-
2016 оны 1 сарын 15
Архангай аймгийн Батцэнгэл сумын Дайр бор багийн нутгаас хэн нь тодорхойгүй нэгэн иргэний цогцос олджээ.
-
2016 оны 1 сарын 15
Талийгаач бүсгүйн ар гэрийнхнээс уучлалт гуйв
“Өргөө” амаржих газарт амгөрбөн арваннэгдүгээр сард ЖИрэМсэн эх эндсэн талаар бид еммө нь шуурхай мэдээлж байеан.Тэгвэл өчигдөр “Өргөө” амаржих газрын эмчилгээ эрхалеэн орлогч дарга Ц.Менхцэцэг талийгаачийн гэр бүлийнхантэй уулэаж, албан ёеөөр уучлалт гуйжзэ, Учир нь хэд хоногийн өмнө талийгаачийн шИнжилгээний хариу гарсан байна. Энэ талаар Шүүх эмнэлгийн дарГа Х.Батбаяр ”Одоогоор шинжилгээний хариуг үзүүлэх боломжгүй. Гурван шинжзэч, змчийн бүрэлдэхүүнтэй баг аЖйллаж, оны өмнө эх, нйрай fyc бүр дээр өер, өөр дүгнэлт гаргасан. Шинжйлгээний хариу удсан ны эмч нарын буруутай үйлдлэЭС шалтгаалсан учир сайтар нягтлах хэрэГ гарсан” Гэв. Албан бус эх сурвалжийн мэдээлж буйгаар тус эмнэлгийн удирдлагуудад хариуцлага тооцохоор болжээ.
-
2016 оны 1 сарын 15
үхбаатар аймгийн прокурорын газрын дэргэдэх Зөвлөлийн өргөтгөсөн хуралдаанаар 2016 оны 01 дүгээр сарын 06 -ны өдөр тус прокурорын газраас 2015 онд хийсэн ажлын тайлангаа хэлэлцэж санал, шүүмжлэл гарган үнэлэлт дүгнэлт өгсөн байна.
Улсын Ерөнхий прокурорын болон тус прокурорын газраас 2015 онд дэвшүүлсэн зорилтын хүрээнд нийт 60 шалгалт хийж, хяналт шалгалтын явцад илэрсэн зөрчлийг арилгуулахаар прокурорын шаардлага 12, тодорхой төрлийн гэмт хэргийн шалтгаан нөхцөлийг арилгах болон гэмт хэргээс урьдчилан сэргийлэх ажил зохион байгуулахаар байгууллага, аж ахуйн нэгжид прокурорын мэдэгдэл 33-г тус тус бичиж, Эрүүгийн байцаан шийтгэх ажиллагааны оролцогчдоос эрх бүхий албан тушаалтаны үйл ажиллагаа, шийдвэрийн талаарх гаргасан 32 гомдлыг хүлээн авч хянан, 21 шийдвэрийг хэвээр үлдээн, 11 шийдвэрт өөрчлөлт оруулах, хүчингүй болгон шийдвэрлэжээ.
Аймгийн хэмжээнд гарсан гэмт хэргийн шинжтэй гомдол, мэдээлэл, эрүүгийн хэрэгт тасралтгүй хяналт тавьж ирсэн ба өнгөрсөн онд 462 хэрэгт хяналт тавьж, шүүхэд 122 хэрэг шилжүүлснээс 107 хэргийн анхан шатны хуралдаанд улсын яллагчаар оролцон, дүгнэлт гаргасан байна.
Захиргааны зөрчлийн хэрэг бүртгэх ажиллагаанд тавих хяналтын чиглэлээр эрх бүхий улсын байцаагч нарын гаргасан шийдвэрийн хууль зүйн үндэслэлийн талаар 12 шалгалт хийж, илэрсэн зөрчлийг арилгуулахаар прокурорын шаардлага 4-ийг бичиж, эрх бүхий албан тушаалтны 77 шийдвэрт өөрчлөлт оруулан, 22 хүний зөрчигдсөн эрхийг сэргээжээ.
Түүнчлэн сумдад прокурорын байгууллагын үйл ажиллагаа, гэмт хэргээс урьдчилан сэргийлэх чиглэлээр ажиллан, иргэд, хөдөлмөрчидтэй уулзаж, яриа, таниулгыг 51 удаа явуулж, нийт 2261 иргэнийг хамруулжээ.
2015 онд тэмдэглэсэн Прокурорын байгууллага байгууллагдсаны 85 жилийн ойн хүрээнд эрхэлсэн ажилдаа амжилт гаргасан 6 прокурор, 12 ажилтан төв, орон нутгийн төр, захиргааны болон хуулийн байгууллагын шагналаар, төрийн дээд шагнал “Алтангадас” одонгоор хяналтын прокурор Г.Амарсайхан шагнагдсан амжилт бүтээл дүүрэн он болж өнгөрсөн байна.
-
2016 оны 1 сарын 15
Нотариатчийн мэргэшлийн шалгалтын тов зарлагдлаа
Хууль зүйн сайдын 2016 оны А/13 дугаар тушаалаар Нотариатчийн мэргэшлийн шалгалтыг ирэх гуравдугаар сарын 5, 6-ны өдрүүдэд зохион байгуулахаар товложээ. Шапгалтын бүртгэл энэ сарын 13-ны өдрөөс ирэх сарын 11- ний өдрийг дуустал явагдах аж. Шалгалтад оролцохыг хүсэгчид http://www.burtgel.moj.gov.mn цахим хаягаар бүртгүүлэх ба бүртгэлийн хураамж 50000 төгрөг байна. Тухайн шалгалт нь сорилгын ба бодлогын шалгалтаас бүрдэх ажээ. Нотариатчийн мэргэшлийн шалгалтыг Хууль зүйн яамны дэргэдэх Нотариатчийн мэргэшлийн хороо хариуцан явуулахаар болсон байна.
-
2016 оны 1 сарын 15
Гэгээнтэн цогцолборт газ дэлбэрчээ
Хан-Уул дүүргийн XV хороо, Зайсангийн гудамж, Г эгээнтэн үйлчилгээний цогцолборын гадна байрлах шингэрүүлсэн хийн түлшний агуулахад ечигдөр газ дэлбэрсэн байна. Нийслэлийн Онцгой байдлын газарт 15.02 цагийн үед дуудлага ирж, дуудлагын дагуу нийслэлийн аврах ангийн бүрэлдэхүүнийг очиход 4X4 хэмжээтэй шингэрүүлсэн хийн түлш хадгалдаг агуулахын доргилтын улмаас хоёр талын хананд нуралт үүссэн байдалтай байжээ. Энэ үеэр гэмтэж бэртсэн хүн байхгүй. Аврагчид шуурхай ажиллаж дотор нь байсан хийн түлштэй баллонуудыг аюулгүй болгож хананд бэхэлгээ хийж ажиллажээ.
-
2016 оны 1 сарын 15
Нийслэлийн Засаг даргын Тамгын газар, Улаанбаатар хотын Худалдааны танхимтай хамтран “Улаанбаатар худалдан авалт - 2016” бизнес чуулга уулзалтыг энэ сарын 20-нд хоёр дахь жилдээ зохион байгуулах гэж байна.
Тус чуулга уулзалт нь нийслэлийн эдийн засгийн хөгжлийг дэмжих, бизнес эрхлэгчдийн эрх ашгийг хамгаалах, төр хувийн хэвшлийн хамтын ажиллагааг хөгжүүлэх, хөрөнгө оруулалт, бизнесийн таатай орчинг бүрдүүлэх зорилготой юм. “Улаанбаатар худалдан авалт - 2016” бизнес чуулга уулзалтаар нийслэлд хэрэгжүүлэхээр төлөвлөж буй томоохон төсөл, хөтөлбөрүүдийг танилцуулж, хувийн хэвшлийнхэнтэй хэрхэн хамтран ажиллах талаар санал солилцох юм.
Чуулга уулзалтад Улсын Их хурал, Засгийн газрын гишүүд, Монгол Улсад суугаа Онц Бөгөөд Бүрэн Эрхт Элчин сайд нар, нийслэлийн ИТХ-ын төлөөлөгчид, Нийслэлийн нутгийн захиргааны байгууллагуудын удирдлага, Улаанбаатар хотын Худалдааны танхимын гишүүд, Олон улсын байгууллагын төлөөлөгч, Үндэсний баялаг бүтээгчид, хөрөнгө оруулагчид оролцоно.
Тус чуулга уулзалт энэ сарын 20-нд Шангри-Ла зочид буудалд болох бөгөөд оролцох хүсэлтэй нийслэлд үйл ажиллагаа явуулдаг бизнес эрхлэгчид www.ubchamber.mn цахим хуудас болон 77003883 утсанд хандаж, бүртгүүлэх боломжтой гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 15
Нийслэлийн Засаг дарга бөгөөд Улаанбаатар хотын Захирагч Э.Бат-Үүл өнөөдөр АНУ-ын Станфордын Их сургуулийн профессор, ноён Жэймс Фишкинийг хүлээн авч уулзлаа.
Уулзалтаар өнгөрсөн оны 12 сард Улаанбаатар хотод анх удаа зохион байгуулсан “Иргэдийн оролцоо-Хотын маргааш” зөвлөлдөх санал асуулгын үр дүнгийн талаар мэдээлэл өгч, цаашдын хамтын ажиллагааны талаар харилцан санал солилцлоо.
Нийслэлийн Засаг даргын санаачилгаар, Станфордын Их сургуулийн Зөвлөлдөх Ардчилал төвийн захирал, профессор Жэймс Фишкиний зөвлөгөөний дагуу Нийслэлийн Засаг даргын Тамгын газар Азийн сантай хамтран “Иргэдийн оролцоо-Хотын маргааш” Зөвлөлдөх санал асуулгыг зохион байгуулсан юм. Зөвлөлдөх санал асуулгаар нийслэлээс хэрэгжүүлэх урт хугацааны 14 томоохон төсөл хөтөлбөрийг иргэдэд танилцуулж, тэднээс санал авсан юм.
Нийслэлийн Засаг дарга санал асуулгын эхний дүнтэй танилцаад сэтгэл хангалуун байгаагаа профессор Ж.Фишкинд илэрхийлээд, энэхүү санал асуулгын дүн сонирхлын зөрчилгүй, бодит байдалд үндэслэсэн шийдвэр гэдэгт эргэлзэхгүй байгаагаа онцоллоо.
Түүнчлэн энэ талаар Монгол Улсын Ерөнхийлөгчид танилцуулснаа хэлээд, Ерөнхийлөгч яг энэ арга хэлбэрийг ашиглан өөрийн гаргах шийдвэрүүдэд олон нийтийн санал бодлыг тусгах сонирхолтой байгааг уламжиллаа.
Профессор Ж.Фишкин иргэдийн өгсөн санал асуулгын эхний дүнгээс харахад хотын иргэд байгаль орчинд санаа зовж байгаагаа илэрхийлсэн, төвлөрлийг сааруулж, хэд хэдэн дэд төвтэй байх бодлогыг дэмжсэн, үйлдэврүүдийг хотоос гаргах төслүүдийг дэмжсэн урьдчилсан дүн гарсан. Бид санал асуулгын нарийвчилсан тайланг удахгүй гаргаж та бүхэнд дахин танилцуулах болно гэлээ.
“Иргэдийн оролцоо- Хотын маргааш” зөвлөлдөх санал асуулгын эхний дүнг 2016 оны 1 дүгээр сарын 18-ны Даваа гарагт олон нийтэд танилцуулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 15
Дархан-Уул аймаг дахь цагдаагийн газраас алба хаагчдынхаа нийгмийн асуудлыг шийдвэрлэх ажлын хүрээнд 60-н айлын орон сууцыг барьж ашиглалтанд оруулан нээлтээ хийлээ. Нээлтийн үйл ажиллагаанд Цагдаагийн Ерөнхий газрын Олон нийтийн аюулгүй байдлыг хангах албаны дарга, туслах комиссар П. Энхтогтох, Улаанбаатар хотын цагдаагийн газрын гэмт хэрэгтэй тэмцэх асуудал хариуцсан дэд дарга, цагдаагийн хурандаа Б.Даваажав болон Дархан-Уул аймаг дахь цагдаагийн газрын удирдлагууд, алба хаагчид тэдний гэр бүл үр хүүхдүүд оролцлоо. Энэхүү байрыг Хаан банктай хамтран нэг жилийн хугацаанд барьж байгуулжээ. Дархан хотын бүтээн байгуулалтанд бас нэгэн өнгө нэмсэн энэхүү байранд цагдаагийн алба хаагчдын төлөөлөл 60-н алба хаагчийн гэр бүл амьдарч эхэллээ.
-
2016 оны 1 сарын 15
Япон Улсын Засгийн газраас Монгол Улсын иргэдэд 3 жил хүртэлх хугацаатай олон удаагийн виз олгох шийдвэр гаргажээ.
-
2016 оны 1 сарын 15
Хэнтий аймагт малын гоц халдварт цэцэг өвчин гарчээ. Тус аймгийн Цэнхэр мандал суманд өвөлжиж байсан малчин Б-ын хотноос энэ сарын 9-ний өдөр 13 хонинд цэцэг өвчний шинж тэмдэг илэрсэн байна.
-
2016 оны 1 сарын 15
09.00 цагт: Компаниуд болон дотоодын зах зээлд инноваци шингэсэн технологи, цоо шинэ төрлийн бүтээгдэхүүн, үйлчилгээ, бизнесийн загварыг нэвтрүүлж буй гарааны бизнес эрхлэгчдийн хооронд олон талын бизнесийн хамтын ажиллагаа эхлүүлэх зорилготой ”Boosting Mongolia” арга хэмжээ МҮХАҮТ-д үргэлжилнэ.
10.00 цагт: Хөдөлмөрийн яам, МҮЭХ-ны захиалгаар МҮЭХ-ны дэргэдэх Хөдөлмөр, нийгмийн харилцааны дээд сургуулийн эрдэмтэн, багш нар “Хамтын гэрээний хэрэгжилт, хөдөлмөрийн харилцааны төлөвшлийн судалгаа” болон Монгол улсад хичнээн ААН байгаагаас хэд нь хамтын гэрээтэй эсэх, хөдөлмөрийн харилцаа ямар түвшинд байгаа зэрэг асуудлаар МҮЭХ-ны байранд семинар болно.
11.00 цагт: Аймгуудын удирдлагуудтай хийх цахим хурал Төрийн ордны Нутгийн удирдлагын танхимд болно.
11.00 цагт: ”Мөнхийн үсэг” групп, ”Аз Хур” номын их дэлгүүр, ”Болор судар” хэвлэлийн газар, Bookstore.mn цахим хуудас хамтран ”Эртний сургаалаас суралцъя” эссэ бичлэгийн уралдааныг 13-18 насны хүүхдүүдийн дунд зарлах гэж байгаа талаар мэдээлэл хийхээр МҮОНРТ-ийн Олон нийтийн мэдээллийн төвд хэвлэлийн бага хурал зарлалаа.
11.00 цагт: Бүртгэл, статистикийн ерөнхий газраас Монгол Улсын нийгэм, эдийн засгийн 2015 оны жилийн эцсийн статистикийн мэдээллээр хэвлэлийн бага хурал хийнэ. Хурал Засгийн газрын III байрны 320 тоот хурлын танхимд болно.
12.00 цагт: Монгол Улсын Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Ч.Сайханбилэг нар Монгол Улсад суугаа дипломат корпусын төлөөлөгчдийг хүлээн авч, мэндчилгээ дэвшүүлнэ. Арга хэмжээ Төрийн ордны 9 хөлт цагаан тугтай танхимд болно.
12.00 цагт: Засгийн газраас энэ оныг “Хэрэглэгчийн жил” болгон зарласантай холбогдуулан Монголын Үйлдвэрчний Эвлэлийн Холбоо, Монголын хэрэглэгчдийн эрх ашгийг хамгаалах нийгэмлэгүүдийн нэгдсэн холбоо хамтран ажиллах гэрээг үзэглэх ёслол МҮЭ-ийн холбооны байранд болно.
14.00 цагт: “Дотоодын үйлдвэрлэл, борлуултыг дэмжих төр, үйлдвэрлэгчдийн зөвлөгөөн” “Туушин” зочид буудлын “Соёмбо” танхимд болно.
16.00 цагт: Сүхбаатар дүүрэг дэх Цагдаагийн хоёрдугаар хэлтэс 2015 онд хийж хэрэгжүүлсэн ажлаа иргэд олон нийтэд танилцуулах өдөрлөгийг Монголын Хүүхдийн ордонд зохион байгуулна. Утас: 99767480, 95777621, 99036586
16.00 цагт: Монголын Хуульчдын холбооны гишүүн хуульч, доктор, профессор Д.Баярсайханы “Гадаад орнуудын эрүүгийн процесс” номын агуулга, үзэл санаа сэдэвт уулзалт, хэлэлцүүлэг Хууль зүйн үндэсний хүрээлэнгийн Хуульчдын танхимд болно.
17.00 цагт: Урчуудын эвлэлийн шилдэг уран бүтээлч, зураач Ж.Ойланы бие даасан 20 дахь удаагийн уран зургийн үзэсгэлэнгийн нээлт ”Luxury King Tower Apartment”-д болно.
18.00 цагт: ”Sunjin Grand” зочид буудлын ”Grand ball” ресторанд оны шилдэг байгууллагын батламж гардуулах ёслол хүндэтгэлийн үйл ажиллагаа болно.
-
2016 оны 1 сарын 15
Нийслэлийн Засаг даргын 2013-2016 оны үйл ажиллагааны хөтөлбөрт тусгагдсан “Ухаалаг Улаанбаатар” хөтөлбөрийн хүрээнд нийслэлээс иргэдэд үзүүлж буй төрийн үйлчилгээнүүдийг нэг дор төвлөрүүлж, зарим үйлчилгээний шийдвэрлэх хугацааг богиносгон, иргэдэд учруулж буй хүндрэл, чирэгдлийг багасгах зорилгоор “Нийслэлийн үйлчилгээний нэгдсэн төв”-ийг байгуулсан.
Үүнтэй холбоотойгоор хотын хойд чиглэлийн иргэдийн зорчих эрэлтийг хангаж төрийн үйлчилгээг хурдан шуурхай авах нөхцлийг бүрдүүлэх зорилгоор ХО:2 “Шаргаморьт-Халдвартын эмнэлэг” чиглэлийн замналыг өөрчлөн Дүнжингарав худалдааны төв хүртэл явуулахаар шийдвэрлэлээ. Тус чиглэлийн үйлчилгээ 2016 оны 01 сарын 16-ны өдрөөс эхлэн өдөрт 15 автобус 11 минутын хүлээгдлийн хугацаатайгаар үйлчилгээ үзүүлнэ.
-
2016 оны 1 сарын 15
Замын хөдөлгөөний аюулгүй байдлыг хангах тухай хууль өнгөрсөн есдүгээр сарын 1-нээс хэрэгжиж эхэлсэн ч зарим заалтыг энэ сарын 1-ний өдрөөс эхлэн хэрэгжүүлж эхэлсэн.
Шинээр мөрдөгдөж байгаа жолоочийн зөрчлийн онооны систем нь осолд холбогдсон даатгуулагч иргэд, даатгалын байгууллага болон хууль хяналтын байгууллагын үйл ажиллагаа тэдгээрийн харилцаанд үүсэх нөхцөл байдлын талаар уулзалт зохион байгуулсан юм. Уулзалтад Замын цагдаагийн газар, Санхүүгийн зохицуулах хороо, даатгалын компанийн удирдлагууд, даатгалын шуурхай дуудлагын үйл ажиллагаа эрхэлдэг “Автосос” компани зэрэг байгууллага оролцсон юм.
-
2016 оны 1 сарын 15
Нийслэлийн хэмжээнд Цэргийн үүрэгтэн, бэлтгэл офицеруудын бүртгэл 01 сарын 06-нд эхэлсэн бөгөөд 01 сарын 24-ний өдөр хүртэл үргэлжлэх юм. Цэргийн бүртгэлд 18-50 насны эрэгтэйчүүд, 55 хүртэл насны дунд офицер, ахлагч, 60 хүртэл насны дээд, ахлах офицерууд хамрагдана. Бүртгүүлэхдээ Иргэний үнэмлэх, Бэлтгэл офицерын үнэмлэх, Цэргийн үүрэгтний үнэмлэх /байхгүй бол 2 хувь цээж зураг /, ажлын газрын болон оюутны үнэмлэхтэйгээ харьяа хорооны Засаг даргын ажлын байранд ажлын өдрүүдэд 08:30-19:00 цаг хүртэл, амралтын өдрүүдэд 10:00-18:00 цагийн хооронд очиж бүртгүүлнэ. Тогтоосон хугацаанд цэргийн бүртгэлдээ хамрагдаж иргэний цэргийн үүргээ биелүүлнэ үү гэжНийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 14
Онцгой байдлын алба хаагчид амиа хорлох гэж байсан эмэгтэйг аварчээ. Нийслэлийн Сүхбаатар дүүргийн хоёрдугаар хороо 24 дүгээр байрнаас хүн үсрэх гээд байна гэсэн дуудлагыг өнгөрөгч шөнө 00:14 цагт онцгой байдлын албанд ирсэн байна. Дуудлагын дагуу нийслэлийн Онцгой байдлын газрын Аврах ангийн алба хаагчид ажиллаж үсрэх гэж байсан эмэгтэйг буулгажээ. Тус дүүргийн иргэн 24 настай, У гэгч эмэгтэй амиа хорлох гэж байжээ.
-
2016 оны 1 сарын 14
2015 оны 05 дугаар сарын 22-ны өдөр М нь согтууруулах ундааны зүйл хэрэглэсэн үедээ ямар ч шалтгаангүйгээр Г-н толгойн тус газар нь хүрзээр цохиж хүнд гэмтэл санаатай учруулсан гэх хэрэгт Дундговь аймгийн прокурорын газраас 2015 оны 12 дугаар сарын 11-ний өдөр Эрүүгийн хуулийн тусгай ангийн 96 дугаар зүйлийн 96.2.1 дэх хэсэгт зааснаар яллах дүгнэлт үйлдэж шүүхэд шилжүүлсэн байна.
Орон нутгийн иргэдийн эрх зүйн мэдлэгийг дээшлүүлэх, гэмт хэргээс урьдчилан сэргийлэх зорилгоор дээрх хэргийн шүүх хуралдааныг гэмт хэрэг гарсан нутаг дэвсгэрт нь буюу тус аймгийн Говь-Угтаал суманд 2016 оны 01 дүгээр сарын 12-ны өдөр нээлттэй хэлэлцэн явуулж, сумын иргэдийг хамруулсан ба шүүх хуралдааны дараа аймгийн прокурорын газрын үйл ажиллагааны талаар иргэдэд мэдээлэл хийж, эрх зүйн зөвлөгөө өгч ажиллажээ.
-
2016 оны 1 сарын 14
Өнөөдөр нийслэлийн Онцгой байдлын газарт 15:02 цагт Хан-Уул дүүргийн 15 дугаар хороо Зайсангийн гудамж, Гэгээнтэн үйлчилгээний цогцолборын гадна байрлах шингэрүүлсэн хийн түлшний агуулахад газ дэлбэрсэн гэсэн дуудлага ирсэн. Дуудлагын дагуу нийслэлийн аврах ангийн бүрэлдэхүүнийг очиход 4Х4 хэмжээтэй шингэрүүлсэн хийн түлш хадгалдаг агуулахын доргилтын улмаас 2 талын хананд нуралт үүссэн байсан байна. Гэмтэж бэртсэн хүн байхгүй байсан байна. Аврагчид шуурхай ажиллаж дотор нь байсан хийн түлштэй баллонуудыг аюулгүй болгож хананд бэхэлгээ хийж байна гэж нийслэлийн Онцгой байдлын газраас мэдээллээ.
-
2016 оны 1 сарын 14
Монголын уламжлалт сар шинийн баяр удахгүй болно. Тэгвэл тус баяраар амар мэндээ мэдэлцсэн нэгнийхээ гарыг цайлгаж, бэлэг өгдөг уламжлал тогтсон.
-
2016 оны 1 сарын 14
Б.Батзаяагийн хэрэгт хэдэн хүн холбогдов
Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн даргаар ажиллаж байсан Б.Батзаяа нарыг хуулийн байгууллагынхан шалгаж эхлээд хоёр cap өнгөрч байна. Эрүүгийн цагдаагийн газрын Эдийн засгийн гэмт хэрэггэй тэмцэх хэлтсийн ажилтнууд өнгөрсөн оны арваннэгдүгээр сарын 1-нд Б.Батзаяагаас Гадна “Самсунг СТ”-* ХХК-ийн захирал Ли Жон Гёл, “МТЗ” ТӨХК-ийн хэлтсийн даргаар ажиллаж байсан 3, “Бизнес инвест девелопмент” банк бус санхүүгийн байгууллагын гүйцэтгэх захирал Б нарыг цагдан хорьсон юм. Тэднийг баривчилсны дараа “Монголын төмөр зам” ТӨХК-ийн дэд захирал Ж.Бат-Эрдэнэ, “Либерти партнерс”- ийн захирал Ч.Ганбат нарыг интерполоор эрэн сурвалжилж эхэлсэн. Хамгийн сүүлд уг хэрэгт холбогдуулан Б.Батзаяагийн өмгөөлөгчөөр ажиллаж байсан “Ананд энд Батзаяа” хуулийн фирмийн захирал Б.Батзаяаг саатуулсан. Монголын төмөр замтай холбогдох хэрэг зөвхөн эдгээр хүмүүсийг цагдан хориод зогсоогүй, Зам тээврийн сайд асан УИХ- ын гишүүн Х.Баттулга, Зам тээврийн сайд асан, УИХ-ын даргын зөвлөх А.Гансүх нарыг сэжигтнээр татсан гэх мэдээлэл ч байгаа юм. Одоогоор цагдаа нар хэргийг үргэлжлүүлэн шалгасаар байна.
-
2016 оны 1 сарын 14
Нийслэлийн Засаг даргын 2013-2016 оны үйл ажиллагааны хөтөлбөрт тусгагдсан “Ухаалаг Улаанбаатар” хөтөлбөрийн хүрээнд нийслэлээс иргэдэд үзүүлж буй төрийн үйлчилгээнүүдийг нэг дор төвлөрүүлж, зарим үйлчилгээний шийдвэрлэх хугацааг богиносгон, иргэдэд учруулж буй хүндрэл, чирэгдлийг багасгах зорилгоор “Нийслэлийн үйлчилгээний нэгдсэн төв”-ийг байгуулж, өнөөдөр албан ёсны нээлтийн ажиллагаа боллоо. Нээлтэд Монгол Улсын Ерөнхий сайд Ч.Сайханбилэг, Нийслэлийн ИТХ-ын дарга Д.Баттулга, Нийслэлийн Засаг дарга бөгөөд Улаанбаатар хотын Захирагч Э.Бат-Үүл болон нийслэлийн Засаг даргын салбар хариуцсан орлогч нар, дүүрэг, харъяа байгууллагын удирдлагууд, тус төвөөр үйлчлүүлж буй иргэд оролцлоо.
Монгол Улсын Ерөнхий сайд Ч.Сайханбилэг “Төрийн үйлчилгээг нэг дороос шуурхай хүргэх, үйлчилгээний чанарыг сайжруулж, хүртээмжийг нэмэгдүүлэх нь Засгийн газрын гол зорилт. Энэ зорилтын хүрээнд төр, иргэн, аж ахуйн нэгжээ ойртуулах, иргэдийн санал хүсэлтийг сонсох “11 11” төвийг байгуулсан. Төрийн 25 үйлчилгээг цахимаар хүргэх 108 ширхэг ТҮЦ машиныг суурилуулсан. Эдгээр ажлын үргэлжлэл болж “Нийслэлийн үйлчилгээний төв” өнөөдөр нээлтээ хийж байна” гэж онцлоод хурдан, тэгш, нээлттэй зарчмыг мөрдөж ажиллахыг хүслээ.
Нийслэлийн ИТХ-ын дарга Д.Баттулга “Нийслэлийн үйлчилгээний нэгдсэн төв” байгуулагдсанаар иргэдэд үйлчилж буй албан хаагчдын хариуцлага нэмэгдэж, хуулийн дагуу хүнд сурталгүйгээр үйлчилгээ авах бүрэн боломжтой боллоо гэдгийг тодотгон хэлж байсан юм. Харин Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Дөнгөж сая нэг иргэн шаардлагатай бүх бичиг баримтаа бүрдүүлээд нэг цонхон дээрээс үйлчилгээ авч, найман нэрийн барааны дэлгүүрийн зөвшөөрлийн гэрчилгээг албан тушлаатны гарын үсэгтэй нь баталгаажуулаад авсандаа бүр цочирдсон байна. Ингээд л миний зөвшөөрөл болчихсон юмуу гэж бүр дахин лавлаж асууж байна гэнэ. Яг л ийм үйлчилгээг бид үзүүлэх гэж 25 жилийн өмнө Ардчилсан хувьсгал хийж байсан. Иргэд шаардлагатай бичиг баримтаа л аваад ирвэл аль ч даргын өрөөний үүдийг сахихгүйгээр хуулийн хугацаанд өөрт шаардлагатай үйлчилгээгээ авдаг боллоо. Энэ бол Монголын ардчиллын шинэ үе” хэмээн хэллээ.
Тус төвийн албан ёсны нээлтийн ажиллагааны үеэр шинээр мэндэлсэн нийслэлийн бяцхан иргэнд төрсний гэрчилгээ, 16 нас хүрч буй иргэнд иргэний үнэмлэх гардуулж, залуу хосуудын гэрлэлтийг баталгаажуулах ёслолыг Ёслол хүндэтгэлийн танхимд хийлээ. Энгийн өдрүүдэд ч эдгээр ёслол, бүртгэлийн ажиллагааг тогтмол хийх юм. Иргэд үйлчилгээ авахдаа улаан, шар, ногоон гэсэн гурван өнгийн маягтаас үйлчилгээний төрлөөс хамааран сонгож, бөглөнө. Улаан өнгө-тодорхой хугацаанд буюу хоногийг тодорхой бичнэ, Шар өнгө- 12 цагт багтаан иргэний асуудлыг шийдвэрлэнэ, Ногоон өнгө- шууд шийдвэрлэнэ.
“Нийслэлийн үйлчилгээний нэгдсэн төв”-ийг нийслэлийн гурван цэгт байгуулахаар төлөвлөсөн. Эхний ээлжинд Дүнжингарав худалдааны төвд байгуулсан бол Содон хороолол, Мишээл экспо төв дээр дараагийн төвүүдийг байгуулахаар ажиллаж байна. Дүнжингарав худалдааны төв дэх нийслэлийн “Нийслэлийн үйлчилгээний нэгдсэн төв” нь нэг удаадаа 180, өдөрт 2880-6480 үйлчлүүлэгч хүлээн авч үйлчлэх хүчин чадалтай бөгөөд өөртөө үйлчлэх танхимтай, хүүхэдтэйгээ ирсэн иргэн үйлчилгээ авах хугацаанд хүүхдээ саатуулах хүүхэд саатуулах өрөө, нотариат, кафе зэргийг байгуулсан байна. Мөн Капитрон, Капитал банкны салбар, Голомт банкны өөртөө үйлчлэх бэлэн мөнгөний машин ажиллаж байгаа бөгөөд шаардлагатай тохиолдолд иргэн өөрийн асуудлаар цахим угтах үйлчилгээний өрөөнд нийслэлийн удирдлагуудтай онлайнаар холбогдож асуудлаа шийдвлүүлэх боломжийг бүрдүүлжээ.
Цагийн хуваарь ажлын өдрүүдэд 08:00-20:00, бямба гарагт 10:00-16:00 цагийн хооронд иргэдэд үйлчилнэ. Лавлах утас: 7575-1200 гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
