09.00 цагт “Бишрэлт” зочид буудалд “Төрийн захиргаа болон нутгийн удирдлагын байгууллагын чиг үүргийг дахин хуваарилах аргачлал” зөвлөгөөн болно.

09.00 цагт Мэргэжлийн хяналтын ерөнхий газар, Эрүүл ахуй, цацрагийн аюулгүй байдлын нийгэмлэг, Монголын Геофизикчдийн холбоо хамтран “Каротажийн хайгуул, судалгааны үеийн цацрагийн хамгаалалт, аюулгүй байдлыг хангах нь” сэдэвт сургалтыг зохион байгуулна.

11.00 цагт “Жанжин Д.Сүхбаатар” танхимд” “Засгийн газрын 100 хоног”-ийн ажлын талаар Ерөнхий сайд У.Хүрэлсүх мэдээлэл хийнэ.

11.00 цагт Шүүхийн ерөнхий зөвлөлд “Монгол Улсын шүүхийн шүүн таслах ажиллагааны 2017 оны нэгдсэн дүн”-г танилцуулнаа.

11.00 цагт Ардчилсан намын төв байранд АН-ын Нарийн бичгийн дарга О.Магнай “Засгийн газрын 100 хоног”-ийн ажилд сөрөг хүчний хийсэн үнэлэлт, дүгнэлтийг танилцуулна.

12.00 цагт Орон даяар хийрхсэн намчирхал орон нутгийн иргэдийг ахуй амьдралаас нь хөндийрүүлж байгаа тул үүнийг зогсооход чиглэсэн зохицуулалтуудыг Үндсэн хууль, улс төрийн намын тухай хууль, сонгуулийн тухай хуульд оруулж орон нутгийн сонгуульд нам оролцдоггүй болгох талаар "Намгүй сум, дүүрэг" хөдөлгөөнөөс хэвлэлийн бага хурал Монгол Ньюс мэдээллийн төвд хийнэ

13.00 цагт “Монгол ньюс” мэдээллийн төвд “Монголын сагсан бөмбөгийн холбоо”-ноос цаг үеийн асуудлаар мэдээлэл хийнэ.

14.00 цагт Спортын төв ордонд "Пёнчан-2018" өвлийн олимпийн наадамд эх орноо төлөөлөн оролцох Монголын баг тамирчидад хувцас гардуулах ёслол болно.

14.00 цагт “Улаанбаатар хөрөнгө оруулалт-2018” бизнес уулзалт болно.