хийж барилдах байтугай яаж алхаж гишгэж байсныг нь гайхжээ.
Их аварга Хакүхо 2007 онд ёкозүно цол хүртсэнээсээ хойш анх удаа тэмцээнийг бүрэн өнжиж байгаа юм.
-
2016 оны 9 сарын 13
Өнгөрсөн долоо хоногийн хугацаанд нийт 1657 нохой устгажээ
-
2016 оны 9 сарын 13
Засгийн газар 155 тэрбум төгрөгөөр үнэлэгдэх үнэт цаас гаргахаар болжээ. Тодруулбал, маргаашнаас эхэлж 12 долоо хоногийн хугацаатай 50 мянган ширхэг, 28 долоо хоногийн хугацаатай 100 мянган ширхэг, 52 долоо хоногийн хугацаатай 5000 ширхэг үнэт цаасыг тодорхой хугацаанд үе шаттайгаар гаргахаар болоод байна.
Үнэт цаасыг төсвийн алдагдлыг нөхөх, төсөл хөтөлбөр хэрэгжүүлэхэд шаардагдах хөрөнгийн эх үүсвэрийг босгох, мөнгөний бодлогыг хэрэгжүүлэх гэсэн тодорхой зорилгоор гаргадаг. Засгийн газрын энэ удаад гаргах үнэт цаас нь төсвийн цоорхойг нөхөхөд чиглэнэ.
УИХ-аас 2016 оны төсвийн тодотголыг батлахдаа алдагдлыг бууруулах бус өсгөсөн. Засгийн газрын зардлаа танах зорилгоор санал болгосон төрийн өндөр дээд албан тушаалтнуудын цалинг бууруулах, оюутны 70 мянган төгрөгийн тэтгэлгийг зогсоох, төрийн албан хаагчдын тэтгэвэртээ гарахад авдаг тэтгэлгийн хэмжээг бууруулах заалтууд чуулганы танхимд шил дараалан унасан нь чухамдаа хууль тогтоогчдын тайлбарлаад байгаачлан эдийн засгийн хямралыг бодож гаргасан шийдвэр биш ирж яваа орон нутгийн сонгуулийг л харж хийсэн нүүдэл юм.
Уг нь бол статистик мэдээллүүд хууль тогтоогчдод төсвийн зарлагыг өсгөж болохгүйг удаа дараа анхааруулсаар ирсэн. Тухайлбал, энэ оны найман сарын гүйцэтгэлээр улсын төсвийн алдагдал 1.8 их наяд төгрөгт хүрч, оны төгсгөл рүү 4 их наяд төгрөгт хүрэх төлөвтэй болсон. Төсвийн орлого төвлөрүүлэлт хоёрдугаар улирлаас хойш сайжирдаг ч эсрэгээрээ бууралт үзүүлэх болсон юм. Сангийн яамнаас гаргасан энэ оны наймдугаар сарын төсвийн гүйцэтгэлийн мэдээгээр төсвийн орлого төвлөрүүлэлт 785.4 тэрбум төгрөгөөр дутуу биелээд байна. Орлого буурахад импортын барааны НӨАТ ын орлого 160.8 тэрбумаар, импортын гаалийн албан татварын орлого 76 тэрбумаар, газрын тосны орлого 59.7 тэрбумаар, өмч хувьчлалын орлого 94.8 тэрбумаар, гадаад хандив тусламжийн орлого 206.4 тэрбумаар гэх мэтчлэн тус, тус төлөвлөсөн хэмжээнээсээ тасарсан нь нөлөөлжээ. Дээрх үзүүлэлт бол хувийн секторууд мөнгөгүй болж, эдийн засаг агшиж буйн том дохио юм. Тиймээс Засгийн газар арга буюу бонд гаргах замаар төсвийн алдагдлыг санхүүжүүлж, амь торгоох арга хэмжээ авахаар зэхсэн хэрэг.
Уг нь өнөөгийн эрх баригчид өнгөрсөн дөрвөн жил цөөнх байхдаа Шинэчлэлийн болоод Шийдлийн Засгийн газарт “Төсвийн алдагдал 1 их наяд төгрөгт хүрлээ, зардлаа бууруулаач ээ. Төсвийн алдагдлыг бонд гаргаж битгий нөх” гэхчлэн зөвлөж ирсэн атал одоо харин төсвийн алдагдлыг бонд гаргаж нөхөх даалгаврыг Засгийн газартаа өгчихөөд ээлжит бус чуулганаа завсарлуулав.
Монгол Улс хэзээнээс төсвийн алдагдлыг бонд гаргаж нөхдөггүй болох юм бол доо.
-
2016 оны 9 сарын 13
Танилц: Нийслэлийн нутгийн захиргааны байгууллагын дарга нарыг шинээр томиллоо
-
2016 оны 9 сарын 13
Согтууруулах ундаагаар үйлчлэх тусгай зөвшөөрөлтэй баар, рестораныг өвөл болон зуны цагийн хуваарийн дагуу ажиллуулах захирамжийн төслийг Улаанбаатар хотын Захирагчийн ажлын албанаас боловсруулжээ.
-
2016 оны 9 сарын 13
Гэрэлтүүлгийн ашиглалт, засвар хариуцсан компаниудын ажилд үнэлгээ хийж байна
-
2016 оны 9 сарын 13
Нийслэлийн иргэдийн дунд спорт явган аялалын тэмцээнийг тав дахь жилдээ зохион байгуулж, нийслэлийн аваргаа тодрууллаа. Энэхүү наадам нь ”Өдөр тутмын биеийн тамир – Өнөөгийн Нийслэлчүүдийн өнгө төрх” уриатайгаар Улаанбаатар хотын иргэдийг биеийн тамир, спортын уралдаан тэмцээнд өргөнөөр хамруулах, тэдний идэвх сонирхолыг дэмжих, иргэдийг эрүүл зөв амьдрах хэм хэмнэлд сургах, спортын амжилтыг ахиулах зорилготой юм.
Аялалын анхан шатны тэмцээнд 9 дүүргээс 72 хорооны 864 иргэн хамрагдсанаас шигшээ тэмцээнд 8 дүүргийн 110 иргэн амжилттай оролцож хурд хүч, авхаалж самбаа, тэсвэр тэвчээрээ сорин өрсөлдөв.
Тэмцээнийг “Байгальд нуувч илрүүлэх”, “Газрын зураг дээр зай, чиглэл тодорхойлох”, “Уулын оргил булаалдах”, “Техник, тактикийн тэмцээн”, “Багийн болон хувийн бэлтгэл”, “Эмийн сан”, “Цугларалт, ирц”, “Аялах явц”, “Байгаль болон отгийн ариун цэвэр” гэсэн 9 төрлөөр явуулж дүгнэлээ. Үүнд:
Нэгдүгээр байранд Н.Батбилэг ахлагчтай Налайх дүүргийн “Жавхаа” баг 77 оноогоор
Хоёрдугаар байранд Н.Мандалмаа ахлагчтай Чингэлтэй дүүргийн 19-р хорооны “Согоот” баг 71 оноогоор
Гуравдугаар байранд Д.Гэрэлцогт ахлагчтай Баянгол дүүргийн 22-р хорооны “Хийморь” баг 67.5 оноогоор
Дөрөвдүгээр байранд Түвшинжаргал ахлагчтай Хан-Уул дүүргийн 8-р хорооны “Хан-Уул” баг 66 оноогоор
Тавдугаар байранд Хүдэрчулуун ахлагчтай Багахангай дүүргийн ..-р хорооны “Согоот” баг 65,5 оноогоор
Зургаадугаар байранд Мэндбаяр ахлагчтай Баянзүрх дүүргийн 17-р хорооны “Баянзүрх” баг 62.5 оноогоор
Долдугаар байранд Дэлгэрмаа ахлагчтай Сонгинохайрхан дүүргийн ..-р хорооны “Хайрхан” баг 57 оноогоор
Наймдугаар байранд Хулангоо ахлагчтай Сүхбаатар дүүргийн “Цоглог” баг 56 оноогоор тус тус шалгарлаа гэж Нийслэлийн биеийн тамир, спортын газраас мэдээллээ.
-
2016 оны 9 сарын 13
“Ахиллис” ОУБ, Ариг банкнаас хамтран зохион байгуулсан “Итгэл найдвар боломж-Улаанбаатар-2016” марафон хандивын гүйлтийн уралдаан өнгөрөгч бямба, ням гарагт нийслэл хотноо боллоо.Нийт 320 байгууллагын 3000 гаруй тамирчин хурд хүчээ сорьсон тус уралдаанд Онцгой байдлын байгууллагаас 25 тамирчин оролцож багаараа хоёрдугаар байр эзэлсэн байна.20160912_123933
Дасгалжуулагчаар Нийслэлийн Онцгой байдлын газрын Гал түймэр унтраах, аврах 29 дүгээр ангийн салаан захирагч, ахлах дэслэгч Э.Ууганбаяр ажилласан бөгөөд Орхон аймгийн Онцгой байдлын газрын Гал түймэр унтраах, аврах 56 дугаар ангийн аврагч, гал сөнөөгч ахлах ахлагч Ч.Мөнхжаргал хоёр төрөлд алт, Говьсүмбэр аймгийн Онцгой байдлын газрын Гал түймэр унтраах, аврах 36 дугаар ангийн аврагч, гал сөнөөгч, ахлах ахлагч Д.Ариунжаргал алт, НОБГ-ын Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн аврагч, гал сөнөөгч, ахлах ахлагч Т.Тэмүүжин хоёр төрөлд мөнгө, хүрэл, Орхон аймгийн Онцгой байдлын газрын Гал түймэр унтраах, аврах 81 дүгээр ангийн аврагч, гал сөнөөгч, ахлах ахлагч П.Даваадорж хүрэл, Аврах тусгай ангийн нисэх төхөөрөмжийн нисгэгч, ахлах ахлагч Б.Ганзориг хүрэл медалийг тус тус хүртжээ. p1ahdm5a551ilaul15td1t07kaa1
Онцгой байдлын албаны хөнгөн атлетикийн тамирчдын хувьд Хэт холын марафон гүйлтийн улсын аварга шалгаруулах тэмцээнүүдэд оролцон 2014, 2015 онд 3 дугаар, 2016 онд 1 дүгээр байрыг эзлэн түрүүлж байсан юм. Энэ удаагийн “Итгэл найдвар боломж-Улаанбаатар-2016” марафон хандивын гүйлтийн уралдаанд хүчний байгууллагуудаас “Хилчин” спорт хороо 1 дүгээр, “Алдар” биеийн тамирын спорт хороо 3 дугаар байр эзэлжээ.
-
2016 оны 9 сарын 13
Үс шинээр үргээлгэх буюу засуулахад тохиромжгүй
-
2016 оны 9 сарын 13
2016 оны 09 дүгээр сарын 12-ны 21 цагаас 09 дүгээр сарын 13-ны 21 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Багавтар үүлтэй. Бороо орохгүй. Салхи баруун өмнөөс секундэд 5-10 метр. Алтай, Хангайн уулархаг нутгаар шөнөдөө 1-6 градус, өдөртөө 19-24 градус, Алтайн өвөр говиор шөнөдөө 10-15 градус, өдөртөө 26-31 градус, бусад нутгаар шөнөдөө 5-10 градус, өдөртөө 22-27 градус дулаан байна.
ТӨВИЙН АЙМГУУДЫН НУТГААР: Үүл багасна. Бороо орохгүй. Салхи баруун хойноос секундэд 6-11 метр. Шөнөдөө Хангай, Хөвсгөл, Хэнтэйн уулархаг нутгаар 0-5 градус, бусад нутгаар 5-10 градус, өдөртөө бүх нутгаар 19-24 градус дулаан байна.
ЗҮҮН АЙМГУУДЫН НУТГААР: Үүлэрхэг. Зарим газраар бага зэргийн бороо орно. Салхи зүүн өмнөөс секундэд 6-11 метр. Бүх нутгаар шөнөдөө 6-11 градус, өдөртөө 19-24 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи зүүнээс секундэд 3-8 метр. Шөнөдөө 6-7 градус, өдөртөө 20-22 градус дулаан байна.
ГОВИЙН АЙМГУУДЫН НУТГААР: Багавтар үүлтэй. Бороо орохгүй. Салхи зүүнээс секундэд 6-11 метр. Дундговийн нутгаар шөнөдөө 6-11 градус, өдөртөө 19-24 градус, бусад нутгаар шөнөдөө 10-15 градус, өдөртөө 23-28 градус дулаан байна.
УЛААНБААТАР ХОТ: Үүлшинэ. Бороо орохгүй. Салхи зүүнээс секундэд 5-10 метр. Шөнөдөө 7-9 градус, өдөртөө 20-22 градус дулаан байна.
