-
2015 оны 12 сарын 09
Авлигатай тэмцэх газарт иргэн, аж ахуйн нэгж, байгууллагаас албан тушаалтны авлига, ашиг сонирхлын зөрчлийг шалгуулахаар хандсан нийт 314 өргөдөл, гомдол, мэдээллийг хүлээн авч хянан шийдвэрлээд байна.
Хяналт шалгалтын мөрөөр нийт 85 зөрчлийг арилгуулахаар, зөрчил гаргасан 67 албан тушаалтанд хариуцлага тооцуулахаар холбогдох байгууллага, албан тушаалтанд шаардлага хүргүүлснээс Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн дагуу 65 албан тушаалтанд хариуцлага тооцуулсан байна.
-
2015 оны 12 сарын 09
Авлигатай тэмцэх газраас нийслэлийн Багануур дүүргийн Засаг даргын гаргасан Засаг даргын дэргэд байгуулах Авлигаас урьдчилан сэргийлэх, соён гэгээрүүлэх олон нийтийн зөвлөлийн ажиллах журмын төсөлтэй танилцаад уг журмаар Зөвлөлийн гишүүдэд урамшуулал олгохоор зохицуулсан нь холбогдох хууль тогтоомжид нийцэхгүйг анхааруулж, хүчингүй болгохыг удаа дараа мэдэгдсэн юм.
Авлигатай тэмцэх газрын хүргүүлсэн зөрчил арилгуулах албан бичгийн дагуу тус дүүргийн Засаг дарга Б.Бямбадорж 2015 оны А/471 захирамж гаргаж, Авлигаас урьдчилан сэргийлэх, соён гэгээрүүлэх олон нийтийн зөвлөлийн гишүүдэд урамшуулал олгохтой холбоотой зохицуулалтыг хүчингүй болгожээ.
-
2015 оны 12 сарын 09
Улаанбаатар хотын хэмжээнд 12-р сарын 08-ны өдрийн 05:00 цагаас 12-р сарын 09-ний өдрийн 05:00 цагийн хооронд иргэд, байгууллагаас Нийт 4149, удаа холбогдсоноос, гэмт хэрэг 169, зөрчлийн 1203, Зам тээврийн ослын 355, мэдээлэл шалгахад, гэмт хэргийн шинжтэй 88-н үйлдэл бүртгэгдсэнийг холбогдох нэгжүүд шалгаж байна.
-
2015 оны 12 сарын 09
2015 оны 12 дугаар сарын 08-ны өдөр Улаанбаатар хотын Замын цагдаагийн газрын ЖШУХ дээр нийт 358 дуудлага мэдээ мэдээлэл хүлээн авснаас зам тээврийн ослын 285 дуудлага бүртгэгдсэн байна. Үүнээс ХАБАЖЭГХэрэг 16 бүртгэгдэж 21 хүн хүнд хөнгөн гэмтсэн үүнээс жолооч-0, явган зорчигч-8, зорчигч-1. Хүүхэд зам тээврийн осолд өртсөн 6 үүнээс сургуулийн өмнөх насны 1, сургуулийн насны 5, согтууруулах ундааны зүйл хэрэглэсэн үедээ хөдөлгөөнд оролцож осолд өртсөн жолооч 2, явган зорчигч 1. Согтуугаар тээврийн хэрэгсэл жолоодсон 64 жолоочийг журамлан гарч болзошгүй осол хэргээс урьдчилан сэргийлсэн.
-
2015 оны 12 сарын 09
Улаанбаатар хот ундны усны менежментийн чиглэлээр Будапешт хоттой хамтран ажиллана
Мэдээ, мэдээлэл Цаг үеийн мэдээ
2015-12-09 09:41:20
Монгол, Унгар Улс хооронд Дипломат харилцаа тогтоосны 65 жилийн ойн хүрээнд Нийслэлийн Засаг дарга бөгөөд Улаанбаатар хотын захирагч Э.Бат-Үүл Унгар Улсын нийслэл Будапешт хотын дарга Иштван Тарлосын урилгаар 2015 оны 12 дугаар сарын 06-08-ны өдрүүдэд тус хотод ажлын айлчлал хийж байна.
Айлчлалын үеэр Будапешт хотын захирагч Иштван Тарлостой уулзаж, хоёр хотын хамтын ажиллагааны санамж бичгийг шинэчлэн байгууллаа. Тус санамж бичгийн хүрээнд хоёр хот цаашид хотын ногоон төлөвлөлт, хүйтэнд тэсвэртэй мод шилжүүлэн суулгах, ундны ус цэвэршүүлэх зэрэг асуудлаар туршлага судалж, хамтран ажиллах, Монгол-Унгарын Засгийн газар хоорондын хамтарсан комиссын хуралдаанаар хэлэлцэж тохиролцсоны дагуу Биокомбинат орчмыг 2030 он хүртэлх Ерөнхий төлөвлөгөөний үзэл баримтлалд нийцүүлэн мал аж ахуйд түшиглэсэн дагуул хот болгон хөгжүүлэхэд хамтран ажиллах /тухайлбал, мах боловсруулах стандартыг сайжруулахад хамтран ажиллаж, мах, махан бүтээгдэхүүн экспортлох боломжийг нэмэгдүүлнэ/, Унгар Улсын Засгийн Газрын тэтгэлэгт сургалт хөтөлбөрт нийслэлийн хот төлөвлөлтийн 10 мэргэжилтнийг хамруулж, чадавхийг бэхжүүлэх, соёл урлагийн салбарт хамтран ажиллах, хоёр хотын соёлын өдрүүдийг харилцан зохион байгуулах зэрэг асуудлаар хамтран ажиллахаар харилцан тохиролцсон бөгөөд 2016 оны эхээр Унгарын ундны усны эксперт мэргэжилтнүүд Улаанбаатар хотод ажиллахаар болов.
Айлчлалын үеэр Нийслэлийн Засаг дарга Э.Бат-Үүл Унгарын Гадаад Харилцаа, Гадаад Худалдаан Яамны Төрийн Нарийн Бичгийн дарга, Унгар-Монголын ЗГХХК-ын Унгарын хэсгийн дарга Микола Иштвантай уулзлаа. Уулзалтын үеэр хоёр хот, улс хоорондын хамтын ажиллагааг өргөжүүлж, хот хооронд хамтын ажиллагааг харилцан тохиролцсоны дагуу өрнүүлэх талаар санал солилцсонд ноён Микола Иштван дэмжиж ажиллахаа илэрхийлэв.
Мөн Улаанбаатар хотын хөгжлийн корпорацийн захирал Э.Тэмүүлин Унгарын Үндэсний Худалдааны газрын гүйцэтгэх захирал Дукса-Ола нар 5 салбар чиглэлээр хамтран ажиллах тухай хамтын ажиллагааны гэрээнд гарын үсэг зурав гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 09
Нийслэлд зургаан бага сургууль шинээр байгуулна
-
2015 оны 12 сарын 09
ундговь аймгийн Мандалговь сумын “Оюуны хөгжил” хувийн цэцэрлэгийн туслах багш арван сартай хүүхдийг хооллохдоо хэрцгийгээр зодож байсан бичлэг цахим сүлжээгээр тарж мэдээллийн мөрөөр арга хэмжээ аваад байгаа. Энэ талаар ЦЕГ-ын Хэвлэл мэдээллийн төвийн ахлах мэргэжилтэн Ё.Лхагвасүрэнгээс тодруулсан юм.
-Арван настай хүүхэд зодсон цэцэрлэгийн туслах багшийг цагдаагийн байгууллагаас шалгаж байгаа. Ямар шатандаа байна вэ?
-Цэцэрлэгийн багшид эрүүгийн хэрэг үүсгээд шалгаж байгаа. Мөн зарим эцэг эхчүүдээс гаргасан хүүхэд зодсон байх магадалтай гэсэн гомдолтой холбогдуулан шалгаж байна. Эрүүгийн хуулийн 181.2.1-ээр буюу танхайрах төрлийн гэмт хэргийг догшин авирлаж үйлдсэн бол 3-5 жилийн хорих ялаар шийтгэнэ гэсэн зүйл ангиар эрүүгийн хэрэг үүсгэсэн. Эцэг эхчүүдээс мэдүүлэг авч байгаа.
-Мэдээлэл өгсөн багшийг гэмт хэргийн мэдээллийг нуун дарагдуулсан буюу ажлаас халагдсанынхаа дараа мэдээллийг мэргэжлийн хяналтын байгууллагад өгсөн гэж эрүүгийн хэрэг үүсгэсэн гэсэн мэдээлэл зарим сайтуудад гарсан байна лээ?
-Арванхоёрдугаар сарын 1-ний өдөр тус аймгийн Мэргэжлийн хяналтын газарт бичлэг ирсэн байгаа юм. Мэргэжлийн хяналтын газраас гэмт хэргийн шинжтэй үйлдэл байна гээд цагдаагийн байгууллагад шилжүүлсэн. Дундговь аймгийн цагдаагийн газар шалгалтын ажлыг хийж прокурорт танилцуулаад 181.2.1-аар зүйлчлээд хуулийн дагуу шалгалтын ажил хийж байна. Мэдээлэл өгсөн багш нуугдмал зүйлийг илрүүлж тавилаа. Эрүүгийн хэрэг үүсгээгүй.
-Хүүхэд зодсон туслах багш, цэцэрлэгийн эрхлэгч нь аймгийн Засаг даргын хамаатан байсан гэсэн мэдээлэл байгаа?
-Хувь хүнтэй холбоотой болон гэмт хэргийн талаар мэдээллийг өгөхийг хуулинд хориглосон байдаг.
-
2015 оны 12 сарын 09
ӨВЛИЙН ЭХЭН УЛААГЧИН ГАХАЙ САР
ШАРАГЧИН ХОНЬ ӨДӨР
Аргын тооллын: 2015.12.9, Лхагва гараг
Наран ургах шингэх: 08.41-17.08
Үс засуулбал: Хэрүүл тэмцэл ирнэ
Барилдлага: Үхэх
Шүтэн барилдлага: Авахуй
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр усан балин гаргах, газар лус тахих, эм найруулах, тарни тоолох, хатуу үйл, согтууг номхотгох, мал адгуус муулах үйл, эм найруулах, эхнэрийг дуудах, үс авах, элчид эд өгөх зэрэгт сайн. Газар ухах, мод огтлох, цөөрөм, худаг малтах, модон тээрэм босгох, хурал цуглаан хийхэд муу. Өвчин болвол арван хоногт амирлана. Замд гарвал сайн бөгөөд эд, идээ арвижна. Зүүн чих хангинавал татвал хэрүүл тэмцэл болно. Баруун нүд татвал эд, хувцас олно. Зүүн чих хангинавал жуулчин ирнэ. Баруун чих хангинавал муу гаслан ирнэ. Нохой уливал халуун болохуй ба хэрээ дуугарвал муу хэл дуулна. Тагнай эрвэгнэвэл хэн нэгэн үхнэ. Бие татвал гэнэтийн жуулчин ирнэ. Шилбэ татвал үхлийн гэм ирэх нигууртай гэж номлосон. Өдрийн сайн цаг нь бар, туулай, могой, бич, нохой, гахай болой. Үс үргээлгэх буюу шинээр засуулбал хэрүүл тэмцэл ирнэ.
-
2015 оны 12 сарын 09
2015 оны 12 дугаар сарын 08-ны 20 цагаас 12 дугаар сарын 09-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруун өмнөөс секундэд 7-12 метр. Идэр, Тэс голын хөндий, Хүрэн бэлчир орчмоор шөнөдөө 25-30 градус, өдөртөө 13-18 градус, Алтайн өвөр говиор шөнөдөө 7-12 градус, өдөртөө 1-6 градус, бусад нутгаар шөнөдөө 15-20 градус, өдөртөө 6-11 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруунаас секундэд 6-11 метр. Дархадын хотгороор шөнөдөө 25-30 градус, өдөртөө 16-21 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 20-25 градус, өдөртөө 10-15 градус, бусад нутгаар шөнөдөө 15-20 градус, өдөртөө 6-11 градус хүйтэн байна.
ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө зарим газраар бага зэргийн цас орно. Салхи баруун хойноос секундэд 7-12 метр. Хэрлэн, Онон голын саваар шөнөдөө 22-27 градус, өдөртөө 13-18 градус, бусад нутгаар шөнөдөө 16-21 градус, өдөртөө 9-14 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 21-23 градус, өдөртөө 13-15 градус хүйтэн байна.
ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 5-10 метр, шөнөдөө зарим газраар секундэд 12-14 метр хүрч ширүүснэ. Өмнөговийн нутгаар шөнөдөө 9-14 градус, өдөртөө 0-5 градус, бусад нутгаар шөнөдөө 15-20 градус, өдөртөө 5-10 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи баруунаас секундэд 5-10 метр. Шөнөдөө Яармаг-Сонгины орчмоор 24-26 градус, бусад хэсгээр 17-19 градус, өдөртөө 9-11 градус хүйтэн байна.
-
2015 оны 12 сарын 08
Монгол Улсын Их Хурлаар 2011 онд батлагдсан Гамшгаас хамгаалах талаар төрөөс баримтлах бодлого, Гамшгаас хамгаалах чадавхийг бэхжүүлэх үндэсний хөтөлбөрийг хэрэгжүүлэх ажлын хүрээнд Онцгой байдлын ерөнхий газар, Дэлхийн зөн Монгол” олон улсын байгууллага хамтран Монгол улсын Шадар сайдын 2013 оны 35 дугаар тушаалаар батлагдсан “Олон нийтэд тулгуурласан гамшгийн эрсдэлийг бууруулах үндэсний дэд хөтөлбөрийг амжилттай хэрэгжүүллээ.
Дэд хөтөлбөрийн хаалтын арга хэмжээ өнөөдөр болж, Онцгой байдлын ерөнхий газар, “Дэлхийн зөн Монгол” олон улсын байгууллага хөтөлбөрийн хүрээнд олон нийт, ард иргэдэд чиглэн хэрэгжүүлсэн ажлын тайланг танилцууллаа.
Энэхүү арга хэмжээнд Онцгой байдлын ерөнхий газрын дарга, бригадын генерал Т.Бадрал, Дэлхийн зөн Монгол” олон улсын байгууллагын суурин төлөөлөгч Винсент Эдвардс, тус олон улсын байгууллагын үйл ажиллагааны захирал Дорона Жавир нар оролцсон.
Гамшгийн аюулаас урьдчилан сэргийлэх үйл ажиллагаа нь зөвхөн Онцгой байдлын байгууллагын асуудал биш бөгөөд гамшгийн эрсдлийг бууруулахад төрийн болон төрийн бус байгууллага, хувийн хэвшил, иргэдийн оролцоо хамгаас чухал төдийгүй үндэсний хэмжээнд анхаарах асуудлын нэг болж байгаа юм.
Тийм ч учраас Олон нийтэд тулгуурласан гамшгийн эрсдэлийг бууруулах үндэсний дэд хөтөлбөрийг Монгол Улсын Засгийн газрын 2015 оны 303 дугаар тогтоолоор “Гамшгийн эрсдэлийг олон нийтийн оролцоотой бууруулах үндэсний хөтөлбөр” болгон батлуулаад байгаа юм.
2016-2018 онд хамтран ажиллах хамтын ажиллагааны санамж бичигт өнөөдөр ОБЕГ-ын дарга, бригадын генерал Т.Бадрал, Дэлхийн зөн Монгол” олон улсын байгууллагын суурин төлөөлөгч Винсент Эдвардс нар гарын үсэг зурлаа.
-
2015 оны 12 сарын 08
Хурд хэтрүүлсэн 73 зөрчил бүртгэгджээ
-
2015 оны 12 сарын 08
ийслэлийн ИТХ-ын ээлжит 32 дугаар хуралдаанаар нийслэлийн өмчөөс 2016 онд хувьчлагдах хуулийн этгээд, эд хөрөнгийн жагсаалтыг баталсан. Хувьчлагдах эд хөрөнгийн жагсаалтад Сүхбаатар дүүргийн 6 дугаар хороонд байрлах Хүүхдийн урлан бүтээх төвийн барилга орсон. Энэ талаар нийслэлийн Өмчийн харилцааны газрын дарга Ш.Төмөрбаатараас тодрууллаа.
- Хүүхдийн урлан бүтээх төвийг ямар шалтгааны улмаас хувьчлах эд хөрөнгийн жагсаалтад оруулсан юм бол ?
Хүүхдийн урлан бүтээх төвийн барилга 1958 онд ашиглалтад орсон. Барилгыг мөнх цэвдэгтэй хөрсөн дээр барьж, барилгын суурийг чанарын муу түвшинд гүйцэтгэсэн учир ашиглалтын явцад зарим хэсгээрээ цууралт үүссэн. Мэргэжлийн хяналтын байгууллагаас ашиглах боломжгүй гэсэн дүгнэлт 2 удаа гарсан. Уг барилга нь газар хөдлөлтийн таван баллыг тэсвэрлэхгүй, аюултай, ашиглалтын шаардлага хангахгүй барилгуудын жагсаалтад орчихсон байгаа.
- Барилгыг хувьчлахгүйгээр нурааж, дахин шинээр барих бололцоо байхгүй юу ?
Хүүхдийн урлан бүтээх төвийн барилгыг нурааж, дахин шинээр барих төсвийн бололцоо байхгүй. Энэхүү барилга нь нийслэлийн өмчөөс 2016 онд хувьчлагдах эд хөрөнгийн жагсаалтад л орсон байгаа. Энэ нь өнөө маргаашгүй хувьчлана гэсэн үг биш. Хэрэв хувьчлах болбол өмч хувьчлалын комиссын хурлаар оруулж, хөндлөнгийн үнэлгээний компаниар хөрөнгийн үнэлгээ хийлгэж, үнийн дүнг өмч хувьчлалын хурлаар батлах бөгөөд 5-6 үе шат дамжиж, дуудлага худалдааг зохион байгуулдаг юм. Одоогийн байдлаар зөвхөн хувьчлах жагсаалтад л оруулсан байгаа гэдгийг дахин хэлье.
- Хэрэв хувьчлах болбол тэнд сурч байсан хүүхдүүд хаачих вэ ?
Хүүхдийн дугуйланг сургууль бүрт хичээллүүлж байна. “Нью капитал” төслөөр дүүрэг, хороодод олон нийтийн үйлчилгээний зориулалтаар барилга ашиглалтад оруулсан. Эдгээр барилгад хүүхдийн дугуйлан хичээллүүлэх бүрэн боломжтой. Мөн “Хүүхдийн ордон”-д зарим дугуйланг шилжүүлж болно. Ашиглалтын шаардлага хангахгүй болсон барилгад хүүхдүүдийг хичээллүүлэх нь өөрөө хууль зөрчсөн үйлдэл. Төр иргэнийхээ аюулгүй, эрүүл орчинд амьдрах эрхийг хангах үүрэгтэй гэж хуульд заасан байдаг. Хуулийн дагуу албадан нураах арга хэмжээ авах эрхтэй гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 08
Нийслэлийн Засаг дарга бөгөөд Улаанбаатар хотын захирагч Э.Бат-Үүл Парис хотын дарга Анн Идалгогийн урилгаар тус хотод зохион байгуулагдаж буй Нэгдсэн Үндэсний Байгууллагын уур амьсгалын өөрчлөлтийн суурь конвенцийн талуудын 21-р бага хурлын (СОР-21) өндөр дээд хэмжээний уулзалтын Хотын дарга нарын чуулга уулзалтад оролцлоо. Чуулга уулзалтад дэлхийн 600 гаруй хотын дарга оролцож цаг агаарын дулаарлын нөлөөгөөр бий болж буй хот суурин газрын тогтвортой хөгжлийн хүндрэлтэй асуудлуудыг шийдвэрлэх, хүн амын эрүүл аюулгүй орчинд амьдрах боломжийг хангах үр дүнтэй арга замыг илэрхийлж, ногоон хөгжлийг дэмжих, эрчим хүчний хэмнэлтийг нэмэгдүүлэх, байгалийн нөөцийг зүй зохистой ашиглах, агаар хөрсний бохирдлыг бууруулахад чиглэсэн бодит төлөвлөгөөг боловсруулан хэрэгжүүлэх зэрэг асуудлаар харилцан ярилцаж, туршлагаас хуваалцаж, хамтран ажиллах хүсэл эрмэлзлээ нэгэн дуу хоолойгоор санал нэгдэн илэрхийллээ. Мөн тус хуралдааны үеэр, дэлхийн томоохон хотуудын 15 хувь нь 2050 он гэхэд хорт хий, бохирдлыг 70 хувиар бууруулах зорилтоо илэрхийлэв.
Мөн айлчлалын үеэр, Нэгдсэн Үндэсний Байгууллагын Ерөнхий нарийн бичгийн дарга Бан Ки-Мун удирдсан “Хотын цаг уурын санхүүжилт” сэдэвт тайлант хуралдаанд панелистаар оролцож, хөгжиж буй хот суурин газрын эрүүл, аюлгүй орчныг бүрдүүлэх, ногоон хөгжлийг дэмжих, санхүүжүүлэх, цэвэр эрчим хүчийг нэвтрүүлж, эрчим хүчний хэмнэлтийг нэмэгдүүлэх, байгаль орчинд ээлтэй дэд бүтцийг бий болгох хөрөнгө оруулалт зэрэг асуудлаар хуралдаж харилцан санал солилцлоо.
COP-21 хурлын хүрээнд 2015 оны 12 дугаар сарын 09-ний өдөр GEF болон Дэлхийн Банкнаас хамтран зохион байгуулах “Тогтвортой хотуудын уялдаатай хамтын ажиллагаа аргачлал” сэдэвт хуралдаанд панелистаар оролцож тогтвортой хөгжлийг хангах, хот тус бүрийн байгаль орчны тулгамдсан асуудлуудыг шийдвэрлэхэд хотууд хамтран ажилласнаар үр дүнд хүрэх талаар ярилцаж, санал солилцоно. Тогтвортой байдлын төлөөх нутгийн захиргаа (ICLEI) Олон улсын байгууллагаас зохион байгуулах TAP2015 хуралдаанд оролцож хотын тогтвортой ногоон хөгжлийг хангах зорилтын хүрээнд төрийн өмчийн сургууль, цэцэрлэгийн байшин, барилгууд болон хувийн орон сууцны дулаан алдагдлыг бууруулж, дулаан техникийн шинэчлэлт хийх төсөл хөтөлбөрийн талаар танилцуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 08
Үхрийг хулгайлан бэлчээрт махалж байсан хэрэгтнүүдийг үйлдэл дээр нь барьжээ.
-
2015 оны 12 сарын 08
А.Баярсайхан хүүхэд, ар гэрийн асуудлаа зохицуултал Консулын газраа байрлана
Эрээний дэд консул А.Баярсайхантай холбоотой маргаан гарч, түүнийг албан тушаалаас нь чөлөөлөөд байгаа. Гэтэл манай сурвалжлах баг Эрээн дахь Монголын консулын газарт очиход тэрбээр Консулын газар байрласан хэвээр байсан юм. Тиймээс түүнээс тодорхой асуудлын хүрээнд мэдээлэл авая гэсэнч тэрбээр татгалзсан.
Харин албан тушаалаасаа буусан ч Консулын газарт байсаар байгаа А.Баярсайханы талаар ГХЯ-ны Бодлого, төлөвлөлт зохицуулалтын газрын дарга Г.Амартүвшин “Дэд консул А.Баярсайхан гурван долоо хоногийн өмнө ажлаа хүлээлгэж өгсөн. Тухайн газар ажиллана гэдэг гэр бүлээрээ очиж амьдардаг. Ажлаа хүлээлгэж өгсөн хэдий ч гэр орноо нааш нь нүүлгэх зэрэг хувийн ажлаа амжуулах шаардлагатай байгаа байх. Түүнээс биш одоог хэр нь ажлаа хийж байгаа зүйл байхгүй” гэлээ.
Оронд нь хэнийг томилох вэ?
-А.Баярсайханы оронд хэн нэгнийг томилоогүй байна.
-Хуулиараа хэдий хугацааны дотор дараагийн хүнийг үүрэгт ажилд нь томилох ёстой байдаг юм бэ?
-Дипломат албаны тухай хуулийр Дипломат төлөөлөгчийн газарт ажиллах хүний хугацааг нь маш тодорхой зааж өгсөн байдаг. Энэ ч утгаараа тухайн албан тушаалтныг гурван жилийн хугацаатай томилдог.
Мөн ГХЯ-ны Бодлого, төлөвлөлт зохицуулалтын газрын дарга Г.Амартүвшин Т.Муратын оронд Эрээний консулаар томилогдсон гэх н.Золзаяагийн тухай товчхон мэдээлэл өглөө. Тэрбээр н.Золзаяа гэх эрэгтэйн хувьд ажлын туршлагатай, төрийн албанд 20 гаруй жил ажиллаж байсан гэдгийг онцоллоо.
Энэ талаар түүнээс зарим зүйлийг тодрууллаа.
-Шинээр томилогдсон Золзаяа гэх хүний хувьд улсын мөнгөөр зочид буудалд байрлаж байгаа гэх мэдээлэл байна. Үүнд ямар тайлбар өгөх вэ?
-Тийм зүйл байхгүй. Ямарваа нэг дипломат төлөөлөгчийн газар ажиллаж байгаа иргэд зочид буудалд байрладаггүй. Өөрсдийн гэсэн орон гэртэй, эсвэл улсын өмчийн байранд түрээсээр амьдардаг. Энэ ч утгаараа хэн нэгэнд зориулж улсаас ямар нэгэн санхүүжилт, илүү зардал гаргах ойлголт байхгүй.
-Золзаяагийн тушаал нь яг гарсан юм болов уу?
-Гарсан.
-Түүнийг ажлаа авсан даруйдаа үндэслэлгүйгээр ажилчдаа халж байна гэж эх сурвалж хэлж байна. Энэ үнэн үү?
-Тухайн газарт ажиллаж байгаа ажилчдыг Дипломат төлөөлөгчийн газрын тэргүүн нь томилж, чөлөөлдөггүй. Тийм ч үндэслэл байхгүй. Энэ бол хуулиараа Гадаад хэргийн яамны салбар зөвлөл гэж байдаг. Түүгээр бүх ажилчдын халах, томилох асуудлыг шийддэг.
Эрээний дэд консул А.Баярсайхантай холбоотой маргаан гарч, түүнийг албан тушаалаас нь чөлөөлөөд байгаа. Гэтэл манай сурвалжлах баг Эрээн дахь Монголын консулын газарт очиход тэрбээр Консулын газар байрласан хэвээр байсан юм. Тиймээс түүнээс тодорхой асуудлын хүрээнд мэдээлэл авая гэсэнч тэрбээр татгалзсан.
-
2015 оны 12 сарын 08
онгол Улсын Шадар сайдын баталсан Газрын бүтээгдэхүүний агуулах, шатахуун түгээх станц, шингэрүүлсэн хийн түлшний станцуудад гамшгаас хамгаалах болон гал түймрийн улсын хяналтыг хэрэгжүүлэх гүйцэтгэлийн шалгалтыг хийжээ.
Шалгалтад нийт 132 объект хамрагдаж, галын аюулгүйн дүрэм, норм, стандартын холбогдох заалтыг зөрчсөн 818 зөрчил илрүүлж, 291 зөрчил буюу 35.5 хувийг газар дээр нь арилгуулан, бусад зөрчлүүдийг арилгуулахаар Гал түймрийн улсын хяналтын байцаагчийн заавал биелүүлэх албан шаардлага 7, мэдэгдэл 41, танилцуулга 8, ажиллагаа зогсоох тогтоол 5, дүгнэлт 41-ийг бичиж, байгууллагын шийдвэр гаргах эрх бүхий албан тушаалтанд хүргүүлж, хэрэгжилтэд нь хяналт тавьж ажиллажээ.
Монгол Улсын Галын аюулгүй байдлын тухай хуулийн 6 дугаар зүйлийн 6.1.5 дахь заалтыг үндэслэн шалгалтын явцад галын аюулгүй байдлын норм, нормативын баримт бичгийн шаардлагыг зөрчсөн “Петростар” ХХК-ийн шатахуун түгээх станц 9, 14, 23 дугаар салбар, “Магнай трейд” ХХК-ийн шатахуун түгээх станц 80, 161 дүгээр салбар зэрэг нийт 5 объектыг үйл ажиллагааг түр зогсоох арга хэмжээг авч, зөрчлийг арилгуулж, мэргэжлийн заавар зөвлөгөөг өгч ажилласан талаар Нийслэлийн онцгой байдлын газраас мэдэгдсэн юм.
Монгол Улсын Захиргааны хариуцлагын тухай хуулийн 25 дугаар зүйлийн 251 дэх заалтыг үндэслэн нийт 9 объектыг хоёр сая төгрөгөөр торгож захиргааны арга хэмжээ авсан байна.
-
2015 оны 12 сарын 08
Зам, тээврийн яам нь “Оросын төмөр замууд” НХН-тэй 2014 оны 2 дугаар сараас эхлэн хэлэлцээ хийж, “Улаанбаатар төмөр замын шинэчлэл, хөгжлийн стратегийн түншлэлийн хэлэлцээр”-ийн төслийг бэлтгэн, 2014 оны 9 дүгээр сард баталгаажуулсан.
Хэлэлцээрээр “Улаанбаатар төмөр зам” ХНН-ийн төмөр замын сүлжээг анх удаа эдийн засгийн үндэслэлтэй үндсэн 4 чиглэлээр өргөжүүлэн, хөгжүүлэх, дамжин өнгөрөх тээврийн хэмжээг үлэмж нэмэгдүүлэх чиглэлээр зохион байгуулах төсөл, арга хэмжээнүүдийг тохиролцож чадсан юм.
“Улаанбаатар төмөр замын шинэчлэл, хөгжлийн стратегийн түншлэлийн тухай хэлэлцээр”-ийг хэрэгжүүлэх зорилгоор байгуулагдсан монгол, оросын хоёр талын ажлын хэсгийн анхны хамтарсан хурал 2015 оны 12 дугаар сарын 07-ны өдөр Улаанбаатар хотноо зохион байгуулагдлаа.
Энэ удаагийн Ажлын хэсгүүдийн хамтарсан хурлаар “Улаанбаатар төмөр замыг 2015-2016 онуудад шинэчлэх болон хөгжүүлэх төслүүдийг хэрэгжүүлэх арга хэмжээний төлөвлөгөө”-г хэлэлцэн, баталж, дараагийн хуралдааны товыг тохиролцсон юм.
Монголын талын Ажлын хэсгийн бүрэлдэхүүнийг Зам, тээврийн яамны Төрийн нарийн бичгийн дарга Ж.Бат-Эрдэнэ ахлаж, бүрэлдэхүүнд Зам, тээврийн сайдын зөвлөх Л.Хангай, Зам, тээврийн яамны Төмөр зам, далайн тээврийн бодлогын хэрэгжилтийг зохицуулах газрын холбогдох мэргэжилтнүүд, “УБТЗ” ХНН-ийн Замын нэгдүгээр орлогч дарга, Замын ерөнхий инженер, Тээвэр, хөдөлгөөн хариуцсан Замын орлогч дарга болон бусад мэргэжлийн хүмүүс ажиллалаа.
Оросын талын Ажлын хэсгийн бүрэлдэхүүнийг “РЖД” НХН-ийн Ерөнхийлөгчийн ахлах зөвлөх, “УБТЗ” ХНН-ийн Ерөнхий Хорооны гишүүн, В.Н.Морозов ахлан, бүрэлдэхүүнд “РЖД” НХН-ийн Олон улсын хамтын ажиллагааны газрын дарга С.А Столяров, “Тээврийн эдийн засаг, хөгжлийн хүрээлэн” НХН-ийн Ерөнхий захирлын орлогч Ю.В Чепуркин нар ажилласан юм.
-
2015 оны 12 сарын 08
Нийслэлийн Онцгой байдлын газар өнөөдөр 2015 оны үйл ажиллагаагаа дүгнэж, ажил мэргэжлээрэ хамт олноо хошуучлан манлайлсан шилдэг албан хаагчдаа шагнаж урамшууллаа.
Нийслэлийн иргэдийг авран хамгаалах хариуцлагатай үүрэгтэй нийслэлийн Онцгой байдлын газрынхан 2015 онд аюулт үзэгдэл техникийн холбогдолтой ослын 3840 дуудлагаар шуурхай ажиллаж, 685 иргэний амь нас, 5,6 тэрбум төгрөгийн өмч хөрөнгийг авран хамгаалсан байна. Нийслэлийн 9 дүүргийн иргэдэд болзошгүй гамшгийн эрсдэлээс урьдчилан сэргийлэх, хамгаалах арга хэмжээ авах нэгдсэн “Иж бүрэн сургууль-” ийг НЗДаргын захирамжаар жилд 2-3 дүүрэгт тогтмол зохион байгуулж нийслэл болон дүүргийн гамшгаас хамгаалах албадын бэлэн байдал, дүүрэг, хороодын иргэд, аж ахуйн нэгж байгуулагын ажилтан албан хаагчид, гамшгийн үед хэрхэн хамтран ажиллаж тохиолдсон гамшгийг хэрхэн хор хохирол багатай даван туулах аргыг сургалтын явцад олгож гамшигтай тэмцэх чадавх хэрхэн дээшилсэн талаар туршлага солилцож ажиллалаа.
Мөн нийслэлийн хөрөнгө оруулалтаар Ой хээрийн түймэр унтраах тусгай зориулалтын автомашин 2 ш, Аврах хийлдэг дэвжээ 1 ш, Тийрэлтэт завь 1 ширхэг Нийт 650сая төгрөгийн техник, багаж зэвсэглэмж худалдан авч гамшгийн голомтонд үүрэг гүйцэтгэх чадавхийг нэмэгдүүлэн, “Улаанбаатар хотын үерийн эрсдлийн менежментийг сайжруулах төсөл”-ийн хүрээнд хэрэгжсэн 45 нэр төрлийн 8487 ширхэг 1 тэр бум 24 сая төгрөгийн багаж хэрэгсэл, тоног төхөөрөмжийг хүлээн авч Аврах анги, Гал унтраах, аврах ангиудад хуваарилж үерийн үед үүрэг гүйцэтгэх чадавхийг дээшлүүлж ажиллалаа.
Онцгой байдлын ерөнхий газрын хөрөнгө оруулалтаар техник хэрэгсэл-176,0 сая (Квадратцикл-2ш, Аврах ажиллагааны автомашин 5ш) Бусад хангамжийн материал- 437,2 сая Нормын хувцас-127,8 сая төгрөгийн хэрэгсэл олгогдсон байна.
Нийслэлийн Засаг даргын 2013-2016 оны мөрийн хөтөлбөрт тусгагдсаны дагуу 2014-2015 онд нийслэлийн хөрөнгө оруулалтаар Нийслэлийн иргэдэд гамшгаас хамгаалах мэдлэг дадлага олгох Сургалт арга зүйн төв, Аврах ангийн барилгыг шинээр барих ажлыг эхлүүлж Барилга угсралтын ажлын явц дуусаж, дээвэр цонхны ажлын гүйцэтгэл 100%-тай, гадна дулааны ажлын явц 100% хийж гүйтэтгэсэн байна. Дотор шаврын ажил хийгдэж байгаа, дулааны узель, ЦТП баригдаж дулааны болон цахилгаан эрчим хүчний хангалт авсан, Барилгын нийт явц одоогийн байдлаар 90%-тай явагдаж байна. Гадна зам талбай 80 хувийн цутгалттай, 2016 оны 1 сард ашиглалтанд орж үйл ажиллагаагаа эхлүүлэхээр төлөвлөж байна.
Улирч буй онд ажил хөдөлмөрөөрөө хамт олноо хошуучлан ажилласан зарим албан хаагчдыг салбарын болон бусад шагналаар шагнасан. Тухайлбал Онцгой байдлын ахмад 2, Онцгой байдлын ерөнхий газрын “Жуух бичиг” 1, Сайшаалын үнэмлэх 10, Баярын бичиг 11, Хөдөлмөрийн аварга 5, Шилдэг албан хаагч 10, Онцгой байдлын ахлах ахлагч цолоор 10 албан хаагчид шагнуулсан юм.
Нийслэлийн Онцгой байдлын газрын 2015 оны тайлангийн хуралд ОБЕГ-ын дарга бригадын генерал Т.Бадрал оролцож нийт бие бүрэлдэхүүнд хандаж баярын мэнд дэвшүүлэн, амжилт хүссэн.
Нийслэлийн Онцгой байдлын газрын харьяа хэлтсүүдээс ажлын амжилтаараа Хан-Уул дүүрэг тэргүүлж, Баянгол дүүрэг удаалж, Чингэлтэй дүүрэг 3 дугаарт орсныг удирдлагууд шагналыг гардуулан өгсөн юм.
-
2015 оны 12 сарын 08
Авлигатай тэмцэх газраас нийслэлийн Сүхбаатар дүүргийн авлигын эсрэг хууль тогтоомжийн хэрэгжилттэй танилцаад тус дүүргийн ИТХ-ын Тэргүүлэгчдийн тогтоолоор дүүргийн нутаг дэвсгэрт худалдаа, үйлдвэрлэл, үйлчилгээ эрхлэх аж ахуйн нэгж, иргэнтэй байгуулах гэрээ, тамхи худалдах тусгай зөвшөөрлийн гэрчилгээний хураамж, нийтийн эзэмшлийн гудамж талбайд худалдаа, үйлчилгээ эрхлэхэд төлөх хураамжийн хэмжээ тогтоосныг болон дүүргийн газрын төлбөрийн итгэлцүүрийг хэрэглэх зааг, хязгаар, түүний зургийн хамт баталсан нь холбогдох хууль тогтоомжоор дүүргийн Тэргүүлэгчдэд олгогдоогүй эрхийг хэрэгжүүлсэн гэж үзэж, хүчингүй болгуулах саналаа хүргүүлсэн юм.
Нийслэлийн Сүхбаатар дүүргийн ИТХ-ын Тэргүүлэгчид Авлигатай тэмцэх газраас хүргүүлсэн саналын дагуу дээрх асуудлуудаар гаргасан шийдвэртэй холбогдох зөрчлийг арилгаснаа мэдэгдэв.
-
2015 оны 12 сарын 08
Батлан хамгаалах яамны сайд Ц.Цолмон эхнэрээ тансаглуулсан мөнгөө эргэн төлөхөөр болжээ.
