Английн Премьер лигийн гуравдугаар тойргийн тоглолтууд өнгөрсөн амралтын өдрүүдэд болж өндөрлөлөө. Өнгөрсөн зуны солилцоо наймааны цонхоор хамгийн их хөрөнгө зарцуулсан Ливерпүүл энэ тойрогт Брайтон хов Албионыг “Анфилд” цэнгэлдэхдээ хүлээн авч Мухамед Салагийн гоолийн ачаар хожил байгууллаа. Ингэснээр Юрген Клоппын баг гурван тойргийн дараах байдлаар хаалгандаа гоол алдаагүй үзүүлэлттэйгээр есөн оноотой хүснэгтийг тэргүүлж байна.

Тэдний хүчтэй өрсөлдөгч Манчестер сити энэ удаа Манчестер сити Волверхемптонтой 1:1-ээр тэнцэж оноо хуваажээ. Харин Лондоны Челси Ньюкасл Юнайтедийн талбайд зочилж хүнд тоглолт хийж 2:1-ээр хожсон юм. Тоглолтын 87 дахь минутанд Ньюкаслын хамгаалагч  Едлин өөрийн хаалгандаа гоол оруулж багаа хөөджээ.

Энэ тойргийн онцлох тоглолт өнөөдөр шөнө Манчестер Юнайтед Тоттенхем багуудын хооронд 03:00 цагаас явагдана. Гурван тойргийн дараах байдлаар Эвертон клубийн Бразил хагас хамгаалагч Ричарлисон гурван гоол оруулсан амжилттай мэргэн буучдын жагсаалтыг тэргүүлж байна.

Л.Сайнбаяр