Азийн наадмын мөнгөн медальт, Ази тивийн аварга шалгаруулах тэмцээний 2 мөнгө, 3 хүрэл, Дэлхийн цомын мөнгө, хүрэл, Mongolia open тэмцээний 3 алт улсын 4 удаагийн аварга ОУХМ Шархүүгийн Түмэнцэцэгт туслах сайн үйлсийн аянг “Нэг сэтгэл” бүлгэмээс эхлүүллээ.

Ш.Түмэнцэцэг нь 2018 оны Жакартад болон Азийн наадмын өмнөх бэлтгэлт мөрөндөө хүнд бэртэл авч шар тивийн наадмын финалд шүд зуун өрсөлдөж байсанг бид сайн мэдэж байгаа.

Тодруулбал мөрний тойгны хальс урагдсан, мөр өргөдөг булчин тасарсан хэмээн олон улсын эмнэлэгүүдээс оношилж яаралтай хагалгаанд орох хэрэгтэй гэсэн зөвлөгөө өгчээ.

Хагалгааны зардал нийт 30 сая төгрөг болж байгаа бөгөөд  яаралтай хагалгаанд орж чадвал өвчин даамжирахгүй ба цаашлаад ирэх оны ДАШТ, Олимпийн наадамд өрсөлдөх боломж гарч ирэх юм.

Ш.Түмэнцэцэгийн хувьд энэ жил ОУ-ын 8 тэмцээнд өрсөлдөх байснаас 7-д нь өрсөлдөж нэг мөнгө, 6 алтан медаль аваад буй. Түүний нэг өнжсөн тэмцээн бол ДАШТ байсан юм. Зорьж тэмүүлсэн тэмцээндээ үнэхээр өрсөлдөхийг хүссэн ч гэмтэлийн улмаас өнжих шийдвэрийг Спорт анагаах ухааны төв, МЧБХ, багш дасгалжуулагчид гаргасан билээ.

Хаан банкны данс  5517070000, Төрийн банкны данс 34000402017 юм байна. Хүлээн авагч Ш.Түмэнцэцэг, холбоо барих утас 95690195 аж.