Өмнөговь аймгийн төв Даланзадгад суманд монгол инженерүүдийн бүтээсэн эко автобус нийтийн тээврийн үйлчилгээнд  гарлаа.

Уг автобусыг “Номин холдинг”-ийн салбар “Эколог бус” компанийн хамт олон үйлдвэрлээд байгаа ажээ. Уг автобус нэг бүр нь 50 сая орчим төгрөгийн үнэтэй бөгөөд найман автобус Даланзадгад суманд нийтэд үйлчлэхээр болов.  Даланзадгад сумд хувийн таксинаас өөр нийтийн тээвэр үйлчилгээ байдаггүй учраас алслагдсан гэр хорооллоос иргэд, хүүхдүүд ажил, сургуульдаа явах нь хүндрэлтэй байсаар иржээ.  Үүнд нутгийн иргэд баяртай байна.

Даланзадгад сумыг нийтийн тээвэртэй болгох энэ хөтөлбөрийг “Оюутолгой” компани санхүүжүүлжээ. Хөтөлбөрийн хүрээнд цаашид эдгээр найман автобусны ашиглалтын зааварчилгааны сургалт явуулах, автобуснуудад Монгол-GPS загварын байршил тогтоогч болон цахим төлбөрийн тоног төхөөрөмж суурилуулах зэрэг үйлчилгээг ч “Оюутолгой” компани хийхээр болов. 

Хөтөлбөрийн үр дүнд Даланзадгад сумын төвийн таван  чиглэлд автобусуудыг нийтийн тээврийн үйлчилгээнд явуулж алслагдсан гэр хорооллын иргэд, хүүхдүүд ажил, сургуульдаа ирж, харихдаа хямд үнэтэй, ая тухтай автобусаар үйлчлүүлэх, хөгжлийн бэрхшээлтэй иргэд, ахмад настан дээрх автобусаар үнэ төлбөргүй үйлчлүүлэх, аймгийн төвийн агаарын бохирдлыг бууруулах зэрэг эерэг үзүүлэлтүүд гарах юм.

 Э.Мөнгөө