“Ийгл” телевизийн сэтгүүлч Т.Алтаншагай, “Иргэдийн шударга шүүх” ТББ-ын тэргүүн Х.Бат-Ялалт нар өнөөдөр УИХ-ын гишүүн Л.Эрдэнэчимэгийн талаарх бичлэгийг олон нийтэд цацсан нь шуугиан тариад байгаа билээ. Уг бичлэгийг үзсэн хүн бүр өөр, өөрийн өнцгөөр хүлээж авч байна. Ялангуяа сонгууль дөхсөн энэ үед өрсөлдөгч талаас ирж буй хар пи ар гэж хэлж болох. Гэвч уг бичлэгийг тухайн үед гар утсандаа бичиж олон нийтэд цацсан хүнийг УИХ-ын гишүүн Г.Уянгыг гэх хүн олон байна. Ингэхдээ Л.Эрдэнэчимэгийн нэр дэвшиж буй 72 дугаар тойрогт бие даан нэр  дэвшиж байгаа “Ийгл” телевизийн сэтгүүлч Т.Алтаншагай, 71 дүгээр тойрогт бие даан нэр дэвшиж байгаа “Иргэдийн шударга шүүх” ТББ-ын тэргүүн Х.Бат-Ялалт нартай хамтран ийм үйлдэл хийсэн аж.

Г.Уянга гишүүний хувьд гар утсаа алдсан гэх мэдүүлгийг цагдаагийн байгууллагад өгсөн гэх мэдээлэл ч гарч эхлэв. Үнэхээр Г.Уянга гишүүн энэ бичлэгийг тараасан бол улс төрч, эмэгтэй гишүүний хувьд увайгүй зан гаргасан хэрэг биш гэж олон нийт шүүмжилж байна. Хэдийгээр төрд биднийг төлөөлж суугаа эрхмүүд албан өрөөндөө архидан согтуурч байгаа нь буруу ч ууж, идэх нь бол хүний эрхийн асуудал. Харин Г.Уянга гишүүн зэрэгцэж суучихаад хаяагаа хадарч, хамтдаа 4 жил нэг танхимд суусан нэгнээ ингэж чадсан бол улс төрч хүний хувьд хүн чанаргүй, ёс зүйгүй үйлдэл мэт болжээ.

Н.ЖАРГАЛ