- "Хорт хавдрыг бичил долгионоор түлэх эмчилгээ" сэдэвт сургалт явуулна. Уг сургалтыг Хятадын Шандоны Анагаах ухааны академийн харъяа эмнэлэгийн дурангийн мэс заслын төвийн захирал Dr.Нью Хонгксин удирдан явуулна. Сургалтын нээлтийн үеэр ХСҮТ-д бичил долгионы шинэ аппарат бэлэглэх төдийгүй туршилт хийж үзүүлнэ. Хаана: Хавдар судлалын үндэсний төвийн Эрдмийн өргөөнд /09:00 цагт/

-"Мэргэжлийн урлагийн байгууллагын гүйцэтгэлийн удирдлага ба хөгжлийн стратеги" нийслэл, орон нутгийн мэргэжлийн урлагийн байгууллагын удирдах ажилтнуудад зориулсан сургалт, семинар болох гэж байна. Хаана: Засгийн газрын II-р байр Соёл, урлагийн газрын хурлын танхимд /09:00 цагт/

-Нийслэлийн боловсролын газартай хамтран зохион байгуулж буй “Амны хөндийн эрүүл мэнд” сэдэвт ээлжит сургалт Багшийн хөгжлийн ордны хурлын танхимд болно. Энэ удаагийн сургалтанд Баянзүрх дүүргийн төрийн өмчийн ЕБС-ийн 1-5 дугаар ангийн нийт 722 багшийг хамруулах юм. Хаана:Нийслэлийн эрүүл мэндийн газар /09:00 цагт/ 

-ФАУСТ пост драмын жүжгийн нээлт эхлэнэ.Нээлтэнд Германы элчин сайд хүрэлцэн ирж нээж үг хэлнэ. Мөн олон алдартай олны танил хүмүүс уригдан оролцоно. Хаана:Соёлын Төв Өргөө /18:00 цагт/

- "Төрийн өмчийн менежмент ба нийгмийн хариуцлага-2018" өдөрлөг болно. Өдөрлөгийн нээлтэд МУ-ын Ерөнхий сайд У.Хүрэлсүх болон бусад сайд нар оролцоно. Хаана:Сүхбаатарын Талбайд /10:00/

-Үндэсний номын санд “Дүрс, дуу, авианд шингэсэн соёлын баримтат өвийн өнөөгийн байдал” эрдэм шинжилгээний хурал болно. Хаана:Үндэсний номын санд / 10.00 цагт /

-"Хөх Монгол” бүлгэмээс цаг үеийн асуудлаар мэдээлэл хийнэ.Хаана:“Монгол ньюс” мэдээллийн төвд  /10.00 цагт/

-“Монголын хэвлэл мэдээлэл-Өнөөдөр” судалгааны тайланг танилцуулна.Хаана:Хэвлэлийн хүрээлэнд /11.00 цагт /

- “Арын сайхан Архангай-3” уран зургийн үзэсгэлэнгийн нээлт болно. Хаана:Хүүхдийн урлан бүтээх төвд /11.00 цагт/

-Нийслэлийн Үйлчилгээний нэгдсэн төвийн “Дүнжингарав” салбарт "Цусны төв"-ийн нээлт болно. /12.00 цагт /

-“Биднийг яллахаас өөр эрх зүйн орчин алга!” сэдвээр мэдээлэл хийнэ. Хаана:“Live conference centre”-т /12.00/ цагт

- Үндэсний мэдээллийн МОНЦАМЭ агентлагийн ахмад гэрэл зурагчин Дугаржавын Цэрэннадмидын "ГЭРЭЛ ЗУРАГ ГЭГЭЭН ДУРСАМЖ" уран бүтээлийн үзэсгэлэнгийн нээлт болно.Хаана:Монголын уран зургийн галерейд /12:00 цагт/

- Үндэсний бичгийн соёл, ёс заншлаа таниулах өдөрлөг болно.Хаана:Хан-Уул дүүргийн 18 дугаар сургуульд  /13.00 цагт/

-"Сэтгүүлч М.Батдорж" сангийн эссэ бичлэгийн уралдааны шагнал гардуулах ёслол болно.Хаана: “Peace tower”-т /14.00 цагт/

-Сэтгүүлч, админуудын уулзалт-зөвлөгөөн” болно. Хаана:МУИС-ийн Номын санд “ /14:00/