Парламентад олонхийн суудалтай нам төр засгийн эрх мэдлээ хэрэгжүүлж чадахгүй байгаа талаар сөрөг хүчний зүгээс илэрхийлсээр байгаа. Аливаа бодлого шийдвэр гаргахдаа иргэдийнхээ амьдрал, амьжиргааг бодолцохгүйгээр шийдэж байгаа учраас тэд ийнхүү эсэргүүцэж эхэлсэн. Өчигдөр АН-ын дарга С.Эрдэнэ хэвлэлийн хурал хийх үеэрээ “АН болон бусад улс төрийн нам, төрийн бус байгууллагуудтай хамтарч тулгамдаад байгаа асуудлуудаар Засгийн газарт шаардлага хүргүүлсэн боловч хариу ирүүлээгүй учир маргааш буюу хоёрдугаар сарын 1-ний өдөр жагсаал зохион байгуулна” гэдгээ мэдэгдсэн юм. Тиймээс өнөөдөр уг жагсаал болно.

Энэхүү эсэргүүцлийн жагсаал дан ганц нийслэл хотод бус 21 аймагт зохион байгуулагдах аж. Тиймээс жагсаалтай холбоотойгоор Төрийн ордны орчмын автозамын хөдөлгөөнийг хязгаарлаж, хамгаалалтад аваад байна.