Улаанбаатар
Өнөөдөр / 2026.11.20
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
5885 5886 5887 5888 5889 5890 5891
  • Шуурхай мэдээ: МИ-8 нисдэг тэрэгний ослоор 1 хүн амиа алдсан байж болзошгүй
    2015 оны 12 сарын 24
    Зэвсэгт хүчний 337 дугаар ангийн МИ-8 нисдэг тэрэг Налайх дүүрэгт осолдсон талаар мэдээлсэн. Тэгвэл яг одоо Цэргийн төв госпиталд манай сурвалжлах баг ажиллаж байна. Одоогийн байдлаар тус эмнэлгийг цагдаагийн бүрэн хамгаалалтад аваад байна. Учир нь ослын улмаас нисдэг тэргэнд явж байсан 11 албан хаагчийн 10 нь хүнд гэмтэж, хагалгаанд орж байгаа юм. Харин нэг албан хаагч газар дээрээ амиа алдаад байгаа билээ.

    Батлан хамгаалах яамнаас өгсөн мэдээллээр тус анги нь өглөө оройдоо төлөвлөгөөт нислэг хийдэг байна. Харамсалтай нь өнөөдөр оройны нислэгээр энэхүү осол гарчээ.

    Осолтой холбоотойгоор Зэвсэгт хүчний жанжин штабын генерал н.Даваа Ерөнхийлөгч болон Ерөнхий сайдад мэдээлэл өгч байгаа аж.

    Тухайн үед онгоцыг тус ангийн хурандаа н.Отгонбаяр жолоодож явсан бөгөөд онгоц 300 орчим метрийн өндөрт нисч явах үед гэнэт доош унасан байна. Хэдийгээр албаныхан ослын буулт гэж байгаа ч онгоц газарт хүчтэй унасны улмаас ийнхүү албан хаагч амь насаа алдсан байна.
  • Гэрлэн дохионы 13 зөрчил бүртгэгджээ
    2015 оны 12 сарын 23
    Улаанбаатар хотын Замын хөдөлгөөний удирдлагын төв, Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2015 оны 12-р сарын 21-ны өдөр 13 зөрчил бүртгэгдсэн байна. Үүнээс улаан гэрлэн дохионы 13 зөрчил бүртгэгдсэн бол хурд хэтрүүлсэн 0 зөрчил бүртгэгджээ. “Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна.Улаанбаатар хотын Замын хөдөлгөөний удирдлагын төвөөс мэдээллээ.
  • 2015 оны Хятад, Монголын харилцааны 10 чухал мэдээг нийтлэв
    2015 оны 12 сарын 23
    Хятадаас Монгол улсад суугаа элчин сайдын яам саяхан 2015 оны Хятад, Монголын харилцааны 10 чухал мэдээг нийтлэв.

    Нэг. МУ-ын Ерөнхийлөгч Цахиагийн Элбэгдорж Хятадад төрийн айлчлал хийлээ.

    Ши Жиньпин даргын урилгаар 11-р сарын 9-11-нд МУ-ын Ерөнхийлөгч Цахиагийн Элбэгдорж Хятад улсад төрийн айлчлал хийв. Айлчлалын үеэр Хятад улсын дарга Ши Жиньпин ерөнхийлөгч Элбэгдоржтой хэлэлцээ хийж, Хятадын ерөнхий сайд Ли Кэчян, БХАТИХ-ын Байнгын Хорооны дарга Жан Дэжян нар ерөнхийлөгч Элбэгдоржтой тус тус уулзсан байна. Хоёр орны удирдагчид Хятад, Монголын стратегийн түншлэлийн бүх талын харилцааг тасралтгүй гүнзгийрүүлэн хөгжүүлэх асуудлаар санал бодлоо солилцон, чухал чухал нийтлэг ойлголтод хүрлээ. Хоёр тал ”Хятад, Монголын стратегийн түншлэлийн бүх талын харилцааг гүнзгийрүүлэн хөгжүүлэх тухай БНХАУ, МУ-ын хамтарсан мэдэгдэл” нийтэлж, хамтын ажиллагааны олон чухал баримт бичигт гарын үсэг зурсан байна.

    Хоёр. МУ-ын Ерөнхийлөгч Цахиагийн Элбэгдорж Хятад улсад ирж, Японы түрэмгийллийн эсрэг Хятадын ард түмний дайн болон фашизмын эсрэг дэлхийн дайны ялалтын түүхт 70 жилийн ойг тэмдэглэх арга хэмжээнд оролцов.

    9-р сарын 2-5-нд Ши Жиньпин даргын урилгаар МУ-ын Ерөнхийлөгч Цахиагийн Элбэгдорж Хятад улсад ирж, Японы түрэмгийллийн эсрэг Хятадын ард түмний дайн болон фашизмын эсрэг дэлхийн дайны ялалтын түүхт 70 жилийн ойг тэмдэглэх арга хэмжээнд оролцсон байна. Ши Жиньпин дарга 3-нд Ардын Их Хурлын Ордонд ерөнхийлөгч Элбэгдоржтой уулзаж, Байнгын Хорооны дарга Жан Дэжян Элбэгдоржтой уулзсан бөгөөд түүнийг хүндэтгэн зочилж, Хятад, Монголын харилцааны хөгжлийг гүнзгийрүүлэх асуудлаар санал бодлоо солилцов. МУ-ын армийн төлөөлөгчид парадад оролцсон байна.

    Гурав. Хятад, Монгол, Орос 3 орны төрийн тэргүүн нарын 2 дахь уулзалт болов.

    7-р сарын 9-нд Ши Жиньпин дарга Оросын Уфад МУ-ын ерөнхийлөгч Цахиагийн Элбэдорж, Оросын ерөнхийлөгч Владимр Путинтай 3 орны төрийн тэргүүн нарын 2 дахь уулзалт хийлээ. 3 орны төрийн тэргүүн нар Торгоны замын эдийн засгийн бүсийн тухай Хятадын талын санаачилга, ”Талын зам”-ын тухай Монголын талын санаачилга, Евроазийн ачаа тээврийн их замын тухай Оросын талын санаачилгыг холбохтой холбогдуулан чухал нийтлэг ойлголтод хүрсэн бөгөөд ”Хятад, Орос, Монгол 3 талын хамтын ажиллагааны дунд хугацааны замын зураг төлөвлөгөө”-г батлан зөвшөөрч, ”Хятад, Орос, Монголын эдийн засгийн хонгилын төлөвлөгөөний хөтөлбөрийг боловсруулан тогтоох тухай ойлголцлын меморандум” зэрэг чухал баримт бичгүүдэд гарын үсэг зуржээ.

    Дөрөв. Хятад, Монголын анхдугаар яармаг амжилттай боллоо.

    Ши Жиньпин даргын Монголд хийсэн айлчлалын үр дүнг хэрэгжүүлэхийн тулд 10-р сарын 23-27-нд Хятад, Монголын анхдугаар яармаг Хөх хотод болж, Ши Жиньпин дарга болон ерөнхийлөгч Элбэгдорж нар тус тус баярын захидал илгээж, Хятадын ерөнхий сайдын орлогч Лю Яньдүн, Монгол улсын шадар сайд Оюунбаатар нар оролцлоо. Энэ яармаг бол Хятад, Монгол хоёр орны зохион байгуулж буй олон улсын хэмжээний анхны яармаг болно. Энэ нь нэг бүс нэг замын байгуулалтыг бүх талаар ахиулж, хоёр орны олон салбар дахь хамтын ажиллагааг ахиулахад чухал ач холбогдолтой юм.

    Тав. Шин Хаймин шинэ элчин сайд боллоо.

    8-р сарын 22-ны өдөр БНХАУ-аас Монгол улсад суугаа 16 дахь онц бөгөөд бүрэн эрхт элчин сайд Шин Хаймин Улаанбаатарт хүрэлцэн очиж ажлаа авлаа. 8-р сарын 25-ны өдөр элчин сайд Шин Хаймин Монгол улсын Төрийн Ордонд Монгол улсын ерөнхийлөгч Элбэгдоржид итгэмжлэх жуух бичгээ өргөн барилаа. Итгэмжлэх жуух бичиг барьсны дараа, Элбэгдорж элчин сайд Шин Хайминийг хүлээн авч уулзан, хоёр тал Хятад, Монголын стратегийн иж бүрэн харилцааг цаашид хөгжүүлэх талаар санал солилцлоо.

    Зургаа. БХАТИХ-ын Байнгын Хорооны дэд дарга Янь Жүньчи Монгол улсад айлчилж, Хятад, Монголын хууль тогтоох байгууллагын тогтмол хугацааны солилцооны механизмыг эхлүүллээ.

    Ши Жиньпин даргын Монголд хийсэн айлчлалын үр дүнг хэрэгжүүлэхийн тулд 11-р сарын 23-25-нд БХАТИХ-ын Байнгын Хорооны дэд дарга Янь Жүньчи Монгол улсад айлчилж, Хятад, Монголын хууль тогтоох байгууллагын тогтмол хугацааны солилцооны механизмыг эхлүүллээ. Айлчлалын хугацаанд тэрээр Монгол улсын Их Хурлын дарга З.Энхболд, Монгол улсын ерөнхий сайд Ч.Сайханбилэг, Монгол улсын Их Хурлын дэд дарга М.Энхболд нартай тус тус уулзаж, Хятад, Монголын хууль тогтоох байгууллага хоорондын тогтмол хугацааны солилцооны механизмын хуралд оролцсон юм.

    Долоо.Төрийн зөвлөлийн гишүүн бөгөөд БХЯ-ны сайд Чан Ваньчуань Монголд айлчлав.

    10-р сарын 8-10-нд Төрийн зөвлөлийн гишүүн бөгөөд БХЯ-ны сайд Чан Ваньчуань Монгол улсад найрсаг айлчлал хийж, Монгол улсын ерөнхийлөгч Ц.Элбэгдорж, ерөнхий сайд Ч.Сайханбилэг нартай уулзаж, Монголын БХЯ-ны сайд Цолмонтой хэлэлцээ хийжээ.

    Найм.Монгол улсын Их Хурлын дарга З.Энхболд Хятадад ирж торгоны замын асуудлаарх Азийн улс төрийн намуудын хуралд оролцжээ.

    10-р сарын 14-16-нд Монголын Ардчилсан намын дарга, Улсын Их Хурлын дарга З.Энхболд Хятадад ирж торгоны замын асуудлаарх Азийн төрийн намуудын хуралд оролцов. 15-нд Ши Жиньпин дарга З.Энхболд дарга нарын зэрэг гадаадын зочдыг хүлээн авч уулзжээ. 16-нд, БХАТИХ-ын Байнгын Хорооны дарга Жан Дэжян З.Энхболдыг хүлээн авч уулзав.

    Ес.Монгол улсын ерөнхий сайд Ч.Сайханбилэг зуны Давосын чуулганд оролцов.

    9-р сарын 9-11-нд Монгол улсын ерөнхий сайд Ч.Сайханбилэг Хятадын Далянь хотод болсон Дэлхийн эдийн засгийн чуулганы 2015 оны шинэ Лидерүүдийн хурал буюу зуны Давосын 9-р чуулганд оролцов. 10-нд, ерөнхий сайд Ли Кэчян Ч.Сайханбилэгийг хүлээн авч уулзаад, хоёр талын харилцаа, ялангуяа хоёр орны худалдаа, эдийн засгийн ажил хэрэгч хамтын ажиллагааг ахиулах асуудлаар тохиролцоонд хүрчээ.

    Арав.Элчин сайд Шин Хаймин Дэлхийн 2-р дайнд оролцсон МУ-ын ахмад дайчдад дурсгалын одон гардуулжээ.

    9-р сарын 28-нд, элчин сайд Шин Хаймин Хятадын засгийн газрын нэрийн өмнөөс Японы түрэмгийллийн эсрэг Хятадын ард түмний ялалтын 70 жилийн ойн дурсгалын одонг Дэлхийн 2-р дайнд оролцсон МУ-ын 5 ахмад дайчдад тус тус гардуулж, тус дайнд тэдний гавьяа зүтгэл гаргасныг үнэлэн сайшаажээ.
  • Иргэн, ААН-д албан бус баримт өгч хохироосон тохиолдолд хуулийн хариуцлага хүлээнэ
    2015 оны 12 сарын 23
    СЭРЭМЖЛҮҮЛЭГ
  • Насанд хүрээгүй этгээдүүдээс үйлдсэн гэмт хэргийг гаралтыг судалжээ
    2015 оны 12 сарын 23
    Дархан-Уул аймгийн прокурорын газраас насанд хүрээгүй этгээдүүдээс үйлдсэн гэмт хэргийг гаралтыг 2014 он, 2015 оны байдлаар харьцуулан судлахад 2014 онд 24 хэрэгт 33 насанд хүрээгүй хүүхэд холбогдсон байхад 2015 онд 37 хэрэгт 57 насанд хүрээгүй этгээд холбогдож гэмт хэргийн гаралт 64,9 хувиар өссөн үзүүлэлттэй гарсан байна.

    Иймд тус прокурорын газраас Аймгийн Цагдаагийн газартай хамтран 2015 оны 12 дугаар сарын 16-ны өдөр гэмт хэрэгт холбогдсон, Эрүүгийн хуулийн ерөнхий ангийн 62 дугаар зүйлд зааснаар “ял хойшлогдсон” хүүхдүүд болон тэдгээрийн хууль ёсны төлөөлөгч эцэг эхчүүдэд зориулж “НЭГ Л АЛДВАЛ” гэх сэдвээр сургалт зохион байгууллаа.

    Уг сургалтаар Гэр бүлийн хүчирхийлэл, хүүхдийн гэмт хэргээс урьдчилан сэргийлэх ахлах байцаагч, цагдаагийн хошууч Д.Мөнхтуяа “Хэрхэн сайн эцэг, эх байх вэ?” сэдвээр, Хяналтын прокурор Г.Яндаг “МУ-ын Эрүүгийн хууль, Хүүхдийн эрхийг хамгаалах тухай хууль, Гэр бүлийн тухай хууль, Эрүүгийн хуулинд заасан хүүхдэд оногдуулах ял шийтгэлийн тухай, ял хойшлуулсан үед эцэг эх асран хамгаалагчийн үүрэг” сэдвээр, Гэр бүлийн хүчирхийлэл, хүүхдийн гэмт хэргээс урьдчилан сэргийлэх байцаагч, цагдаагийн ахмад Ж.Баярчимэг “Хүүхдээс үйлдэж буй гэмт хэргийн шалтгаан, нөхцөл ба хуулийн хариуцлага” сэдвээр, Гэр бүлийн хүчирхийлэл, хүүхдийн гэмт хэргээс урьдчилан сэргийлэх байцаагч, цагдаагийн ахмад Ц.Мягмармаа “Ял хойшлуулах хүсэлт гаргах журам, анхаарах асуудал” сэдвээр тус тус мэдээлэл хийж, Уг сургалтанд 54 хүүхэд, тэдгээрийн эцэг эхчүүд хамрагдаж, аймгийн Хүүхэд гэр бүлийн хөгжлийн хэлтсийн мэргэжилтэн Ж.Эрдэнэчимэг хүүхэд хамгааллын чиглэлээр мэдээлэл өгч хамтран ажиллалаа.

    Сургалтанд хамрагдсан хүүхдүүдээс “Миний мөрөөдөл” ЭССЭ бичүүлж, “Уучил” сэдвээр ярилцлага өрнүүлж хүүхэд эцэг эхчүүд амжилттай оролцлоо.

  • Шатахууны 52 хоногийн нөөцтэй байна
    2015 оны 12 сарын 23
    Энэ сарын 23-ны өдрийн байдлаар улсын хэмжээнд дунджаар ердийн хэрэглээний газрын тосны бүтээгдэхүүний 52 хоногийн нөөцтэй байгаа аж. Үүнээс А-80 автобензин 69, Аи-92 автобензин 61, дизелийн түлш 43, ТС-1 36 хоногийн нөөцтэй байгаа юм байна. Уул уурхайн яамнаас мэдээлснээр хязгаар нутгуудад шатахууны үнэ 10-400 төгрөгөөр буурчээ. Дэлхийн зах зээл дээр газрын тосны үнэ буурсантай холбогдуулан 2015 оны хоёрдугаар сараас эхлэн автобензин, дизель түлшний гаалийн албан татвар 1 хувь байсныг 5 хувь болгон нэмэгдүүлсэн.

    Мөн 2015 оны 11 дүгээр сараас автобензин, дизелийн түлшний онцгой албан татварыг тонн тутамд боомт тус бүрээр ялгавартай тогтоосон. Тухайлбал А-80 болон Аи-92 автобензинд 270.000-400.000 төгрөг, дизель түлшинд 290.000-520.000 төгрөгт хүртэл татвар ногдуулсан. Үүний үр дүнд энэ сарын 5-наас эхлэн баруун, зүүн бүсийн аймгуудын шатахууны үнэ Улаанбаатар хотын үнэтэй ойролцоо төвшинд хүрлээ. Тухайлбал, баруун 5 аймагт 80-400 төгрөгөөр, зүүн бүсийн 3 аймгуудад 10-230 төгрөгөөр шатахууны жижиглэнгийн үнэ буурсан байна.
  • Прокурорын дэргэдэх Зөвлөлийн хуралдаан боллоо
    2015 оны 12 сарын 23
    Монгол Улсын Ерөнхий Прокурорын дэргэдэх Зөвлөлийн хуралдаан 2015 оны 1-дүгээр сарын 23-ны өдөр боллоо. Хуралдаанаар Прокурорын мэргэжлийн зэрэг тогтоох шаардлага, Прокурорын сургалтын хөтөлбөр, Прокурор гэмт хэргээс урьдчилан сэргийлэх ажилд оролцох аргачилсан заавар, Хэргийн тооллого хийх журмын төслийг болон 2015 оны тэргүүний прокурор шалгаруулах зэрэг асуудлуудыг хэлэлцлээ.

    Монгол Улсын Прокурорын байгууллагын тухай хуулийн 41 дүгээр зүйлийн 41.3 “Зэрэг дэв олгохдоо албан тушаалын ангилал, ажилласан хугацаа, мэргэшлийн түвшинг харгалзана“ гэж заасны гадна мөн хуулийн 42 дугаар зүйлийн 42.1-д ”Прокурорын үйл ажиллагаа, мэргэжлийн шалгаж, дүгнэх Улсын Ерөнхий прокурор толгойлсон орон тооны бус мэргэжлийн зөвлөл ажиллана“ гэж заасан хуулийн эдгээр заалтын хүрээнд прокуроруудад мэргэжлийн зэрэг тогтоож, улмаар тухайн мэргэжлийн зэрэгт нийцсэн цалингийн нэмэгдэл байж болох асуудлын талаар Улсын Ерөнхий Прокурорын орлогч, Төрийн Хууль Цаазын Шадар зөвлөх Г.Эрдэнэбат танилцууллаа. Энэхүү асуудлыг нарийвчлан судлаж, шийдвэрлэх үүрэг бүхий ажлын хэсэг байгуулж ажиллахаар зөвлөлийн хуралдаанаас шийдвэрлэлээ.

    Прокурорын Сургалтын төвөөс боловсруулсан “Прокурорын сургалтын хөтөлбөр”-ийн төсөлд зааснаар прокуророор 4 жил хүртэл ажилласан, 4-өөс дээш жил ажиллаж байгаа гэсэн 2 шатлалтайгаар прокуроруудыг сургалтанд хамруулж, жилд нийтдээ 184 цаг, 23 кредит цагийн сургалт явуулсан байхаар тусгасан байна.

    Түүнчлэн прокурорын сургалт нь нэгдсэн сургалт, салбар эрх зүйн сургалт, цахим бүртгэлийн сургалт, дадлагажуулах сургалт гэсэн хэлбэртэй байхын зэрэгцээ зөвлөлийн гишүүдээс гаргасан саналын дагуу ажлын байрны буюу зорилтот сургалт гэсэн хэлбэртэйгээр сургалтыг зохион байгуулж байхыг “Прокурорын сургалтын хөтөлбөр“-т тусгахаар тогтов. Прокурор гэмт хэргээс урьдчилан сэргийлэх ажилд оролцох аргачилсан заавар, Хэргийн тооллого хийх журам”-ын төслүүдийг тус тус хэлэлцэж баталлаа.

    Зөвлөлийн хуралдаанаар 2015 онд эрхэлсэн ажилдаа идэвхи, зүтгэл гаргаж ажилласан прокуроруудыг шагнаж урамшуулахаар тогтов.
  • S Outlet’s дэлгүүрийн ноход дахин хүн рүү халджээ
    2015 оны 12 сарын 23
    S Outlet’s дэлгүүрийн үйлчлүүлэгч эмэгтэй тус газрын хоёр нохойд уржигдар оройн 19.00 цагийн үед уруулсан хэрэг гарчээ. Энэ талаар хохирогч иргэн “Пээш энэ нохойг яаж сургаад яргачин болгочихдог байна аа. Урд нь хүн урсан гээд цагдаад тэмдэглүүлсэн ч ямар ч арга хэмжээ аваагүйгээс болж дахин хүн урсан байна. Нохой нь хүн урчихаад байхад хохино гээд эзэд нь сууж байх юм. Урсан ч гэж, биеийнх нь зарим хэсгийг өм хазаж идсэн байна. Бүр куртканых нь халаасанд байсан утсыг хүртэл соёо нь ороод хага хазчихсан. Энэ чинь хүний амь нас, эрүүл мэндийн талаарх асуудал шүү дээ. S Outlet’s дэлгүүр хаах цаг нь болоогүй, дөнгөж 19 цаг болж байхад банхар, боксер 2оо сул тавиж хүн бариулсан аймшигт явдал гарсан байна. Уруулж хазуулаад орилж чарлаад амь тэмцэж байхад хэн ч гарч ирж туслаагүй, түргэн ч дуудаж өгсөнгүй. 102 бүр хүний амин чинээ тоосонгүй 103 руугаа л ярь гэсэн. Маш ихээр цус алдсан болохоор аминд нь ч хүрэх магадлалтай байсан шүү дээ...

    Энэ аймшигт нохдын эздэд хариуцлага тооцох хэрэгтэй биз дээ? Нохдоосоо ч дор сэтгэлгээтэй тэр хүмүүст хариуцлага тооцуулж, бусаддаа анхааруулга болгож болгоомжлуулах зорилгоор энэ постыг шэйр хийгээрэй найзуудаа.

    S Outlet’s дэлгүүрийнхний хүн чанар хаа байна аа” хэмээн өөрийн цахим хуудаснаа нийтэлжээ.

    Үнэхээр ч тус дэлгүүрийн хашаанд уяатай ноход байдгийг үйлчлүүлэгчид нь мэдэх биз. Үйлчилгээний байгууллага үүдэндээ ноходтой байх, ноход нь үйлчлүүлэгчдийг айлгах, эрүүл мэндэд нь халдах эрсдэлийн талаар бид эргэн мэдээлэх болно.
  • Шатахууны үнэ хамгийн доод хэмжээнд хүрлээ
    2015 оны 12 сарын 23
    Шатахууны үнэ хамгийн доод хэмжээнд хүрлээ
  • Багануурын цахилгаан станцын бүтээн байгуулалт эхэллээ
    2015 оны 12 сарын 23
    Багануурын цахилгаан станцын бүтээн байгуулалт эхэллээ
  • Шилдэг СЕО-нууд Хөдөлмөрийн үндэсний намыг сонголоо
    2015 оны 12 сарын 23
    Шилдэг СЕО-нууд Хөдөлмөрийн үндэсний намыг сонголоо
  • Авлигатай тэмцэх газар 2015 оны ажлаа дүгнэн хэлэлцэв
    2015 оны 12 сарын 23
    Авлигатай тэмцэх газрын албан хаагчид 2015 онд хийсэн ажлаа өнөөдөр дүгнэн хэлэлцлээ. Авлигатай тэмцэх газар 2015 онд авлигаас урьдчилан сэргийлэх, олон нийтийг соён гэгээрүүлэх, албан тушаалтнуудын хувийн ашиг сонирхлын болон хөрөнгө, орлогын мэдүүлгийг бүртгэх, мэдээлэх, хянан шалгах, авлигын гэмт хэргийг илрүүлэх, мөрдөн шалгах чиглэлээр авлигын эсрэг хууль тогтоомжид заасан чиг үүргээ хангалттай түвшинд хэрэгжүүлж ажилласан талаар тус газрын Тамгын хэлтсийн дарга, эрхэлсэн комиссар З.Баасанням мэдээллээ.

    Тайлангийн хуралд Мөрдөн шалгах хэлтсийн дарга, эрхэлсэн комиссар Ө.Энхтөр “Ирэх онд эрүүл мэндийн салбарт авлигаас урьдчилан сэргийлэх ажлыг түлхүү явуулах шаардлагатай. Та бид улс орон, ард иргэдийн өмнө хүлээсэн үүргээ хариуцлагатай гүйцэтгэхэд анхаарч ажиллая. Хэдийгээр хүндрэлтэй нөхцөл байдал байгаа ч албан тушаалын гэмт хэргийг илрүүлэх чиглэлээр 2016 онд улам үр бүтээлтэй ажиллах болно” гэсэн бол Хяналт шалгалтын албаны дарга, ахлах комиссар Л.Сүх-Очир “Хяналт шалгалтын чиглэлээр манай ажилтнууд тун ачаалалтай ажилласан. Цаашид бид цахим гарын үсгийн системийг нэвтрүүлэх, төрийн албан хаагчдын амьдралын хэв маягийг судлах, нуугдмал хөрөнгийг илрүүлэх чиглэлээр анхаарч ажиллах болно” гэлээ. Судалгаа шинжилгээний албаны дарга, ахлах комиссар Д.Дуламсүрэн мэдлэг, боловсролоо улам бүр дээшлүүлж, эрдэм шинжилгээ, судалгааны бүтээлүүд уншиж, ажил албандаа бүтээлчээр ашиглахыг байгууллагын албан хаагчдад зөвлөв.

    Авлигатай тэмцэх газрын дарга, тэргүүн комиссар Н.Ганболд “2015 он амаргүй жил байлаа. Ирэх он биднийг улам ч их сорино. Албан хаагчид дор бүрнээ санаачилгатай, эрч хүчтэй, үр бүтээлтэй ажиллах шаардлагатай. Манай улсад авлигын нөхцөл байдал хүнд хэвээрээ байна. Гэхдээ энэ нь бид алдаа гаргасан юм уу, эсвэл ажиллахгүй байгаа гэсэн үг биш. Улс төрийн нөхцөл байдал, төрийн албаны томилгоо зэрэг асуудал нөлөөлж байгаа. Ирэх онд төсвийн хэмнэлттэй горимын дагуу ажил албаа илүү хэмнэлттэй, үр дүнтэй, мэдээллийн технологийг түлхүү ашиглаж гүйцэтгэхэд албан хаагч бүр анхаарч ажиллах ёстой” гэж хэлэв.

    Хурлын төгсгөлд 2015 онд бусдыгаа манлайлан ажилласан Б.Бат-Олзвой, О.Амарзаяа, Г.Жамц, Э.Батбаяр, Г.Ганбаатар, Ч.Жаргалбаатар, Б.Бат-Отгон, Б.Тэрбиш нарын албан хаагчдыг Авлигатай тэмцэх газрын даргын тушаалаар шагнаж урамшууллаа.
  • Энэ жил гэмт хэргийн гаралт 5.5 хувиар буурчээ
    2015 оны 12 сарын 23
    Улаанбаатар хотын хэмжээнд энэ жил гэмт хэргийн гаралт 5.5 хувиар буурсан дүнг Цагдаагийн байгууллагаас мэдээлж байна. Хулгай дээрмийн гэмт хэрэг өссөн үзүүлэлттэй гарсан бол хүнд болон онц хүнд гэмт хэрэг буурчээ.

    Цагдаа болон холбогдох газруудаас гэмт хэргийн гаралтыг бууруулахаар ажиллаж байгаа ч иргэдийн сонор сэрэмжгүйгээс үүдэн зарим төрлийн гэмт хэргийн гаралт буурахгүй байна гэж Улаанбатар хотын цагдаагийн газрын Урьдчилан сэргийлэх хэлтсийн дарга н.Хосбаяр хэллээ.

    Хөршийн хяналт, оюутан цагдаа, иргэдийн оролцоотойгоор гудамж, талбайд эргүүл ажиллуулж байна. Энэ нь гэмт хэргийн гаралт буурах нэг түлхэц болж байгааг Цагдаагийн албан хаагчид хэллээ.
  • ”Монгол банк”-ны тэргүүн дэд ерөнхийлөгч ажлаасаа чөлөөлөгдөх хүсэлтэ өргөн барьжээ
    2015 оны 12 сарын 23
    Монголбанкны Тэргүүн дэд ерөнхийлөгч Б.Жавхлан ирэх оны нэгдүгээр сарын нэгний өдрөөс үүрэгт ажлаасаа чөлөөлөгдөх хүсэлт гаргажээ.

    Тэрбээр УИХ-ын Сонгуулийн тухай хуулийн 26.6 дахь заалтыг үндэслэн ажлаас чөлөөлөгдөхөөр болсон байна. Өөрөөр хэлбэл, УИХ-ын гишүүнд нэр дэвших бол сонгуулийн жилийн нэгдүгээр сарын нэгний өдрөөс өмнө төрийн албанаас болон ажил, албан тушаалаасаа чөлөөлөгдөнө гэсэн хуулийн заалттай нийцүүлж өргөдлөө гаргасан байна.

    Түүнчлэн энэ тухайгаа Монголбанкны Ерөнхийлөгч Н.Золжаргалтай зөвшилцсөн гэдгээ өргөдөлдөө тусгасан байна.

    Иймд УИХ-ын Эдийн засгийн байнгын хорооны өнөөдрийн хуралдаанаар уг асуудлыг авч хэлэлцээд Б.Жавхланг үүрэгт ажлаас нь чөлөөлөхийг 66.7 хувийн саналаар дэмжлээ.

  • МҮОНРТ-ийн Үндэсний зөвлөлд нэр дэвшигчдийг хэлэлцэв
    2015 оны 12 сарын 23
    МҮОНРТ-ийн Үндэсний зөвлөлийн гишүүдийг нэр дэвшүүлэв
    2015 / 12 / 23 | 13:53 | Нийтэлсэн: Н.Гантуяа | 0

    МҮОНРТ-ийн Үндэсний зөвлөлийн гишүүдийн сул орон тоонд нэр дэвшигчдийг Төрийн байгуулалтын байнгын хорооны хуралдаанд танилцуулж, хэлэлцүүллээ.

    Тус Үндэсний зөвлөлийн гишүүнээр ажиллаж байсан Д.Ганбатын бүрэн эрхийн хугацаа дууссан, Г.Сосорбарам, Б.Цэнддоо нар өөрсдийн хүслээр албан тушаалаа өгсөн учир тэдний оронд гурван хүнийг нэр дэвшүүлэх шаардлагатай болжээ. Тиймээс Монгол Улсын Ерөнхийлөгчөөс МЗЭ-ийн Удирдах зөвлөлийн гишүүн, МСЭ-ийн Удирдах зөвлөлийн гишүүн Б.Галаарид, ”Цахим өртөө” ТББ-ын Удирдах зөвлөлийн гишүүн, МУИС-ийн багш С.Санасэр, ”Икэл сан” ТББ-ын тэргүүн Ж.Соёл-Эрдэнэ нарыг дээрх орон тоонд нэр дэвшүүлсэн байна.

    Нэр дэвшигчдийг томилох асуудлыг байнгын хорооны хуралдаанаар хэлэлцэж, УИХ-ын гишүүд асуулт асууж, санал хэлсэн юм. Гишүүдийн зүгээс Үндэсний зөвлөлийн гишүүнд нэр дэвшигчдэд хандан МҮОНРТ-ийн нийтлэл нэвтрүүлгийн бодлого, агуулгаас улс төржилтийг хол байлгах, эрх баригч намаас хараат бус байх асуудлыг онцгой анхаарч ажиллах, МҮОНРТ-ийн хуулийг гажуудуулахгүй, доголдолгүй мөрдөх, байгууллагын төсвийг зөв зохистой зарцуулах шаардлагатай гэдгийг захиж байв. Мөн нийтлэл нэвтрүүлгийг үндэсний соёл, уламжлалаа хадгалсан хэлбэрээр явуулж, дотоодын бүтээсэн нэвтрүүлэг, киног түлхүү гаргах хэрэгтэйг хэллээ.

    Ингээд гишүүд санал хэлж дууссаны дараа Төрийн байгуулалтын байнгын хорооны хуралдаан завсарлаж, үдээс хойш санал хураалт явуулах болов. Үүний дараа Сонгуулийн хуулийн төсөл, УИХ-ын гишүүн Р.Бурмаа нарын 16 гишүүн, Су.Батболд нарын 7 гишүүн О.Баасанхүү нарын 10 гишүүний өргөн мэдүүлсэн УИХ-ын сонгуулийн тухай хуульд нэмэлт, өөрчлөлт оруулах тухай хуулийн төслүүдийн анхны хэлэлцүүлгийг эхлүүлнэ.
  • Орон сууцны 8 хувийн зээлийг зогсоосон асуудлаар хэн, юу хэлэв
    2015 оны 12 сарын 23
    Монголбанкны Тэргүүн дэд ерөнхийлөгч Б.Жавхлан ирэх оны нэгдүгээр сарын нэгний өдрөөс үүрэгт ажлаасаа чөлөөлөгдөх хүсэлт гаргажээ.

    Тэрбээр УИХ-ын Сонгуулийн тухай хуулийн 26.6 дахь заалтыг үндэслэн ажлаас чөлөөлөгдөхөөр болсон байна. Өөрөөр хэлбэл, УИХ-ын гишүүнд нэр дэвших бол сонгуулийн жилийн нэгдүгээр сарын нэгний өдрөөс өмнө төрийн албанаас болон ажил, албан тушаалаасаа чөлөөлөгдөнө гэсэн хуулийн заалттай нийцүүлж өргөдлөө гаргасан байна.

    Түүнчлэн энэ тухайгаа Монголбанкны Ерөнхийлөгч Н.Золжаргалтай зөвшилцсөн гэдгээ өргөдөлдөө тусгасан байна.

    Иймд УИХ-ын Эдийн засгийн байнгын хорооны өнөөдрийн хуралдаанаар уг асуудлыг авч хэлэлцээд Б.Жавхланг үүрэгт ажлаас нь чөлөөлөхийг 66.7 хувийн саналаар дэмжлээ.

  • ЭЗ-ийн байнгын хорооны даргад Ц.Баярсайханыг дэмжлээ
    2015 оны 12 сарын 23
    http://news.gogo.mn/r/176379
  • Театр хүүхдийн гайхам цагаан ертөнцөд умбаж байна
    2015 оны 12 сарын 23
    Селиста гүнж, Селиста гүнж хэмээн дуудах хүүхдүүдийн цовоо цангинасан дуу театрын танхимыг дүүргэнэ...
    Нийслэлийн соёл урлагын газрын дэмжлэгтэйгээр 2015 онд байгуулагдсан Улаанбаатар хотын хүүхдийн театр ерөнхий найруулагч УДЭТын жүжигчин найруулагч СТА Сугарын Болд-Эрдэнийн удирдлага дор мэргэжлийн жүжгийн баг “My Little Pony” компанийн албан ёсны эрхтэйгээр “Сүлд модны наадмыг аварсан нь” нэртэй хүүхдийн жүжгийн нээлт Тусгаар тогтнолын ордоны тайзнаа хийгдлээ.
    Эрэлхэг, зоригтой, хөгжилтэй, ухаантай, шударга,нөхөрлөлийг илэрхийлэх дүрүүд Селиста гүнжийг авархаар гарч ирээд Эрэлхэг: Хүүхдүүдээ Селиста гүнжийг хэн авсан бэ? Гэж асуухад хүүхдүүд харанхуйд уусаад алга болчихсон Луна гүнж аваад явчихсан авраарай, авраарай гэж зэрэг хашгирна...
    Найруулагч энэ жүжгээр хүүхэд багчуудад зөв хүмүүжил төлөвшил олгох жинхэн нөхөрлөл, хүний сайхан чанар бие биедээ туслах, хайрлах, нөхөрлөл, гэр бүл хамт олон болон хүүхдийн хүрээлэн буй орчиныг эерэг сайн сайхан талаас нь харуулыг зорьжээ.
    Луна гүнжээс Селиста гүнжийг аврахын тулд Эрэлхэг, зоригтой, хөгжилтэй ухаантай, шударга, нөхөрлөл бүгдээрээ урлагын тэмцээн зохиоход Луна гүнж ялагдаж. Найзууд Селиста гүнжээ аварч сүлд модны наадмаа эхлүүлнэ...
    Жинхэнэ, жинхэнэ нөхөрлөл бол тус юм
    Найздаа туслах нь нөхөрлөл юм
    Жинхэнэ, жинхэнэ нөхөрлөл цацраг гэрлийн туяа юм... гэж Селиста гүнж дуулахад хүүхдүүд бүгд хамтдаа дуулж театр хүүхдийн гайхам цагаан ертөнцөд умбасан юм. Жүжиг өндөрлөж хүүхдүүд өвлийн өвөөгөөс бэлгээ авч баяр хөөрөөр дүүрэн үлгэрийн баатрууддаа цовоо дуугаар “Баярлалаа...” гэж талархалаа илэрхийлж байлаа...
    Энэхүү уран бүтээлийн Селиста гүнжид жүжигчин З.Нарантуяа, Луна гүнжид Ч.Нямдулам нар болон олон залуу жүжигчид сэтгэл санаа нийлэн хүүхэд багчуудаа өргөн барисан бөгөөд мөн цаашид ч Улаанбаатар хотын хүүхдийн театр хүүхэд багачуудаа зориулан олон уран бүтээлүүдийг хүргэхээр зорьж байна.

  • А.Бакейг улираан сонгохыг дэмжив
    2015 оны 12 сарын 23
    УИХ-ын Төрийн байгуулалтын байнгын хорооны хуралдаан 12.00 цагт 52.6 хувийн ирцтэйгээр эхэллээ.

    Хуралдааны эхэнд Су.Батболд, Д.Лүндээжанцан гишүүдийн гаргасан саналыг үндэслэн хэлэлцэх асуудлын дараалалд Байнгын хорооны даргыг сонгох, МҮОНРТ-ийн Үндэсний зөвлөлийн гишүүнийг томилох болон Сонгуулийн тухай хуулиудыг үлдээн бусад асуудлыг хойшлууллаа. Ингэснээр Ард нийтийн санал асуулга явуулах тухай хууль, Хяналтын тухай хууль, Нийтээр тэмдэглэх баярын тухай хуульд өөрчлөлт оруулах зэрэг асуудал дараагийн хуралдаан хүртэл хойшлов.
    Ингээд хуралдаан эхэлж, тус байнгын хорооны даргаар УИХ-ын гишүүн А.Бакейг улираан сонгохыг гишүүдийн олонх дэмжиж томиллоо.
    Одоо МҮОНРТ-ийн Үндэсний зөвлөлийн гишүүнийг томилох асуудлыг хэлэлцэж байна.
  • Москвад огцом дулаарчээ
    2015 оны 12 сарын 23
    Москвад огцом дулаарчээ
5885 5886 5887 5888 5889 5890 5891
  • Шинэ
  • Их уншсан
  • Их сэтгэгдэлтэй
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
    6 цаг 46 мин
  • Үндэсний аврах бригад Имарттай хамтран 3,500 айл өрхөд угаарын хийн мэдрэгч суурилуулна
    7 цаг 44 мин
  • Европын 23 орны 23 киног БНСУ-ын Сөүл хотод үнэ төлбөргүй толилуулна
    8 цаг 48 мин
  • Монгол улсын шигшээ багийн тамирчин Алтангэрэлийн Азбаяр Японы B.LEAGUE-ын "ASIA ALL-STARS" багийн бүрэлдэхүүнд шалгарчээ
    9 цаг 5 мин
  • Үнэт цаасны арилжаа түүхэн дээд үзүүлэлтэд хүрлээ
    9 цаг 11 мин
  • У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
    9 цаг 40 мин
  • Монгол улсын шигшээ багийн тамирчин Ч.Маргад эх орондоо ирлээ
    10 цаг 53 мин
  • "Доха" олон улсын кино наадам эхэллээ
    11 цаг 54 мин
  • Дэлхийн тайзанд шилдэг 20-т бичигдэж байгаа О.Намуунаа дараагийн шатанд үлдэхийн тулд олон нийтээс өндөр санал авах шаардлагатай байна
    12 цаг 26 мин
  • 8660 хүүхэд гэртээ ойр суралцаж, анги дүүргэлтийн асуудал буурсан үзүүлэлттэй байна
    12 цаг 44 мин
  • "Өмнөговийн Хүлэгүүд" баг Зүүн Азийн супер лигийн хоёр дахь тоглолтдоо 29 онооны хожигдлоос эргэн ирсэн ч хожигдол хүлээлээ
    13 цаг 22 мин
  • Д.Трамп Ши Жиньпин, В.Путин нартай түүхэн уулзалт хийхийнхээ өмнө Филиппин саатлаа
    15 цаг 0 мин
  • 13 жилийн хүлээлтийн эцэст “Grand Theft Auto 6” тоглоом дэлхий даяар нээлтээ хийлээ
    15 цаг 44 мин
  • Мьянмар улс Рохинжа үндэстний цөөнхийн эсрэг хийсэн үйлдлийнхээ төлөө геноцидын хэрэгт хариуцлага хүлээх анхны улс болно
    16 цаг 5 мин
  • Японы Кюүшюү аралд 5.3 магнитудын хүчтэй газар хөдөлжээ
    16 цаг 6 мин
  • Дэлхийн олон орны иргэд Монголчуудад цагаан “атаархав”
    16 цаг 9 мин
  • ХЭҮК: Хаврын морин уралдааныг сэргээх хуулийн төслийг дэмжихгүй
    16 цаг 15 мин
  • Жүдо бөхийн залуучуудын ДАШТ-д зодоглох Монголын 18 бөх
    16 цаг 23 мин
  • Дэлхийн хамгийн хүнд жинтэй эрэгтэй "Жон Брауэр Миннок" нь ойролцоогоор 635 кг жинтэй байжээ
    16 цаг 34 мин
  • Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна
    16 цаг 42 мин
  • Хайрын дууч С.Сэрчмаагийн тухай 24 баримт
  • Л.Батлут: Улс эх орны эрх ашгаас илүү албан тушаал гэж үгүй
  • Өнөөдөр төв болон зүүн аймгуудын нутгаар нойтон цас орж, шуурна
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
  • Өнөөдөр нутгийн баруун өмнөд хэсгээр цас орно
  • УИХ-ын гишүүн Х.Болормаа “Нээлттэй парламент” танхимд хоёр дахь удаагаа ажиллав
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • Жүдо бөхийн залуучуудын ДАШТ энэ сарын 19-нд эхэлнэ
  • Б.Хурцын эхлүүлсэн шинэ зам буюу “Их эвсэл”
  • Боксын гурван удаагийн дэлхийн аварга Хорхе Линаресыг АНУ-ын цагаачлалын албаныхан саатуулжээ
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • Одоо л С.Бямбацогтыг дэмжихгүй бол оройтож мэдэх нь!
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Б.Хурцын эхлүүлсэн шинэ зам буюу “Их эвсэл”
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Одоо л С.Бямбацогтыг дэмжихгүй бол оройтож мэдэх нь!
  • З.Мэндсайхан: 2027 оны төсөв иргэдийнхээ орлогыг хамгаална
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • ФАКТ: Г.Дамдинням сайдын барьсан "iPhone Duo" гар утас дунджаар 10 сая төгрөгний үнэтэй
  • П.Батчимэг: Ирэх оны төсвийг 41.5 их наядын алдагдалтай батласан нь татвар төлөгчдийг улам сөхрүүлэх арга гэхээс өөр үг алга
  • Ерөнхий сайдын мэдээллээс онцлох 10 ЭШЛЭЛ
  • ТББХ: Ерөнхийлөгчийн чөлөөлөгдөх хүсэлтийг дэмжсэн болон дэмжээгүй гишүүд
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • Э.Одмөнх: Төрийн ёслолын дэг журамд "бөхчүүдийн гарыг арчуулах" гэсэн зүйл байхгүй
  • Ойрын 10 хоногийн цаг агаарын урьдчилсан ТӨЛӨВ
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • Улаанбаатарт 168,000 орчим эзэнгүй нохой, муур байна
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
24 баримт
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
  • Дэлхийн хамгийн хүнд жинтэй эрэгтэй "Жон Брауэр Миннок" нь ойролцоогоор 635 кг жинтэй байжээ
  • Ерөнхий сайдын мэдээллээс онцлох 10 ЭШЛЭЛ
  • 24 БАРИМТ: Дэлхийн гүнжүүдийн тухай сонирхолтой түүхүүд
  • Хайрын дууч С.Сэрчмаагийн тухай 24 баримт
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК