Бүгд Найрамдах Намын дарга Б.Жаргалсайхан тэргүүтэй төлөөлөгчид намынхаа онц их хурлыг тавдугаар сарын 4,5-нд зохион байгуулах гэж байгаа талаараа мэдээлэл хийлээ.

Монгол Улсын нийт өр 27 тэрбум ам.долларт хүрснийг Буян Жагаа өнөөдөр дуулгалаа. Эдийн засгийн хүндрэлтэй байгаа өнөөгийн нөхцөлд ядуурал, хорт хавдар, амиа хорлолт, архидан согтуурах газар авсан гэнэ. Бид ийм л нийгэмд амьдарч байна хэмээн тэрбээр халаглан ярих. Эдийн засгийн нөхцөл байдал хүндэрсэн нь өнөөгийн дарга, сайд нарын буруу бололтой. Тиймээс үүнийг зогсоох, шударга байж, төрт ёсоо сэргээхийн төлөө иргэдтэй хамтран тэмцэхийг тэр уриаллаа.

Ядууралд хүргэж байгаа гол асуудал ажилгүйдэл гэдгийг тэр тодорхойллоо. Өнөөдөр боловсролын систем нь өөрөө гажуудсан, ажилгүй дээд боловсролтой гэх дипломны гол болсон залуусаар нийгэм дүүрчээ. Тэгвэл тэднийг ажиллаж хөдөлмөрлүүлэх, ажлын байраар хангах нь нэн чухал асуудлын нэг гэдгийг онцолсон юм. Тоо баримтаар нийтдээ 170 мянга гаруй оюутан залуус их, дээд боловсхол эзэмшихээр суралцаж байна. Төгсөөд ажлын байр олдохгүй хэнд ч хэрэггүй, диплом хадгалсан нэгэн болгохгүйн тулд төр ямар нэгэн арга хэмжээ авах ёстой. Гэвч эдийн засгийн хүндрэл орон тооны цомхотгол явагдаж байгаа учир ажлын байрны хүрэлцээ тааруу болсон цаг.

Тэгвэл дээд боловсролын хэрэгцээ хүртээмж гэхээсээ илүүтэй жижиг, шаардлагагүй их дээд сургуулиудаа цөөлөх нь илүү оновчтой аж. Харин чадварлаг ажилчин ангийг бий болгох, мэргэжилтэй ажилчид улс орныг хөгжүүлэх түлхүүр болно гэж тэрбээр үзэж байлаа. Түүнчлэн хэвлэлийн эрх чөлөө үгүйлэгдэж байна. Манай хэвлэлийнхнийг бүгдийг нь худалдаад авчихлаа гэж хэлсэн юм. 

Өнөөдрийн нийгэмд гай тарьсан, ирээдүйгээ хорлосон тэр сайд дарга нарт хариуцлага тооцож, нийгмээрээ үүний эсрэг хөдөлснөөр амжилтанд хүрэх гэнэ. Тиймээс тэрбээр энэхүү гаргаж буй саналыг нь иргэд дэмжээсэй хэмээн хүслээ.