Үндэсний өв соёл, ёс заншилаар амьсгалсан энэ өдрүүдэд ажлынхантайгаа, найзуудаараа эсвэл гэр бүлээрээ ямар нэг монгол орчинтой газар зоог барихаар төлөвлөж байна уу?. Таны амралтанд зориулж талын монголчуудын эдлэл хэрэглэлээр чимэглэж, эргэн тойрондоо нүүдэлчдийн уур амьсгалыг бүрдүүлсэн 5 рестораныг танилцуулъя.
Монгол гүнцэг
Монгол ахуйг харуулсан тохижолттой, жуулчидад зориулсан үзмэрүүд, эртний гэр вип, монгол үндэсний хоолны тусгай меню тэнд бий.
Монгол арт
Эсгий чимэглэл, зэрлэг амьтны эвэр, галт бамбар мэт дэнлүү зэрэг нь эртний монгол ахуйг санагдуулам. Морин тэрэгний рам, үдүүр, хөхүүр, домбо, бөөгийн хэрэгсэл, баяд эмээл, хун хуур зэрэг хуучны эдлэл болон гар хийцний эд зүйлсийг үзмэр болгон тавьж монголчуудын түүхэн уламжлалыг харуулжээ. Тус ресторан нь олон төрлийн монгол хоол, амттанаар үйлчилдэг.
Mongolian’s Pub and Restaurant
2009 онд байгуулагдсан энэхүү
ресторан нь гадаадаас монголд оршин суугчдын үйлчлүүлэх дуртай газруудын
нэг. 620 төрлийн 1000 орчим үндэсний үзмэр, чимэглэлтэй энэ ресторан
руу ороход яг л музейд байгаа мэт мэдрэмж төрүүлнэ. Нүүдэлчдийн ахуйг
цогцоор нь харуулсан энэ зоогийн газарт “Юндэн Гөөгөө” цуйван, “Хонгор
сэтгэл” үхрийн шарсан хэл, “Цахиур төмөр” үхрийн жигнэсэн хавирга зэрэг
өвөрмөц нэртэй монгол хоолнуудаар үйлчилдэг.
Nomad Legends
Nomad Legends
Номад Лежендс бол Монгол тохижилттой VIP клуб.
Тиймдээ ч тэнд зочдынхоо тав тухыг дээд зэргээр эрхэмлэж, жинхэнэ VIP
үйлчилгээг үзүүлдэгээрээ ялгардаг. Тэнд ажил хэргийн лобби хийх, найз
нөхдийн аминчхан яриа өрнүүлэх, зөвхөн халуун ам бүлээрээ байх хүсэлтэй
үйлчлүүлэгчдэд зориулсан орчинг бүрдүүлсэн бөгөөд өрөөнүүд нь зочин
бүрийн хүсэл, сонирхолд нийцсэн нууцлагдмал, тусгаар, гадны саад,
нөлөөллөөс ангид орчныг бүрдүүлсэн юм. Тийм ч учраас улс төр, нийгэм,
урлаг соёлын салбарын олонд цуутай хүмүүс энэхүү ресторанаар үйлчлүүлэх
нь элбэг байдаг.
Модерн номадс
Домогт нүүдэлчдийн давтагдашгүй жор... Номадсын
Сүлжээний хамгийн анхны ресторан болох “Modern Nomads” монгол хоолны
ресторан нь Монгол үндэсний уламжлалт хоолыгорчин үеийн технологиор
бэлтгэн боловсруулж гадаад дотоодын зочдод монгол орны соёлын үнэт
уламжлал, нүүдэлчдийн хоолны уламжлал, хэв маяг, амт, хийх урлагийг
таниулж буй ресторан билээ. Номадсын төрсөн өдрийн эзэнг үнэгүй дайлдаг
уламжлал болон, амралтын өдрүүдийн гэр бүлийн урамшууллыг мэдэхгүй хүн
цөөхөн биз. Д.Ундрах 24tsag.mn
Сэтгэгдэл (1)