Жүдо бөхийн насанд хүрэгчдийн ДАШТ Азербайжаны нийслэл Баку хотноо болж байгаа билээ. Өнөөдөр эрэгтэй +100, эмэгтэй +78 кг-ын жингийн барилдаан болох бөгөөд манайхаас гурван бөх барилдана.

МУХБ, МУГТ, олимпийн аварга Н.Түвшинбаяр Д хэсэгт эхний тойрогт Киригизстаны Бекболат Тогтогоновтой барилдаж, цэвэр яллаа. Манай бөхийн дараагийн учраа нь  БНХАУ-ын Юан Шаотонг. Түүнийг манай бөх даралтаар цэвэр ялсан. Одоо манай бөх  олимп, дэлхийн аварга, Чехийн бөх Лукас Крпалектай наймд үлдэхийн төлөө барилдана. Хоёрдугаар тойрогт Х.Грол, Л.Крпалек нар хоорондоо тулаад чех бөх ялсан юм.

+100 кг-ын жинд барилдаж буй манай ОУХМ, залуучуудын эдлхийн аварга, Азийн наадмын хошой мөнгөн медальт Өлзийбаярын Дүүрэнбаяр В хэсэгт орж, эхний даваандаа хийллээ. Манай бөх Кубын бөх А.Гранда, Киргизстаны Юрий Краковецкий нарын ялсантай шөвгийн наймд үлдэхийн төлөө барилдана. Ялбал ялбал шөвгийн дөрөвт үлдэх эрхийн төлөө Бразилийн үлэмж биет Рафаэл Сильва, БНСУ-ын залуу бөх Ким Мин Жон нарын хэн нэгтэй нь барилдах төлөв гарчээ.

Эмэгтэйчүүдийн +78 кг-ын жинд ОУХМ Баттулгын Мөнхтуяа эхний даваандаа хийлсэн бөгөөд хоёрдугаар тойрогт Германы Каролин Вейсстэй барилдаж, даралтаар цэвэр ялагдан тэмцээнээ дуусгалаа.