Халаа сэлгээний ажил ид дундаа явагдаж байна. Хоёрдугаар ээлж хоолондоо гэдэг үг санаанд буух. У.Хүрэлсүхийн улс төрийн бодлого, албан тушаалын бууны овоо хараанд төрийн нарийн бичгүүд хараалагджээ. Өөрөө хэлбэл, халаа сэлгээ төрийн “нарийхнуудаар” үргэлжилсээр. Төр засаг эмхлэгдлэн байгуулагдсанаас хойшхи хоёр дахь засаглал 100 дахь хоногтойгоо золгох гэж байна. Улс төрийн бялуу хүртэгсэд ажлаа авснаас хойш засаг гэх нэртэй бялууны хэрчмийг хоолонд ороогүй “өлсгөлө”н яваа нөхдүүдэд хуваасаар.  Тодруулбал, халаа сэлгээ нэрийн дор энэхүү үйл ажиллагаа явагдана. Нэгийг нөгөөгөөр оруулах зарчим юм.

У.Хүрэлсүхийн засаглал тогтносоноос хойшхи хугацаанд төрийн нарийн бичгийн дарга нарын халаа хийгдэх болов. Сангийн яам, ХХААХҮ-ийн яамны төрийн нарийн бичгийн дарга нар үүрэгт ажлаасаа чөлөөлөгдсөн. Тэгвэл өнгөрөгч баасан гарагт Эрүүл мэндийнхийг хусчихлаа. Өөрөөр хэлбэл, М.Энхболдтой тун ойр байдаг нэгэн болох Д.Очирбатыг ажлаас нь халж, гудманд лааз өшиглө хэмээн няслав. Түүний орыг залгах хүн ч мундахгүй нь лавтай.

Энэ мэтээр М.Энхболдын шахааны хүмүүсийг ээлж дарааллан нясалж байгаа. Тэгвэл дараагийн эрхэм хэн бэ гэдэг анхаарал татна. Бусад яамны төрийн нарийн бичиг нар ч намайг яах бол гэсэн айдастай яваа. Магадгүй өнөөдөр ажилтайгаа байгаа ч маргааш баяртай болох хүмүүс ч олон байгаа биз ээ. 

Дараагийн удаад оочер дарааллаа хүлээж, улс төрийн албан тушаалаасаа хагацаж, золигт гарах эрхэм хэн байх бол.