Монголын хөлбөмбөгийн холбооны ерөнхий нарийн бичгийн дарга Ө.Шижир өчигдөр өөрийн твиттэр хуудастаа УИХ-ын гишүүн Л.Энх-Амгаланы зургийг нийтлээд “Яав ч монгол царай биш” хэмээн жиргэсэн. Үүнийг нь АН-ын нарийн бичгийн дарга О.Магнай буруутгаад Монголын хөлбөмбөгийн холбоо ерөнхий нарийн бичгийн даргатаа гурван хоногийн дотор хариуцлага тооцохгүй бол ФИФА-д хандана хэмээн мэдэгдсэн. Энэ тухайгаа тэрбээр, “Хүний гадаад төрх, байгаа байдалд арьсны үзэл гаргаж байгаа нь Хөлбөмбөгийн спортын үнэт зүйлийн эсрэг үйлдэл. Ийм асуудалд ФИФА эмзэг шүү” хэмээн анхааруулсан билээ.

Монголын хөлбөмбөгийн холбооны ерөнхий нарийн бичгийн дарга Ө.Шижир Ерөнхийлөгч Х.Баттулгын дотнын хүмүүсийн нэг юм.

С.Нацагтовуу