Энэ оны төсөвт нийгмийн халамжийн тэтгэмжит хөтөлбөрүүдийг багтаан баталсан билээ. Өчигдрөөс буюу нэгдүгээр сарын 1-ний өдрөөс Цалинтай эх хөтөлбөр хэрэгжиж эхэлсэн юм.

Жирэмсэн эхийн тэтгэмж авч байсан иргэн хүүхэд төрөнгүүт 0-3  хүртэлх насны хүүхэд асарсны тэтгэмж 50 мянган төгрөг авах хүсэлтээ сум, хорооны нийгмийн ажилтанд дараах бичиг баримтыг бүрдүүлж өгнө.

Үүнд  Өргөдөл;

1 хувь зураг;

иргэний үнэмлэх, хуулбарын хамт;

хүүхэд эсэн мэнд бойжиж байгаа тухай өрх, сум, тосгоны эрүүл мэндийн төвийн эмчийн тодорхойлолт;

хүүхдийн төрсний гэрчилгээ, хуулбарын хамт;

Хөдөлмөрийн тухай хуулийн 106.1-д заасны дагуу хүүхэд асрах чөлөөтэй байгаа бол чөлөө олгосон тухай ажил олгогчийн тушаал, хуулбарын хамт; баг,хорооны Засаг даргын тодорхойлолт  бүрдүүлж өгнө.  Үүний дагуу хороондоо хэрхэн өргөдөл бичих зааварыг оруулж байна.