-
2015 оны 7 сарын 25
Баян-Өлгий аймагт Цагдаагийн байгууллага үүсч хөгжсөний түүх 75 жилийн ойн баярын арга хэмжээ аймгийн төвд ёслол төгөлдөр болж өнгөрлөө.
Баярын арга хэмжээнд Улсын Их Хурлын гишүүн, Төрийн байгуулалтын байнгын хорооны дарга А.Бакей, Улсын Их Хурлын гишүүн А.Тилейхан, Зам, тээврийн дэд сайд Х.Ержан , Аж үйлдвэрийн дэд сайд Х.Баделхан, аймгийн болон тус аймаг дахь хууль хяналтын байгууллагуудын удирдлагууд зэрэг хүндэт зочид төлөөлөгчид урилгаар оролцов.
Баярын үеэр цагдаагийн газрын үйл ажиллагааг иргэд, олон нийтэд сурталчлах, тэргүүний алба хаагчдыг алдаршуулах, ахмад ажилтнуудад хүндэтгэл үзүүлэх зэрэг үйл ажиллагаа явагдахаас гадна ойн баярт зориулсан бэсрэг наадам зохион байгуулагдсан юм.
-
2015 оны 7 сарын 25
Сүхбаатар дүүргийн нутаг Бээжингийн гудамж, Хөгжим бүжгийн коллежийн уулзвараас Чингис зочид буудлын арын уулзвар хүртэлх замд өнөөдрөөс эхлээд засвар арчлалтын ажил хийнэ. Тиймээс тус хэсгийн замыг өнөөдрийн 22:00 цагаас энэ сарын 27-ны өдрийн 06:00 цаг хүртэл хаана.
-
2015 оны 7 сарын 25
Тулгар төрийн 2224, Их Монгол Улсын 809, Ардын хувьсгалын 94 жилийн ой, Өмнөговь аймаг байгуулагдсаны 84 жилийн ой, Говийн бүсийн “Говь шанхын хурд-5” уралдаан өнөөдөр нээлтээ хийж байна. Нээлтийн үеэр Өмнөговь аймгийг Хөдөлмөрийн гавьяаны улаан тугийн одонгоор шагналаа. Монгол Улсын эдийн засагт өндөр хувь нэмэр оруулсан тус аймгийн иргэдийн хичээл зүтгэлийг үндэслэн ийнхүү Хөдөлмөрийн гавьяаны улаан тугийн одонгоор шагнажээ.
-
2015 оны 7 сарын 25
Усанд унах, живэх гэдэг нь үйлдлийн хувьд ялгаатай боловч учирах аюулын тухайд ижил ойлголт юм. Энэ үед амьсгалын ба хоол боловсруулах эрхтэний замаар ус дүүрсэнээс болж амьсгалын дутагдлаас болж амь нас алдах аюулд хүргэнэ.
-
2015 оны 7 сарын 25
Нийгмийн Даатгалын Ерөнхий Газрын албан ёсны лавлах утас болох “Мэдээллийн лавлах 19001199”-өөс бэлтгэн ирүүлсэн Нийгмийн даатгалын ээлжит зөвлөгөөг та бүхэнд хүргэж байна.
Манай даатгуулагч иргэдийн сонирхож байдаг асуудалын нэг бол хоёр улс хоорондын хэлэлцээр байдаг. Монгол улсын Засгийн газар, БНСУ-ын Засгийн газар хооронд 2006 оны тавдугаар сарын 08-ны өдөр “Нийгмийн хамгааллын тухай” хэлэлцээр байгуулагдаж, 2007 оны гуравдугаар сарын 1-ний өдрөөс эхлэн хүчин төгөлдөр үйлчилж эхэлсэн билээ. Энэ хүрээнд:
1. БНСУ-д хөдөлмөрийн гэрээгээр ажиллаж буй Монгол улсын иргэн БНСУ-ын хуулийн дагуу заавал хамрагдах тэтгэврийн даатгалаас чөлөөлөгдөж, Монгол улсын тэтгэврийн даатгалд хамрагдана.
2. Монгол улсын тэтгэврийн даатгалд хамрагдаагүй болон хамрагдаад 3 сараас илүү хугацаанд даатгалын шимтгэлээ төлөөгүй тохиолдолд хэлэлцээрийн дагуу БНСУ-ын тэтгэврийн даатгалд хамруулж, төлөгдөөгүй сар бүрийн шимтгэлийг суутган авна. Солонгос улсын даатгалд хамрагдсан гэрээт ажилтан нутаг буцаж ирээд төлсөн шимтгэлээ Солонгос улсаас нэхэмжлэн авдаг ба үүнийг буцаан олголт гэдэг.
Монгол иргэд БНСУ-ын Үндэсний тэтгэврийн даатгалд шимтгэл төлчихөөд тус улсаас тэтгэвэр авах боломжггүй байсныг буцаан Монгол руу шилжүүлж тэтгэврийн даатгалд даатгах нь иргэний хувьд тэтгэвэр тогтоолгох, даатгуулсны үр өгөөжийг хүртэх, эрсдлээс өөрийгөө хамгаалах, харин Монгол Улсын хувьд төрийн бодлого, хуулийг хэрэгжүүлэх нийгмийн хамгааллын ач холбогдолтой юм.
2014 онд БНСУ-д хөдөлмөрийн гэрээгээр ажиллахаар явсан 1521 иргэнийг Монгол улсын тэтгэврийн даатгалд хамруулан гэрчилгээ олгосон бол энэ он гарсаар 515 иргэнийг Монгол улсын тэтгэврийн даатгалд хамруулан гэрчилгээ олгоод байна.
2014 онд БНСУ-ын Үндэсний тэтгэврийн албанаас шимтгэлээ буцаан авахаар хүсэлт гаргасан 379 даатгуулагчийн 303,4 сая вон буюу 627,2 сая төгрөгний шимтгэлийг буцаан олгосон бол 2015 оны 4 сарын байдлаар хүсэлт гаргасан 59 даатгуулагчийн 54,1 сая вон буюу 97,3 сая төгрөгний шимтгэлийг буцаан олгосон байна.
-
2015 оны 7 сарын 25
Хот хоорондын нийтийн тээвэрт явахдаа удаа дараа хурд хэтрүүлсэн 100 гаруй жолоочийн эрхийг түр хугацаанд түдгэлзүүлжээ.
-
2015 оны 7 сарын 25
Asian Judo Open буюу Азийн нээлттэй тэмцээн өнөөдөр Тайваний Тайпей хотод эхэлнэ. Олимпийн эрхийн оноо олгох тус тэмцээний сугалаа дараах байдлаар гарчээ.
Тус тэмцээнд манай улсаас эрэгтэйчүүдийн 66 кг-д энэ оны УАШТ-ий хүрэл медальт Мөнхтөрийн Ганболд болон өнгөрсөн сард ОХУ-ын Минусинск хотноо болсон ОУТ-ээс хүрэл медаль хүртсэн Баттогтохын Эрхэмбаяр нар өрсөлдөхөөр болсон.
М.Ганболд тэмцээний эхний эхний тойрогт Индонезийн бөхтэй учраа таарсан бөгөөд хожсон тохиолдолд Их Британы бөхтэй барилдана.
-
2015 оны 7 сарын 25
Монголын дугуйн холбооноос зохион байгуулах холын зайн дугуйн уралдааны нээлт өнөөдөр 10.00 цагаас Баянзүрх дүүрэгт байрлах Дүнжингарав худалдааны төвийн зүүн урд талбай дээр болно. Тэмцээн 11.00 цагаас эхлэх юм.
-
2015 оны 7 сарын 25
Улаанбаатар хотын Захирагчийн ажлын албанаас нийслэлийн хөрсний бохирдол, тоосжилтыг бууруулах зорилгоор усан хөшиг хийсэн.
Шөнийн цагаар гэрэлтэх Арслантай гүүрний усан хөшигний нээлт саяхан болсоныг та бүхэн санаж байгаа биз ээ. Тэгвэл усан хөшиг иргэдэд сэтгэл ханамж авчирсангүй. Харин ч эсрэгээрээ хэл ам дагуулж эхэллээ.
-
2015 оны 7 сарын 25
Тухайн өдөр морь, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, сүм дуганыг сэргээх, амьлуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, гэр байшингийн суурь тавихад сайн. Золиг гаргах, бумбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
-
2015 оны 7 сарын 25
2015 оны 07 дугаар сарын 25-ны 09 цагаас 21 цаг хүртэлх цаг агаарын урьдчилсан мэдээ:
-
2015 оны 7 сарын 24
Хот хоорондын нийтийн тээвэрт явахдаа удаа дараа хурд хэтрүүлсэн 100 гаруй жолоочийн эрхийг түр хугацаанд түдгэлзүүлжээ.
-
2015 оны 7 сарын 24
Какүрюү М.Ананд аав, ээжийнхээ төрсөн нутаг болох Сүхбаатар аймгийн Асгат сумын 90 жилийн ойг тохиолдуулан усны машин бэлэглэжээ.
-
2015 оны 7 сарын 24
Энэ сарын 22-ны шөнө дундын алдад Буриадын Иволгин дацанд их гал түймэр дэгдэж, Итгэлт хамба шатах шахсан талаар эх сурвалж мэдээлж байна.
-
2015 оны 7 сарын 24
Монголын анхдугаар Богд Өндөр гэгээн Занабазарын мэндэлсний 380 жилийн ойг тохиолдуулан 100 жилийн өмнө Их хүрээнд тэмдэглэдэг байсан Даншиг наадмыг сэргээн Монголын бурхан шашны сүм хийдүүд, НЗДТГ-тай хамтран Улаанбаатар хотноо Хүй долоон худагт 8 сарын 8, 9-ний өдрүүдэд тэмдэглэн өнгөрүүлэхээр боллоо. Наадмыг зохион байгуулагчид өчигдөр мэдээлэл өгсөн юм. Зуу гаруй жилийн өмнө их хүрээнд тэмдэглэдэг байсан даншиг наадмыг уламжлалын дагуу энэхүү арга хэмжээ болох бөгөөд наадмаар дамжуулан үндэсний соёл, зан заншлыг олон нийтэд сурталчлах, сүсэгтэн олонд зориулсан буддын шашны зан үйлийг сэргээх боломж бүрдэнэ гэж зохион байгуудагчид үзэж байна.
-
2015 оны 7 сарын 24
ММ агентлагийн захирал М.Оюунчимэгийг МҮОНРТ-ийн захирал Ц.Оюундарь хөдөлмөрийн гэрээ байгуулаагүй гэдэг шалтгаанаар ажлаас нь халсан бололтой. Тэрбээр зургаан сарын өмнө ММ агентлагийн захирлаар томилогдон очсон бөгөөд ажил хүлээж авснаасаа хойш одоог хүртэл хөдөлмөрийн гэрээ байгуулаагүй ажиллаж байсан гэнэ. М.Оюунчимэг энэ талаар жиргээнд “Авах өгөхөд учир бий. 6 сарын турш хөдөлмөрийн гэрээгүй цаг наргүй ажиллуулсан. Одоо гэтэл гэрээ хийгээгүй гэдэг шалтгаан ярьж байгаа нь өөр зорилго агуулжээ. Хөдөлмөрийн гэрээн дээр ажиллаж байна гээд хүлээлгэсэн. Гэтэл одоо гэрээ хийгээгүй гэсэн үндэслэл ярьж байна. Оюундарийг ийм бохир хулгайн зан гаргана гэж итгэхгүй л явна. Улстөрч ч гэлээ хэлсэндээ, ярьсандаа, тохирсондоо байхгүй бол хариу нь хурдан ирдэг” хэмээн жиргэжээ.
Мэдээний эх сурвалж: http://time.mn/65522
-
2015 оны 7 сарын 24
Бүгд Найрамдах Өмнөд Судан Улсад НҮБ-ын мандаттай энхийг дэмжих ажиллагаанд үүрэг гүйцэтгэх Монгол Улсын Зэвсэгт Хүчний мотобуудлагын батальоны тавдугаар ээлжийн бүрэлдэхүүн өнөөдөр Жанжин туганд хүндэтгэл үзүүллээ.
-
2015 оны 7 сарын 24
Увс аймаг байгуулагдсаны түүхт 90 жилийн ой, Монгол бөхийн их баярын хүрээнд аймгийн бөхийн өргөөний гадна Монголын бөхийн хөшөөт цогцолборын нээлт боллоо. Монгол Улсын дархан аварга, Хөдөлмөрийн баатар Х.Баянмөнх аваргын хөшөөний нээлтийн ёслолын үйл ажиллагаа боллоо.
-
2015 оны 7 сарын 24
Нийслэлийн Засаг дарга бөгөөд Улаанбаатар хотын захирагчийн 2013-2016 оны үйл ажиллагааны хөтөлбөрт Орон сууцны хангамжийг нэмэгдүүлэх чиглэлээр ашиглалтын шаардлага хангахгүй болсон хуучин орон сууцны барилгуудыг иргэдийн оролцоотойгоор дахин төлөвлөн барилгажуулахаар тусгагдсаны дагуу нийслэлийн ИТХ-ын Тэргүүлэгчдийн 2014 оны 90 дүгээр тогтоолоор “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн, барилгажуулах журам”-ыг баталсан.
-
2015 оны 7 сарын 24
Долоодугаар сар гарснаас хойш улсын хэмжээнд 31 томоохон осол гарч, 45 хүн зам тээврийн ослоор амиа алдсан байна. Тодруулбал, нийслэлд долоон ослын улмаас долоон хүн, орон нутгийн замд 24 ослоор 38 хүн харамсалтайгаар хорвоог орхижээ.
