-
2015 оны 11 сарын 20
Нийслэлийн нутаг дэвсгэрт согтууруулах ундаа худалдах түүгээр үйлчлэх, хяналт тавих журмыг шинэчлэн боловсруулах ажлын хүрээнд нийслэл, дүүргийн холбогдох байгууллага, аж ахуйн нэгж, иргэдээс тулгамдаж буй асуудлаар санал авах хэлэлцүүлэг боллоо. Хэлэлцүүлэгт нийслэлийн Засаг даргын Тамгын газар, Улаанбаатар хотын Захирагчийн ажлын алба, нийслэлийн Мэргэжлийн хяналтын газар, Улаанбаатар хотын Цагдаагийн газар, дүүргүүдийн холбогдох албаныхан оролцов.
Шинэчилсэн журмын төсөл нь тусгай зөвшөөрөл авахад бүрдүүлдэг байсан 8 төрлийн баримт бичгийг 3-4 болгон цөөрүүлж, тусгай зөвшөөрөл олгох шат дамжлагыг багасгаж, нийслэлийн Засаг даргын Тамгын газрын нэг цэгийн үйлчилгээнд хандаж зөвшөөрлөө авах боломжтой болгосон.
Хүсэлт гаргагч шинээр үйл ажиллагаа эхлэхээс өмнө нэг цэгийн үйлчилгээний Хүнс худалдаа, үйлчилгээний асуудал хариуцсан мэргэжилтнээс мэргэжлийн зөвлөгөө авч, Хөгжлийн бэрхшээлтэй иргэдэд үйлчлэх тохижилт хийж, хотын албан татвар суутгагчаар бүртгүүлсэн байна. Тухайн дүүргийн харьяалах татварын албанд татвар суутгагчаар бүртгүүлээгүй болон суутгасан татварын тооцоо хийгээгүй тохиолдолд тусгай зөвшөөрлийг түдгэлзүүлэх болон хүчингүй болгох юм.
Мөн нийтийн зориулалттай орон сууцны үндсэн хийц, бүтээцийг анхны зураг төслөөс өөрчлөх, нэмэлт ачаалал өгч давхарлах, өргөтгөл хийх, 40 дцб-аас их хэмжээний дуу чимээ гаргахыг хориглоно. Өөр ажлын байранд шилжүүлэх, бусдад ашиглуулах, түрээслэх, худалдах гэх мэт холбогдох хуулийн бусад заалтуудыг зөрчсөн бол тусгай зөвшөөрлийг хүчингүй болгохоор төсөлд тусгасан.
Журмын хэрэгжилтэд мэргэжлийн хяналт болон цагдаа, онцгой, татварын байгууллагууд чиглэлийн болон төлөвлөгөөт шалгалтыг хийж тогтмол хяналт тавьж ажиллах юм гэж Улаанбаатар хотын Захирагчийн ажлын албанаас мэдээллээ.
-
2015 оны 11 сарын 20
Онцгой байдлын газар нь аймгийн Цагдаагийн газар, Мэргэжлийн хяналтын газартай хамтран 2015 оны 11 дүгээр сарын 18-23-ны өдрүүдэд аймаг, хот, хооронд зорчигч тээврийн үйлчилгээ явуулдаг автобус болон бусад тээврийн хэрэгслийн бэлэн байдлыг хангуулах, болзошгүй байгалийн аюулт үзэгдэл, техникийн холбогдолтой ослоос урьдчилан сэргийлэх зорилгоор үзлэг шалгалт зохион байгуулав. Үзлэгийн үеэр жолооч нарт батлагдсан зам маршрутын дагуу зорчих, техникийн бүрэн бүтэн байдал, зорчигчдын аюулгүй байдлыг хангах, шатахууны нөөц, дулаан хувцас, хоол хүнс, эм хэрэгслийн нөөц бэлтгэлтэй, холбоо мэдээлэл дамжуулах хэрэгсэлтэй явах талаар заавар зөвлөмж өгч ажилласан.
Untitled-1
Untitled-2
Мөн аймгийн Онцгой байдлын газрын Гал унтраах аврах 41 дүгээр ангийн салаадын албан хаагчдын дунд мэргэжлийн ур чадварыг дээшлүүлэх тэмцээнийг 2015 оны 11 дүгээр сарын 18-ны өдөр зохион байгуулж явууллаа.
-
2015 оны 11 сарын 20
100 буудалт даамын багийн Улсын аварга шалгаруулах тэмцээн энэ сарын 20-22-ны өдрүүдэд болно.
-
2015 оны 11 сарын 20
Өчигдөр 13 цагийн орчимд “УБЦТС” ТӨХК-ийн 35 кВ-ын Гачуурт дэд станцын цахилгаан дамжуулах агаарын шугамын 29 дүгээр тулгуурыг н.Билгүүн гэгч нь жолоодож явсан УНХ 11-54 улсын дугаартай “Хьюндай Старекс” маркын автомашинаар мөргөж хугалсны улмаас тус шугмаар хангагддаг улсын болон хувийн эзэмшлийн 147 дэд станц хүчдэлгүй болжээ.
Эдгээр станцад 5012 айл өрх, 228 аж ахуйн нэгж холбогдсон байдаг. Одоогоор ихэнх аж ахуйн нэгж, айл өрхүүдийг өөр шугамаас цахилгаанаар түр хангасан байна. Харин 35 кВ-ын Гачуурт дэд станцаас шууд тэжээгддэг хувийн эзэмшлийн цөөн тооны дэд станцууд цахилгаанаар хараахан хангагдаж чадаагүй аж.
Гэмтлийг сэргээн засварлаж, хэвийн болгохоор Өндөр хүчдэл түгээх төвийн шуурхай засварын хэсэг яг одоо ажиллаж байна.
-
2015 оны 11 сарын 20
ШӨХТГ-т хувийн орон сууцны конторууд иргэдээс хууль бусаар төлбөр аваад байна гэсэн гомдлын дагуу хувийн орон сууцны ашиглалтын компаниудын үйл ажиллагааг шалгасан билээ.
Уг шалгалтын үеэр орон сууц, нийтийн аж ахуйн үйл ажиллагаа эрхэлж буй “Тэлмүүн орд” ХХК “узелийн цахилгааны зардал” нэрээр сард нэг өрхөөс 2800 төгрөг, “Богд асар” ХХК “ус дулаан дамжуулах төвийн зардал” нэрээр 6000 төгрөг, “Бадамлах нар” ХХК “насос тог” нэрээр 2475-11000 төгрөг, “Батбаян дулаан” ХХК “ЦТП” нэрээр 11000 төгрөг, “Тунамал өргөө” ХХК “УДДТ” нэрээр 2600 төгрөгийг хэрэглэгчдээс хууль бусаар авч байсан нь тогтоогдсон.
Хувийн орон сууцны дээрх компаниуд нь хэрэглэгчтэй харилцан тохиролцолгүйгээр Эрчим хүчний тухай хууль болон Хэрэглэгчийн эрхийг хамгаалах тухай хуулийг зөрчиж төлбөр авдаг байсан нь тогтоогдсон тул контор тус бүрт 1.210.000 төгрөгийн торгууль ногдуулж зөрчлөө арилгахыг ШӨХТГ-аас шаардсан юм. Уг хяналт шалгалтын дагуу “Батбаян дулаан” ХХК, Бадамлах нар ХХК, “Тэлмүүн Орд” ХХК, Тунамал өргөө ХХК-иуд хууль бус үйлдлээ таслан зогсоосноо мэдэгдэн ШӨХТГ-т ирүүлсэн иргэдийн баримтыг үндэслэн хохиролыг нь барагдуулжээ.
Харин “Богд асар” ХХК-ийн хувьд зөрчлөө таслан зогсоохгүй, үргэлжлүүлсээр байгаа тул иргэдээс зөвшөөрөлгүй хууль бусаар их хэмжээний мөнгө хүчээр татаж байгааг гэмт хэргийн шинжтэй гэж үзэж ШӨХТГ-аас хууль хяналтын байгууллагад хандахаар боллоо.
-
2015 оны 11 сарын 20
Замын хөдөлгөөний аюулгүй байдлын тухай хууль, Замын хөдөлгөөний дүрмийг хөдөлгөөнд оролцогчдод сурталчлах, бага насны хүүхдийг осол гэмтлээс болон хөдөлгөөний аюулгүй байдлын эсрэг гэмт хэргээс урьдчилан сэргийлэх, тэдэнд замын хөдөлгөөний дүрмийн анхан шатны мэдлэг олгох, энэ чиглэлийн ажилд төрийн болон төрийн бус байгууллага, иргэд багш, сурган хүмүүжүүлэгч, эцэг эхчүүдийн оролцоог идэвхжүүлэх зорилгоор ерөнхий боловсролын сургуулиудын дунд “Ногоон гэрэл-цагаан шугам-2015” тэмцээнийг зохион байгууллаа.
Тэмцээний шүүгчээр Замын цагдаагийн тасгийн ахлах зохицуулагч, цагдаагийн хошууч Д.Жавхлан, олон нийттэй харилцах ахлах байцаагч, цагдаагийн хошууч Д.Ариунсанаа, гэр бүл хүчирхийлэл, хүүхдийг гэмт хэргээс урьдчилан сэргийлэх ахлах байцаагч, цагдаагийн ахмад Б.Алтантуяа, Хүүхэд, гэр бүлийн хөгжлийн хэлтсийн мэргэжилтэн н.Дэлгэрсүх, Аймгийн улаан загалмайн хорооны мэргэжилтэн Г.Энхмаа нар ажилласан юм.
“Ногоон гэрэл-цагаан шугам-2015” тэмцээнд оролцсон багууд гэрийн даалгавар, мэндчилгээ, ”Хамтдаа” буухиа тэмцээн, урлагын тоглолт гэсэн төрлүүдээр өрсөлдөж
Улсын тэргүүнийн 1-р сургуулийн “Хэв журам” баг тэргүүн байранд, Шинэ хөгжил сургуулийн “Шинэ гарц” баг хоёрдугаар байр, Хан-Уул цогцолбор сургуулийн “Шонхор” баг гуравдугаар байранд шалгарч өргөмжлөл, медаль, мөнгөн шагналын эзэд боллоо.
Харин тусгай байрын шагналыг 11-р сургуулийн “Элит-12” баг хүртлээ.
-
2015 оны 11 сарын 20
Улсын Дээд шүүхийн Эрүүгийн хэргийн танхимын тэргүүн Т.Уранцэцэг, шүүгч Ч.Хосбаяр нар Нидерландын Вант улсын Гааг хотноо зохион байгуулагдаж буй Олон Улсын Эрүүгийн шүүхийн Ромын дүрмийн оролцогч улсуудын Ассамблейн 14 дүгээр чуулганд 2015 оны 11 дүгээр сарын 18-26-ны өдрүүдэд оролцож байна.
Ассамблейд оролцогчид Олон Улсын Эрүүгийн шүүхийн шүүгчийг сонгож, өнгөрсөн онд хийсэн ажлын үр дүнг нь дүгнэн ирэх оны төсвийг хэлэлцэн батлах юм.
Дэлхийн шүүгчдийг цуглуулсан энэ чуулганы үеэр тулгамдаад буй хэд хэдэн чухал асуудлыг хөндөн ярилцахын нэг нь Олон улсын эрх зүйн харилцан туслалцаа үзүүлэх гэрээг олон талт болгох, талуудын оролцоог нэмэгдүүлэх, онц харгис хэрцгий аргаар гэмт хэрэг үйлдсэн ялтныг шилжүүлэх тухай байх аж. Түүнчлэн эрүүгийн гэмт хэрэгт холбогдогчид, хохирогчдын эрхийг ноцтойгоор зөрчсөн тохиолдлыг нэн даруй судлан дүгнэлт гаргадаг Шударга ёсыг шуурхай хэрэгжүүлэх байгууллагын олон улсад мөрдөн шалгах үйл ажиллагаа явуулсан талаарх илтгэлийг хэлэлцэнэ.
Мөн түрэмгийллийн гэмт хэрэг, бэлгийн хүчирхийлэл сүлжээ гэмт хэргийг шийдэх, шударга ёс шүүхийг бий болгох нь, яллах процесс ба ялыг нотлон баталгаажуулах зэрэг асуудлаар илтгэл тавьж харилцан ярилцана.
Энэ үеэр мөн Олон улсын эрүүгийн эрх зүй ботиудын нээлт болох бөгөөд олон улсын эрүүгийн эрх зүйн шинэ чиг хандлага түүний эх үндсийн талаар хэлэлцэх ажээ.
Дэлхийн шүүгчид Сирийн мөргөлдөөнд оролцогч улсуудын улс төрийн шийдэл, хэтийн төлөв хариуцлага сэдвийг ч хөндөн ярилцах гэнэ.
-
2015 оны 11 сарын 20
Хан-Уул дүүргийн хоёрдугаар хороонд нэгэн иргэн өөрийгөө шатаахыг завдсан хэрэг гарчээ.
-
2015 оны 11 сарын 20
Мэргэжлийн хяналтын ерөнхий газрын “Зөвлөгөө, мэдээллийн төвөөс ”Хүйтний улирал эхэлж гадна агаарын хэм 0 хэмээс бага болсон учир барилгын цутгалтын ажил хийхгүй байхыг анхааруулав.
-
2015 оны 11 сарын 20
“Бие Даасан Нам”-ыг улсын бүртгэлд бүртгүүлэх тухай тус намын дарга Д.Баатаржавын гаргасан хүсэлтийг Улсын Дээд шүүх 2015 оны 11 дүгээр сарын 20-ны өдөр хянан хэлэлцлээ.
Тус намын нэр болон хүсэлтэд хавсаргасан баримт, дүрэм, мөрийн хөтөлбөр, ирүүлсэн бусад материал нь Улс төрийн намын тухай хуульд заасан шаардлагыг бүрэн хангаагүй гэж үзэж, Дээд шүүх уг намыг улсын бүртгэлд бүртгэхээс татгалзав.
Уг нам нь баримт материалаа хуульд заасан шаардлагын дагуу бүрдүүлсэн тохиолдолд хүсэлтээ дахин гаргах боломжтой юм.
-
2015 оны 11 сарын 20
Эмч нар онцын шаардлагагүй үед өвчтөний хүсэл, сонирхолд автан антибиотик бичиж өгөх нь түгээмэл байгаа тухай зарим судлаач ярьдаг. Тухайлбал ханиад, вирусын гаралтай, амьсгалын дээд замын үрэвсэлт өвчний үед антибиотик хэрэглэх нь өвчин үүсгэгч нянгийн тэсвэртэй чанарыг улам ихэсгэдэг байна.
Ялангуяа дунд чихний үрэвслийн үед котримексазол хэрэглэх нь пневмококкийн тэсвэртэй чанарыг ихэсгэдэг. Мөн левомицин нь цус төлжилтөд муугаар нөлөөлж ашигтай эд, эсийг үхүүлдэг учир зөвхөн гэдэсний халдварт хижиг өвчний үед хэрэглэх ёстой.
Антибиотик эмийг зөвхөн жороор олгож хэвшсэнээр эмийн зохистой хэрэглээг төлөвшүүлэх, антибиотик эмийн гаж нөлөө хүндрэл, нянгийн тэсвэржилтээс сэргийлэх нөхцөл гэдгийг Мэргэжлийн хяналтын ерөнхий газрын “Зөвлөгөө, мэдээллийн төв” зөвлөж байна.
Антибиотик эмийн эмчилгээний бусад төрлийн эмчилгээнээс ялгагдах онцлог нь эмчлүүлэгч, эмийн бэлдмэл гэсэн үндсэн ойлголтоос гадна халдварт өвчний шинж байдал гэсэн ойлголтыг нэмж авч үздэг. Үүнтэй уялдан антибиотик эмчилгээнд “эмчлүүлэгч”, “антибиотик эм”,“эмгэг төрүүлэгч бичил биет”, “хэвийн бичил орчин” /микрофлор/ гэсэн үндсэн дөрвөн хүчин зүйлийн хоорондын уялдаа, харилцан үйлчлэлийг нарийн тооцож антибиотик эмийг сонгох шаардлагатай юм.
Дэлхийн эрүүл мэндийн байгууллагын мэдээлснээр бактерийн эсрэг эмний 50-иас илүү хувь нь зохисгүй хэрэглээнд тооцогдож байна.
- See more at: http://zasag.mn/m/inspection/view/11426#sthash.3aJoAcVj.dpuf
-
2015 оны 11 сарын 20
-Энэ хурлаар Ази, Номхон далайн орнуудын Хууль сахиулах байгууллагуудын сүлжээ байгуулах эхлэлийг тавина-
Авлигатай тэмцэх газар, Азийн хөгжлийн банк, НҮБ-ын Хөгжлийн хөтөлбөр, Эдийн засгийн хамтын ажиллагаа, хөгжлийн байгууллага хамтран Ази, Номхон далайн орнуудын Авлигын эсрэг санаачилгын 13 дахь удаагийн бүс нутгийн семинар “Туушин” зочид буудлын “Соёмбо” танхимд өнөөдөр эхэллээ.
Ази-Номхон далайн орнуудын Авлигын эсрэг санаачилгын 13 дахь удаагийн бүс нутгийн семинарт гишүүн 31 орны төлөөлөгчид, ажиглагч орон болон тус санаачилгын Зөвлөх хорооны гишүүд оролцох бөгөөд тэдэнд Азийн хөгжлийн банк, Эдийн засгийн хамтын ажиллагаа, хөгжлийн байгууллагын гишүүн орнуудын шинжээчид өөрсдийн туршлагыг хуваалцах юм.
Семинар хоёр салбар хуралдаанаар үргэлжилнэ. “Хөгжлийн төсөл, хөтөлбөрүүд дэх авлигатай тэмцэх үйл ажиллагаа” сэдэвт хуралдааныг Ази, Номхон далайн бүс нутаг дахь авлигын гэмт хэрэгтэй тэмцэх цогц шийдлийг эрэлхийлж байгаа бодлого боловсруулагч, хууль тогтоогч, хууль сахиулагч, иргэний нийгэм болон хувийн хэвшлийн төлөөлөлд зориулжээ. Төлөөлөгчид хөгжлийн төсөл, хөтөлбөрүүд дэх авлигатай тэмцэх стратеги, тулгарч буй саад бэрхшээлийн талаар хэлэлцэж, төсөл, хөтөлбөрийн хэрэгжилтийг авлигаас ангид байлгах, шаардлагатай санхүүжилтийг хүрэх ёстой эзэнд нь хүргэх талаар төр, хөгжлийн байгууллагууд, хувийн хэвшил, иргэний нийгмийн оролцогч талуудын туршлагаас суралцах боломжийг олгох юм.
Харин Ази, Номхон далайн орнуудын Хууль сахиулах байгууллагын ажилтнуудын сүлжээг үүсгэн байгуулах уулзалтад авлига, мөнгө угаах, татварын гэмт хэргийг мөрдөн шалгах ажиллагаа явуулдаг хууль сахиулах байгууллагын ажилтнууд оролцох юм байна. Оролцогчид нь тодорхой кейс хэлэлцэж, өөрийн улсын туршлага, мөрдөн шалгах, яллах ажиллагаанд шаардлагатай арга хэрэгслийн талаар мэдээлэл солилцоод цаашид бүс нутгийн хэмжээнд дэлгэрүүлж болох сайн туршлагыг тодорхойлох ажээ.
-
2015 оны 11 сарын 20
Авлигатай тэмцэх газрын олон улсад эзлэх байр суурийн асуудлаар тус газрын Тамгын хэлтсийн дарга, эрхэлсэн комиссар З.Баасаннямтай ярилцлаа.
-Монгол Улсад Авлигатай тэмцэх газар байгуулагдаад нэлээд хэдэн жилийн нүүр үзлээ. Энэ байгууллагын үүсэл хөгжил нь НҮБ-ын Авлигын эсрэг конвенциэс эхтэй гэдэг. Манай улс энэ конвенцид хэзээ нэгдэн орсон бэ?
-Авлигатай нэг улс дангаараа тэмцсэнээр үр дүнд хүрэхгүй. Харин олон улсын хэмжээнд хамтран тэмцэхээс өөр аргагүй гэдгийг НҮБ тодорхойлж, 2003 онд Авлигын эсрэг конвенцийг баталсан. Авлига нь тухайн улс орны нийгмийн тогтвортой байдалд, мөн үндэсний аюулгүй байдалд аюул занал учруулж, ардчилсан тогтолцоо, үнэт зүйлс, шударга ёсыг сулруулж байгааг Авлигын эсрэг конвенц удирдтгал хэсэгтээ дурдсан байгаа. Конвенцийг батлах гаргах хамгийн том шалтгаан бол энэ юм. Олон улсын түвшинд хүлээсэн үүргээ биелүүлэх, дэлхийн хамтын нийгэмлэгийн гишүүнийхээ хувьд авлигын эсрэг улс орнуудын санаа нэгтэй тэмцэлд өөрийн хувь нэмрийг оруулж, ямагт идэвхтэй байр суурь баримтлах нь манай улсын эрх ашиг гэдэг нь тодорхой. Тиймээс 2005 оны 10 дугаар сард Монгол Улс НҮБ-ын Авлигын эсрэг конвенцийг соёрхон баталснаар нэгдэн орсон. Ингэснээр манай улс авлигын эсрэг олон улсын үйл хэрэгт алхаа нийлүүлэх болсон. Авлигын шалтгааныг арилгах, үр нөлөөг бууруулах цогц арга хэмжээг тусгасан НҮБ-ын Авлигын эсрэг конвенцийг дэлхий даяар авлигатай тэмцэх гол хэрэгсэл гэж үздэг.
-Авлигатай тэмцэх газар олон улсын тавцанд ямар байр суурь, оролцоотой байдаг вэ?
-Монгол Улс авлигатай хийж байгаа олон улсын үйл ажиллагаанд идэвхтэй байр суурь баримталж байна. Гэмт хэрэг, тэр тусмаа авлига, албан тушаалын гэмт хэрэг гэдэг нь аль нэг улсын хилээр хязгаарлагддаггүй. Авлигатай тэмцэхэд олон улсын хууль сахиулах болон шүүх эрх мэдлийн байгууллагуудын хамтын ажиллагаа тун чухал. Тийм учраас олон улсын агентлагууд, хөрш орнууд болон тодорхой улс орны ижил чиг үүрэгтэй байгууллагуудтай нягт холбоо тогтоож, Интерпол, НҮБ-ын Мансууруулах бодис, гэмт хэрэгтэй тэмцэх алба зэрэг бусад байгууллагатай мэдээлэл солилцон, хамтарч ажиллаж байна. Гадаад харилцаа, хамтын ажиллагааны хэлхээ холбоо, мөн Авлигатай тэмцэх газрын санаачилга, идэвхтэй байр суурь нь авлигатай тэмцэх асуудлаарх олон улсын тавцанд Монгол Улсын нэр хүнд нэмэгдэж байна гэж хэлж болно.
-Тодорхой улс орны ижил чиг үүрэгтэй байгууллагуудтай харилцаа тогтоож ажилладаг гэлээ. Тухайлбал, ямар улс орны авлигатай тэмцэх байгууллагуудтай хамтран ажиллаж байна вэ?
-Авлигатай тэмцэх ажлыг зөвхөн нэг улс орны үйл ажиллагаа гэж төсөөлөх аргагүй цаг үед та бид амьдарч байна. Өөрөөр хэлбэл, авлигатай тэмцэх үйл ажиллагаа гадаад харилцаа, хамтын ажиллагаагүйгээр үр дүнд хүрэхгүй болжээ. Учир нь авлига бол дэлхий нийтийн анхаарал татсан асуудал болоод байгаа. Авлигатай тэмцэх газар нь бусад улс орнуудын ижил чиг үүрэг бүхий байгууллагуудтай хамтын ажиллагаагаа өргөжүүлэх, бэхжүүлэх зорилгоор олон улсын хэмжээний арга хэмжээ, хөтөлбөрүүдэд байнга идэвхтэй оролцдог. Одоогийн байдлаар бид БНХАУ-ын Авлигаас урьдчилан сэргийлэх үндэсний газар, БНСУ-ын Авлигын эсрэг, хүний эрхийн комисс, Тайландын Вант улсын Үндэсний Авлигын эсрэг хороо зэрэг байгууллагуудтай хамтын ажиллагааны санамж бичиг байгуулж, Малайз, Сингапур, Хонгконг, Бутан, Тайланд зэрэг улс орны авлигатай тэмцэх байгууллагуудтай харилцаа холбоо тогтоон ажиллаж байна. Түүнчлэн НҮБ-ын Хар тамхи, гэмт хэрэгтэй тэмцэх алба, Дэлхийн банк, Азийн хөгжлийн банк, Канадын Төрийн албаны хороо, Авлигатай тэмцэх газар зэрэг байгууллагуудтай хамтран ажиллаж байгаа.
-Интерпол, Авлигын эсрэг олон улсын академи зэрэг авлигатай тэмцэх чиглэлээр ажилладаг олон улсын байгууллагуудтай ямар түвшинд хамтарч байгаа вэ?
-Интерполын түвшинд өмнө нь хүний наймаа, хар тамхи мансууруулах бодис, галт зэвсгийн наймааны тухай онцгойлон яригдаж, хамгийн сүүлд авлига жагсдаг байлаа. 2008 онд болсон Интерполын ерөнхий ассамблейн чуулганаар тэргүүн ээлжинд анхаарах асуудлын хамгийн эхэнд авлигыг нэрлэж, Интерпол өөртөө авлигын асуудал хариуцсан нэгж байгуулсан. Энэ байгууллагыг байгуулагдах цаг мөчөөс Монгол Улсын Авлигатай тэмцэх газар хамтран ажиллаж эхэлсэн. Хэрэг үйлдээд гадаадад дүрвэн зугтсан томоохон сэжигтнүүдийг илрүүлэх, шилжүүлэх үйл ажиллагаанд энэ харилцаа холбоогоо ашигладаг.
Монгол Улсын Их Хурал “Авлигын эсрэг академийг олон улсын байгууллага болгон үүсгэн байгуулах тухай хэлэлцээр”-ийг 2012 онд соёрхон баталснаар манай улс тус академийн 64 дэх бүрэн эрхт гишүүн болсон. Олон улсын авлигын эсрэг академи нь авлигын асуудлыг тойрсон сэдвүүдийн хүрээнд сургалтууд зохион байгуулдаг олон улсад нэр хүндтэй академи. Монгол Улсын Авлигатай тэмцэх газар энэ байгууллагын албан ёсны гишүүний статустай. 2013 онд Авлигатай тэмцэх газрын дарга, тэргүүн комиссар Н.Ганболд Олон улсын авлигын эсрэг академийн дарга Мартин Кройтнертой хоёр талын хамтын ажиллагааг хөгжүүлэх Харилцан ойлголцлын санамж бичигт гарын үсэг зурсан. Манай улс академийн үйл ажиллагаанд идэвхитэй оролцсоноор авлигаас урьдчилан сэргийлэх, авлигын эсрэг олон нийтийг соён гэгээрүүлэх, авлигын гэмт хэргийг илрүүлж шийдвэрлэх чиглэлээр мэргэжилтнүүдийг сургах, давтан сургалтад хамруулах, тенхикийн туслалцаа авах, мэдээлэл солилцох зэргээр үр дүнтэй хамтран ажиллах боломж нээгдсэн, улмаар авлигатай тэмцэх ажлын үр дүн, өгөөж сайжирч байгаа.
-Авлигын эсрэг Ази, Номхон далайн орнуудын бүс нутгийн томоохон семинар Улаанбаатар хотноо болох гэж байна. Энэ арга хэмжээг өөрийн улс орондоо зохион байгуулахын ач холбогдол нь юу вэ?
-Бүс нутгийн авлигын эсрэг хамтын ажиллагааны ээлжит арга хэмжээг улс орондоо зохион байгуулах нь бидний хувьд нэр төрийн хэрэг. Үндсэндээ хоёр том хурал зохион байгуулж байгаа. Эхнийх нь Авлигын эсрэг санаачилгын Удирдах зөвлөлийн 20 дахь удаагийн уулзалт юм. Энэ уулзалтын гол онцлог нь Зүүн Европ, Төв Азийн Авлигын эсрэг сүлжээнээс боловсруулан гаргасан Монгол Улсын авлигатай тэмцэх үйл ажиллагаанд хийсэн үнэлгээний талаар танилцуулна. Энэ үнэлгээ манай улсын авлигатай тэмцэх бодлого, үйл ажиллагаанд маш чухал хувь нэмэр өгнө гэж бид харж байгаа.
Дараагийн хурал нь Авлигын эсрэг санаачилгын гишүүн улсуудын 13 дахь удаагийн бүс нутгийн семинар. Энэ нь хөгжлийн төсөл хөтөлбөрүүд дэх авлигатай тэмцэх стратегиэ оновчтой тодорхойлох гарцыг эрэлхийлэх хурал болно. Ази, Номхон далайн орнуудын Хууль сахиулах байгууллагуудын сүлжээ байгуулах эхлэл тавигдана. Улс орнууд авлига, мөнгө угаах, албан тушаалын гэмт хэргүүдийг мөрдөн шалгах арга техникээ, туршлагаа харилцан солилцох хурал болно. Цаашдын хамтын ажиллагааныхаа чиглэлийг тодорхойлох хурал байх болно. Ийм ач холбогдолтой хурлыг зохион байгуулж байна.
Улс орон бүр дотооддоо авлигын асуудлаа оновчтой тодорхойлох, нэгдсэн ойлголтод хүрэх, авлигатай олон улс, бүс нутгийн хэмжээнд хамтран тэмцэх арга ажиллагаа, зарчмаа нийцүүлэн хэрэгжүүлэх нь авлигаас үр дүнтэй урьдчилан сэргийлэх чухал алхам болдог.
-
2015 оны 11 сарын 20
Авлигатай тэмцэх газрын дарга, тэргүүн комиссар Н.Ганболд Бүгд Найрамдах Ардчилсан Социалист Шри Ланка улсын Авлигын эсрэг хорооны комиссар, ноён Велхенаге Лал Ранжит Силва, тус хорооны тэргүүн даргын туслах, хатагтай Рувини Викратасинге нарыг өнөөдөр хүлээн авч уулзав. Уулзалтад Авлигатай тэмцэх газрын Тамгын хэлтсийн дарга, эрхэлсэн комиссар З.Баасанням оролцлоо.
Уулзалтын эхэнд Авлигатай тэмцэх газрын дарга, тэргүүн комиссар Н.Ганболд Азийн хөгжлийн банк, Эдийн засгийн хамтын ажиллагаа, хөгжлийн байгууллагын Ази, Номхон далайн орнуудын Авлигын эсрэг санаачилгын 20 дахь удаагийн Удирдах зөвлөлийн уулзалт, 13 дахь удаагийн бүс нутгийн семинарт оролцож байгаад талархал илэрхийлэв. Тэрээр “Бид гадаад улс орнуудын авлигатай тэмцэх чиг үүрэгтэй нэлээд олон байгууллагатай хамтран ажилладаг. Танай улсын Авлигын эсрэг хороотой хамтран ажилласнаар хоёр талд харилцан туршлага солилцох, албан хаагчдаа мэргэшүүлэн сургах, мөрдөн шалгах ажиллагаанд дэмжлэг үзүүлэх чиглэлээр хамтран ажиллах боломж бүрдэнэ” гэлээ.
Шри Ланка улсын Авлигын эсрэг хорооны комиссар, ноён Велхенаге Лал Ранжит Силва олон улсын нэр хүндтэй хурлыг улс орондоо зохион байгуулж буйд талархлаа илэрхийлээд, авлигатай тэмцэх чиглэлээр хамтран ажиллах хүсэл эрмэлзэл дүүрэн байгаагаа илэрхийлэв. Тэрээр НҮБ-аас тунхагласан авлигын эсрэг олон улсын өдрийг угтан улс орондоо зохион байгуулах зарим арга хэмжээний талаар танилцуулсан юм.
-
2015 оны 11 сарын 20
Нийслэлийн Өмчийн харилцааны газраас өчигдөр нээлттэй дуудлага худалдаа зохион байгуулжээ.
-
2015 оны 11 сарын 20
ЧД-17 Чингэлтэйн замд амины Nissan Bluebird автомашины жолооч А гэгч нь явган зорчигч ЧД-н 17-р хороонд оршин суудаг ...-р сургуулийн 4б ангийн сурагч С /9н, эм/ мөргөж гэмтээсэн.
Жич: Явган зорчигч Ө.Сувд нь хичээлээ тараад ганцаараа явж байсан.
-
2015 оны 11 сарын 20
НД-5 “Ачааны автомашинд нойтон мод тээвэрлэсэн байна“ гэх мэдээллийг шалгахад: НД-2 хороонд суух Б /эр.60н/ нь “Nissan Daihatsu Hijet” автомашинд зохих зөвшөөрөл, гарал үүслийн бичиггүй нойтон мод тээвэрлэн явж байсныг нь илрүүлэн НДЦХ шалгаж байна.
НД-5 “Нойтон мод тээвэрлэсэн байна“ гэсэн мэдээллийг авч шалгахад: УБ хот ХУД-9. хороонд суух Б /эр.31н/ нь “Зил-131” автомашинд зохих зөвшөөрөл, гарал үүслийн бичиггүй 140 орчим нойтон мод тээвэрлэн явж байсныг илрүүлэн НДЦХ шалгаж байна.
-
2015 оны 11 сарын 20
Нийслэлийн Засаг даргын мөрийн хөтөлбөрийн хэрэгжилтийг хангах ажлын хүрээнд нийслэлийн Жижиг дунд үйлдвэрлэлийг дэмжих төвөөс жил бүр жижиг дунд үйлдвэр эрхлэгч иргэд, аж ахуйн нэгжүүдийн бараа бүтээгдэхүүнийг зах зээлд таниулан сурталчлах, борлуулалтыг нэмэгдүүлэх, хэрэглэгч захиалагчтай холбож өгөх зорилгоор “Улаанбаатарт үйлдвэрлэв” үзэсгэлэн худалдааг зохион байгуулдаг уламжлалтай. “Улаанбаатарт үйлдвэрлэв - 2015” үзэсгэлэн худалдаа өнөөдөр эхэлж байгаа бөгөөд энэ сарын 22 хүртэл “Мишээл экспо” төвд болно. Тус үзэсгэлэнд нийслэлийн 140 гаруй жижиг дунд үйлдвэрлэл эрхлэгч өөрсдийн үйлдвэрлэсэн бараа бүтээгдэхүүнээр оролцож байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 20
Төв номын сангийн урд баригдаж буй ”Мастер инженеринг” ХХК-ийн барилгаас төмөр автомашин дээр унасан хэрэг өчигдөр гарсан. Тодруулбал замын хөдөлгөөнд оролцож байсан суудлын автомашин дээр ”Мастер инженеринг ХХК-ийн барилгаас төмөр унасан юм.
-
2015 оны 11 сарын 20
Эрчим хүчний сайд Д.Зоригт шинээр баригдсан барилгуудад цахилгаан техникийн нөхцөл олгохгүй байх тушаал гаргажээ.
