"Супер" сартай шөнө өчигдөр тохиосон билээ. АНУ-ын Сансар судлалын хүрээлэнгээс энэ талаар мэдээлжээ. Сар дэлхийн сүүдэрт орох үзэгдлийг сар хиртэх хэмээдэг. Цусан улаан сарны хиртэлт Австрали улсын зүүн хэсэг, Хойд Америкийн баруун эрэг, Канад болон ОХУ-ын ази тивд орших бүс нутгийн иргэд бүтэн харсан байна.

Энэ удаагийн сар хиртэлт нь нэгдүгээр сард тохиож буй хоёр дахь үзэгдэл гэнэ. Сар хиртэлт нэг цаг орчим үргэлжилсэн бөгөөд дээрх бүс нутгийн иргэд сарны зураг авч, хэрхэн хиртэж байгааг тод харсан байна. Тэгвэл "Супер" хэмээгдэх энэ үзэгдэл 2033 онд дахин тохиох юм байна.