Олон улсын улаан загалмайн хороо нь 1863 онд байгуулагдсан.Өнөөдрийн байдлаар олон улсын улаан загалмайн хороо нь 14.000 орчим ажилчинтай ,дэлхийн 80 гаруй улсад хүмүүнлэгийн үйл ажиллагаа явуулж байгаа билээ.Монголын хүмүүнлэгийн өдрийг жил бүрийн тавдугаар сарын наймны өдөр тэмдэглэдэг уламжлалтай.Энэхүү өдрийн арга хэмжээнд Монголын Улаан Загалмайн Нийгэмлэгийн ерөнхий нарийн бичгийн дарга Н.Болормаа МУЗН-ийн Захиргаа удирдлагын дарга Э.Энхтайван нар оролцон үг хэллээ.
Н.Болормаа :Та бүхэндээ Олон улсын улаан загалмайн өдрийн халуун мэндийг хүргэж байна.Энэ жил хүмүүнлэгийн өдрийг “Инээмсэглэл” уриан дор тэмдэглэж хүн хүндээ энэрэл хайр инээмсэглэл бэлэглэж, хүмүүнлэгийн үйлсийг түгээн дэлгэрүүлэхийг уриалж байна.Монголын Улаан Загалмайн нийгэмлэг нь Гамшгийн менежментийн хөтөлбөр,Нийгмийн оролцоо хөгжлийг дэмжих хөтөлбөр,Эрүүл мэнд,Хүүхэд залуучуудын хөдөлгөөн гэсэн үндсэн 4 чиглэлээр үйл ажиллагаа явуулдаг.Үүнээс Гамшигийн менежментийн хүрээнд 2017-2018 онд өвөлжилт хүндэрсэн малчин өрхүүдэд 1,6 тэрбум төгрөгийн хүмүүнлэгийн тусламжийг түгээлээ.Ирэх жил МУЗН-ийн түүхт 80 жилийн ой тохиох юм.Энэхүү ойг угтаж төр-Улаан загалмайн хамтын ажиллагааг улам бэхжүүлэх, хүмүүнлэгийн үйл ажиллагаагаа өргөжүүлэх, сайн дурынхны хүрээг тэлэх,хүүхэд залуучуудыг хүмүүнлэгийн үйлсэд оролцох оролцоог нэмэгдүүлэх зорилт тавин ажиллаж байна.
Э.Энхтайван:ОУУЗ,Улаан хавирган сар нийгэмлэгүүдийн холбоо нь 1919 онд дэлхийн нэгдүгээр дайны дараа Парис хотноо байгуулагдсан түүхтэй.Нийгэмлэгийн эрхэм зорилго хүний амь нас,эрүүл мэндийг хамгаалж,хүн бүрийг хүндэтгэх,хамгаалах,зовлон шаналлыг хөнгөвчилж тус дэм болоход оршино.Уг хүмүүнлэгийн үйл хэрэгт дэлхийн сая сая хүмүүс сайн дураар оролцож, туслан дэмжиж ажилладаг.Олон улсын улаан загалмайн хорооны төсвийг ихэвчлэн засгийн газруудын дэмжлэгээр бүрдүүлдэг.Хандивлагч орнуудыг дурдвал АНУ,Их Британи ,Швейцарвь,Европын холбоо,Швед,Норвеги,Герман гэх мэт.Бид сүүлийн хоёр жилийн хугацаанд 11630 малчин өрхөд хүмүүнлэгийн тусламжаа хүргэсэн бол 2018 онд 15 аймгийн 19600 хүнд хүрч ажиллажээ.
